Author: Baaghi TV

علاقے میں قحط سالی تھی اور جانور سب کچھ کھا کر فارغ ہو گئے تھے مزید کچھ کھانے کو رہا نہیں تھا ،مویشی مالکان نہایت پریشان تھے، اس دوران مولوی اللہ وسایا نے جمعہ کے خطبے میں یقین کے ساتھ یہ بات بتائی کہ اگر اللہ کا نام لے کر یعنی بسم اللہ پڑھ کر دریا کو حکم دیا جائے تو وہ بھی لاج رکھ لیتا ہے، وہیں خطبے  میں ایک بکروال  مولوی اللہ وسایا کی باتیں بڑے غور سے سن رہا  تھا ، مولوی صاحب کی بات اس کے دل میں گھر کر گئی، اس نے واپس آ کر اپنی بکریاں کھولیں اور سیدھا دریا کی طرف چل پڑا،

بکروال نے دریا کے پاس پہنچ کر اونچی آواز میں اللہ کا نام لیا اور بکریوں کو دریا کی طرف ہانک دیا۔بکروال اور اس کی بکریاں خیرو عافیت سے دریا کے اس پار پہنچ گئے۔چنانچہ دریا کے پار اب تک کوئی نہیں جا سکا تھا تو اس لیے وہاں  ہر طرف سبزہ ہی سبزہ تھا۔ بکروال بہت خوش تھا کیوں کہ اس کی بہت بڑی پریشانی دور ہو گئی تھی۔ ، اب تو یہ اس کا معمول بن گیا کہ وہ بکریاں پار چھوڑ کر خود واپس آ جاتا اور شام کو جا کر واپس لے آتا،۔

اس کی بکریوں کا وزن دگنا چوگنا ہو گیا تو لوگ چونکے اوراس سے پوچھا کہ وہ اپنی بکریوں کو کیا کھلاتا ہے، وہ سیدھا سادہ صاف دل انسان تھا، صاف صاف بات بتا دی کہ جناب ہم تو دریا پار اپنی بکریاں چرانے جاتے ہیں، یہ بات پورے علاقے میں پھیل گئی۔جب  بات مولوی اللہ وسایا تک پہنچی تو وہ اس بکروال کے پاس آیا اور اس سے قصہ کی حقیقت کے بارے میں پوچھا جو وہ گاؤں والوں سے سن کر آیا تھا۔

بکروال نے مولوی صاحب سے کہا کہ یہ سب آپ کی وجہ سے ممکن ہو پایا ہے ، میں آپ کا شکر ادا کرنے کے لیے آنے ہی والا تھا کہ آپ نے جو جمعہ کے خطبے میں بتایا تھا میں نے وہی کیا اور اللہ کا نام لے کے بکریوں کے ساتھ دریا پار کر گیا۔مولوی اللہ وسایا حیران ہوا کہ یہ کیسے ممکن ہو سکتا ہے اور ایسی باتیں تو وہ ہر جمعے لوگوں کا ایمان مضبوط کرنے کے لیے کرتا ہے۔

مولوی اللہ وسایا کو بکروال کی بات پر یقین نہ آیا  اس لیے کل صبح اس نے خود تجربہ کرنے کا سوچا۔ صبح علاقے کے لوگ اور بکروال بھی دریا کے پاس پہنچ گئے۔ایک  دو دفعہ اللہ وسایا نےدل ہی دل میں تجربہ نہ کرنے کا سوچا پر اب پورا  گاؤں مولوی صاحب کا کرشمہ دیکھنے کو پہنچ چکے تھے  اس لیے مولونااللہ وسایا کے لیے پیچھے ہٹ جانا ممکن نہ تھا۔علاقے کے لوگ مولانا اللہ وسایا کے حق میں تعریفی موشگافیاں کر رہے تھے۔

آخر کار مولوی صاحب نے رسہ منگوایا اور اُس رسے سے خود کو درخت سے باندھ لیااور پھر ڈرتے ڈرتے ڈھیلا ڈھالا سا بسم اللہ پڑھا اور دریا پر چلنا شروع ہو گئے، مولانا کا پہلا قدم ہی دریا کے پانی کے اندر چلا گیا،مولوی اللہ وسایا لڑکھڑانے لگا اور وہ ہڑبڑاہٹ میں یہ بھی بھول گیا کہ اس نے خود کی حفاظت کے لیے رسہ باندھ رکھا ہے۔بہہ جانے کے خوف کی وجہ سے مولوی اللہ وسایا اپنے  حواس میں نہ رہا ، اور علاقے کے لوگوں نے رسہ کھینچ کر مولاناصاحب کو دریا سے باہر نکال لیا۔

یہ منظر دیکھ کر بکروال حیران تھا ،لہٰذا اس کے اپنے یقین پر اس منظر کا کوئی اثر  نہ پڑا، کیونکہ اس کا اللہ پر یقین کامل تھا۔ اس نے بسم اللہ کہہ کر بکریوں کو پانی کی طرف اشارہ کیا اور دریا پار کر گیا، لوگ اسے ولی اللہ سمجھ رہے تھے اور اس کے حق میں نعرے لگا رہے تھے۔ مگر وہ سیدھا مولوی اللہ وسایا کے پاس آیا اور کہا کہ مولوی صاحب مجھے آپ کی بسم اللہ کی بیماری کا پتہ چل گیا،

بکروال نے کہا کہ مولوی صاحب یہ جو رسہ آپ کی کمر کے ساتھ بندھا ہوا ہے یہ آپ کی بسم اللہ کی بیماری ہے، آپ کو اللہ  کے نام سے زیادہ اس رسے پر یقین تھا ، میرے اللہ نے میرے یقین کی لاج رکھ لی مگر آپ نے بسم اللہ پر یقین نہیں کیا اس لیےاللہ نے آپ کو رسوا کر دیا۔ یہی کچھ حال ہمارا بھی ہے، ہر ایک نماز ،ہر ایک دعا یقین سے خالی ہے۔

اس کہانی سے ہمیں سبق ملتا ہے کہ حالات جیسے بھی ہوں ہمیں صرف اللہ پر توکل اور یقین بنائے رکھنا چاہیے۔اگر اللہ کے سوا کسی اور پر بھروسہ کیا تو سوائے رسوائی کے کچھ حاصل نہ ہو گا۔ہمیں ہر وقت اللہ تعالیٰ سے اپنے ایمان کی پختگی کے لیے دعا کرتے رہنا چاہیے۔اللہ نگہبان
@iamAsadLal
twitter.com/iamAsadLal

طالبان ایک سوچ کا نام ہے اور اسی طرح امریکی مفادات بھی، گویا ایک سوچ ہار گئی یا یوں کہئیے کہ ایک سوچ جیت گئی۔ آخر کار امریکہ نے ایک دن تو جانا ہی تھا وجوہات کو اگر ایک طرف بھی رکھیں، امریکہ چلا گیا اور افغانستان میں طالبان بلا شبہ فاتح قرار پائے۔
اگر زندگی کے کسی بھی پہلو کو دیکھیں تو زیادہ تعریف اسی کھلاڑی کی ہوتی ہے جو winning shot لگاتا ہے یا جو گول کرتا ہے یا جو آخر میں کوئی امتحان پاس کرتا ہے، ٹیم ورک میں دوسرے قدرے پیچھے رہ جاتے ہیں۔ مختصرا” کہہ سکتے ہیں کہ طالبان ناقابل تسخیر بن کر ابھرے ہیں۔
مگر اصل امتحان ابھی باقی ہے کہ طالبان مستقبل میں دنیا کے بارے اپنا رویہ کیسے رکھ پاتے ہیں۔ شروع میں تو ہر نئی دلہن کی ہر بات اور ہر نخرہ بھلا لگتا ہے مگر وہی ساس بہو کے مسائل کے اثرات کچھ عرصہ بعد محسوس ہونا شروع ہوتے ہیں۔ ابھی مغرب یا مغرب نواز گروہوں کو افغانستان کی جمہوریت، حقوق نسواُ، مذہبی رحجانات اور جزا سزا کے طریقہ کار کے متعلق بہت پریشانی لاحق ہے مگر خود پچھلے بیس برسوں میں تمام تر وسائل ہونے کہ باوجود ایسا نظام وضع نہیں کر پائے کہ طالبان کمزور رہتے اور عوام جدت پسند ہو جاتے۔

میری غرض کچھ ہٹ کر ہے، میں دیکھنا چاہوں گا کہ افغانستان میں طالبان کی وجہ سے پاکستان میں دہشت گردی میں کتنی کمی واقع ہوتی ہے، طالبان پاکستان گریز قوتوں سے کتنا گریز کرتے ہیں، تحریک طالبان پاکستان سے کیا رویہ اپنایا جاتا ہے، ہندوستان کو کس حد تک اپنی سرزمین استعمال کرنے سے روکا جاتا ہے، پاکستان کی متعین شدہ سرحدوں کی کتنی پاسداری کی جاتی ہے، وغیرہ وغیرہ، گویا پاکستان کے مفادات کا تحفظ کس حد تک یقینی بنایا جا سکتا ہے ورنہ ہماری حالت عبداللہ کی شادی میں بیگانے جیسی ہو گی۔
دنیا میں بہت ساری تحاریک چلی ہیں اور کامیابی سے نتائج حاصل کر چکی ہیں، یعنی مقاصد مرکزی کردار ادا کرتے ہیں۔ اگر طالبان کا مقصد امریکہ کو شکست دینا تھا تو وہ حاصل ہو چکا، اگر افغان عوام کی نمائیندہ حکومت مقصد ہے تو اس کا موقع مل چکا ہے، اگر دنیا میں امن درکار ہے اور ہمسایوں کے حقوق کی پاسداری چاہئیے اور مذہبی رواداری چاہئیے تو اس کا موقع بھی انہیں مل چکا ہے۔
مگر یہ سب اتنا آسان نہیں ہو گا۔ افغانستان کا مذہبی طبقہ، روشن خیال افغان، طالبان کا سیاسی ونگ اور جنگجو ونگ اور قبائلی معاشرہ ایک ایسی مسدس بناتے ہیں اور اس کے علاوہ اگر وہاں پر موجود فرقہ واریت، مختلف نسلوں اور بیرونی اثرات کو بھی مدنظر رکھیں تو طالبان کے لئیے uphill task ابھی باقی ہے اور مجھے خوف ہے کہ ایک مخصوص سوچ کا حامل گروہ اتنے ساروں محاذوں کو کیسے سنبھال پائے گا۔ میرا ملک کیسے بچ پائے گا کہ درآمد شدہ سوچ کا مقابلہ کر پائے گا۔
ہمیں ہر فیصلہ اور مستقبل کی منصوبہ بندی مکمل ذمہ داری سے کرنے ہوں گے اور ذہن میں رکھنا ہو گا کہ طالبان کامیاب ہوئے ہیں، ہم نہیں، جنگ طالبان نے لڑی ہے پاکستان نے نہیں۔ اپنے مسائل خود افغانستان نے حل کرنے ہیں ہم نے نہیں۔

سیکرٹری جنرل فلسطین فاؤنڈیشن پاکستان
ہم پاکستانی ہیں اور پاکستان ہمارا ہے۔ یہ نعرہ تحریک آزادی کشمیر کے ایک عظیم مجاہد اورحریت پسند رہنما سید علی شاہ گیلانی کی زبان سے ایسے وقت میں جاری ہوا تھا کہ جب بھارت کی ریاستی دہشت گردی مقبوضہ کشمیر میں عروج پر تھی۔ سید علی گیلانی نے اس نعرہ کو ایسے وقت میں مقبوضہ کشمیر کی وادی میں بلند کیا کہ جب بھارت کی ریاستی دہشت گردی اور جبر پاکستان کے نام لینے کو بھی جرم قرار دے کر نوجوانوں کے سینوں کو گولیوں سے چھلنی کر دیتی تھی۔بطور پاکستانی جب میں اس نعرہ کی گہرائی میں جانے کی کوشش کرتا ہوں تو مجھے احساس ہوتا ہے کہ یہ نعرہ فقط ایک لفاظی نعرہ ہی نہیں ہے بلکہ ایک طرف مظلوموں کی امید ہے تو دوسری طرف پاکستان کے باسیوں کے لئے ایک سبق ہے۔
یہ نعرہ مظلوموں کی امید ہے کیونکہ سید علی گیلانی اور ان جیسے لاکھوں کشمیری حریت پسند کہ جو ستر سالوں سے بھارت کے ریاستی ظلم و جبر کا مقابلہ کر رہے ہیں وہ یہ بات بخوبی جانتے ہیں کہ آزادی کی قیمت خو ن سے چکانا پڑتی ہے۔و ہ شاید یہ بھی جانتے ہیں کہ پاکستان ہی ان کی پہلی اور آخری امید بھی ہے۔ یہی وجہ ہے کہ جس بصیرت کے ساتھ مقبوضہ کشمیر سے ہم پاکستانی ہیں پاکستان ہمارا ہے کا نعرہ بلند ہوا ہے اس بات کی غمازی کرتا ہے کہ کشمیری حریت پسند عوام اور رہنما پاکستان کو اپنا وطن اور گھر ہی سمجھتے ہیں۔ یقینا اگر کشمیر سید علی گیلانی کی زندگی میں ہی آزادی حاصل کرلیتا تو سید صاحب کشمیر کو پاکستان کے ساتھ شامل کر لیتے۔
بہر حال جہاں تک کشمیری حریت پسندوں کا تعلق ہے تو مجھے تو ان کے اس نعرے کی گہرائی سمندر کی گہرائیوں سے زیادہ دکھائی دیتی ہے اور اس امید کو جنم دیتی ہے کہ عنقریب کشمیر بھارت کے شیطانی چنگل سے آزاد ہو گا اور پاکستا ن کا پرچم علی الاعلان کشمیر کی وادیوں میں لہراتے ہوئے سید علی گیلانی، اشرف صحرائی، شہید وانی اور دیگر شہداء و مجاہدین کی قربانیوں کو سلام عقیدت پیش کریگا۔
بطور پاکستان کے شہری اور باسی ہونے کے ناطے ہمیں بھی سید علی گیلانی کے اس نعرے کہ ہم پاکستانی ہیں اور پاکستان ہمارا ہے سے کچھ تو سبق حاصل کرنا چاہئیے۔ ہمیں اس نعرے کی گہرائی اور بصیرت کو درک کرنا چاہئیے۔ اگر چہ خدا وند کریم نے مملکت خداداد پاکستان کو آزادی جیسی نعمت سے نوازا ہے تو کیا ہمارا یہ فرض نہیں ہے کہ ہم ان الفاظ پر غور کریں کہ ہم پاکستانی ہیں اور پاکستان ہمارا ہے۔ کیاہمارے اعمال اور افعال آج واقعی اس بات کی غمازی کرتے ہیں کہ ہم نے یہ سوچا ہے یا محسوس کیا ہے کہ ہم پاکستانی ہیں اور پاکستان ہمارا ہے۔ جبکہ سید علی گیلانی اور ان سے قبل حریت پسندوں نے ستر سالوں میں اس نعرے کے لئے کئی قربانیاں دے کر اس بات کو سمجھانے کی کوشش کی ہے کہ ہم پاکستانی ہیں اور پاکستان ہمارا ہے۔
جب اردگردماحول اور معاشرے پر نظردوڑاتا ہوں تو مجھے سید علی گیلانی او ر ان کشمیری حریت پسندوں کے سامنے اپنی نظریں جھکانی پڑتی ہیں کہ جنہوں نے ظلم وجبر اور بھارت کی ریاستی دہشت گردی کے مقابلہ میں اعلان جہاد بلند کیا اور کہا کہ ہم پاکستانی ہیں پاکستا ن ہمارا ہے۔
ایسا لگتاہے کہ ہمارے معاشرے کو آج اس با ت کو سمجھنے کی اشد ضرورت ہے کہ ہم پاکستانی ہیں اور پاکستان ہمارا ہے۔ ہمیں اس بات کو شدت کے ساتھ سمجھنے کی ضرورت موجودہ دور میں پہلے سے زیادہ ہے کہ ہم پاکستانی ہیں اور پاکستان ہمارا ہے۔ اگر خدانخواستہ پاکستان کو نقصان پہنچا تو ہم بھی باقی نہ رہیں گے۔آج اس بات کو محسوس کرنے کی ضرورت ہے۔پاکستا ن کو بنانے کے لئے ہمارے آباؤ اجداد نے جو بے مثال قربانیاں دی تھیں ان قربانیوں کا تسلسل آج بھی جاری ہے اور افواج پاکستان، سیکورٹی اداروں سمیت عوام کے مختلف طبقات نے اپنی جانوں کا نذرانہ دے کر پاکستان کی حفاظت کی ہے۔ اگر چہ پاکستان کے ازلی دشمنوں نے کبھی پاکستان کو فرقہ واریت کے نام پر لہو لہان کیا ہے تو کبھی لسانی اختلافات میں الجھا کر لہو لہان کیا ہے۔ اسی طرح جب کسی کا کچھ بس نہیں چلا تو اس نے عالمی استعمار ی ایجنڈاکی تکمیل کے لئے پاکستان کی دفاع کی سرخ لکیر افواج پاکستان کو کمزور کرنے کے لئے نت نئے طریقے ایجاد کر لئے۔کسی نے کرپشن کر کے پاکستان کو لہو لہان کیا تو کسی نے طاقت کا بے دریغ استعمال کرتے ہوئے مظلوم اور نادار عوام کے حقوق پر ڈاکہ ڈال کر پاکستان کو لہو لہان کیا۔اسی طرح کسی نے بم دھماکے کئے اور کسی نے قتل و غارت گری کے ذریعہ اور کسی نے فرقہ واریت کی آگ کو ہوا دی تو کسی نے لسانیت کی آگ بھڑکائی۔یہ سب کچھ ہمارے معاشرے میں عام ہو چکا ہے۔ ایسے حالات میں مجھے جب سید علی گیلانی کا یہ نعرہ یاد آتا ہے کہ ہم پاکستانی ہیں اور پاکستان ہمارا ہے تو احساس ہوتا ہے کہ کاش ہم پاکستانیوں نے بھی کبھی اس بات کو درک کیا ہوتا کہ ہم پاکستانی ہیں اور پاکستان ہمارا ہے۔ جی ہاں پاکستان ہمارا ہے۔
اگر یہ احساس جاگ جاتا تو شاید اپنے وطن سے ہم بہت سی ان برائیوں اور مسائل کی جڑوں کو اکھاڑپھیکنتے کہ جو صرف اسی سبب پیدا ہو رہی ہیں کہ ہم مجموعی طور پر اس احساس سے خالی ہو چکے ہیں کہ ہم پاکستانی ہیں اور پاکستان ہمارا ہے۔ ہم یہاں فرقوں میں بٹ کر نفرت کا بازار گرم کر رہے ہیں، لسانی اختلاف کی بنیاد پر تقسیم در تقسیم کو فروغ دینے میں مصروف ہیں۔
خلاصہ یہ ہے کہ ہمیں اس بات پر دقت کے ساتھ غورکرنا ہو گا کہ ہم پاکستانی ہیں اور پاکستان ہماراہے۔جب ہم اس بات کو محسوس کریں گے کہ پاکستان ہمارا ہے تو یقینا اس کی ترقی اور بقاء کے لئے اسے لہو لہان کرنے کی بجائے اپنے لہو سے اس کی آبیاری کرنے کے لئے ہر وقت تیار رہیں گے۔ ہمیں اپنے اندر اور آنے والی نسلوں کو سید علی گیلانی کے اس نعرے سے ہی احساس دلوانا ہو گا کہ ہم پاکستانی ہیں اور پاکستان ہمارا ہے۔ تا کہ مستقبل میں ہماری نسل نو اس احساس کے ساتھ وطن عزیز کی دن دگنی اور رات چوگنی ترقی میں پیش پیش رہے۔ سید علی گیلانی میں آ پ کو سلام عقیدت پیش کرتا ہوں کہ آپ کی وفات کے دن اس نعرے یعنی ہم پاکستانی ہیں اور پاکستان ہمارا ہے کی گونج نے ایک نئے احساس کو جنم دیا ہے۔یہ سوچنے پر مجبور کیا ہے کہ اگر ہم پاکستانی ہیں اور پاکستان ہمارا ہے تو پھر ہمیں اپنا رویہ اور طرز تفکر بھی اسی نعرے کے ساتھ ساتھ بدلنا ہو گا اور اپنے عمل سے ثابت کرنا ہوگا کہ ہم پاکستانی ہیں اور پاکستان ہمارا ہے

‏
ہماری نوجوان نسل کے لیے سگریٹ نوشی، جسمانی صحت کے مقابلے میں ذہنی اور دماغی صحت کیلٸےزیادہ نقصان دہ ہے۔ ذہنی صحت کی بیماریاں کیونکہ نظر نہیں آتیں۔ اس لیے اسے نظر انداز کردیاجاتاہے

اگر آپ کو پہلے ہی ذہنی دباؤ کا شکار  ہیں تو ، تمباکو نوشی اسے زیادہ پیچیدہ بنا سکتی ہے۔. آپ سگریٹ نوشی شروع کر سکتے ہیں یا جاری رکھ سکتے ہیں کیونکہ آپ کو لگتا ہے کہ یہ آپ کی پریشانی یا افسردگی میں مدد کرتا ہے ، اور پھر یہ معلوم کریں کہ جب آپ تمباکو نوشی چھوڑنے کی کوشش کرتے ہیں تو آپ کی پریشانی / افسردگی بہت خراب ہوجاتی ہے۔.

لہذا اگر آپ تمباکو نوشی کرتے رہتے ہیں تو ، یہ ایک شیطانی چکر بن جاتا ہے۔. سگریٹ نوشی آپ کی جسمانی صحت کو بھی متاثر کرسکتی ہے ، جس کی وجہ سے سانس کی قلت ، زیادہ باقاعدہ نزلہ یا فلو ، پیلے رنگ کے داغ دار انگلیاں اور طویل مدتی ، دل کی بیماری اور کینسر جیسی چیزیں پیدا ہوتی ہیں۔

‘نوجوان نسل میں  احساسات اور جذبات کی شدت، ڈوپامین ہارمون کی مرہون منت ہوتی ہے۔ سگریٹ ، تمباکو، نیکوٹین،  اور ڈوپامین ہارمون کے اخراج میں اضافہ کرتا ہے۔ جس کے باعث تمباکو نوشی کرنے والوں کے مزاجوں پہ ، تھکن، چڑچڑے پن، تناو اور موڈ سوئنگ کا بھی شکار ہو سکتے ہیں۔

سگریٹ نوشی میں مبتلا فرد یہ سمجھتا ہے کہ یہ  دماغی اثرات وقتی ہے  بلکہ یہ یہ دیرپا ہوتے رہتے ہیں کیونکہ جب ایک بار ہمارا دماغ نکوٹین کا عادی بن جاتا ہے  تو جب تک جسم کو نکوٹین نہیں مہیا کی جائے گی۔ تو  ہمارا دماغ ڈوپامین پیدا نہیں کرئے گا۔ سگریٹ نوشی  کرنے والے ہمیشہ نیروسیزم یعنی شک کا شکار رہتے ہیں۔ انہیں خود پر اعتماد نہیں رہتا ہے۔ بلکہ سامنے والے کو اور اپنے عزیز  و اقارب کو بھی شک کی نگاہ سے دیکھتے ہیں۔ سگریٹ نوشی کی وجہ سے آپس میں تعلقات خراب ہونے کے ساتھ، انہیں یہ لگتا ہے کہ سگریٹ نوشی کر کے ہی وہ اپنا اعتماد بحال کر سکتے ہیں۔

سگریٹ نوشی کا سب سے بڑا اثر دماغ  اور ہماری یاداشت کو  ہوتا ہے۔ کیونکہ ہمارے پھیپڑوں اور دماغ، دونوں کو ہی آکسیجن کی ضرورت رہتی ہے۔ نکوٹین کے استعمال سے دماغ میں آکسیجن کم ہو جاتی ہے۔ جس کی وجہ سے سیکھنے، سمجھنے ، بولنے اورنئی نئی چیزیں کرنے کی صلاحیت متاثر ہوتی ہے۔ یہ نا صرف دماغی خلیوں کو بلکہ ہپوکیمپس  دماغ کا وہ حصہ، جو یادداشت کو محفوظ کرتا ہے اسکو بھی متاثر کرتا ہے۔

انسانی جسم میں ایسے ہارمون پاٸے جاتے  ہیں۔ جو تناٶ ، پریشانی اور مصاٸب کو دور کر دیتے ہیں۔ لیکن نکوٹین کا عادی فرد کا جسم خود تناٶ اور  پریشانی  کو دور نہیں کرتا۔ بلکہ وہ سگریٹ پینے پر ہی تناو اور پریشانی  کم کرنے والے ہارمون خارج کرتا ہے۔ اور سگریٹ نوشی کرنے والے احباب  نیند اور بھوک کی کمی کا شکار رہتے ہیں

نیکوٹین آپ کے مرکزی اعصابی نظام کی رفتار کو تیز کرتی ہے اور آپ کو ایسا محسوس کرواتی ہے کہ آپ کے پاس زیادہ توانائی ہے۔. یہ دماغ کو بری طرح  متاثر کرسکتا ہے  کیونکہ تمباکو نوشی کے بعد آپ کو ‘اچھا’ بھلا محسوس ہو مگر نیکوٹین انتہائی جان لیوا بھی ثابت ہوتا ہے لہذا  اس کی لت لگ جانے کے بعد اسے چھوڑنا مشکل ہوجاتا ہے۔.

جب آپ پہلی بار تمباکو نوشی کرنا شروع کرتے ہیں تو آپ کو محسوس ہوتا ہے کہ آپ کا سر بھاری ہو رہا یا  آپ کو  چکر آرہے ہیں ، یا آپ کے دل کی دھڑکن کو تیز تر بنا سکتا ہے ، آپ کو سر درد دے سکتا ہے اور آپ کو کھانسی ہوسکتی ہے. ان میں سے زیادہ تر اثرات جان لیوا بھی ثابت ہوسکتے ہیں جب آپ تمباکو نوشی کرتے رہتے ہیں تو آپ کی دماغ کی سوچنے کی صلاحیت کم ہوجاتی ہے۔. وقت گزرنے کے ساتھ ، آپ کا دماغ نیکوٹین سمیت سگریٹ میں موجود کیمیکلوں کا عادی ہوجاتا ہے

والدین  کی ذمہ داری ہے کہ وہ بچوں پر توجہ دیں۔ اہم بات یہ ہے کہ نوجوان نسل کو ڈانٹ ڈپٹ سے روکا نہیں جا سکتا اس لیے  والدین انکو پیار سے سمجھائیں کہ آپ نے مزہ لینے کیلٸے سگریٹ پی ہے۔ آپ میرے لیے بہت عزیز ہو، بہت انمول  ہو۔ والدین کو نوجوان نسل کویقین دلانا ہو گا کہ وہ ان سے غیر مشروط الفت کرتے ہیں اورانہیں مستقل مدد کی ضرورت ہو گی۔

 ہر طرح کے میڈیا کو سگریٹ نوشی کی روک تھام کے لیے  کردار ادا کرنا ہوگا۔ نواجون نسل کو  صرف ظاہری صحت کا ہی نہیں بلکہ دماغی صحت کے نقصانات بتائیں۔ انہیں سمجھانا پڑے گا اور بار بار انہیں بتانا پڑے گا۔ ان کا  مستقبل  متاثر ہوگا۔ کیونکہ نوجوان نسل چھپ کر پی رہے ہیں۔ تو انہیں روکا جاٸیں  ان کی خوارک کا بھی خیال رکھیں۔ انہیں مصروف رکھیں اور انکی  توجہ بٹائیں اور سب سے اہم بات یہ بھی ہے کہ پورے جنوبی ایشیا میں پاکستان میں سگریٹ کی قیمت سب سے کم ہے۔ سگریٹ کی قیمت کو بڑھایا جانا چاہیے اور کم سن افراد کو سگریٹ کی خرید و فروخت نہ کرنے کے قانون پر سختی سے عمل درآمد کروانا چاہیے تاکہ ہم اپنی نوجوان  سگریٹ نوشی کے ظاہری اور دماغی اثرات سے بچایا جاسکے۔

‎@ItxMahrukh_