Author: Baaghi TV

‏
سود کی لین دین کرنے والے پر اللہ کی لعنت برستی ہے سود سے اللہ پاک نے دور رہنے کا حکم دیا ہے اس حوالے سے قرآن پاک میں آیات بھی موجود ہیںسو د کھانے والا ماں سے زنا کرنے کے برابر کہا گیا ہے اس سے اندازہ لگایا جا سکتا ہے کہ اللہ پاک سود لینے والے سے کتنی ناراضگی کا اظہار کیا ہے ۔
جیکب آباد میں سود کاکاروبا ر دن بہ دن بڑھتا جا رہا ہے پہلے ہندو ﺅں سے سود منسوب تھا جو کہ سود یعنی دئے گئے سامان رقم ،زیورات پر تین فیصدمنافع لیتے تھے لیکن اب اس غلیظ کام کو کاروبا ر بنانے والوں میں مسلمانوں کی ایک بڑی تعداد ہے سود کے معاملے میں مسلمانوں نے تو ہندوﺅں کو بھی مات دے دی ہے ،سودخور وں کے ظلم و زیادتیوں پر جیکب آباد کے سابق ایس ایس پی فیصل عبداللہ چاچڑ نے تصاویر کے ساتھ جیکب آباد کے ایک سو سے زائد سود خوروں کی تصاویر کے ساتھ فہرست شہر کے چوراہوں پر لگائی تھی جس سے سود خوروں میں کھلبلی مچ گئی تھی اور وہ بلوں میں جا دبکے تھے لیکن انکے تبادلے کے بعد سو د خورایک بار پھر جیکب آباد میں سرگرم ہو گئے ہیں۔
جیکب آباد میں سود پر پیسے دینے کے لئے اب تو دوکان بھی کھل گئی ہے سود خود پولیس کی مدد سے اپنے کاروبار کو پھیلارہے ہیں سود کے پیسوں کی وصولی کے لئے بھی سود خود پولیس کی مدد لیتے ہیںسود خور آپکو جوا کے اڈوں ،موٹر سائیکل شوروم ،کھاد بازار ،صرافہ بازار میں ملیں گے موٹر سائیکل ،کھاد ،زیورات اور جوا کھیلنے کے لئے ادھار پر پیسے دینے کے لئے سود خود ہر وقت تیار ہوتے ہیں کیونکہ انکو وصول کرنا آتا ہے جیکب آباد میں سود کے پیسوں کی عدم ادائیگی پر لوگوں کے گھروں پر قبضے ،گرفتار کرانے سمیت دھمکانا ہراساں کرنا سمیت ہر طریقہ اختیار کیا جاتا ہے سود خور معمولی رقم دیکر بھاری رقم دینے کا تقاضہ کرتے ہیںجس سے کئی خودسوزی کے انتہائی اقدام پر مجبور ہوتے ہیں تو کئی شہر چھوڑ جاتے ہیں تو کئی روپوشی اختیار کرلیتے ہیں اور پھر سود خور سود لینے والوں کے عزیزو اقارب کو تنگ کرتے ہیںپچاس ہزار کی موٹر سائیکل دو ماہ کی قسط پر 80ہزار میں دی جاتی ہے اگر دو ماہ میں موٹر سائیکل لینے والا 80ہزار نہ دے سکا تو پھر سود کا میٹر چلتا رہتا ہے جتنی تاخیر اتنی زیادہ رقم ادا کرنا پڑے گی اب تو موبائل فون پر بھی سود کی وصولی کی جا رہی ہے ۔
جیکب آباد کے سود خوروں میں بااثر شخصیات بھی شامل ہیںسیاست میں بھی سود خور کا بڑا عمل دخل ہو گیا ہے کچھ تو سیاسی پارٹیوں میں اہم ذمہ داری رکھے ہوئے ہیں ،سو د خوروں کو پولیس محافظ بھی دئے گئے ہیں سودکے پیسے سے بنائی گئی جائیداد کے بل بوتے پر سود خود اب جیکب آباد میں بڑا اثرو سوخ رکھتے ہیں جوکہ کئی گھر اجاڑ چکے ہیںادھار رقم دیکر سود خور سود لینے والے کی ملکیت دوکان زمین،گھر اور دیگر قیمتی سامان سستے داموں لیتے ہیںاسطرح ایک ضرورت مند کی ضرورت اور مجبوری کا فائدہ اٹھاتے ہوئے دن بہ دن اپنے بینک بیلنس میں اضافہ کررہے ہیںسود کا کاروبار کرنے والوں میں سرکاری ملازم،سیاستدانوں کے ساتھ ساتھ کپڑے ،زیورات اب تو ہرقسم کے کاروبا ر میںسود کی لعنت شامل ہو گئی ہے ،سرکاری ملازمین کے چیک بک تک سود خوروں کے پاس ہوتے ہیں جو ہر ماہ بینک عملے کی مدد سے ملازمین کی تنخواہیں حاصل کرتے ہیں،جیکب آباد میں بدامنی کا ایک سبب یہ بھی ہے سو دلینے والا سود ادا کرتے کرتے روڈ پر آجاتا ہے ،پر سو د دینے والاسے لی گئی رقم ادا نہیں کر پاتا ساری عمر گذر جاتی ہے ۔
ضرورت اس امر کی ہے کہ سود خوروں کے خلاف کاروائی کی جائے اور سود خوری کے متعلق قانون بنایا جائے تاکہ کوئی کسی مجبور ضرورت مند کی ضرورت کا فائدہ نہ اٹھا سکے ،معمولی رقم دیکر لاکھوں کا تقاضہ کرنے والے مجبور کے گھر ،زمین ملکیت یعنی سب کچھ ہڑپ لیتے ہیں ،سود خوروں کے اثاثوں کی تحقیقات کی جائے کہاں سے اتنی جائیداد بنائی ہے اور کتنی ٹیکس ادا کرتے ہیںجب تک معاشرے سے سود جیسی لعنت کو ختم نہیں کیا جائے گا امن، سکوناور بہتری کی توقع ایک خواب ہی رہے گا۔

‎@journalistjcd

‏

ہم سب اپنی روزمرہ کی زندگی میں مصروف ہیں، جہاں ہم دفتر کے کاموں، گھریلو کام کاج، دعوتوں، گھومنے پھرنے، پرسکون نیند لینے میں مصروف عمل ہیں اور ہمیں کوئی فکر نہیں کے کیسے ہم ایک آزاد ملک میں آزادی سے اپنی زندگی آرام و سکون سے گزار رہے ہیں۔ ہم نے کبھی یہ سوچنے کی زحمت بھی نہیں کی کہ ہم کن لوگوں کی وجہ سے یہ سب اتنی آسانی سے انجواۓ کر پاتے ہیں۔ ہاں جی ہماری پاک آرمی ، جسکے جوان دن رات ہماری حفاظت کرتے ہیں ،اپنی نیندیں قربان کرتے ہیں تاکہ ہم لوگ پرسکون نیند سو سکیں، جو اپنی آرام دہ زندگی چھوڑ کر خود کو بے سکون کرتے ہیں تاکہ ہم پرسکون رہ سکیں، جو اپنی خوشیوں کی پرواہ نہیں کرتے تاکہ ہم خوش رہ سکیں، جو نا صرف اپنے خاندان کا بلکہ پوری قوم کا درد اپنے سینے میں رکھتے ہیں، جو اپنی ماؤں سے ہزاروں میل دور اس لیے رہتے ہیں کہ باقی سب کی مائیں اطمینان سے رہ سکیں، جو اپنی نئی نویلی دلہن کو اس لیے اکیلا چھوڑ کرچلے جاتے ہیں تاکہ باقی سب جوڑے ہنسی خوشی رہ سکیں، جو اپنی زندگی تک قربان کر ڈالتے ہیں تاکہ ہم سب محفوظ و مطمئن زندگی گزار سکیں۔ یہ ہیں ہماری پاک افواج کے بہادر سپوت ،جن کو سلیوٹ کرنا ہم سب پر فرض کی طرح ہونا چاہیے۔ کیونکہ زندہ قومیں اپنے محسنوں کو یاد رکھتی ہیں ، اُن کے احسان مانتی ہیں اور انکو بلند مقام اور درجہ دیتی ہیں.

وہ لوگ جو انکے سینے پر لگے بیجز پر ہی نظر رکھتے ہیں ، ان بیجز کے پیچھے چھپی قربانیوں اور داستانوں کو نہیں دیکھ سکتے۔ وہ جن کو صرف انکا پروٹوکول نظر آتا ہے اس پروٹوکول تک پہنچنے کی انکی لمبی جدوجہد کے بارے میں کچھ نہیں جانتے۔ وہ جو انکو دی گئی سہولیات پر انگلی اٹھاتے ہیں انکی قلیل تنخواہوں کے بارے میں نہیں جانتے۔ اور جو انکے بڑے گھروں کو دیکھتے ہیں پر یہ نہی جانتے کے کیسے ہر 6 مہینے سال دو سال بعد انکو اپنا بوریا بستر باندھ کر کوچ کرنا پڑتا ہے۔

یہ اپنے لیے نہی جیتے بلکہ انکی جدوجہد، پیار، کوششیں، دیکھ بھال، وقت، دن رات حتٰی کہ انکی زندگیاں بھی صرف پاکستانی قوم کے لیے ہیں۔ یہ خاکی وردی انکو دن رات کی انتھک محنت اور کٹھن مراحل سے گزرنے کے بعد ہی حاصل ہوتی ہے لیکن یہ ثابت قدم رہتے ہیں پیچھے نہی ہٹتے۔ میدان جنگ میں بھی یہ صرف آگے بڑھنے کی لگن رکھ کر آگے بڑھتے چلے جاتے ہیں اور اپنے وسیع سینوں پر گولیاں کھاتے ہیں، پیچھے مڑ کر دیکھتے بھی نہیں۔ اور وہ یہ سب اتنی آسانی سے کیسے کر جاتے ہیں؟ کبھی سوچا ہے؟ وہ یہ اس لیے کر پاتے ہیں کیونکہ وہ اس دھرتی سے، یہاں کے لوگوں سے، یہاں کی مٹّی سے بےحد پیار کرتے ہیں۔ یہ لوگ ہمارا فخر ، ہمارا مان ہیں۔ انکی وجہ سے کسی دشمن میں ہمت نہیں کہ پاکستان کی طرف میلی آنکھ سے دیکھ بھی سکے۔
پاکستان دشمنوں کی آنکھوں میں کانٹے کی طرح چبھتا ہے۔ برّی برّی طاقتوں نے اپنے مذموم ارادوں میں ہمیشہ شکست کھائی کیونکہ ہماری پاک فوج کے جوان اور اسکے جانباز ہمہ وقت اس سرزمین کی حفاظت کے لیے چاق وچوبند ہیں۔ آج ہر کوئی پاکستان کی فوج کا معترف ہے کیونکہ اس فوج نے ہر میدان میں فتح کے جھنڈے گاڑے ہیں اور خود کو ثابت کیا ہے۔ اسی لیے پاکستان آرمی کو دنیا کی بہترین افواج میں گردانا جاتا ہے۔ اور یہ اعزاز انہوں نے ایسے ہی حاصل نہیں کر لیا۔ اسکے لیے انہوں نے لازوال قربانیاں دی ہیں۔اپنے آپ کو قربان کیا ہے۔ کتنے بیشمار شہیدوں کا لہو شامل ہے اس گلستاں کی آرائش میں۔ کتنی ماؤں کی گود اُجڑی ہے، کتنی سہاگنوں کے سہاگ اُجڑے ہیں، کتنی بچوں کے سر سے انکے والد کاسایہ چھینا گیا ہے تو یہ چمن بسا ہے اور یہاں پر بہار ہے۔

الحمدللہ پاکستان ایک نیوکلیئر پاور ہے۔ جو کہ پاکستان آرمی کی بہت بڑی طاقت ہے۔ اسی کی وجہ سے بھارت جیسے بڑے ملک کی ہمت نہیں کے وہ آنکھ اٹھا کر پاکستان کی طرف دیکھ بھی سکے۔۔ اسی وجہ سے بھارت ہمیشہ پیٹھ پیچھے وار کرتا ہے پر ہماری آئی ایس آئی ہمیشہ اسکے ہر وار کو ناکام بنا دیتی ہے۔
پاکستان کا بچہ بچہ اپنی افواج سے بےپناہ پیار کرتا ہے۔ انکی قدر کرتا ہے ۔ اور اسی لیے دن رات اپنی افواج کے دفاع کیلئے تیار رہتا ہے۔
علّامہ اقبال رحمۃ اللہ علیہ نے ایسے ہی بہادر ، نڈر اور بلند حوصلہ جوانوں کے متعلق فرمایا تھا،

"”یہ غازی یہ تیرے پر اسرار بندے
جنہیں تو نے بخشا ہے ذوق خدائی
دو نیم ان کی ٹھوکر سے صحرا و دریا
سمٹ کر پہاڑ ان کی ہیبت سے رائی
دو عالم سے کرتی ہے بیگانہ دل کو
عجب چیز ہے لذت آشنائی
شہادت ہے مطلوب و مقصود مومن
نہ مال غنیمت نہ کشور کشائی "”

پاک فوج زندہ باد۔
پاکستان پائندہ باد۔

‎@NiniYmz

تمباکو کا پودا ایک سالانہ فصل دینے والا پودا ہےجسے فصل اترنے کے ساتھ ہی سوکھنے کے لئے چھوڑ دیاجاتا ہے سوکھنے کے دوران اس میں کئ طرح کے کیمیائ عمل وقوع پزیر ہوتے ہیں اس کے بعد سوکھے پتوں سے تمباکو حاصل کیاجاتا ہے یہ عام طور پر ہلکے نشہ آور خصوصیات رکھنے والی شہ شمار کی جاتی ہے۔ تمباکو دوا کےلئے، کیڑے مارنے کے لیے اور بعض ادویات میں نکوٹین کی جزو کے طور پر استعمال ہوتی ہے۔ لیکن جب یی تمباکو انسان سگریٹ، نسوار ،پان اورگٹکے کی شکل میں استعمال کرتا ہے تو مضر صحت بن جاتا ہے۔ کیوبا، چین اور امریکہ سب سے زیادہ تمباکو پیدا کرنے والے ممالک ہیں جبکہ پاکستان کا شمار بھی دنیا کےاعلٰی معیار کا تمباکو پیدا کرنے والے ممالک میں ہوتاہے۔
پوری دنیا کےطبی ماہرین اس نتیجے پر پہنچ چکے ہیں کہ تمباکو نوشی صحت کے نظام کو تباہ کردیتی ہے تمباکو نوشی سے نوجوانی میں اموات میں اضافہ دیکھنے میں آرہا ہے۔ ماہرین کے مطابق پاکستان میں تمباکو نوشی سے سالانہ ایک لاکھ سے ذائد افراد موت کا شکار ہوتے ہیں۔ یہ اموات پھیپھڑوں کے کینسر، اسٹروک، دل کی شریانوں کے تنگ ہونے، اور مختلف امراضِ قلب کی وجہ سے ہوتی ہیں اس کےعلاوہ یہ عادت سانس کی بیماریوں کی وجہ بھی بنتی ہے۔
عالمی ادارہ صحت کے مطابق دنیا بھر میں 4 کروڑ 40 لاکھ ایسے بچے ہیں جو 13 سے 15سال کی عمر میں ہونے کے باوجود تمباکو نوشی کرتے ہیں جبکہ بچوں کی ایک بڑی تعداد الیکٹرانک سگریٹ کا استعمال بھی کررہی ہے۔اوریہ بات باعث تشویش ہے کہ پاکستان دنیا کے ان 15ممالک میں شامل ہے جہاں تمباکو نوشی سے ہونے والی بیماریوں کی شرح بہت زیادہ ہے۔
ایک سروے کے مطابق پاکستان کی 22 کروڑ کی آبادی میں سے 19 فیصد لوگ ایسے ہیں جو 18سال کی عمر میں ہی تمباکو کا استعمال شروع کردیتے ہیں۔ مردوں میں سگریٹ نوشی 32 فیصد اور خواتین میں 5.7 فیصد تمباکو استعمال کرتی ہیں۔ جبکہ پاکستان میں خواتین ثقافتی اور معاشرتی طور پر سگریٹ سے اجتناب کرتی ہیں کیونکہ پاکستانی معاشرے میں خواتین کی سگریٹ نوشی معیوب سمجھی جاتی ہے لیکن اس صورتحال میں بھی خواتین کی یہ شرح باعث تشویش ہے قابل فکربات یہ ہے کہ پاکستان میں نوجوانی سے قبل ہی اکثر بچے تمباکو استعمال کرنے لگتے ہیں۔
پوری دنیا تمباکو نوشی کی روک تھام کے لئے شور تو مچارہی ہے اور اس ضمن میں قانون سازی بھی ہو رہی ہے جنمیں سگریٹ کے اشتہارات پر پابندی اور ٹیکسوں میں اضافہ نمایاں ہیں اور دلچسپ بات تو یہ ہے کہ جو کمپنی سگریٹ بنا رہی ہیں وہ یی اس کے پیکٹ پر یہ فقرہ درج کرتی ہیں کہ "تمباکو نوشی صحت کے لئے مضر ہے” ۔مزکورہ تمام اقدامات کے بعد بھی تمباکو نوشی کے تدارک میں کوئ پیش رفت دکھائ نہیں دیتی بلکہ اس مضر صحت شہ کو استعمال کرنے والوں کی تعداد میں روز بروز اضافہ ہی دیکھنے میں ارہا ہے۔گو کہ دنیا میں تمباکو نوشی روکنے کے لئے بظاہر تو سارے اقدامات ہوتے نظر آتے ہیں لیکن بادئ النظر ایسا ہوتا نظر نہیں آتا کیا اس مضر صحت شہ۔کی روک تھام کے لئے ضروری نہیں اس انڈسٹری ہی کو بند کر دیا جائے لیکن ایسا کیا نہیں جاسکتا کیونکہ تمام بڑی کمپنیاں مغربی طاقتوں کے ہاتھوں میں ہیں اور باقاعدہ بین القوامی مافیا اس کو تحفظ دیتی ہے سب سے تکلیف دہ بات تو یہ ہے کہ بطور مسلمان ہم خود مبینہ طور پرتمباکو نوشی کے خلاف اب تک کوئ متفقہ فتوئ لانے میں کامیاب نہ ہو سکے ہیں اب تک مختلف مکاتب فکر کے مفتیوں کے مختلف فتوے سامنےآ چکے ہیں جن کے درمیان بھی اختلاف نظر آتا ہےکچھ تمباکو نوشی کو حرام، کچھ مکروہ اور کچھ اس کو مباح کہتے ہیں۔
دوستوں کسی بھی فقہیء اور فکری اختلاف کے باوجود میری رائے میں اب تک محترم مفتی صاحبزادہ بدر عالم جان صاحب کا درج زیل فتوئ تمباکو نوشی کو حرام قرار دینے کے لئے کافی ہے اس لئے آپ کی خدمت میں پیش کر دیتا ہوں کہ
"شاید کہ اتر جائے ترے دل میں میری بات”۔
مفتی صاحبزادہ بدر عالم جان” دارالافتاء” سے وابسطہ ہیں جو تحریک منہاج القرآن کا آن لائن پراجیکٹ ہے، جس کے ذریعے عوام الناس کو دین کی معلومات قرآن و سنت کی روشنی میں فتووں کی شکل میں فراہم کی جاتی ہیں ۔مفتی صاحب فتوی نمبر1079میں بہت تفصیلی وضاحت دیتے ہیں!
"تمباکو نوشی انسانی صحت کے لیے نقصان دہ ہے جس کے عادی افراد کے جان لیوا بیماریوں میں مبتلا ہونے کا امکان بڑھ جاتا ہے۔ جیسا کہ سگریٹ کی ہر ڈبی پر لکھا ہوتا ہے کہ یہ ‘مضر صحت ہے’ اور وزارتِ صحت کی طرف سے خبردار بھی کیا گیا ہوتا ہے۔ کسی چیز کے مضر صحت ہونے کی اس سے بڑی اور کیا دلیل ہوسکتی ہے کہ اسے بنانے والے خود ہی اس پر لکھ دیں کہ یہ صحت کے لیے نقصان دہ ہے۔ پھر بھی جو اس کو استعمال کرے گا اسے کون سمجھدار کہے گا؟ جدید طب سے ثابت ہے کہ تمباکو و سیگریٹ نوشی، پان، گٹکا، نسوار اور اس قبیل کی دیگر اشیاء کینسر، دمہ اور ٹی بی وغیرہ جیسی جان لیوا بیماریوں کا سبب بنتی ہیں، اور ہماری دانست میں مضر صحت ہونے کی بنا پر ان کا استعمال شرعاً ممنوع ہے۔ قرآنِ مجید میں ﷲ تعالیٰ کا واضح حکم ہے:

وَلَا تُلْقُوْا بِيْدِيْکُمْ اِلَی التَّهْلُکَةج وَاَحْسِنُوْاج اِنَّ ﷲَ يُحِبُّ الْمُحْسِنِيْنَ.

اور اپنے ہی ہاتھوں خود کو ہلاکت میں نہ ڈالو، اور نیکی اختیار کرو، بے شک اللہ نیکوکاروں سے محبت فرماتا ہے۔

البقرة، 2: 195

وہ زہر جو فوری اثر کرے اور انسان کی جان لے لے اور وہ زہر جو رفتہ رفتہ اور بتدریج انسان کی جان لے جسے (Slow Poision) کہا جاتا ہے، دونوں کا ایک ہی حکم ہے، دونوں شریعت کی نظرمیں حرام ہیں۔ بلاشبہ سگریٹ کا شمار (Slow Poision) کے زمرے میں کیا جاسکتا ہے جو بتدریج انسان کی جان لیتا ہے۔ تمباکو نوشی اور سگریٹ کی ہلاکت خیزی سے کوئی شخص انکار نہیں کر سکتا۔ اللہ تعالیٰ نے اس بات سے منع فرمایا ہے کہ کوئی شخص جان بوجھ کر خود کو ہلاک کرے۔ ارشاد ہے:

وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيمًا.

اور اپنی جانوں کو مت ہلاک کرو، بیشک اللہ تم پر مہربان ہے۔

النساء، 4: 29

اسی وجہ سے فقہائے اسلام نے ہر اس چیز کو جس کا کھانا ضرر رساں ہو اسے حرام ہے قرار دیا ہے۔

علاوہ ازیں تمباکو و سگریٹ نوشی میں جسمانی، مالی اور نفسیاتی نقصان بھی ہے۔ سگریٹ نوش رفتہ رفتہ سگریٹ کا اس قدر عادی ہو جا تا ہے کہ وہ اس کا غلام بن کر رہ جا تا ہے، وہ چاہتے ہوئے بھی اسے چھوڑ نہیں سکتا، اگر سگریٹ نہ ملے تو اس کی عقل کام کرنا چھوڑ دیتی ہے۔

ان سب نقصانات کو مد نظر رکھتے ہوئے ہماری رائے ہے کہ سگریٹ نوشی حرام ہے۔اس میں ایک دو نہیں بلکہ کئی نقصانات ہیں، اور ان کے مقابلہ میں فائدہ کچھ بھی نہیں ہے۔

واللہ و رسولہ اعلم بالصواب۔”

مفتی: صاحبزادہ بدر عالم جان

تحریر
عبدالعزیز صدیقی ایڈوکیٹ

@Azizsiddiqui100

میں بھی انسان ہوں۔
زندگی اک جبر مسلسل ہے۔ اک سانس کو چلانے کے لئے اپنی تمام تر توانائیاں خرچ کرنی پڑتی ہیں۔ اس راہ میں کچھ بہت آگے نکل جاتے ہیں ترقی کی جیسے ساری راہیں طے کر جاتے ہیں مشکلات پہ قابو پا لیتے ہیں اور کچھ دوسروں پہ اپنی تکالیف کا وزن ڈال کر انکی راحتیں لے کر زندگی کی راہوں پہ چل نکلتے ہیں۔
جس طرح انسانی جسم کو زندہ رہنے کیلئے آکسیجن کی ضرورت ہے اسی طرح اس کو صاف پانی اور متوازن غذا کی بھی ضرورت ہے۔
اگرچہ یہ حقیقت ہے کہ ہمارا ملک پانی جیسی نعمت سے مالا مال ہے لیکن پھر بھی یہاں کئی ایسے مقامات ہیں جہاں پانی بلکل بھی میسر نہیں۔ ایسے علاقوں میں نہ تو آج تک گورنمنٹ لوگوں کو یہ سہولیات دے سکی اور نہ وہاں کے باسی خود اپنے لیے پانی کا کوئی خاطر خواہ بندوبست کر سکے۔ یہی وجہ ہے کہ وہاں کے مکین آج بھی پانی کی بوند بوند کو ترس رہے ہیں۔ پاکستان کو آزاد ہوئے تقریبا صدی مکمل ہونے کو ہے لیکن وہاں ان علاقوں میں زندگی گزارنے کی بنیادی سہولیات تک میسر نہ ہو سکیں۔ آخر کیا وجہ ہے کہ وہاں کے لوگ صاف پانی کیلئے ترس رہے ہیں وہاں کے باشندوں کی خوراک ، صحت ، تعلیم ، رہن سہن ، بودوباش اور پینے کے صاف پانی کے مسائل اج تک کسی مسیحا کے منتظر ہیں۔ کون آئے گا جو انکے ان مسائل کو حل کرے گا؟
کون آئے گا جو ان کے دکھوں کا مداوا کرے گا؟
کون ہے جو انکے درد کو بانٹے گا؟ کون ہے جو ان کو جینے کا حق دے گا؟
کیا انکو جینے کا کوئی حق نہیں؟
انسانی ضروریات کی بنیادی سہولیات کون مہیا کرے گا انکو؟
کیسے وہ اپنی زندگی گزارتے ہیں ان کو دیکھ کر ہر ذی شعور انسان کو ترس آتا ہے۔ ان کے پینے کے پانی کا انحصار بھی بارشوں کے جمع شدہ تالابوں اور جوہڑوں پہ ہوتا ہے جو کہ بارش ہونے پہ بھر جاتے ہیں اور پھر وہیں سے جانور پانی پیتے ہیں وہیں سے وہاں کے رہنے والے لوگ اپنی ضروریات زندگی کو پورا کرتے ہیں۔ انسان تصور بھی نہیں کر سکتا کہ اس کے ساتھ کا انسان ایسا پانی پی رہا ہے جو کہ عام استعمال کیلئے بھی نقصان دہ ہے۔ لیکن کیا کریں کس کو پکاریں انکی آواز نیسلے پینے والوں کے کانوں تک کہاں پہنچتی ہے؟
ہزاروں لوگ سالانہ خشک سالی سے مر جاتے ہیں بارشیں نہ ہونے کی وجہ سے پانی جوہڑوں اور تالابوں سے خشک ہو جاتا لوگ پیاس سے مرنا شروع ہو جاتے ہیں تو کچھ حکومتی نمائندے اپنے گناہوں پہ پردہ ڈالنے اور اپنا ووٹ بچانے کیلئے کچھ کھانے پینے کی اشیاء لے کر وہاں پہنچ جاتے ہیں کچھ تصویریں بنا کر اور کچھ ویڈیو بنا کر اپنے مخلص ہونے کا ثبوت دے آتے ہیں۔
لیکن ان کے مسائل حل کرنے کیلئے کوئی بھی تیار نہیں۔
ہر سال ہزاروں لوگ گندے پانی کے استعمال سے مختلف جان لیوا وبا کا شکار ہو جاتے ہیں کچھ اس میں اپنی جان گنوا دیتے ہیں اور کچھ ان وباوں سے معذور ہو جاتے ہیں۔ آخر یہ امتیازی سلوک کیوں؟ کیا وہ انسان نہیں؟ کیا انکو یہ حق حاصل نہیں کہ انکو بھی عام لوگوں کی طرح سہولیات زندگی دی جائیں؟
یہ سب تبھی ممکن ہے جب ہماری سوچ انفرادی نہیں اجتماعی ہو گی۔ آج ہر ایک کو اپنی زندگی اپنی خوشی اور اپنی سہولتوں کا خیال ہے ہم ان لوگوں کو نظر انداز کرتے ہیں یہ سوچ کر شاید کہ ہم تو خوش ہیں ہمیں تو پرابلم نہیں۔ لیکن انکی آواز تو بن سکتے ہیں ان کی بات کو حاکم وقت تک تو پہنچا سکتے ہیں سب کچھ ہماری آنکھوں کے سامنے ہوتا ہے پھر بھی ہم خاموش تماشائی بنے رہتے ہیں۔ وہاں زندگی کی کوئی دوسری سہولت نہیں انٹرنیٹ نہیں موبائل سروس نہیں لوگ احتجاج نہیں کر سکتے لوگ اپنے ہی غموں میں ڈوبے ہیں لیکن ہم تو آزاد ہیں ان کی آواز بن سکتے ہیں انکے دکھوں کا مداوا کر سکتے ہیں تو پھر ہم خاموش کیوں ہیں؟
ہم حکومت وقت سے ان لوگوں کی زندگیوں کا حساب کیوں نہیں مانگتے؟
وہ بھی انسان ہیں ہماری طرح جینا انکا بھی بنیادی حق ہے انکے جذبات بھی ہماری طرح ہیں ان کے دلوں میں بھی وطن اور اپنوں کی محبت ہے وہ بھی پاکستانی ہیں وہ بھی محب وطن ہیں وہ بھی وطن پہ جان دینے کو اپنے لیے فخر سمجھتے ہیں۔
ہم تکالیف میں گھرتے ہیں تو وہ بھی اس کا درد محسوس کرتے ہیں تو پھر ہمیں ان کا درد کیوں نہیں محسوس ہوتا؟ آخر کیوں؟

Writer
https://twitter.com/Emerging_PAK_B?s=09