Author: Baaghi TV

اللہ تبارک وتعالیٰ نے ہم پر دنیا میں جتنے بھی احسانات فرمائے ہیں اور جتنی بھی نعمتیں عطا فرمائی ہے وہ سب کے سب اپنے حبیب ﷺ کے صدقے عطا فرمائی ہے دنیا و آخرت کی رحمتیں اور نعمتیں سرکارِ دوعالم ﷺ کی وسعت سے اور اللہ تبارک وتعالیٰ کے جناب سے ہم تک پہنچی ہیں سب سے بڑی نعمت اور سب سے بڑی رحمت اگر سرکارِ دوعالم ﷺ کے ذات بابرکت کو سمجھا جائے تو یہ مبالغہ نہیں ہوگا اس لئے کہ آج اللہ تبارک وتعالیٰ نے ہمیں دنیا میں جو عزت اور شناخت عطا فرمائی ہے اور اسلام کا جھنڈا ہر زمانے میں اللہ نے بلند فرمایا ہے اور جتنی بھی فضیلتیں ہمیں آج ملی ہے بلکہ یہاں تک کہ علماء فرماتے ہیں کہ ہمیں اگر توحید کا درس ملا ہے اور اللہ تبارک وتعالیٰ کی ذات کی معرفت اگر حاصل ہوئی ہے تو سرکارِ دوعالم ﷺ کے برکت سے عطاء ہوئی ہے

اس لئے ہم کہہ سکتے ہیں کہ سب نعمتوں سے بڑھ کر اور سب رحمتوں سب سے بڑ کر  سب سے بڑی اللہ کی رحمت اور سب سے بڑی اللہ کی نعمت وہ ہمارے لئے محبوب کائنات ﷺ کی ذات ہے انہی کی وجہ سے آج ہم مسلمان کہنے کے لائق ہیں انہی کا جھنڈا تھام کر آج پوری دنیا پہ ہم نظام قائم کرنے کی بات کرتے ہیں اور بروز قیامت انہی کے جھنڈے تلے اٹھا کر انہی کے کے امت میں شامل ہونا اپنے لئے باعث شرف اور فضیلت سمجھتے ہیں۔

ہر مسلمان کا یہ عقیدہ پونا چاہیےکہ ہمیں جو بھی عزت اس دنیا میں ملی ہے جو اللہ کی معرفت دین کی معرفت قرآن ہمیں ملا ہے ایک آئین اور شریعت ہمیں ملی ہے اور آج چھوٹے چھوٹے عمل پہ ہمیں بڑے بڑے ثوابوں کی بشارت اور خوشخبری دی گئی ہے تو یہ ہمارے نبی ﷺ  کی برکت ہے ۔

جس طرح ہر انسان کے دوسرے انسان پہ کچھہ حقوق ہیں اسی طرح حضور اکرم ﷺ کے بھی انہیں رحمتوں کی وجہ سے اپنی امت پہ کچھہ حقوق ہیں ان حقوق میں سے  ایک بنیای حق اور اس حق کو ادا کرنے کے لیۓ  علماء لکھتے ہیں کہ پوری امت سرکارِ دوعالم ﷺ پر درود و سلام پڑھتی رہے درود شریف پڑھنا یہ ان کا ہم پہ ایک حق ہے جتنے بھی کلمہ گو ہیں ۔

اور اسی طرح اللہ تعالیٰ نے ہمیں قرآن مجید فرقان حمید کے 22 پارے کے سورہ الاحذب میں فرمایا

إِنَّ ٱللَّهَ وَمَلَـٰٓئِكَتَهُۥ يُصَلُّونَ عَلَى ٱلنَّبِىِّ ۚ يَـٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا.

 اللہ کا ارشاد ہے بیشک اللہ اور اس کے فرشتے نبی کریم ﷺ پہ درود پڑھتے ہیں اے ایمان والو تم بھی ان پر درود اور خوب سلام پڑھا کرو،

کتنی بہت ساری احکامات ہیں کتنی ہدایات ہیں لکین کہیں اللہ نے یہ نہیں کہا کہ تم یہ کام اس لئے کرو کہ یہ میں بھی کرتا ہوں اور میرے فرشتے بھی کرتے ہیں، لیکن درود و سلام پڑھنے کی فضیلت اتنی زیادہ ہے کہ اس فضیلت  کو ظاہر کرنے کے لئے اللہ نے پہلے اپنا حوالہ دیا پھر اپنے فرشتوں کا حوالہ دیا کہ بیشک اللہ بھی درود پڑھتا ہے اس کے فرشتے بھی دورود پڑھتے اس لئے ایے ایمان والوں تم بھی یہ طریقہ اپناؤ جو اللہ اور اس کے فرشتے اپناتے ہیں، کائنات کی ہر شے چاہے فرشتے ہوں یا جننات نبی اکرم صلی ﷺ پر اسی طرح درود پڑھتے ہیں جس طرح عام انسان۔

مگر اللہ کا درود پڑھنے کا طریقہ الگ ہے اور وہ یہ کہ اللہ ہر وقت نبی کریم ﷺ پر رحمتیں نازل فرماتا ہیں سلامتی نازل فرماتا ہے درود پڑھنے کا اللہ کی طرف ایک یہ نسبت یہ کی جاتی  ہے،

 اور درود پڑھنے کا ایک دوسرا معنیٰ جس کو امام بخآری نے بھی نقل فرمایا ہے وہ فرماتے ہیں کہ اللہ تبارک وتعالیٰ فرشتوں کے سامنے اپنے نبی ﷺ کی ثناہ اور تعریف بیان فرماتا ہے اور فرشتوں کے سامنے سرکارِ دوعالم ﷺ کی تعریف کرنا امام بخآری فرماتے ہیں یہ اللہ کا درود ہے۔ تو جب سے سورہ احذب میں یہ آیات نازل ہوئی تو اس وقت سے   لے کر آج تک امت کے جتنے بھی انسان ہے چاہے آگر وہ نیکو کار ہے یا گناہگار چاہے وہ جدید السلام ہیں یا  چاہے وہ قدیم السلام ہے اگر وہ کلمہ گو ہے تو یاد رکھیں ہر مسلمان درود و سلام اپنے لئے باعث عزت اور باعث شرافت سمجھتا ہے۔

جہاں ان کے شعریت پہ عمل کرنا جہاں ان کے سنت پی عمل کرنا اور زندہ کرنا یہ ان کا ہم پر حق ہے، اسی طرح درود اور سلام بھی ان کا ایک بنیادی  ہم سب  پر حق ہے۔

 اسی طرح صحابہ کرام کی معمولات اگر دیکھیں تو احادیث اور کتابیں بھری پڑی ہیں،صحابہ کرام کی معمولات  میں درودو سلام سب سے اہم ورد اور وظیفہ ہوا کرتا تھا۔

امام ترمذی نے یہ روایت نقل کی ہے حضرت ابی بن کعب سے آپ فرماتے ہیں یا رسول اللہ میں نے اپنے لئے کچھہ وقت مقرر کیا ہے اورادو وضائف کے لئے میں چہتا ہوں یا رسول اللّٰہ میں وضائف کے ساتھ ساتھ آپ پر درود اور سلام بھی پڑھا کروں آپ مجھے یہ بتائیں کہ میں اس وقت میں آپ پر کتنا درود پڑھا کروں سرکارِ دوعالم ﷺ نے ارشاد فرمایا اے ابی تم اس میں سے مجھ پہ چھوتا حصہ درود پڑھا کرو آپ نے فرمایا یارسول اللہ اگر آج کے بعد میں یہ پڑھا کروں گا تو رسول اللہ نے بتایا اے ابی ہاں اگر اس سے زیادہ بھی پڑھ سکو تو ابی نے فرمایا یارسول اللہ آج کے بعد میں اس میں سے تیسرا حصہ پڑھا کروں گا حضور نے فرمایا یہ بھی بہتر ہے لیکن اگر اس سے بھی زیادہ کرو تو اور بہتر ہے تو میں نے فرمایا یارسول اللہ آج کے بعد آدھا وقت آپ پہ درود اور آدھا وقت باقی وضائف پڑھا کروں گا، حضور نے فرمایا یہ بھی بہتر لیکن اگر اس سے اور بھی زیادہ کرو تو حضرت ابی نے فرمایا یا رسول اللہ آج کے بعد میں آپ پر ہر وقت درود ہی پڑھا کروں گا، تو سرکارِ دوعالم نے فرمایا اے ابی اگر آپ نے واقعی ایسا کیا تو آپ کی دنیا و آخرت کے تفقرات اور تکالیف کے لئے یہی کافی ہے۔

اسی لئے درود اور سلام کے فضیلت میں بے شمار روایات حضور ﷺ کے احادیث مبارکہ میں اس کے طیبہ میں باقاعدہ اس کے مجموعے میں اتنی روایات ہمیں ملتی ہیں کی باقاعدہ ہمارے محدیثین نے جتنی کتابیں لکھیں ان میں درود اور سلام کا انھوں نے علیحدہ سے باب بنایا درود اور سلام پر انھوں نے بڑی بڑی کتابیں لکھیں  کیونکہ یہ عمال ایسا ہے جہاں ہم سب کا  حضور نبی کریم ﷺ کے ساتھ محبت کا ایک ذریعہ بھی ہے۔ 

کیونکہ درودو سلام پڑھنے پر دلائل اور اس پر نظائر اور شواہد بھی زیادہ ہے اور پھر خاص طور پر جن لوگوں نے اپنی زندگی میں درود و سلام پڑھنے کا اپنا حصہ بنایا اور کثرت سے درودو سلام پڑھنے کا معمول بنایا انھیں جو فوائد ملے دنیا و آخرت کے جو نعمتیں ملیں اور پھر انھوں نے عجیب عجیب اللہ کے قدرت کے جو نظارے دیکھے ان پہ پھر علیحدہ سے کتابیں لکھیں گئیں اور تاریخ کا حصہ بنا دیا گیا کہ جس نے جتنا زیادہ درود پڑھا جتنی محبت سے پڑھا انھیں اتنے ہی فائدے دنیا و آخرت میں دئے گئے۔

رسول اللہ نے فرمایا جو مجھ پر ایک بار درود پڑھتا ہے اللہ اس پر دس مرتبہ رحمت فرماتا ہے اور درود وسلام پڑھنا ایک ایسا عمل ہے جس کی قبولیت میں ذرہ برابر شک نہیں ہے یاد رکھیں درود اور سلام پڑھنا آج ہر شخص مشکلات میں گھیرا، ہوا ہے ہر شخص پریشانی کے عالم میں ہے، ہر شخص لاعلاج امرض میں ہے، معاشی پریشانیاں ہیں، کاروباری پریشانیاں ہے، یاد رکھیں ان تمام پریشانیوں کا حال اللہ تبارک وتعالیٰ نے درود و سلام میں رکھا ہے اور درود اور سلام انسان کو اللہ نیک, بنا دیتا ہے اللہ کا محبوب بنا دیتا ہے، اللہ کا قرب اس سے ملتا ہے اس لئے اپنے اوقات میں وقت نکال کر ہمیں ضرور درودو سلام پڑھنا چاہیے یہی ہماری آج پریشانیوں کا حل بھی ہے، ہماری مشکلات کی ایک  اکسیر، بھی ہے ہماری بیماریوں کے  لئے شفاء بھی ہے، اور بےشمار احادیث اس پر موجود ہے کہ دورود اور سلام پڑھنے والا کبھی بھی دنیا اور آخرت میں ناموراد نہیں رہتا۔

@ImTaimurKhan

چھ ستمبر پاکستان کی تاریخ کا وہ
یادگار دن جب پاک فوج کے جوانوں نے اس پاک وطن کی طرف بڑھنے والے ناپاک قدموں کو روند ڈالا تھا…
وہ چھ ستمبر کا دن تھا جب انڈیا نے رات کی تاریکی کا فائدہ اٹھا کر لاہور پر قبضہ کرنے کا ارادہ کیا… انڈین آفیسرز بہت خوش تھے اسی لیے کچھ زیادہ ہی پر اعتماد بھی تھے…. ان کا ارادہ تھا کہ واہگہ بارڈر سے پاکستان پر حملہ کرکے وہ باآسانی لاہور پر قبضہ کرلیں گے… صرف یہی نہیں بلکہ وہیں ان کا جشن منانے کا بھی ارادہ تھا.. وہ بے چارے لاہور میں ناشتہ کرنے کے خواہشمند تھے…
بھارت کی یہ چھوٹی سی خواہش تو پوری نہ ہوسکی مگر پاکستانی سپاہ نے انڈیا کے ماتھے پہ شکست کا وہ جھومر سجایا کہ جسے رہتی دنیا تک یاد رکھا جائے گا…
وہ آئے تو ناشتہ کرنے تھے مگر پاک فوج نے انکو زندگی بھر کا ناشتہ بھلادیا …
بھارتی فوج کا وہ کمانڈر انچیف جس نے کہا تھا کہ وہ لاہور کے جم خانے میں شراب پی کر اپنی فتح کا جشن منائیں گے پاک فوج کے سپوتوں نے اسکو ایسا طمانچہ رسید کیا کہ اسکے بعد سے تاریخ میں کسی بھی انڈین نے فوجی نے پاکستان کی چائے سے زیادہ کی فرمائش نہیں کی ….
رات 3:45 پہ واہگہ بارڈر کی طرف سے پاکستان کے ازلی دشمن بھارت نے طاقت کے نشے میں چور ہو کر حملہ کردیا …پھر آسمان نے یہ نظارہ بھی دیکھا کہ کس طرح پاک فوج کے نڈر جانبازوں نے اپنے جسموں سے بم باندھ کر دشمن کے ٹینکوں کا قبرستان بنا ڈالا اور اپنی جان کی بھی پرواہ نہ کی
جبرالٹر آپریشن کی وجہ سے پاکستان اور بھارت کے درمیان کشیدگی اپنے عروج پر تھی.اسی نتیجے میں جنگی جنون میں مبتلا اس وقت کے بھارتی وزیر اعظم نے پاکستان کو کھلم کھلا دھمکی دے ڈالی تھی کہ ” اب ہم اپنی مرضی سے اپنا من پسند محاذ کھولیں گے ".بھارت کی ہمیشہ سے یہی روش رہی ہے.
موسم برسات ٹینکوں کی نقل و حرکت کیلیے ایک رکاوٹ ہوتا ہے اور فوجی نقل و حرکت بھی اس وقت سست روی کا شکار ہوجاتی ہے . موسم برسات کے ختم ہوتے ہی بھارت نے سیالکوٹ، قصور اور لاہور تین جانب سے پاکستان پہ حملہ کردیا . بھارت کامنصوبہ تھا کہ حملہ اس قدر اچانک اور فوری ہو کہ پاک فوج سنبھل ہی نہ پائے، مگر افسوس وہ لوگ پاک فوج کو سمجھ ہی نہ پائے اور پھر پاکستان کے قابل سپوتوں نے وہ معرکے سر انجام دیے کہ دنیا دنگ رہ گئ، بھارتی فوج نے لاہور سے حملہ کرکے ہڈیارہ گاؤں پر قبضہ کرلیا ،جواب میں پاک فوج نے دشمن کو نو گھنٹے کامیابی سے وہیں روکے رکھا اور یہی وقت تھا پاک فوج کے سنبھل جانے کا اور بھارتی فوج ڈگمگا کر رہ گئ …بی آر بی نہر بھارتی فوج کیلیےمضبوط دیوار بن گئ
یہ معرکہ شہید میجر عزیز بھٹی نے سر انجام دیا اور شہادت سے سرفراز ہوئے…
اگلے دو دن پاک فوج نے بھارت کے علاقے میں آٹھ کلو میٹر تک پیش قدمی کی اور قصبہ کھیم کرن پہ پاکستان کا پرچم لہرادیا جس کے جواب میں جنگی جنون میں مبتلا بھارت نے اپنے ٹینک اس جنگ میں جھونک دیے ،اس محاذ پر دوسری جنگ عظیم کےبعد ٹینکوں کی دوسری بڑی جنگ ہوئ ،اس جنگ میں فرسٹ انڈین آرمر ڈویژن بھی شامل تھا جسکے باعث پاک فوج پہ یہاں دباؤ بڑھ گیا تو پاک فوج کے جوانوں نے اپنے جسموں سے بم باندھ کر ٹینکوں کے آگے لیٹ کر ٹینکوں کا قبرستان بنادیا، اسی کے ساتھ پاک فضائیہ بھی حرکت میں آگئ اور یوں چونڈہ کے مقام پر بھارتی پیش قدمی روک دی گئ… آج بھی چونڈہ کے مقام پر وہ ٹینک نصب ہے جسے بھارتی چھوڑ کر بھاگے تھے.
بھارت میں چونڈہ کا مقام انکے ٹینکوں کی قبر کے نام سے” جانا جاتا ہے ”
پھر پاک فضائیہ نے اپنے جوہر دکھائے اور بھارتی اڈوں کو بہت نقصان پہنچایا اسی میں پاک فوج کے دو ہواباز رفیقی اور یونس حسن شہید ہوگئے.. پھر اسکے بعد بھارتی فضائیہ کی کوئ قابل ذکر کارکردگی دیکھنے میں نہیں آئ اور یہیں دوسری طرف پاکستان کےقابل فخر سپوت ایم ایم عالم نے بھارت کے چار ہنٹر طیارے ایک منٹ سے بھی کم وقت میں مارگرائے جس نے بھارتی فضائیہ کی کمر توڑڈالی..
جہاں بری اور فضائ فوج نے دشمن کو مارگرایا وہیں بحری فوج نے بھی اپنے جوہر دکھائے اور بھارت کے دوارکا نامی اڈے کو تباہ کردیا دوسری طرف پاک بحریہ کی آبدوز غازی” نے بھارتی بحری جنگی جہاز ککری بھی تباہ کردیااس سے بھارتی بحریہ کی بھی کمر ٹوٹ گئ اور اسی کی بدولت کراچی محفوظ رہا.. یہ یاد گار جنگ تیئس ستمبر کو ختم ہوئ اور اپنے ساتھ ساتھ بھارت کے ماتھے پہ شکست کا کلنک چھوڑگئ اور پاکستان کی فتح ساری دنیا نے دیکھی….
چھ ستمبر کی جنگ کے بعد سے بھارت نے کبھی پاکستان سے آمنے سامنے جنگ کی ہمت نہ کی ہمیشہ پیٹھ پیچھے وار کر کے پاکستان کو نقصان پہنچایا ہے…
ہر سال پاکستان میں چھ ستمبر کی اس جنگ کو یاد کیا جاتا ہے جس میں بھارت کو ہزیمت کا سامنا کرنا پڑا…
یہ وہ دن ہے کہ جب دنیا نے دیکھا کہ ایک کمزور ملک نے کسطرح جنگی جنون میں مبتلا بھارت کو شکست دی…
اسی فتح اور پاکستان کے مضبوط دفاع کی مناسبت سے اس دن کو یوم دفاعِ پاکستان کے نام سے یاد کیا جاتا ہے
یہی وہ یادگار دن ہے جب پاک فوج کے جانبازوں نے اس ملک کی خاطر اپنی جانوں کی بازیاں کھیلیں اور اپنے رب کے حضور سرخرو ہوگئے… آج بھی پاکستان کا ہر ایک جوان پہلے سے زیادہ نڈر اور بہادر ہےانکو موت کا کوئ خوف نہیں یہ تو بس اس وطن کیلیے جیتے ہیں اور شہید ہونا ایک اعزاز سمجھتےہیں… یہی وہ بے خوفی ہے جو انکی فتح کی ضامن یے کہ ایک مسلمان کیلیے شہادت کے مرتبے پر فائز ہونا تو ایک بہت بڑا اعزاز ہے جسکی تمنا عمر ابن خطاب رض جیسے صحابی نے کی…

اے میرے وطن کے پاسبانوں
تم اس وطن کے ماتھے کا جھومر ہو
تم اس وطن کا قابل فخر سرمایہ ہو

@timazer_K

ملاعمر کا شمار 90 کی دہائی کے طاقتور ترین رہنماؤں میں ہوتا ہے انھوں نے 1996 میں افغانستان میں طالبان حکومت قائم کی تاہم ان کی زندگی کے کئی پہلو پوشیدہ اور خفیہ رہے
ٹویٹر پر ایک صارف کی جانب سے ملاعمر سے متعلق معلومات بتائی گئی ہیں انھوں نے ان معلومات کے لیے تین کتابوں کا حوالہ دیا ہے ان کتابوں میں ایلکس اور فیلکس کی کتاب این اینیمی وی کریٹڈ دی میتھ آف دی طالبان القاعدہ مرجر ان افغانستان، احمد رشید کی کتاب طالبان ملیٹنٹ اسلام اور کرسٹوفر اینڈریو اور وسیلی مٹروکھن کی کتاب دی ورلڈ واز گوئنگ اوور وے شامل ہے
ملاعمر کی پیدائش سن 1959 میں ہوئی۔

قندھار کے نزدیک نودیھ گاؤں میں ان کا خاندان انتہائی غریب تھا جو کھیتی باڑی کے پیشے سے وابستہ تھا اُن کا تعلق ہوتک قبیلے سے تھا جو پشتونوں کی غلزئی شاخ سے تعلق رکھتے تھے
افغان جہاد شروع ہونے کے بعد، سن 1980 کی دہائی میں ان کا خاندان ارزگان صوبے منتقل ہوگیا روزگار کی تلاش میں ملا عمر قندھار آئے اور میوند ضلع کے سنگیسار گاؤں میں مدرسہ کھولا انھوں نے حزب اسلامی میں شمولیت اختیار کی اورنیک محمد کی سرپرستی میں نجیب اللہ کے خلاف جنگ میں حصہ لیا۔
ایک حوالے کے مطابق 1994 میں انھوں نے ظالم جنگجوؤں کےخلاف اہم کارروائی کی طسنگیسار کے پڑوسی علاقے سے کچھ افراد نے ملا عمر سے شکایت کی کہ جنگجو کمانڈر نے دو کم عمر لڑکیوں کو اغوا کرلیا ہے اور ان کے ساتھ کئی بار ریپ کیا گیا ہے ملا عمر نے 30 طالبان کا گروپ تشکیل دیا جن کے پاس صرف16 رائفلز تھیں انھوں نے جنگجوؤں کے اڈے پر حملہ کرکے لڑکیوں کو آزاد کروایا اور جنگجوؤں کو ٹینک کی توپ سے پھانسی پر لٹکادیا
کچھ عرصے بعد ایک بچے سے بدفعلی کے لیے دو کمانڈرزکی قندھار میں شدید لڑائی ہوئی جس میں متعدد شہری بھی مارے گئے ملاعمر کے گروپ نے بچے کو آزاد کروایا ان تمام تر کارروائیوں کے بعد لوگوں نے ملا عمر کو اپنا مسیحا سمجھنا شروع کردیا اور یوں اپنے مسائل کے حل کے لیے اِن کے پاس آنے لگے
گلبدین حکمت یار اور احمد شاہ مسعود کے درمیان لڑائی نےافغان عوام کو شدید متاثر کیا احمد شاہ مسعود کے شمالی اتحاد نے ابتدا میں ملا عمر کو طالبان تحریک کے لیے 10 لاکھ ڈالر نقد دئیے
کچھ عرصے بعد اسپن بولدک میں طالبان نے اسلحہ کے بڑے ذخیرے پر قبصہ کرلیا جو تین ڈویژنز کے لیے کافی تھا۔
طالبان نے چند ماہ میں افغانستان کے 31 صوبوں میں سے 12 صوبوں پر قبضہ کرلیا 4 اپریل 1996 کو طالبان نے ملا عمر کو امیرالمومنین نامزد کردیا قندھار کی ایک عمارت کی چھت پر ملا عمر چوغے میں خود کو لپیٹے جب سامنے آئے تو نیچے موجود افراد نے امیر المومینین کے نعرے لگانا شروع کردئیے ان کی نجی زندگی سے متعلق بھی بہت کم معلومات سامنے آئی ہیں بتایا گیا ہے کہ دوران جنگ وہ 4 بار زخمی ہوئے اور ایک بار ان کی سیدھی آنکھ زخمی ہوئی جس کے بعد ان کی ایک آنکھ ضائع ہوگئی ملا عمر ساڑھے 6 فٹ لمبے اور مناسب جسامت رکھتے تھے پاکستان نے جب 1998 میں ایٹمی دھماکے کئے تو ملا عمر اور طالبان کی جانب سے اس کو سراہا گیا اور پاکستان پر کسی بھی حملے کو افغانستان پر حملے سے تشبیہ دی گئی نائین الیون کی تحقیقاتی رپورٹ میں بتایا گیا ہے کہ ملا عمر نے امریکا کے خلاف حملوں کی مخالفت کی تھی انھوں نے سب سے پہلے ورلڈ ٹریڈ سینٹر پر حملوں کی مذمت کی اور افغان طالبان کے ملوث ہونے کے ثبوت مانگے انھوں نے کہا تھا کہ خود مختار عدالت اس واقعے میں اسامہ بن لادن کا ہاتھ ہونے کی تحقیقات کرے تاہم امریکی صدر جارج بش نے افغانستان پر حملہ کردیا
سال 2001 کے بعد ملا عمر اپنی موت تک افغانستان سے باہر نہیں گئے انھوں نے طالبان کے امور اپنے ساتھی ملا عبید اللہ کے سپرد کردئیے اور خود زابل صوبے چلے گئے جہاں وہ اپنے ڈرائیور کے گھر میں روپوش رہے ایک بار امریکی فورسز نے اس گھر پر چھاپہ مارا لیکن وہ ملا عمر کے خفیہ کمرے تک نہیں پہنچ سکے۔
امریکی فورسز نے جب اس علاقے میں اپنا مستقل فوجی اڈہ قائم کیا تو ملا عمر نے اس مکان کو چھوڑ دیا اور وہ سیورے کے علاقے میں منتقل ہوگئے ملا عمر کا مکان امریکا کے چھوٹے فوجی اڈے سے چند میل کے فاصلے پر تھا وہ 9 برس اپنی موت تک اس علاقے میں رہے۔
اللّه پاک حضرت محمد ملا عمر رح کے درجات بلند عطا فرمائے اور انکو جنت الفردوس میں مقام عطا فرمائے۔

@SyedUmair95
@suhailshaheen1