Author: Baaghi TV

انسان جہاں پہاڑوں سے زیادہ مضبوط وہاں پہ ایک تنکے سے زیادہ کمزور بھی ہے۔
اللہ نے انسان کو جوڑے کی صورت پیدا کیا مرد اور عورت۔ پھر ان میں ایک دوسرے کیلئے راحت اور سکون رکھا یعنی انکو ایک دوسرے کے سکون کا ذریعہ بنایا۔
جب دونوں عاقل بالغ ہو جائیں تو نکاح کریں اور حلال طریقے سے ایک دوسرے سے راحت حاصل کریں۔ اس کے علاوہ اسلام نے ہر طریقے اور کام کو حرام قرارا دیا جس سے جنسی تسکین کا سامان پیدا کیا جائے۔
اللہ نے انسان کی ضروریات کو پورا کرنے کیلئے اس کا شرعی حل بھی ساتھ دے کر دنیا میں بھیجا۔ سیدھا راستہ دکھانے کیلئے کم و بیش ایک لاکھ چوبیس ہزار پیغمبر بھیجے۔ ہر پیغمبر نے اللہ کی طرف سے دیے گئے احکامات کو بخوبی احسن طریقے سے اپنی قوم تک پہنچایا۔
ہماری رہنمائی کیلئے اللہ نے حضرت محمد صلی اللہ علیہ وسلم کو بھیجا۔ آپ صلی اللہ علیہ وسلم نے دین اور دنیا کے ہر کام کی تعلیم دی اور اللہ کی طرف سے دیے گئے احکامات کو قول اور فعل سے امت تک پہنچایا۔
ہمارے پیغمبر حضرت محمد صلی اللہ علیہ وسلم کی ساری تعلیمات انسانیت اور ایک اچھے معاشرے کا بقاء ثابت ہوئیں۔ آپ صلی اللہ علیہ وسلم نے ہمیں دین اسلام پوری انسانیت اور اس کی ضروریات کو پورا کرنے اور اسکی بقاء کا ضامن ایک خوبصورت تحفے کے طور پر دیا۔
اسلام کے آنے کے بعد انسانیت کی ایک بہترین صورت سامنے آئی۔ انسان کو جینے کا شعور اور زندگی گزارنے کیلئے ایک بہترین راستہ عطا کیا۔
اسلام کا ہر حکم ہر طریقہ معاشرے اور انسانیت کی خوبصورتی کا ضامن ہے۔
اسلام کے آ جانے سے معاشرے سے جھوٹ فراڈ سود جیسی بیماریوں کو ختم کرنے کے احکامات آئے جس سے معاشرہ میں اخلاقی توازن آیا۔ اسلام نے حلال اور حرام کی تمیز سکھائی اور جانوروں کی طرح زندگی بسر کرنے والے انسان کو انسان کی طرح زندگی گزارنے کا شعور اور سلیقہ سکھایا۔
اسلام نے سکھایا کہ انسان اشرف المخلوقات ہے تو کیوں نہ پھر وہ ایسے کام۔کرے جس سے وہ سب سے منفرد اور ممتاز نظر ائے۔
اسلام کے آ جانے سے عورت کو جینے اور زندہ رہنے کا حق دیا گیا ورنہ اسلام سے پہلے لوگ بیٹی پیدا ہوتے ہی اس کو دفنا دیا کرتے تھے۔ بیٹی کی پیدائش کو باعث شرم اور ذلت سمجھا جاتا تھا اور نحوست مانا جاتا تھا لہذا پیدا ہوتے ہی زندہ درگور کر دیا جاتا تھا۔
اسلام کے آتے ہیں اس فرسودہ اور غیر انسانی روایت کو ختم کر دیا گیا بلکہ اللہ کے عذاب کا سبب بتایا گیا اور بیٹی کو اللہ کی رحمت کا نام دیا گیا۔ عورت کے مقام کو سمجھایا گیا اور لوگوں کو عورت کے ہر روپ کی قدر و منزلت سمجھائی گئی۔
ماں کے قدموں میں جنت رکھ دی بیٹی کو اللہ۔کی رحمت کہا گیا عورت کے حقوق مقرر کیے گئے عورت کو جائیداد میں حق دار قرار دیا۔ ماں کی گود کو بچے کی پہلی اور عظیم درسگاہ بنا دیا گیا ماں کے پیار کو بچے کیلئے شفا بنا دیا ماں کی دعاوں کو اولاد کی کامیابی کا ضامن کہا ماں باپ کی نافرمانی سے روکا گیا سخت وعیدیں سنائی گئیں۔
جہاں عورت کو یہ وقار اور رتبہ دیا وہاں پہ اس کو اپنی حفاظت کیلئے کچھ تعلیمات دی گئیں جن کا مقصد عورت کی حفاظت اور اس کو پاک دامن رکھنا ہے۔ وہ تعلیمات دی گئیں جن سے عورت کی عزت کو چار چاند لگ گئے اور عورت کا مقام عزت اور رتبہ اور بڑھ گیا۔
اسلام نے عورت کو اپنا جسم چھپانے کی تعلیم دی تاکہ اس پہ کسی کی بری نظر نہ پڑے اور ساتھ ہی مردوں کو حکم دے دیا کہ وہ کسی غیر محرم عورت کی طرف نظر نہ اٹھائیں یہاں یہ قید مرد اور عورت دونوں کے لئے ہے کہ دونوں اپنی نظروں کی حفاظت کریں۔ مرد کو عورت کی طرف دیکھنے سے منع کر دیا۔ اور عورت کو اپنے جسم کو چھپانے کا حکم دے دیا۔ تاکہ کسی کی نظر اگر پڑے بھی تو پردے کی وجہ سے کوئی بگاڑ پیدا نہ ہو۔
پردہ عورت کی حفاظت کا ضامن ہے اس کا لباس ہی ایسا ہو گھر سے باہر نکلتے وقت کہ اس پہ کسی کی نظر رک نہ پائے کسی کو یہ پتا نہ چلے کہ یہ کس عمر کی عورت جا رہی ہے؟
انسان کمزور ہے گناہ کی طرف جلد مائل ہو جاتا ہے پھر شیطان بھی انسان کے ساتھ ہوتا ہے تو ضروری ہے کہ دونوں مرد اور عورت اپنی نظروں کی حفاظت کریں نظریں جھکا کہ چلیں تاکہ کوئی بھی فتنہ انکے دل و دماغ میں داخل نہ ہو۔
کرنے اور کہنے کو یہ بہت چھوٹی چھوٹی باتیں پردہ کرنا اور نظریں جھکانا لیکن یقین جانیں برائی کا سب سے بڑا ذریعہ بھی یہی دو چیزیں ہیں۔
جب نظریں نہیں جھکیں گی تو لازمی حرام کی طرف بھی نظر جائے گی اور اگر پردہ نہیں ہو گا تو لازمی بات ہے کہ خرابی پیدا ہو گی۔
انسانی کمزوریاں غالب آ جائیں گیں۔
آج جو کچھ ہمارے ہمارے معاشرے میں ہو رہا ہے مردوں کی بڑی تعداد کا بناو سنگھار غیر محرم لڑکیوں کو اپنی طرف مائل کرنے کے لئے ہوتا ہے اور اس طرح کچھ عورتوں کے بناو سنگھار کا مقصد بھی صرف غیر مردوں کو اپنی طرف متوجہ کرنا ہوتا ہے تو اس صورت میں ہمارا معاشرہ کس سمت جائے گا؟
اسلام قوانین کا احترام کسی کے دل میں نہیں ہے تو معاشرے سے یہ ناسور کیسے ختم ہو گا؟
دور جدید میں جہاں انٹرنیٹ نے ہماری زندگی میں بےشمار سہولتیں لائیں وہاں کچھ مصیبتیں بھی ہمارے گلے پڑیں جنہوں نے رہی سہی کسر بھی پوری کر دی۔ آج دیکھا جائے معاشرے میں جنسی درندگی کے بڑھتے واقعات کا ایک سبب یہ انٹرنیٹ بھی ہے۔
اپنے بچوں کو اسلامی تعلیمات سے روشناس کروائیں دنیاوی تعلیم بھی ضروری ہے لیکن دینی تعلیم فرض ہے۔ اس فرض کو اچھے طریقے سے نبھائیں اور بچوں کا انسان بنائیں وحشی درندے نہیں جو ماوں بہنوں کی عزت کے محافظ ہوں عزتوں کو تار تار کرنے والے جانور نہیں۔
اللہ ہماری ماوں بہنوں کو شرم و حیا کی دولت سے مالا مال فرمائے۔
ﺁﻣــــــــــــــــــﻴﻦ ﻳَﺎ ﺭَﺏَّ ﺍﻟْﻌَﺎﻟَﻤِـــــــــﻴْﻦ
https://twitter.com/Emerging_PAK_B?s=09

‏

پاکستان بے پناہ جغرافیائی اہمیت کا حامل ملک ہے دنیا کی تین بڑی سپرپاورز انحصار کرتی ہیں خوبصورت علاقوں اور مقامات کے لحاظ سے پاکستان دنیا بھر میں اہم مقام رکھتا ھے آج کی تحریر پاکستان کے اہم علاقے ” خنجراب” سے متعلق ھے۔۔۔

خنجراب کیا ھے؟
خنجراب پاکستان کے شمال میں واقع سرسبز میدان،ہرے بھرے کھیت،باغات،میٹھے پانی کے چشموں، بے پناہ قدرتی خوبصورتی،وسائل اور معدنیات سے مالامال ایک مقام شمار مواقع موجود ہیں۔ یہاں بلند وبالا برف پوش ،وسیع و عریض پہاڑی سلسلوں کے علاوہ بے شمارسرسبز میدان، گلیشیئرز، آب شاریں، چشموں کی جھیلیں اور ہری بھری وادیاں دعوتِ نظارہ دینے کو موجود ہیں یہی وجہ ہے کہ پاکستان سمیت دنیا بھر سے سیاح اور کوہ پیماء قدرت کے اس عظیم الشان شاہکار کو دیکھنے کے لئے اس علاقے کا رخ کرتے ہیں۔

درہ خنجراب کی جغرافیائی اہمیت

درّہ خنجراب، سلسلہ کوہ قراقرم میں ایک بلند پہاڑی درّہ ہے، جس کی بلندی 4693 میٹر یا 15397 فٹ ہے۔ پاکستان اور چین کو آپس میں ملانے والے اس درّے کو (world’s roof) یعنی دنیا کی چھت بھی کہا جاتا ہے۔درہ خنجراب ایک اہم فوجی مصلحتی مقام ہونے کے ساتھ ساتھ اس لئے بھی اہم ہے کیونکہ پاکستان کے بہترین دوست چین کو ملانے والا خنجراب پاس بھی واقع ہے اس کے علاوہ 952 کلومیٹر تک پھیلی طویل پاک چائنہ بارڈر کی لمبائی ہے چین کے ساتھ ہونے والی تمام تجارت خنجراب پاس کے زریعے ہی ہوتی ھے۔

خنجراب اور شاہراہ قراقرم

قراقرم (قومی شاہراہ ) پاکستان کو چین سے ملانے کا زمینی ذریعہ ہے۔ اسے قراقرم ہائی وے اور شاہراہ ریشم بھی کہتے ہیں۔ یہ دنیا کے عظیم پہاڑی سلسلوں قراقرم اور ہمالیہ کو عبور کرتی ہے۔ درہ خنجراب کے مقام پر سطح سمندر سے اس کی بلندی 4693 میٹر ہے۔ یہ چین کے صوبہ سنکیانگ کو پاکستان کے شمالی علاقوں سے ملاتی ہے۔ یہ دنیا کی بلند ترین بین الاقوامی شاہراہ ہے۔

خنجراب پاکستان کے لئے انتہائی اہم ھے مستقبل قریب میں یہ علاقہ علاقہ تجارت کے لئے اہم "گیٹ وے” تصور کیا جائے گا اس علاقے کی اہمیت کو مدنظر رکھتے ہوئے پاکستان کو اپنے مفاد کو سامنے رکھ کر اہم اقدامات کرنے ہوں گے تاکہ بھرپور فائدہ حاصل کیا جاسکے دنیا بھر کے ممالک ایسے جغرافیائی محل وقوع رکھنے والے اپنے علاقوں پر اربوں ڈالر خرچ کرکے ان کو دنیا بھر میں اسٹیبلش کروا کر بھرپور فائدہ اٹھا رہے ہیں جبکہ ہمارے ہاں اگر کوئی بھی حکومت بہتری کے اقدامات کرتی ھے تو اس کی راہ میں روڑے اٹکائے جاتے ہیں جس کی وجہ سے ہم آج بھی دنیا سے بہت پیچھے ہیں۔سیاسی قیادت کو ملکی بقاء اور ترقی کے لئے مل بیٹھ کر سوچ بچار کرکے اقدامات کرنے چاہئیں اور سب سیاسی جماعتوں کو ایک دوسرے کا ساتھ دینا چاہیے یہی ترقی یافتہ اقوام کی ترقی کا راز ہے اور یہی ہمارے لئے بھی فائدہ مند ثابت ہوگا پاکستان کے لئے سب کو ایک قوم بن کر سوچنا ہوگا۔
Written By : Khalid Imran Khan
Twitter ID :‎@KhalidImranK

آلودگی کا لغوی معنی اس چیز کی موجودگی ہے جو نقصان دہ ہے یا ماحول پر برا اثر ڈالتی ہے۔ آلودگی قدرتی ماحول میں منفی تبدیلیوں کا اسباب بن سکتی ہے۔ صاف ستھری فضا اور تازی ہوا ہماری بنیادی ضرورتوں میں ایک ہے ۔ ماحولیاتی آلودگی زمینی فضا کو کافی حد تک نقصان پہنچاتی ہے اور اسکے نتیجے میں منفی ماحول زندگی کیلٸے نقصان دہ نہیں ہے۔

ماحولیاتی آلودگی کی بڑی وجہ ہمارا موجودہ رہہن سہن ہے ۔ اس سے کچھ ایسی نقصان دہ تبدیلیاں ہوئی ہیں جو ہمارے روزمرہ زندگی کو بری طرح متاثر کررہی ہیں۔ آلودگی کی اہم وجہ بہت مختلف قسم کے فضلہ مواد ہیں۔ آلودگی ماحول اور ماحولیاتی نظام کے توازن میں رکاوٹ کا باعث ہے۔ ترقی اور جدیدیت نے آلودگی میں تیزی سے اضافہ کیا ہے اور اس نے مختلف انسانی بیماریوں کو جنم دیا ہے اور سب سے المنگ بات یہ ہے کہ اس سےگلوبل وارمنگ میں اضافہ ہوا ہے۔

پاکستان دنیا کا وہ خوش قسمت ملک ہے، جسے قدرت نے حسین وادیوں، اونچے کُہساروں، سمندر، بندرگاہوں،صحراؤں، اور وسیع میدانی خطّوں سے نوازا ہے، لیکن یہ بھی المیہ ہے کہ ہمارا ملک بدترین ماحولیاتی آلودگی کا شکار ہے، جس سے شہریوں کی صحت بھی بُری طرح متاثر ہو رہی ہے۔

عالمی ادارے صحت کا کہنا ہے، پاکستان کا شمار ایشیا کے آلودہ ترین ممالک میں ہوتا ہے۔ اس کی ایک وجہ اوربھی ہےکہ لوگ ماحولیاتی آلودگی کے بارے میں بہت کم معلومات رکھتے ہیں.

پاکستان کی آبادی میں تیزی سے اضاف، بنیادی خوراک اور رہائش کی طلب میں اضافے کی وجہ سے جنگلات کی کٹائی تیز ہوگئی ہے۔ انسانوں کے ذریعہ پھیلائی ہوئی زہریلی گیس جیسے کہ، کاربن مونو آکسائڈ مٹی ، ہوا اور پانی کی آلودگی کا سب سے بڑی وجہ ہے۔

پچھلے کچھ عرصے سے پاکستان، خصوصاً پنجاب کی فضا میں اسموگ کا مسلہ بہت ہی سنگین ہوگیا ہے اور ان علاقوں میں رہنے واے لوگ سانس کے مسئلہ کا شکار ہوجاتے ہیں ، ان کے پھیپھڑے بھی اس آلودگی سے بری طرح متاثر ہورہے ہیں۔ نیز، ملک کے دیگر شہروں، جیسے کراچی، لاہور، گوجرانوالہ، گجرات، سیالکوٹ، فیصل آباد، ملتان، کوئٹہ اور پشاور میں بھی فضائی آلودگی کی مقدار بین الاقوامی معیار سے کہیں زیادہ ہے۔ فضائی آلودگی سے نہ صرف فصلوں بلکہ درختوں پر انتہائی بُرے اثرات مُرتب ہورہے ہیں

لہذا پاکستان کے بڑے بڑے شہروں پر نظر ڈالیں، تو ہر جگہ گندگی غلاظت ، اور کوڑے کرکٹ کے اَنبار نظر آتے ہیں۔ پولیتھین بیگز، سیوریج لائن بلاک کا سبب بنتے ہیں، جس کیوجہ سے نالوں کا پانی روڈز پر پھیل جاتا ہے اور اُن پر بیٹھنے والی مادھوں مکّھیاں اور دیگر رینگے والے حشرات مختلف بیماریاں پھیلانے کا باعث بنتے ہیں۔ پھر ملک پاکستان میں ماحولیاتی آلودگی کا ایک بڑا سبب دھواں پھیلانے والے کارخانے بھی ہیں، جن پر کوئی حکومتی محکمہ ایکشن نہیں لیتا ہے.

اگرچہ حکومتیں ان مسائل سے نمٹنے کیلٸے بھرپور کوششیں کررہی ہیں۔ البتہ، پاکستانی عوام پر بھی ذمے داری عائد ہوتی ہے کہ وہ ان کوششوں میں حکومتیں کا ساتھ دیں کہ ماحولیاتی آلودگی کسی ایک کا نہیں،بلکہ ہم سب کا سنگین مسئلہ ہے۔ ماحولیاتی آلودگی کو کم کرنے میں سب کو اپنا اپنا کردار ادا کرنا چاہیے

‎@JahantabSiddiqi

لفظ پاکستان بولنے سے جیسے اپنائیت کا احساس آ جاے جیسے روح کو تازگی مل جاے.
لیکن کیا ہم عملی طور پر اس کی قدر کر رہے ہیں. کیا ہمارے اعمال اس بات کی سے اس بات کی اکاسی ہوتی ہے؟ کیا پاکستان حاصل کرنے کا مقصد بھی ہم عملاً پورا کر رہے ہیں؟
پاکستان جس کے لیے ماؤں نے اپنے لعل کٹواے، بہنوں نے اپنے بھائی گنواے. باپ نے اپنا بڑھاپے کا سہارا کھویا. بیٹی کے سر کا سایا گیا تو بیوی کا سہاگ. اتنی قربانیاں پاکستان کے لیے دے دی گئیں لیکن 75 سال میں ہم قوم ایک مہذب نا بن سکے. ایسا لگتا ہے جیسے سب کچھ رائیگاں کر دیا گیا. پاکستان مملکت تو مل گئ لیکن ہم اس کی صحیح قدر نا کر سکے. یہ کیسی آزادی ہے جہاں بچیوں کا ریپ کیا جاے، رکشے میں جاتی بچیوں کے ساتھ دست درازی اور بے حرمتی. دوسری جانب عورتیں نیم برہنہ لباس پہن کر خود پر فخر محسوس کریں اور اسے آزادی اظہارِ رائے کا نام دین، کسی کی بہن بیٹی کی عزت اجاڑنا اپنا سٹیٹس سمجھا جائے، کسی کو نوکری دے کر اس اپنا غلام سمجھا جائے، کسی کی مدد کر کے اسکی غریبی یا تنگدستی کا مزاق اپنے کیمرے کی آنکھ میں بند کیا جاے پھر اس کی تشہیر سے خود کو خدا ترس باآور کرایا جائے. کیا یہ مقصد تھا قیام پاکستان کا؟
کیا ہم بحیثیت پاکستانی پاکستان کا حق ادا کر پا رہے ہیں.
ہاے افسوس!
ہم نے ملاوٹ کا بازار گرم کر رکھے، اپنے ساتھ والے کو دھوکا دے کر فخر سے سینہ چوڑا کرتے اور خود کو عقلمند اور اسے بےوقوف ثابت کرتے. کمزور کا حق کھا کر اپنے آپ کو طاقتور ثابت کرتے ہیں لیکن یہ ہم اسطرح پاکستانی ہونے کا حق ادا نہیں کر رہے.خدارا ہوش کے ناخن لیجئیے پاکستان اسلام کے نام پر حاصل کیا گیا ہے اسے اسلامی جمہوریہ پاکستان بنانے میں اپنا کردار ادا کریں ہم اپنا اخلاق اچھا بنائیں اپنا کردار اچھا بنائیں تاکہ دنیا میں اپنا کھویا وقار بحیثیت قوم دوبارہ حاصل کر سکیں
قائد اعظم محمد علی جناح کے منشور کو سمجھیں ایمان اتحاد اور تنظیم سے اپنے پاکستان کے رنگوں کو دوبارہ تازگی بخشیں. دین کی سربلندی کے لیے اپنے کردار کو عملی نمونہ بنا کر ایک مثال بنا کر معاشرے میں پیش کریں تاکہ پاکستانی اور سچے مسلمان کی حقیقی معنوں میں پہچان ہو سکے. ہمیں آج خود سے عہد کرنا ہے. پاکستان اور اسلام سے وفا کرنی ہے خود کو بدلنا ہے اور اپنی ایک نئی پہچان بنانی ہے جو کہ حصول پاکستان اور اسلامی تہذیب کی اصل بنیاد ہے.
ہمارے قائد اعظم محمد علی جناح رحمتہ اللہ تعالی’علیہ نے ہمیں نا صرف یہ تحفہ پاکستان عطا کیا بلکہ ہمیں جینے کا سلیقہ بھی بتا کر گئے ہیں آج ان کے فرامین کو فراموش کر ہے ہم مذید پستی کا شکار ہو چکے ہیں ہمیں خود کو پہچاننا ہو گا آج کی تحریر میں میں ان کے فرامین کو دوبارہ شامل کروں گا.
قائد اعظم محمد علی جناح نے کراچی کے ایک جلسے میں 28 دسمبر 1947 کو خطاب کرتے ہوئے فرمایا ” *مجھے اس میں کوئی شک نہیں کہ اتحاد، یقینِ محکم اورتنظیم ہی وہ بنیادی نکات ہیں جو نہ صرف یہ کہ ہمیں دنیا کی پانچویں بڑی قوم بنائے رکھیں گے بلکہ دنیا کی کسی بھی قوم سے بہتر قوم بنائیں گے* ”
پھر لاہور کے ایک جلسے میں 30 اکتوبر 1947 کو خطاب کرتے ہوئے فرمایا ” *دنیا کی کوئی طاقت پاکستان کو ختم نہیں کرسکتی* ”
پھر 15 جون 1948 کو خطاب کرتے ہوئے فرمایا ” *ہم سب پاکستانی ہیں اور ہم میں سےکوئی بھی سندھی ، بلوچی ، بنگالی ، پٹھان یا پنجابی نہیں ہے۔ ہمیں صرف اور صرف اپنے پاکستانی ہونے پر فخر ہونا چاہئیے* ”
11 اگست کو قانون ساز اسمبلی میں ارشاد فرمایا.” *انصاف اور مساوات میرے رہنماء اصول ہیں اور مجھے یقین ہے کہ آپ کی حمایت اور تعاون سے ان اصولوں پر عمل پیرا ہوکر ہم پاکستان کو دنیا کی سب سے عظیم قوم بنا سکتے ہیں۔* ”
1944 میں مسلم یونیورسٹی یونین میں خطاب کیا اور فرمایا
” *دنیا کی کوئی قوم اس وقت تک ترقی نہیں کرسکتی جب تک اس کی خواتین مردوں کے شانہ بشانہ معاشرے کی تعمیر و ترقی میں حصہ نہ لیں۔ عورتوں کو گھر کی چار دیواری میں بند کرنے والے انسانیت کے مجرم ہیں۔* ”
چٹاگانگ کے جلسے میں 23 مارچ 1940 کو فرمایا. ” *پاکستان کی داستان ‘ اس کے لئے کی گئی جدوجہد اور اس کا حصول‘ رہتی دنیا تک انسانوں کے لئے رہنماء رہے گی کہ کس عظیم مشکلات سے نبرد آزما ہوا جاتا ہے۔*”
ڈھاکہ جلسے میں خطاب 21 مارچ 1948 کو خطاب کرتے ہوئے فرمایا. ” *یہ آپ کا اختیار ہے کہ کسی حکومت کو طاقت عطاکریں یا برطرف کردیں لیکن اس کے لئے ہجوم کا طریقہ استعمال کرنا ہرگز درست نہیں ہے۔ آپ کو اپنی طاقت کا استعمال سیکھنے کے لئے نظام کو سمجھنا ہوگا۔ اگر آپ کسی حکومت سے مطمئن نہیں ہیں توآئین آپ کو مذکورہ حکومت برطرف کرنے کا اختیاردیتا ہے لہذا آئینی طریقے سے ہی یہ عمل انجام پذیر دیا جاناچاہئے۔* ” یہی وہ کامیابی کے راست ہیں جو اس قوم کو عمل کرنے سے بدل سکتے ہے ہمیں انہیں سمجھ کر ان پر عملی طور پر خود کو ڈھالنا ہوگا
کیونکہ شاعر. مشرق ڈاکٹر علامہ محمد اقبال رحمۃ اللہ تعالٰی علیہ نے ارشاد فرمایا
*افراد کے ہاتھوں میں ہے اقوام کی تقدیر*
*ہر فرد ہے ملت کے مقدر کا ستارہ*

@EngrMuddsairH

‏
کسی بھی ملک کی ترقی میں زراعت ریڑھ کی ہڈی کا کردار ادا کرتی ہے اور پاکستان کو ایک زرعی ملک کی حثیئت سے جانا جاتا ہے اس وقت پاکستان کی چالیس فیصد لیبر زراعت کے شعبے میں اور باقی دوسرے تمام شعبوں سے منسلک ہے کسی ملک کی ترقی کا ماپنے کے لیے جی ڈی پی کو دیکھا جاتا ہے یعنی یہ ملک معاشی لحاظ سے کتنی ترقی کر رہا ہے اس وقت پاکستان کی جی ڈی پی میں بیس فیصد حصہ زراعت کا ہے یعنی یہ ایک ایسا شعبہ ہے جو ملک کی ترقی میں ایک اہم کردار ادا کر رہا ہے مگر اس شعبے کو ہر دور حکومت میں نظر انداز کیا گیا ہے جس کی وجہ سے کسان بدحال سے بدحال ہوتا گیا اور سرمایہ دارکا سرمایہ زیادہ سے زیادہ ہوتا گیا -پاکستان میں جو اہم فصلیں کاشت کی جاتی ہیں ان میں کپاس، گندم ، چاول اور مکئی شامل ہیں کپاس کے لیے جنوبی پنجاب کی آب وہوا موزوں ترین تھی اور یہاں سے بہت زیادہ مقدار میں کاٹن پیدا کی جاتی تھی مگر گزشتہ ادوار کی حکومتوں کی نااہلی کی وجہ سے شوگر ملوں کو اس علاقے میں شفٹ کر دیا گیا اور جب کسانوں نے دیکھا کہ انہیں اس فصل میں مناسب مصاوضہ مل رہا ہے تو انہوں نے گنے کی فصل لگانا شروع کر دی اور اس طرح یہاں سے ایک لحاظ سے کپاس کی فصل کو تقریباً ترک کر دیا گیا حالانکہ ارباب اختیار کو چاہیے تھا کہ اس علاقے کو کاٹن زون ڈکلئیر کرتے اور شوگر ملوں کو یہاں منتقل ہونے سے روکتے مگر شائد ان کی ملی بھگت شامل تھی اس کے بعد گندم کی فصل کا ذکر کرتے ہیں جس میں پاکستان کچھ عرصہ پہلے تکا خودکفیل تھا مگر گزشتہ سال سے ناقص انتظامات کی وجہ سے اس کا بحران پیدا ہو رہا ہے اس کی ایک وجہ تو نااہلی اور بد انتظامی ہے جس کی وجہ سے بحران پیدا ہوا اور دوسری اہم وجہ مناسب معاوضہ نہ ملنا اور فصل پر زیادہ اخراجات ہونا ہے اسی لیے کسان دلبرداشتہ ہو کر اپنی زمینیں بیچ رہے ہیں جس کی وجہ سے کاشتکاری کے لیے زمین کی کمی ہو رہی ہے اور اس پر ہاوسنگ سوسائٹیز بنائی جا رہی ہیں اس سے ملک میں کسی بھی فصل کی اوسط کم ہو رہی ہے اور ہمیں اپنی ملکی ضروریات پوری کرنے کے لیے درآمدات میں اضافہ کرنا پڑ رہا ہے جس سے ملکی ترقی کی رفتار سست ہے اس کے بعد مکئی کی فصل کی جانب آتے ہیں سارا سال اس کی قیمت پندرہ سو روپے کے قریب ہوتی ہے مگر جب کسانوں سے خریدنے کا اقت آتا ہے تو اس کو قیمت گر کر سات سو کے قریب آ جاتی ہے کیونکہ کسان کے پاس تو اتنا سرمایہ نہیں ہوتا اس نے یہ فصل بیچ کر اگلی فصل کاشت کرنی ہوتی ہے لہذا سارا منافع سرمایہ دار لے جاتے ہیں – اس کے بعد چاول کی فصل کی جانب آتے جو کہ ملکی زراعت میں ایک کلیدی کردار ادا کر رہی ہے کیونکہ اس کو ملکی ضروریات پورا کرنے کے بعد بیرون ملک برآمد کیا جاتا ہے مگر اس میں بھی کسان کو خون پسینے کی کمائی کی صورت میں چند ٹکے ہی میسر آتے ہیں اس فصل کو پانی کی بہت زیادہ ضرورت ہوتی ہی اور ڈیزل کو موجودہ قیمت ۱۲۰ روپے کے قریب ہے جس کی وجہ سے کسان کی کمائی کا ایک بڑا حصہ اس میں خرچ ہو جاتا ہے اس کے بعد کھادوں کا نمبر آتا ہے موجودہ حکومت نے کسانوں کے لیے سبسڈی کا آغاز کیا ہے مگر اس کا طریقہ کا بہت پیچیدہ ہے جس کے لیے کارڈ کا اجرا کروانا پڑتا ہے مگر اکثر لوگ اس سے ناواقف ہیں اور وہ اس آفر سے محروم ہیں اس کے علاوہ کھاد کی موجودہ قیمت چھ ہزار تک پہنچ چکی ہے جس کی وجہ سے اس دور حکومت میں تو کسانوں کی خوشحالی کا کوئی امکان نہیں-

ٹویٹر-mohsenwrites@