Author: Baaghi TV

” اگر تم شکر کروگے تو میں تمیں اور دونگا !”
(القران )
شکر ایک عام انسانی اور اسلامی صفت ہے ہمیں ہر حال میں اللّه کا شکر ادا کرنے کی ضرورت ہے ۔ شکر گزاری کے بارے میں اللّه فرماتے ہیں کہ جو شخص جیس نعمت پہ شکر ادا کرے گا میں اسے وہ نعمت اور زیادہ دونگا، در حقیقت احساس کا نام ہے یہ زبان سے نہیں اپنے عمل سے ھوگا۔ احساسات عمل سے پیدا ہوتے ہیں۔ ایک آدمی بہت سارا مل وہ دولت اكهٹا کرتا ہے اسے بانٹتا نہیں ہے اور کہتا ہے کہ شکر ہے ،شکر ہے تو وہ آدمی اصل میں شکر کرنے والا نہیں کہلاے گا۔ کیوں کہ کنجوس آدمی مال اكهٹا کرتا ہے اور استعمال کوئی اور کرتا ہے ہم زندگی میں بہت سارا مال اكهٹا کرتے اور کہتے ہیں یہ ہمارا ہے ۔ ذرا سوچیے کیا یہ شکر گزاری ہے ؟ نہیں یہ شکر گزاری نہیں!
شکر گزاری کا مطلب یہ ہے کہ اللّه پاک نے جو دیا ہے وہ اللّه کی راہ میں استعمال ہو ۔ شکر گزاری کا ایک اچھا طریقہ یہ بھی ہے کہ جو اللّه نے دیا اسے اللّه کے راہ میں خرچ کریں غريبوں اور ضرورت مندوں کی مدد کریں جو نعمتیں اللّه نے دیا ہے انہیں دوسروں میں بنٹنا شروع کریں۔
اپنے روے سے اپنے انداز سے شکر گزار بنیں کیوں کہ عمل سے پتا چلتا ہے کہ بندہ کتنا شکر گزار ہے جو دوسروں کا خیال نہیں رکھتا ہو جو دوسروں کا درد احساس نہیں رکھتا ہو جو دوسروں کو اپنے رزق میں شامل نہیں کرتا ہوں وہ بندہ شکر گزار نہیں بن سکتا۔ بہت ساری چیزیں اور وجود ایسی ہوتی ہیں جو ہمیں نظر نہیں آتی اور نہ انہیں چھوا جا سکتا مگر ہماری کامیابی اور ترقی میں ان کا بہت کردار ہوتا ہے۔ ہمیں ان چیزوں پہ شکر ادا کرنا چائے۔
ہر حال میں ہر بات پہ ہر چیز پہ اللّه کا شکر ادا کرنا چائے مثلا یہ کہ یا اللّه تیرا لاکھ لاکھ شکر ہے کہ آپ نے مجھ سیکھنے کا شوق دیا اگر سيكهنے کا شوق نہیں دیا ہوتا تو میں علم حاصل نہیں کر پاتا۔
اے اللّه اگر مجھ شکر گزار بندہ نہ بنایا ہوتا تو آج میری زندگی میں اتنے محبت کرنے والے لوگ نہ ہوتے۔ میں اسکا شکر ادا کرتا ہوں۔
اے اللّه مجھے آپ پہ یقین ہے کہ آپ میرے مالک ہے۔ میں اس پہ شکر ادا کرہا ہوں۔
اے اللّه میری زندگی میں انے والے ہر مشکل کو آپ نے حل کیا مجھ اس پہ شکر ہے ۔
اے اللّه مجھ صحت دی مجھ اس پہ شکر ہے۔
اے اللّه مجھ دی ہوئی ہر نعمت کا میں شکر ادا کرتا ہوں۔
اے اللّه مجھ ہمت دی کہ میں آپکے مخلوق کی مدد کر سکو مجھ اس پہ شکر ہے ۔ یہ میرے اندر احساس ہے مجھ اس بات پہ شکر ہے ۔
یا اللّه مجھ کوئی جسمانی اپا ہیج نہیں دیا مجھ اس پہ شکر ہے ۔
اے اللّه میں آپکے کون کون سی نعمت پہ شکر ادا کروں میں جتنا بھی شکر ادا کروں کم ہے ۔
دنیا میں گلا کرنا شکایات بہت آسان ہے مگر شکر کرنا بہت مشکل ہے۔ اگر ہم اپنی زندگی میں شکر گزاری کو شامل کرتے ہیں شکر گزاری کا جذبہ لے کر اتے ہیں اور شکر گزار بنتے ہیں تو پھر ہماری زندگی بدلے گی اور ہمیں اطمینان قلب بھی نصیب ہوگا۔
ہر وقت اللّه کا شکر ادا کرنا ہے۔ وہ تمام لوگ جو ہماری زندگی میں خوش قسمتی بن کر آئے، وہ تمام چیزیں جو ہمیں گفٹ کی شکل میں ملیں، وہ تمام چیزیں جن پر ہمارا حق نہیں قدرت نے پھر بھی ہمیں دیا انکا شکر ادا کرنا ضروری ہے اور اگر ہم شکر ادا کرتیں تو اللّه پاک ان سب نوازشات میں اور برکت ڈال دیتا ہے ہمارے کام آسان ہونا شروع ہو جاتے ہیں۔ ہمیں اطمینان قلب نصیب ہوتا ہے اور راحت مل جاتی ہے۔ ہمیں پتا بھی نہیں چلتا ہمارے سارے مسلے حل ہو جاتے ہماری تمام مشکلات دور ہو جاتی ہے اور زندگی میں سکون اجاتا ہے۔
اسلیے تو اللّه پاک نے کہاں ہے جتنا شکر ادا کرو گے اتنا دونگا۔
ہم اپنی زندگی میں اپنی ذات اور ارد گرد کے چیزوں کا حالات واقعات کا اور رشتوں کا جايزہ لیں تو پتا چلتا ہے کہ ان گنت نعمتں اللّه نے دیا ہے جن کا شکر ادا کرنا انتہائی ضروری ہے۔
اور اگر ہم شکر ادا نہیں کرتے نا شکرے بن جاتے تو جو دیا ہے وہ بھی اللّه واپس چھين لیتا ہے اسلیے ہر وقت ہر حال اس خالق کا شکر ادا کرنا چائے۔
یہ بات عام طور پر مشاہدے میں آئی ہے کہ ہمارے معاشرے میں وہ لوگ جو شکر ادا نہیں کرتے ان کی زبان میں ہمیشہ گلے شکوے رھتے اور ہمیشہ منفی سوچتے ہیں۔ اسے لوگ زندگی میں کبھی خوش نہیں رہتے بس ہمیشہ اسی ناشکری اور منفی سوچوں میں ایک دن اس دنیا سے چلے جاتے ہیں۔
اور وہ لوگ کامیاب ہو ہو جاتے ہیں جو ہمیشہ اللّه پاک کی دی ہوئی ہر نعمت پہ شکر ادا كرتیں ہیں۔
اس لئے ہمیں چائے جو اللّه نے دیا اس پہ ہو کر اللّه کا شکر ادا کریں اور جو نہیں ہے اس پہ صبر کریں پھر زندگی پرسکون گزرے گی اور اطمینان قلب نصیب ہوگا ۔
اس خوبصورت بات کے ساتھ اس کالم کو اختتام کرنا چاہونگا عمل کرو گے تو زندگی پرسکون گزرے گی۔
اگر آپ وہ چاہتے جو آپ کے پاس نہیں ہے تو اس چاہت کو ختم کرو اور اسے چاہنا شروع کرو جو آپ کے پاس موجود ہے زندگی کے بہت سارے پرابلمز ختم ہو جائینگے۔
@I_MJawed

اس سے پہلے وہ شاہ حبشہ، نجاشی کے دربار میں جاتا رہا تھا، روم کے کے بادشاہ قیصر کے محل میں بھی پہنچا تھا اور ایران کے بادشاہ کسری کے پاس بھی سفیر بن کے جاچکا تھا ۔

یہی وجہ تھی کہ اہل مکہ کو اس کی فراست، سفارت اور معاملہ فہمی پر ناز تھا ۔وہ اسے اپنی، کسی بھی بڑی سے بڑی مشکل سے بچنے کے لئے کوئی راہ نکالنے کی ذمہ داری سونپ سکتے تھے ۔

یہ اہل مکہ کا ایک دانا، جہاں دیدہ اور تجربہ کار سردار، عروہ بن مسعود تھا ۔یہ بعد میں حلقہ بگوش اسلام ہوئے(رضی الله تعالیٰ عنہ) ان پر انہیں مکمل اعتماد تھا ۔ماضی کی طرح، اج بھی ایک مشکل گتھی سلجھانے کے لئے، مکہ والوں نے انہیں میدان میں اتارنے کا عزم کیا ۔

یہ میدان، مکہ مکرمہ سے انیس میل کے فاصلے پر واقع تھا ۔اس میدان کو حدیبیہ کے نام سے پکارا جاتا تھا۔ یہاں رحمت دو عالم صلی الله عليه وسلم، اپنے صحابہ کرام کی ایک جماعت کے ساتھ موجود تھے،۔اپ صلی الله عليه وسلم مدینہ منورہ سے عمرہ کرنے کے لئے تشریف لائے تھے ۔

رسول اکرم صلی اللہ علیہ وسلم کو جب عروہ بن مسعود نے اپنے جان نثاروں کے درمیان گھرا ہوا دیکھا تو عجب منظر تھا۔ آپ صلی اللہ علیہ وسلم، صحابہ کرام رضی اللہ عنہم اجمعین کے درمیان یوں لگ رہے تھے جیسے روشنی کے حلقے کے درمیان چاند ہو۔

عروہ بن مسعود نے یہ منظر دیکھا تو متآثر ہوئے بغیر نہ رہ سکے، انہوں نے جہاں مذاکرات کئے، وہیں حالات کا بغور جائزہ بھی لیتےرہے۔ وہ دیکھ کر دنگ رہ گئے، اور حیران کیوں نہ ہوتے، یہاں انہیں وہ کچھ دکھ رہا تھا، جو قیصر وکسری کے دربار میں بھی دیکھنے کو نہ ملا وہ کیا تھا ؟

وہ بتاتے ہیں کہ میں نے دیکھا ؛
جب محمد صلی اللہ علیہ وسلم وضو فرماتے ہیں تو آپ صلی اللہ علیہ وسلم کا ماء مستعمل ،وضو کا پانی آپ کے جان نثار نیچے نہیں گرنے دیتے، اسےہاتتھوں ہاتھ لیتے ہیں اور اپنے چہرے اور جسم پر مل لیتے ہیں۔

حد تو یہ ہے کہ آپ صلی اللہ علیہ وسلم کے آب دہن کو زمین ترستی ہے لیکن آپ کے عشاق اسے زمین پر گرنے نہیں دیتے۔
آپ صلی اللہ علیہ وسلم جب گفتگو کرتے ہیں تو ہر سو سناٹا چھا جاتا ہے، آپ کے یہ عقیدت مند ہمہ تن گوش رہتے ہیں۔
آپ کی ہر ہدایت کو سنا اور مانا جاتا ہے بلکہ آپ کے اشارہ ابرو کو بھی سمجھا اور مانا جاتا ہے.
آپ کی حد درجہ تعظیم کی جاتی ہے۔

یوں کہہ لیجیے کہ آپ صلی اللہ علیہ وسلم کے گرد موجود ھدایت کے ان روش ستاروں اور جان نثاروں میں سے ہر ایک کی یہ کوشش رہتی کہ میں آپ صلی اللہ علیہ وسلم پہ فدا ہو جاؤں، اس فدا کاری کو وہ اپنے لیے دونوں جہانوں کے لیے باعث فخر اور ذریعہ نجات سمجھتا۔

واپسی پر جب عروہ نے کفار کے سامنے آنکھوں دیکھے حال کی منظر کشی کی تو کچھ ہیچ پیچ کرنے کے بعد، آخر کار انہیں اپنے جذبات سے بالا تر ہو کر سوچنا پڑا. نتیجے کے طور پر باہم مصالحت ہوئی۔

صحابہ کرام رضی اللہ عنہم اجمعین کا نبی کریم صلی اللہ علیہ وسلم کے ساتھ یہ والہانہ محبت کا اظہار، آپ صلی اللہ علیہ وسلم کی آواز کے سامنے اپنی آوازوں کا پست رکھنا اور آپ ﷺ کے حکم کی تعمیل میں لپکنا، ہمیں عشق و محبت کے قرینے اور تقاضے بتاتا ہے۔

آپ صلی اللہ علیہ وسلم سے دعویٰ محبت تو محبت کا محض ایک دعویٰ ہی ہے، جب تک ہم اپنے عمل اور اطاعت رسول سے اپنے اس دعوے پر دلیل پیش نہیں کرتے، اس دعوے کی کوئی حقیقت نہیں ہے۔

محض عمل اور اتباع بھی کمال ایمان کے لیے کافی نہیں ہے، جب تک تسلیم ورضا نہ ہو۔سورۃ نساء کی آیت ہمیں بتاتی ہے کہ ہمارا ایمان اس وقت تک کے لیے غیر معتبر ہے، جب تک ہم اپنی عملی زندگی میں آپ صلی اللہ علیہ وسلم کو نہ صرف یہ کہ حکم تسلیم کر لیں بلکہ یہ بھی ضروری ہے کہ ہم اپنے دل میں تنگی محسوس نہ کریں ۔

سورہ احزاب کی ایک آیت ہمیں یہ بھی بتاتی ہے کہ آپ صلی اللہ علیہ وسلم کے ہمارے کسی معاملے میں فیصلہ فرما دینے کے بعد، ہمیں کوئی اختیار نہیں رہتا۔

غرض ایک سچے مؤمن اور حقیقی محب کی شان یہی ہے کہ وہ آقا نامدار حضرت محمد صلی اللہ علیہ وسلم کے ساتھ جہاں اظہارِ محبت کرے، وہاں ۔

آپ صلی اللہ علیہ وسلم سے عقیدت بھی رکھے،
آپ کی عظمت کو بھی جانے،
آپ کے فیصلوں کا احترام بھی کرے،
آپ کی اطاعت و اتباع بھی کرے،
اور وقت آنے پر آپ پر جان و تن فدا بھی کرے۔

آپ صلی اللہ علیہ وسلم کی محبت جہاں ہم سے یہ تقاضے کرتی ہے وہیں ہم سے یہ مطالبہ بھی کرتی ہے کہ ہم اغیار کے طور طریقے چھوڑ دیں، بدعات کا ارتکاب نہ کریں
اور شریعت کے مقابلے میں اپنی خواہشات کی اتباع نہ کریں۔
Twitter | @AdnaniYousafzai

اعتزاز حسن نے اپنی ایک نظم میں ریاست کو ”ماں“کا درجہ دیکر ہر خاص و عام کو ایک امید کی کرن دلائی اور عوام میں یہ شعور جگایا کہ ریاست کا اصل کردار اپنے عوام کو ماں جیسی توجہ دینا ہوتا ہے،ایک ماں کا کردار ایسا مثالی کہ خود اللہ تعالیٰ نے اپنے آپ کو ستر ماؤں جیسا پیار دینے والا قرار دیا ہے۔ہم جس ملک میں رہ رہے ہیں وہ پاکستان کم اور مسائلستان زیادہ ہے۔”ایک ماں کا تصور لے کر ملک کا حکمران بننے والا خود بچہ بن جاتا“ الٹا ملک کی ذمہ داری بن جاتی ہے کہ اُس بچے کو سہارا دے۔پاکستان ایک ترقی پزید ملک ہے اور ترقی یافتہ بننے کے لئے ہاتھ پاؤں ماررہا ہے۔یہاں غربت کی شرح بہت زیادہ ہے،ملک کی آدھی آبادی غربت کی لکیر سے نیچے زندگی گزار رہی ہے۔حق یہ بنتا ہے کہ اس ملک کی پالیسی میں غریب اور غربت پہلے نمبر پر ہو لیکن یہاں عوام پر پیسہ لگانے کا رجحان نہایت کم ہے۔ریاست مدینہ میں انڈر پاس، اوورہیڈبرج،فلائی اوور،میٹرو اونج ٹرین اور موٹر وے کا تصور تک نہیں۔نبی اکرمﷺ نے اپنی ساری توجہ لوگوں پر دی، اپنے اعلیٰ اخلا ق سے لوگوں کے دل جیتے۔مدد کیلئے آنے والے شخص کو پیسے نہیں دیئے کلہاڑا دیا اور بازار کی راہ دکھائی۔لوگوں پر سرمایہ کاری کی۔انتہائی محدود ذرائع کے باوجود وہ ریاست مدینہ قائم کردی جس کے خواب آج کے حکمران بھی دیکھ رہے ہیں۔ڈیڑھ سال ختم ہونے کو ہے،ریاست مدینہ کے علاوہ ہر وہ کام ہورہا ہے جس کی مخالفت 22سال تک کی جاتی رہی۔عمران خان کی یہ بدقسمتی ہے کہ جن امور کی وہ ساری زندگی مخالفت اور تنقید کرتے رہے،حالات ان سے وہ سارے کے سارے کام کروا رہے ہیں جس کی وجہ سے PTIکا ورکر،سپورٹر اور ووٹر شرمندہ شرمندہ دکھائی دیتا ہے اور اُس کی اڑان اب جواب دیتی جارہی ہے۔یہاں یہ امر قابل زکر ہے کہ حکومت کوئی بھی ہو غریب کو اپنے مسائل کا حل درکار ہوتا ہے جو حکومت اسے روٹی، کپڑا،مکان،صحت، تعلیم کاتھوڑا سا بھی حصہ دے دے وہ حکومت عوامی ہوجاتی ہے۔بھٹو نے روٹی،کپڑا اور مکان کا نعرہ دیا اور اس پر 10%بھی عمل درآمد نہ ہوسکا لیکن جتنا قلیل عمل ہوگیا اس نے بھٹو کو نہ صرف یہ عوامی لیڈر بنا دیا بلکہ وہ ساری زندگی کے لئے”امر“ ہوگئے۔آج بھی ان کا نام بیچا جارہا ہے اور شائد اگلے 20سال تک بھی بھٹو زندہ رہے گا۔وہ دن کسی بھی پاکستانی حکومت کے لئے کامیابی اور کامرانی کا پہلا د ن ہو گا جس دن عوام پر پیسہ لگانے کا عملی کام شروع ہوگا۔ چائنا نے اپنی قوم پر پیسہ لگایا،غربت ختم ہوگئی وہاں کے لوگوں نے اس عمل کاReturnدینا شروع کیا،عمل کا ردعمل سامنے آیا اور چائنا دنیا کا دوسرا بڑا کامیاب ملک بن گیا۔آج امریکہ کے ہاتھ پاؤں پھولے ہوئے ہیں کیونکہ اگلے دس سالوں تک امریکہ کی چودھراہٹ چین کے ہاتھوں ختم ہونے جارہی ہے۔یہ ساری کامیابی غربت کے خاتمے اور عوام پر سرمایہ کاری کی مرہوں منت تھی۔کیا پاکستان میں ایسا ممکن نہیں؟ تو جواب یہ ہے کہ ہاں ایسا ممکن ہے کیونکہ پچھلی حکومتوں نے انفراسٹرکچر پر اتنا کام کردیا ہے کہ اب مزید پیچھے صرف عوام ہی رہ گئے ہیں،اگر اینٹ گارے سے حکومتیں کامیاب ہوتیں تو مسلم لیگ نواز کا حق بنتا تھا کہ انہیں اگلے 20سال بھی ملتے۔یہ ایک مثال ہے جو عمران حکومت کیلئے سبق ہونی چاہئے۔بدقسمتی سے ڈیڑھ سال گزرنے کے باوجود حکومت میں سب کچھ ہے لیکن عوام نہیں۔تاریخ پہ تاریخ ڈالی جاری ہے اور مہلت پہ مہلت مانگی جارہی ہے لیکن یاد رہے دنیا کی تاریخ میں عوام اقتدار تو دے دیتے ہیں لیکن مہلت نہیں دیتے،کارکردگی نہ دکھانے والے ماضی کا قصہ بنا دیئے جاتے ہیں۔عمران خان کو بھی اقتدار دے دیا گیا ہے۔Deliverنہ کیا گیا تو مہلت ان کو بھی نہیں ملے گی کیونکہ عوام کو ریلیف درکار ہوتا ہے، حکومت چاہے نمرود کی ہی کیوں نہ ہو
@joinwsharif7

رواں ہفتے لاہور میں دو دلخراش اور انتہائی افسوس ناک واقعات پیش آئے. دونوں واقعات نے تمام پاکستانیوں کو غمگین کر دیا بالخصوص مینار پاکستان والے واقعے نے تو جہاں پاکستانیوں کو غم و غصے میں مبتلا کیا وہیں کچھ اسلام اور پاکستان مخالف لوگوں نے بھی اس واقعے اور موقعے کا بھرپور فائدہ اٹھاتے ہوئے اسلام اور پاکستان کو بدنام کرنے کی کوشش کی. مینار پاکستان والے واقعے میں دونوں فریقین کی غلطی ہو سکتی ہے مگر دوسرے رکشے والے واقعہ میں ایک بدقماش اور آوارہ لڑکوں کے جھنڈ کی سراسر غلطی تھی. ان دونوں واقعات سمیت ملک بھر میں پیش آنے والے تمام واقعات میں ایک چیز مشترک ہے، وہ ہے والدین کی طرف سے اولاد کی تربیت کا فقدان.

ویسے تو ہر جرم کے ہر مرتکب شخص کی شرعی اور اخلاقی تربیت کا فقدان ہوتا ہے مگر ایسے تمام واقعات بالخصوص جن میں خواتین کے ساتھ بدتمیزی اور نازیبا حرکات کی جاتی ہیں ان میں لازمی طور پر تعلیم و تربیت کا فقدان ہوتا ہے. صبح سے شام تک سخت گرمی اور سردی میں رزق حلال کما کر یا یکم سے 30 تک پورا مہنیہ کام کرکے اپنے بچوں کو کھانا کھلا دینا، اسے والدین اپنی ذمہ داری کی تکمیل مت سمجھیں. اپنی اولاد کو کھانا کھلانے اور جائز ضروریات پوری کرنے کی ذمہ داری تو ایک خاص عمر اور خاص حالت تک عائد ہوتی ہے مگر تربیت کے لئے تو والدین اور بچے کی ساری عمر ناکافی ہے اور لازمی ہے.
اسلام نے والدین کو اپنی اولاد کی تربیت کے لئے پابند بناتے ہوئے وسیع اختیارات بھی دے رکھے ہیں. نماز کی پابندی اور شرعی تربیت کے لئے والدین کو اسلام کی طرف سے ہدایات جاری کی گئی ہیں کہ بچے کو سمجھاؤ، نہ سمجھے تو ڈانٹ ڈپٹ کرو، پھر نہ سمجھے تو ہاتھ اٹھا سکتے ہو اگر پھر بھی باز نہ آئے تو گھر سے نکال کر ہمیشہ ہمیشہ کے لئے جائیداد سے عاق کرکے لاتعلقی کا اعلان کر سکتے ہو.

ارشاد ربانی کے مطابق "بہترین عزت والا وہ شخص ہے جو اللہ تعالیٰ سے زیادہ ڈرنے والا ہو”، انسانیت کے حوالے سے بھی نبی کریم صلی اللہ علیہ وآلہ وسلم کے ارشاد عالیشان کے مطابق
"تم میں سے بہترین مومن وہ ہے جس کے ہاتھ، کان اور زبان سے دوسرا مسلمان محفوظ ہو” اسی طرح ایک اور جگہ رسولﷺ کا ارشاد مبارک ہے کہ
"بہترین انسان وہ ہے جو انسانوں کو فائدہ پہنچاتا ہے”. ان تمام احکامات کو جنسی ہراسگی کے تناظر میں دیکھا جائے تو بات سمجھ آ جاتی ہے کہ برائی کی وجہ کیا ہے. جو شخص اللہ تعالیٰ سے ڈرنے والا ہوگا ان میں عورت پردے اور چادر کا خیال کرتے ہوئے باحیا ہو گی اور اسی طرح مرد اپنی نگاہوں کو جھکا کر چلے گا اور ہر عورت کو عزت دے گا. مسلمان اپنے قول و فعل سے کسی کو تکلیف پہنچانے سے باز رہیں گے.

جرم کی سب سے بڑی وجہ والدین ہیں اور مجرمین سے زیادہ مجرم والدین ہیں. جو اپنی اولاد کی تربیت نہیں کرتے. اگر تمام والدین اسلامیات اور اخلاقیات کی روشنی میں اپنی اولاد کی تربیت کرنا شروع کر دیں تو معاشرے سے جرم مکمل طور پر ختم ہو جائے. خواتین کے متعلقہ تمام واقعات میں والدین کی تربیت کہیں نظر نہیں آتی. آج کل کے دور میں والدین اپنے بچوں کو وقت نہیں دیتے کیوں کو وہ تربیت کو اہم نہیں سمجھتے. اپنی اولاد کی شرعی اور اخلاقی تربیت کرنا والدین پر فرض ہے. بدقسمتی سے والدین اسلام سے دور ہیں، والدین کی اولاد کے متعلق ترجیحات اور اہداف نہ غیر ضروری ہیں بلکہ بعض اوقات اسلام اور اخلاقیات کے بھی متصادم ہوتے ہیں. بہت سارے والدین اپنی اولاد کے لئے گلوکاری، اداکاری، سوشل میڈیا پر فالورز اور ریٹنگ لینے کے لئے محنت اور دعا کرتے نظر آتے ہیں.

مینار پاکستان واقعہ، نور مقدم واقعہ، اسلام آباد عثمان مرزا واقعہ، یہ ایسے واقعات ہیں جن میں دونوں فریقین اور ان کے والدین برابر کے مجرم ہیں. والدین کی تربیت میں ناکامی یا عدم دلچسپی پاکستان اور اسلام کے لئے جگ ہنسائی کا باعث بنتی ہے. نور مقدم کے والدین اور قاتل ظاہر جعفر کے والدین نے نہ صرف اپنی اولادوں کی تربیت کرنے میں ناکام رہے بلکہ ان کے درمیان ناجائز تعلقات پر بھی راضی رہے. اسی طرح مینار پاکستان والے معاملے میں لڑکی عائشہ کے والدین بخوبی جانتے تھے کہ ان کی بیٹی کیا کر رہی ہے اور ریمبو کون ہے اور ان دونوں کے درمیان کیا تعلقات ہیں.
والدین کی ذمہ داری ہے کہ اپنی اولاد کی شرعی اور اخلاقی تربیت کریں. اگر ان کی اولاد میں سے کوئی بھی غلطی کرے اسکو سزا دیں، پولیس اور اداروں کے ساتھ تعاون کریں اور اپنے بیٹے، بیٹی یا بہن بھائی کو قانون کے حوالے کریں. اچھی تربیت کے بعد صرف سزا ہی ہے جس کے ذریعے معاشرے کو سدھارا جا سکتا ہے.
اولاد کی اچھی تربیت کئیے بغیر اور مجرم کو قرار واقعی سزا دئیے بغیر جرم کو ختم کرنا تو دور کی بات، کم بھی نہیں کیا جا سکتا. اچھی تربیت اور سزا کے ذریعے ہی جرم ختم کیا جا سکتا ہے.

دوسرے نمبر پر ان جرائم کی ذمہ دار ریاست اور متعلقہ ادارے بھی ہیں. سزا جزا کا عمل ناپید ہو چکا ہے. اگر کوئی سنگین جرم میں اقبال جرم کر لے تو چند ہزار کے بدلے عدالت ضمانت پر رہا کر دیتی ہے. جس سے مجرم سزا اور قید سے بچ جاتا ہے. میں آج تک یہ بات نہیں سمجھ سکا کہ سنگین جرائم میں ملوث قیدیوں کو ضمانت پر رہا کرنے کا مطلب کیا ہے. اسلام میں سزا اور جزا ہے، اسلام میں معافی بھی ہے اگر متاثرہ خاندان یا شخص اور لواحقین گناہ گار کو معاف کر دیں. سنگین مجرموں کو ضمانت پر بھی رہائی نہیں ملنی چاہیے. مجرم کو جیسا جرم ویسی سزا یقینی ملنی چاہیے.

ایسے غیر اخلاقی اور ناخوشگوار واقعات کی وجوہات میں سے تیسرا نمبر غیر اخلاقی اور غیرمعیاری ڈرامے اور فلمیں ہیں. جب صرف پی ٹی وی ہوا کرتا تھا تب تقریباً سب صحیح تھا. معیاری، اخلاقی اور ثقافتی ڈرامے دیکھنے کو ملتے تھے. جس سے نئی نسل کی کردار سازی ہوتی تھی. اب واہیات، فحش اور بے ہودہ ڈراموں نے گھر اجاڑ دئیے، میاں بیوی کے درمیان طلاق کی شرح میں اضافہ کردیا. معاشرے میں غیر اخلاقی سرگرمیوں کو بڑھا دیا.
میرے خیال میں موجودہ حالات کی مخلوط نظام تعلیم بھی ایک وجہ ہے. غیر مردوں کے ساتھ غیر عورتیں اور غیر عورتوں کے ساتھ غیر مرد بیٹھ کر پڑھیں گے اور پڑھائیں گے تو معاشرہ سدھرنے اور سنورنے کی بجائے مزید بگاڑ کا شکار ہوگا.

لب لباب یہ ہے کہ معاشرے کو سنوارنے کے لئے تربیت کے حوالے سے والدین پر اولین اور سب سے اہم ذمہ داری عائد ہوتی ہے. اس کے بعد ریاست اور اداروں کو ذمہ داری نبھاتے ہوئے سزا و جزا کو یقین بنانا ہوگا اور نظام تعلیم میں تبدیلی لاتے ہوئے تعلیم کو اخلاقیات اور شریعت کے عین مطابق بنانا ہوگا.

@mian_ihsaan