Author: Baaghi TV

ہمارے موجودہ نظام تعلیم کی بنیاد لارڈ میکالے نے 1835 میں رکھی تھی۔ قیامِ پاکستان کے بعد ہونا تو یہ چاہیے تھا کہ ہم اپنی قوم اور مزہبی ضرورت کے پیش نظر ایک نئے تعلیمی نظام کو وضع کرتے۔ لیکن ہمارے مقتدر طبقے نے لارڈ میکالے کے وضع کردہ نظام تعلیم کے مطابق اپنا تعلیمی نظام مرتب کیا-تعلیمی نظام کسی بھی ملک و قوم کے تہزیب و تمدن ، رسم و رواج اور ترقی پر برابر اثر رکھتا ہے ۔ یہی وجہ ہے کہ ہماری قوم سیاسی اعتبار سے آزادی حاصل کرنے کے بعد بھی زہنی طور پر انگریز بہادر کی غلام ہے۔1857 کی جنگِ آزادی کے بعد برصغیر پاک و ہند میں دو طرح کے تعلیمی نظام ابھر کر سامنے آئے۔ ایک مذہبی نظام تعلیم اور دوسرا انگریزی نظام تعلیم۔ اول الزکر نظام تعلیم بھی بس نام کا مذہبی رہ گیا تھا اور موخر الزکر اخلاقی طور پر بہت برا ثابت ہوا۔موجودہ پاکستان میں تین طرح کے نظام تعلیم نظر آتے ہیں۔ پہلا نظام تعلیم تو عام سرکاری سکولوں اور کالجوں کا ہے ۔ دوسرا نظام تعلیم پرائیویٹ ہے اور تیسرا انگریزی اور غیر ملکی طرز کا ہے جہاں ذریعہ تعلیم خالص انگریزی ہے۔
ہمارا موجودہ نظام تعلیم بہترین کلرک پیدا کرنے کی تو صلاحیت رکھتا ہے لیکن یہ سائنس دان، بہترین مسلمان اور اچھے سی۔ایس۔پی آفیسر پیدا کرنے سے قاصر ہے۔افسوس کہ ہم نے اغیار کا طرز تعلیم اپنا لیا اور اپنا بھی گنوا بیٹھے۔ حقیقی طور پر ہمارا تعلیمی نظام انگریزی تعلیمی نظام سے منہ چھپاتا پھرتا ہے۔ ہمارے تعلیمی نظام میں بہت سے نقائص ہیں۔
# بلاشبہ پاکستان ایک غریب ملک ہے ہم دوسرے ممالک کی نسبت اپنے بجٹ کا بہت ہی کم حصہ تعلیم پر خرچ کرتے ہیں۔ اگر ہم ترقی کرنا چاہتے ہیں تو ہمیں اپنے بجٹ کا مناسب حصہ تعلیم پر خرچ کرنا ہوگا۔
# ہمارے تعلیمی نظام کی سب سے بڑی خامی اغیار کی زبان میں نصابِ تعلیم ہے۔ انگریزی کی بالادستی سراسر ہماری غلامانہ ذہنیت کی عکاسی کرتی ہے۔ ضرورت اس امرکی ہے کہ ہمارے تمام علوم و فنون قومی زبان میں پڑھائے جائیں.
#ہمارا تعلیمی نظام بلاشبہ بہت سے مسائل کا شکار ہے۔ مثال کے طور پر امتحانات کا ناقص نظام، دوہرا تعلیمی نظام، اساتذہ کی کمی ، لیبارٹریوں میں سائنسی آلات کی کمی، تحقیقی کام کے لیے سہولیات کافقدان وغیرہ۔ ان تمام مسائل کو حل کیے بغیر تعلیمی ترقی نا ممکن ہے۔نظامِ تعلیم کی حقیقی اصلاح موجودہ وقت کی اہم ضرورت ہے۔ پاکستان کے تعلیمی نظام میں تعطیلات کی بھرمار ایک اہم مسئلہ ہے۔ تعلیم سیشن نہایت قلیل عرصے پر مستمل ہوتا ہے اور بروقت نصاب ختم نہیں ہو پاتا اس کا ازالہ بہت ضروری ہے۔ حکومت وقت کو چاہیے کہ وہ اپنی توجہ تعلیم کی طرف مبذول کرے تاکہ پاکستان کو حقیقی طور پر آزادی نصیب ہو۔ دعا ہے اس پاک کارساز مالک پروردگار سے کہ وہ ہمارے حال پر رحم کرے اور ہمیں ہدایت عطا کرے بے شک وہی ہدایت دینے والا ہے ۔ آمین ثم آمین

@mstrwaseem

یہ حقیقت ہے کہ کسی بھی ملک نے اگر ترقی کی ہے تو اپنی لیڈر شپ کے مدبرانہ فیصلوں کی بناء پہ ہی کی ہے ۔اگر لیڈر شپ کے مدبرانہ فیصلے نہ ہوں تو ملک و قوم صرف ترقی کرنے کا خواب تو دیکھ سکتی ہے مگر عملی طور پہ ترقی کر نہیں سکتی ان کی ترقی محض ایک خواب بن کے رہ جاتی ہے ۔اس امر سے بھی انکار نہیں کیا جا سکتا کہ اگر آپ کے حاکم ،آپکی لیڈر شپ کمزور ہے تو اس صورت میں ترقی کا سفر بھی تنزلی میں بدل جاتا ہے ۔
پاکستانی قوم کی بد قسمتی کہ پچھلے کچھ عرصہ سے لیڈرز تو بہت تھے مگر وہ تمام خصوصیات جو کہ ایک لیڈر میں ہونی چاہئیں تھیں ان کا فقدان تھا۔ایسی لیڈر شپ کے سائے میں پھر ملک قرضوں کے بوجھ تلے دب تو سکتا تھا مگر ترقی نام کا چورن ان کے لئے بھی بیچنا مشکل تھا۔آج کل بھی جن افراد میں لیڈر شپ کے کوئ گن نہیں ہیں وہ لوگ بھی اس صف میں کھڑے نظر آ رہے ہیں۔یہ وہ لوگ ہیں جن کے اندر تعصب کوٹ کوٹ کے بھرا ہے،یہی وہ لوگ ہیں جنہیں ملک و قوم سے نہیں اپنی تجوریوں کے بھرنے سے مطلب ہوتا ہے ۔
اسی لئیے ہمیشہ کوشش کریں کہ ذات برادری سے نکل کر صرف اور صرف اپنے ملک کا سوچیں۔اپنے لوگوں کا سوچیں اپنی عوام کا سوچیں اور یہ اسی صورت میں ممکن ہے جب آپ ووٹ کا استعمال اپنے ضمیر کے مطابق کرتے ہیں۔
ایسے تمام گدھ جو عوام کو نوچ نوچ کے کھاتے ہیں ان سے ایک ہی صورت میں آپکی جان چھوٹ سکتی ہے کہ آپ کسی بھی دباؤ میں آئے بغیر اپنے ووٹ کا صیحیح استعمال کریں۔اس حقیقت کو سمجھئے کہ آپ کا ووٹ آپ کی قیادت کو منتخب کرتا ہے ۔ جب آپ کا لیڈر مدبرانہ فیصلے کر سکتا ہو،وہ نڈر ہو،اس میں خوش قسمتی سے وہ تمام خوبیاں بدرجہ اتم موجود ہوں جو ایک مسلم حاکم میں ہونی چاہیں تو یقینا وہ قوم تنزلی سے ترقی کی طرف طرف گامزن ہو جاتی ہے ۔مگر اس تمام صورتحال میں میں ایک بات کا ہمیشہ خیال رکھیں کہ کسی بھی صورت میں سپورٹ کرتے ہوئے اپنی تربیت پہ حرف نہ آنے دیں ۔خوش قسمت ہیں وہ والدین جن کی تربیت کی وجہ سےوہ دعائیں سمیٹتے ہیں ۔سوشل میڈیا پہ ہر پارٹی کے جانثار موجود ہیں مگر ایک چیز کاخیال رکھنا بہت ضروری ہے کہ پارٹی سے ہٹ کے صرف اور صرف اپنے وطن کا سوچیں جو غلط ہے اسے غلط کہنے کی جراءت پیدا کریں۔ جھوٹ کو سچ ثابت کرنے میں سچائ کو شہید نہ کریں ۔
مجھے ایک چیز کا ہمیشہ سے قلق رہا کہ کیا ہم لوگ دشنام طرازی ،گالم گلوچ کی بجائے دلائل سے بات نہیں کر سکتے ؟کیا ہم زہنی طور پہ اس قدر بیمار اور پسماندہ ہو چکے ہیں کہ برداشت کا مادہ ختم ہو گیا ہے ۔اپنی تربیت پہ کبھی حرف نہ آنے دیں ۔سوچئے گا۔اللہ پاک ہم سب کا حامی و ناصر ہو
پاکستان زندہ باد
@sumairajamalkha

اللہ تعالی نے ہمیں بے شمار اور بیش بہا نعمتوں سے نوازا ہے ان نعمتوں میں اللہ نے ماں جیسی عظیم الشان نعمت بھی عطا کی ہے جو کسی تحفے سے کم نہیں ہے۔
ماں کی محبت کو اللہ تعالی نے تشبیہ دے دی ہے دنیا میں محبت کی مثال میں لوگ ماں کا نام لے مثال دیتی ہے ماں کی محبت وہ بے لوث محبت ہے جس نے پتھر جیسے اولاد کو موم کیطرح ملائم بنایا
زمانے بھر کے مشقتیں اٹھا کر ماں اپنی آنکھوں میں اولاد کی کامیابی کے خواب سجائے رکھتے ہیں بچہ چھوٹا ہو تو ماں اسکی پرورش میں ذرا برابر کمی کوتاہی نہ کرتے ہوئے انکے جوانی کی دن آب و تاب سے دیکھتے ہیں جب اولاد پر جوانی پروان چڑھتی ہے تو ماں کا ایک ہی خواب ایک سپنا ایک ہی تمنا ہوتی ہے کہ میرا بچہ کامیابی کی سیڑھیوں کو بنا مشقت کے عبور کریں۔ ماں ہی وہ عظیم ہستی ہے جب بچہ گھر سے نکلے تو واپسی تک وہ گھر کے ایک کھونے میں بیٹھ کر اسکی سلامتی کیلئے کوٹ کوٹ کر روتی ہوئے دعائیں مانگتی ہے اور لبوں پر ایک ہی جملہ جس سے ماں کی محبت کا اندازہ لگایا جا سکتا ہے
تم اپنی حفاظت کیا کرو گے میرے بیٹے
بے شک سانسیں تو تمھاری ہے لیکن تم جان تو میری ہو ماں جیسی ہستی دنیا میں ہے کہاں

ماں چاہے جس کی بھی ہو یہ لفظ لب پہ آتے ہیں عزت و تکریم کے آثار دل میں منڈلانے لگتے ہیں کیوں کہ ایک ماں ہی تو ہے جس نے سہارا دے کر ہمیں پالا بڑا کیا بولنا سیکھایا ہمیں اپنی انگلی پکڑوا کر چلنا سیکھایا ایسی عظیم ہستی کا نعم البدل کہاں

ماں کی دعائیں پتھروں میں راستے بنا دیتے ہیں اگر ماں نے کہا کہ بیٹا اللہ آپ کو کامیاب کریں سمجھو آپ کامیابی کی پہلی سیڑھی پر قدم رکھ گئے ہو انکی دعائیں بلاوں مصیبتوں سے یوں محفوظ رکھتی ہے کہ بھلا یہ گمان ہی پیدا نہیں ہوتا ماں کی محبت دیکھنا ہو تو بارش میں ایک مرغی کو دیکھیں جو اپنی پرواہ کیے بغیر موسم کی شدت سے لڑتے ہوئے اپنی پروں کو کھول کر اپنی ہی بچوں پر سائبان بن جاتے ہیں انہیں اپنی زندگی کا خیال ہی نہیں ہوتا بس خیال اولاد کی زندگی کا ہوتا ہے
لاکھ گرد اپنی حفاظت کی لکیریں کھینچو
ایک بھی ان میں نہیں ماں کی محبت جیسی دنیا میں ہر چیز کا ثانی ہونا ممکن ہے لیکن ماں کی محبت کا ثانی ممکن نہیں ہے تمام محبتیں جعلی جھوٹے ہوسکتے ہیں لیکن ماں کی محبت وہ خالص محبت ہے جسکی کوئی ثانی نہیں ہوسکتی دوسری عورتوں سے کہا جاسکتا ہے کہ ماں جیسی ہو لیکن ماں سے کوئی یہ نہیں کہہ سکتا کہ فلاں عورت تم جیسی ہیں کیوں کہ ماں تو بس ماں ہے

بقول شاعر خدا کی جنت دنیا میں کبھی دیکھنے کا شوق ہو تو فقط ایک بار اپنی ماں کی گود میں کبھی سو کر دیکھنا

جن کی مائیں حیات ہیں اللہ تعالیٰ انہیں لمبی زندگی عطاء فرمائے اور جن کی مائیں وفات پا گئی ہیں اللہ تعالیٰ انہیں صبر دے ۔۔۔ آمین

@DirojayKhan1

پی کے 81 تیل وگیس پیدا کرنے والا حلقہ ہونے کیوجہ سے بہت آہمیت کا حامل مگر یہ ہماری بدقسمتی ہے کہ آج اس بدقسمت حلقے کو ایسا لیڈر نہی ملا جو اس حلقے کی عوام کی تقدیر بدلنے کے لیے اقدامات اٹھائے تیل وگیس کی پیداوار سے وطن عزیز صوبہ خیبر پختونخواہ وضلع کوہاٹ کو سالانہ اربوں کا منافع ہورہا ہے مگر جہاں سے یہ سونا اگل رہا ہے وہاں کے مکین آج بھی صاف پینے کے پانی کو ترس رہے ہیں ۔
ہماری زمین سے پیدا ہونے والا گیس ملک کے دوسرے آضلاع کی فیکٹریاں کارخانے اور گھریلو ضروریات پوری کرنے کے لیے استعمال ہورہا ہے مگر سونااگلنے والے سرزمین کے لوگ روزی روزگار کے لیے دیار غیر یا پھر ملک کے دوسرے آضلاع کا رخ کرنے پر مجبور ہیں گزشتہ پی ٹی آئ حکومت میں شہزادئ کے مقام پر انڈسٹریل زون قائم کرنے کا واویلا رہا مگر ابھی تک عملی اقدامات دور دور تک نظر نہی آرہے تیل گیس پیدا کرنے والی کمپنیاں و منتخب عوامی نمائندے عوام کو چونا لگاکر خود تو اس نعمت سے فیاضیاب ہورہے ہیں مگر اس بدقسمت حلقے کی عوام کی ویلفئر کے لیے خاطرخواہ اقدامات اٹھانا گوارہ نہی کرتے ۔
12یونین کونسل پر مشتمل یہ وسیع و عریض حلقہ بنیادی ضروریات کے لیے ہمیشہ کسی مسیحا کی "تلاش ” میں اپنی رائے دہی کا استعمال کرتی چلی آرہی ہے مگرآج تک ایسا کوئ نمائندہ انکی کردرے ہاتھوں پر خوشحالی وترقی کی لکیر نہ کھینچ سکا ۔
موجودہ پی ٹی آئ صوبائ و وفاقی حکومت عوام پر سرمایہ کاری کرنے پر یقین رکھتی ہے اور وزیراعظم پاکستان عمران خان صاحب انتخابی مہم کے دوران پر عوام پر سرمایہ کاری کرنے پر زور دیتے چلے آئے ہیں اور وزیرمملکت برائے داخلہ محترم شہریارخان آفریدی صاحب بھی آپنے تقاریر میں عوام کی قسمت بدلنے کی باتیں کرتے چلے آئے ہیں ہم پی ٹی آئ حکومت و محترم شہریارخان آفریدی صاحب سے امید لگائے بیٹھے ہیں کہ وہ حلقہ پی کے 81 کے تیل وگیس کی پیداوار کو مدنظر رکھ کر اس حلقے میں انڈسٹریل زون کے قیام کو اولین ترجیح دینگے اور اس حلقے کی محرومیاں ختم کرنے کے لیے ٹھوس اقدامات اتھائنگے انشاءاللہ ۔
صاف پینے کا پانی ہمیشہ سے اس حلقے کی مکینوں کا دیرینہ مطالبہ رہا ہے دریا سندھ اس حلقے کے ساتھ بہتا ہوا سمندر میں جاگرتا ہے آگر حکومت وقت سنجیدگی سے اسطرف توجہ دیں تو دریاسندھ سے حلقہ پی کے 81 کی ابنوشی و ابپاشی ضروریات پوری کی جاسکتی ہیں اور گیس سے چلنے والی چھوٹی بڑی فیکٹریاں لگا کر اس حلقے اور کوہاٹ کی بیروزگاری پر قابو پایا جاسکتا ہے اب دیکھنا یہ ہے کہ کوہاٹ سے منتخب صوبائ و وفاقی نمائندے کب اس طرف توجہ مبذول کرتے ہیں ۔
پی ٹی آئ اور بالخصوص محترم شہریارخان آفریدی کو آللہ نے عوام کی بے لوث خدمت کا موقعہ دیا ہے آگر یہ موقعہ ضائع کیا گیا تو آئندہ اسطرح کا موقعہ شائد نہ ملے

@SAA_afridi