Author: Baaghi TV

محرم الحرام یوم عاشور کے دن لوگوں کی بہت بڑی تعداد قبرستان میں دیکھنے کو ملتی ہے ۔۔بچپن میں جب والد سے موت اور قبرستان کا پوچھتے تو وہ بتاتے مرنے کے بعد انسان قبر میں جاتا ہےاور اگر ہم گناہ کریں گے جھوٹ بولیں گے تو جب ہم قبر میں لیٹے گے تو اندر کیڑے مکوڑے اور بچھو ہوں گے اور اس ڈر سے بہت بار جھوٹ بولتے بولتے رک جاتے تھے۔اب سوچا جائے تو وہ ڈر خدا کا، قبر کا اور گناہوں کے بعد ملنے والی سزا کا تھا۔۔اور اسی محرم الحرام میں فیملی کے ساتھ قبرستان گئی چار سال کی بچی پہلے اغوا اور پھر جنسی تشدد کا شکار بنی۔۔اور سب سے حیرت کی بات کے ملزمان کی عمر تیرہ اور چودہ سال ہے یہ سن کر رونگٹے کھڑے ہو گئے۔۔۔اور ایسی بہت ساری خبریں نظروں سے گزرتی ہیں جس میں بچے جنسی تشدد کا شکار بنتے ہیں۔۔آج کوئی دن خالی نہیں جس میں یہ خبر سننے کو نہیں ملے کہ فلاں جگہ بچی کو جنسی درندگی کا نشانہ بنایا گیا کبھی قتل کر دیا گیا یا پھر کبھی آدھ موٸی حالت میں زندہ لاش ملی۔۔اور جب کوئی اس طرح کا واقعہ ہو تو کوئی طبقہ عورتوں کو گناہگار سمجھتا ہے اور کوئی مردوں کو حیوان کہتا ہے۔۔۔اسی مرد و عورت کی جنگ میں بچے روز اس درندگی کا شکار ہو رہے ہیں۔ہم سب کو ڈر ہے اپنے بچوں کے لئے ۔۔لیکن کوئی بھی اس سب سے بچنے کے طریقے پر غور نہیں کر رہا۔۔یہ مرد و عورت کی جنگ میں سب سے زیادہ پِسے جا رہے ہیں تو صرف بچے۔۔۔جب ایک گھر میں سارا دن خبریں سننے کے بعد مرد عورت کو قصور وار ٹھہراۓ گا اور عورت مرد کو حیوان سے تشبیہ دے گی تو بچوں پر توجہ کون دے گا؟۔جب ایک ناپختہ ذہن بچہ باپ کے ساتھ بیٹھ کر سنے گا کہ عورت قصور وار ہے تو اس کے ذہن میں عورت کے لیے ویسا ہی عکس بنے گا۔۔۔اور اسے گناہ، گناہ نہیں لگے گا بلکہ عورت اس کی حقدار لگے گی۔۔۔اور دوسری طرف بیٹی سارا دن ماں کے ساتھ بیٹھ کر جب مردوں کے بارے میں برا سنے گی تو اسے ایک شریف النفس شخص بھی شیطان لگے گا۔۔جس کے نتیجے میں مادرپدر آزادی کے نعرے سننے کو ملتے ہیں۔۔۔اسی جنگ میں بچوں کی تربیت کون کرے گا؟انہیں اچھے اور برے ،نیکی اور گناہ ،عزت اور بےعزتی میں فرق کون سمجھائے گا؟ایک مرد ایک عورت کی گود میں سے بیٹے کی صورت میں نکلتا ہے۔۔اور ایک عورت ایک بیٹی کی صورت میں ایک مرد کے زیر سایہ پلتی ہے۔۔اگر والدین اس پر توجہ دیں ماں بیٹے کو سکھائے کہ صرف گھر کی عورت ہی عورت نہیں ہوتی بلکہ عورت ہر جگہ قابل عزت ہے۔۔اور مرد بیٹی کو بتائے کہ مرد ایک سائبان ہے باپ ہے بھائی ہے اور دنیا کے سب مرد ہی اتنی عزت اور وقار والے ہیں جتنے اس کے باپ بھائی۔۔تو پھر یہ مسئلہ ہی نہ ہو۔۔۔ ماں کو بیٹی سے اتنا بے تکلف ہونا چاہیے کہ وہ سمجھائے کہ good touchاور bad touch میں کیا فرق ہے..بیٹی کو سمجھائے کہ محرم اور نامحرم کیا ہوتا ہے کون سے رشتے کی کیا حدود ہوتی ہیں۔۔چھوٹی عمر میں ہی سمجھائے کے باپ اور بھائی کے علاوہ کوئی خیر خواہ اور ہمدرد نہیں ہوتا۔۔۔اور بیٹے کو بتایا جائے کہ بہن اپنی ہو یا کسی کی بہن، بہن ہوتی ہے۔بچوں پر نظر رکھیں دیکھیں وہ کن کاموں میں ملوث ہیں ان کا حلقہ احباب کیا ہے؟جب ہم چھوٹے چھوٹے بچوں کو موبائل اور انٹرنیٹ کی لت لگا دیں گے اور ساتھ بٹھا کر ایسے ڈرامے دکھائیں گے جہاں رشتوں کے تقدس کو پامال کیا جاتا ہے جہاں محرم اور نامحرم کی تمیز ہی نہیں۔۔۔تو ان کے ناپختہ ذہن اس چیز کو کیسے سمجھ رہے ہیں اس پر کڑی نظر رکھنے کی ضرورت ہے۔۔وہ تو تب ہونا جب ہم مرد و عورت کی لڑائی سے نکلیں۔۔۔انہیں سکول میں اخلاقیات اور رشتوں کے تقدس پر لیکچرز دیے جاٸیں۔۔۔انہیں سیلف ڈیفنس کی تربیت دی جائے۔۔۔ورنہ حالات آپ کے سامنے ہے اور حالات کا رونا روتے ہوئے ہم لوگ ہیں۔۔اگر ہم نے تربیت پر توجہ نہ دی تو جانے کتنی دہائیوں تک ایسے ہی ایک دوسرے کو کوستے رہیں گے اور بچے جنسی درندگی کا شکار ہوتے رہیں گے.اور حکومت وقت اور اداروں کی ذمہ داری ہے کہ جب ایسے مقدمات آئیں تو قانون کی پاسداری کرتے ہوئے ان انسانیت سوز عناصر کو سخت سے سخت سزا دی جائے۔۔۔تاکہ وہ سب کے لئے نشان عبرت بنیں۔جب مقدمات درج ہونے کے باوجود ان درندوں کو عبرت کا نشان نہیں بنایا جاتا تو ایسے لوگوں کے دلوں سے خوف خدا پہلے ہی ختم ہوتا ہے تو اس طرح اداروں کا ڈر بھی ختم ہو جاتا ہے اور یہ ڈر ختم ہونا مزید برائی پر اکساتا ہے۔اگر فوراً قانون کی پاسداری ہو اور فل فور انصاف کی فراہمی ہو تو ہم پاکستان کوحقیقی معنوں میں ریاست مدینہ بنا سکیں گے..

یہ اس قوم کی ایک عجیب عادت بنی ہوئی ہے کہ جب بھی کچھ ہوجائے اس ملک میں تو بس سیدھا ریاست کو بدنام کرنا شروع کردیتے ہیں۔ کسی کا ریپ ہوجائے تو ریاست کو گالیاں، کسی کی چوری ہوجائے تو ریاست کو گالیاں، کسی لڑکی کیساتھ کوئی بدتمیزی کرے تو ریاست کو گالیاں، کوئی سیاستدان چوری کرے تو ریاست کو گالیاں، آخر ریاست کا کیا قصور اس میں؟ کیا ریاست نے آپ کو بولا کہ کسی سیاستدان کو ووٹ دو، کیا ریاست نے آپکو بولا کہ کسی کے ساتھ بدتمیزی کرو، کیا ریاست نے آپ کو بولا کہ یہ کرو یہ نہ کرو۔ یہ عادت ہمیں بدلنی پڑے گی ، ہمیں ریاست کو ذمہ دار ٹھرانے کی بجائے اپنے آپ کو شیشے میں دیکھنا ہوگا کہ آیا میں ایک ایسے خوبصورت آور آزاد ریاست میں رہنے کے قابل ہوں یا نہیں؟ ہم ہمیشہ یہ سوال کرتے ہیں کہ اس ریاست نے ہمیں دیا ہی کیا ہے؟. لیکن کیا کبھی ہم نے خود سے یہ سوال کیا ہے کہ میں نے آج تک اس ریاست کو کیا دیا ہے؟. اس ریاست نے ہمیں پہچان دی، اس ریاست نے ہمیں آزادی دی ، اس ریاست نے ہمیں تحفظ دیا، اور یہ ریاست تو شہیدوں کے خون سے قائم و دائم ہے، آپ کو اندازہ تک نہیں کہ اس ریاست کو آباد رکھنے کیلئے کتنی ماوں نے اپنے لعل قربان کئے ، کتنی بہنوں نے اپنے بھائی، کتنی بیویوں نے اپنے سہاگ اور کتنے بچوں نے اپنے والدین قربان کئے ہیں۔ اس وقت جب دنیا کی تمام مسلم ریاستیں تباہ ہوگئ ہے اور کچھ تباہی کے قریب ہے، اللہ کے فضل و کرم سے ہمارا ریاست اس وقت امن و ترقی کی راہ پر گامزن ہے اور یہ سب ہمارے ان شہیدوں کی وجہ سے جنہوں نے گمنام رہ کر اس ریاست پر اپنی جانیں قربان کردی۔ اس لئے ریاست کو بدنام کرنے یا گالیاں دینے سے پہلے یہ ضرور سوچ لینا کہ اس ریاست کو قائم رکھنے کیلئے کتنی قربانیاں دے دی گئ ہے۔ ہر جرم پر ریاست کو بدنام کرنے سے پہلے اپنے آپ کو درست کرے، اپنے گریبان میں جھانکے کہ بطور شہری میں اپنا فرض ادا کررہا ہوں یا نہیں ۔ ہم میں سے ہر بندہ اگر اپنے آپ کو ٹھیک کریگا تو اس ریاست میں جرم ہونگے ہی نہیں آئیے اس ریاست اور اس پر قربان ہونے شہداء کی خاطر اپنا فرض نبھانا شروع کردے، اور اس ریاست کو دنیا کا سب سے ترقی یافتہ اور سے پرامن ریاست بنائیں۔ کیونکہ یہ ریاست ہماری ماں ہے اور ہمارا گھر ہے، اس ریاست کو گالیاں دینا اپنے ماں کو گالیاں دینے کے برابر ہے اور اس ریاست کیخلاف سازش کرنا اپنے ہی گھر کو خود اجھاڑنے کے برابر ہے۔ آج کل ہمارا ناپاک دشمن ہمارے کچھ جوانوں کو پیسے دے کر ہمارے ریاست میں بدامنی، انتشار اور بے حیائی پھیلانے پر تُلے ہوئے ہیں اور انکا مقصد اس ریاست کے لوگوں کے دلوں میں اس ریاست کیلئے نفرت پیدا کرنا ہے اور اس ریاست کے لوگوں کو افواج کیخلاف کھڑا کردینا ہے. وہ یہی چاہتے ہیں کہ ہم اپنی ریاست کیخلاف کھڑے ہوں تاکہ کسی نہ کسی طرح اس ریاست کو کمزور کیا جائے۔ ہمیں اس وقت ریاست کیساتھ مضبوطی سے کھڑا رہنے کی ضرورت ہیں، تاکہ ہمارا ریاست خوب پھلے پھولے اور ترقی کی آخری حدوں کو بھی چھوسکے۔ مجھے اپنے ملک کے لوگوں پر پورا بھروسہ ہے کہ وہ دشمنوں کی چالوں کو ناکام بناکر اپنے ریاست کی دفاع کرینگے۔ باقی یہ ہمارا ایمان ہے کہ یہ ریاست تاقیامت تک قائم و دائم رہیگی انشاء اللہ
Name Ali Haider

Twitter username @da_watan_lewany

ارشاد باری تعالی ہے
"جو اللہ تعالیٰ سے اور اس کے رسول سے لڑیں اور زمین میں فساد کرتے پھریں ان کی سزا یہی ہے کہ وه قتل کر دیئے جائیں یا سولی چڑھا دیئے جائیں یا مخالف جانب سے ان کے ہاتھ پاوں کاٹ دیئے جائیں، یا انہیں جلاوطن کر دیا جائے، یہ تو ہوئی ان کی دنیوی ذلت اور خواری، اور آخرت میں ان کے لئے بڑا بھاری عذاب ہے۔”
سورة المائدة 33
گذشتہ چند روز سے تسلسل کے ساتھ دل دہلا دینے والے واقعات دیکھنے کو مل رہے ہیں کبھی کسی نواجوان لڑکی کا گلا کاٹ دیا جاتا ہے کبھی مینار پاکستان پر ہجوم خاتون کے ساتھ دست درازی کی خبر ملتی ہے کم سن بچیوں کے ساتھ درندگی اور چنگ چی رکشہ پر بیٹھی خواتین کے ساتھ چلتی سڑک پر بھیڑیا نما انسانوں کی چھیڑ خانی کی واردت ۔ان سب لرزہ خیز وارداتوں نے بیٹیوں والوں کی نیندیں حرام کر دی ہیں کہ اس غیر محفوظ معاشرے میں اپنے بچوں کو کیسے محفوظ رکھا جائے۔۔۔
سوال یہ ہے کہ ان درندوں کے حوصلے کیوں بڑھ گئے ہیں ان کو کیوں پکڑے جانے اور سزا کا خوف نہیں
۔۔؟
وجہ صرف اور صرف لاقانونیت پراسیکیوشن اور عدالتی نظام کی مکمل ناکامی اور غیر مساوات پر مبنی فیصلے ہیں ہمارا انصاف کا نظام امیر آدمی کو فوری اور سستا انصاف مہیا کرتا ہے بڑے آدمی کو اگر ماتحت عدالتیں سزا بھی دے دیں تب بڑی عدالت کی مداخلت سے وہ مکھن سے بال کی طرح سرخرو ہو کر نکل جاتا ہے ۔نیب ملزمان کو بڑے بڑے اسکینڈلز میں گرفتار کرتا تو ہے لیکن کمزور تفتیش اور پراسیکیوٹرز کی وجہ سے چند ماہ بعد وہ وکٹری کا نشان بناتے ہوئے نظام کا مذاق اڑا رہا ہوتا ہے۔ مرضی کی جعلی میڈیکل رپورٹس تیار ہو جاتیں ہیں اور پاکستان کی تاریخ میں پہلی بار جیل بند مجرم کو وی وی آئی پی پروٹوکول دے کر بیرون ملک فرار ہونے کا موقع فراہم کیا جاتا ہے چھٹی والے دن ضمانتیں منظور کر لی جاتیں ہیں ۔ عدالت کو بتائے بغیر ملزم کو دوبارہ گرفتار نہ کرنا کا حکم دیا جاتا ہے۔ ایم پی اے اپنی گاڑی کے نیچے ٹریفک پولیس کے اہلکار کو کچل کر بھی سزا سے بچ جاتا ہے ۔جب عام عوام انصاف کا یہ عالم دیکھتے ہیں تو سفاک مجرموں اور شوقیہ جرم کرنے والوں کے حوصلے بڑھتے ہیں اور وہ درندگی پر اتر آتے ہیں انسانوں پر کھلے عام تشدد کرتے ہیں شرفا کی عزتیں پامال کرتے ہیں اور پھر ان سے نہ کسی کی بیٹی محفوظ ہوتی ہے نہ بہن ۔ ہمارے ہاں پتا نہیں کیوں پبلک میں سرعام سزا دینے سے گریز کیا جاتا ہے اعدادوشمار اٹھا کر دیکھیں لیں جن ممالک میں سرعام لٹکانے کوڑے مارنے اور سر کاٹنے کی سزا پبلک میں دی جاتی ہے وہاں پر جرائم کی شرح بہت کم ہے۔
کسی معاشرہ میں جب انصاف کا نظام زمین بوس ہوجائے پھر وہاں لاقانونیت اور انارکی کا راج ہوتا ہے ضرورت اس امر کی ہے کہ ان گھناونے اور انسانیت کے خلاف جرائم بارے سخت قانون سازی کی جائے خصوصی عدالتوں کے ذریعے تیز ترین کاروائی سماعت کرکے پبلک میں سزاوں کا نفاذ کیا جائے تاکہ بیمار ذہن درندوں کو عبرت حاصل ہو۔ قرآن نے معاشرے میں فساد پھیلانے والے سفاک مجرموں کو قتل کربے سولی چڑھانے ان کے ہاتھ پاوں کاٹنے ،اور انہیں جلاوطن کرنے کا حکم دیا ہے ۔تاکہ مسلم معاشرے انسانیت سوز جرائم سے محفوظ رہیں ۔
@Educarepak

‏
14 اگست 1947 کو وجود میں آنے والا ملک پاکستان بے شمار لوگوں کی قربانیوں سے معرضِ وجود میں آیا، پاکستان میں بسنے والی تمام قومیں اپنی ایک شاندار تاریخ رکھتی ہیں، ان ہی میں ایک غیور قوم پٹھان بھی ہے جو اپنی سادگی، حبُ الوطنی اور غیرت مند قوم کے نام سے جانی جاتی ہے، آٸیے آج کچھ پٹھان قوم کے حوالے سے اہم باتیں جانتے ہیں۔
فارسی میں پشتون، مقامی زبان میں پختون اور اردو میں پٹھان کہا جاتا ہے۔ یہ قوم دنیا بھر میں پھیلی ہوٸی ایک غیرت مند قوم کے طور پر گردانی جاتی ہے،جن میں پاکستان ، افغانستان اول نمبر پر ہیں۔
دنیا میں پشتون اپنی وفا اور غیرت کے نام سے پہچانے جاتے ہیں کیونکہ لفظ پشتون کا مطلب غیرت و وفا والا ۔
پشتونوں نے قیامِ پاکستان میں بھی بھرپور حصہ لیا۔ ان کی مادری زبان پشتو ہے اور ایک چھوٹی سی اقلیت کو چھوڑ کر وہ سنی مسلمان ہیں۔ حال ہی میں ، افغانستان کی قبائلی بادشاہت کو کنٹرول کیا ، اور کچھ ادوار کے دوران پٹھان یا افغان بادشاہوں نے ہندوستانی میدانی علاقوں پر اپنا راج قائم کیا۔ پشتو بولنے والوں کی 1984 کی آبادی تقریبا 20 ملین تھی۔ اس میں پاکستان کے 11 ملین اور افغانستان میں 9 ملین شامل ہیں۔ 1979 سے افغانستان میں جاری خانہ جنگی کی وجہ سے تقریبا 20 لاکھ پٹھان پناہ گزین بن کر پاکستان چلے آۓ۔ پٹھان افغانستان کی 50 سے 60 فیصد آبادی پر مشتمل ہیں۔ سب سے بڑے اور بااثر نسلی گروہ کے طور پر ، پٹھانوں نے پچھلے 200 سالوں سے اس ملک کے معاشرے اور سیاست پر غلبہ حاصل کیا ہے۔ افغانستان میں دیگر اہم نسلی اقلیتوں میں ہزارہ ، تاجک اور ازبک شامل ہیں۔ بنگلہ دیش کی پاکستان سے علیحدگی کے بعد سے ، پٹھان پاکستان کا دوسرا بڑا نسلی گروہ ہے۔ پاکستان کی 1981 کی مردم شماری کے مطابق ملک کے 13 فیصد خاندان پشتو بولنے والے ہیں۔
پٹھان علاقوں کے دیہات حال ہی میں بڑی حد تک خود کفیل رہے ہیں۔ روایتی طور پر تجارت اور یہاں تک کہ کاشتکاری بھی پٹھانوں کی سرگرمیوں کو نظرانداز کیا گیا جس کے باعث انھوں نے چھاپہ مار ، اسمگلنگ اور سیاست کو عزت کے حصول کے طور پر دیکھا۔ ایسے علاقوں میں جہاں اس طرح کے رویے برقرار رہتے ہیں ، غیر پٹھان (اکثر ہندو) دکاندار اور پیڈلرز یا خانہ بدوشوں کے ذریعے تجارت کرتے ہیں۔ ان روایات کے باوجود ، بڑے شہروں اور شہری علاقوں میں پٹھانوں نے کامیاب تاجروں اور تاجروں کی حیثیت سے شہرت حاصل کی ہے۔پٹھانوں کی زندگی میں اسلام ایک لازمی اور متحد موضوع ہے ، اور یہ پٹھانوں کو مومنوں کی بین الاقوامی برادری کے ساتھ جوڑتا ہے۔ پٹھانوں کی بھاری اکثریت حنفی لیگل سکول کے سنی مسلمان ہیں۔ کچھ گروہ ، خاص طور پر پاکستان کی کرم اور اورکزئی ایجنسیوں میں ، شیعہ اسلام پر عمل پیرا ہیں۔
پاکستان کی تاریخ میں پٹھان قوم کا بڑا عمل دخل ہے مگر کچھ لوگ اس بات کو اب بھی
پوری طرح تسلیم نہیں کرتے۔۔۔ *مگر پٹھانوں نے پاکستان کے لئے 1947 میں ووٹ پٹھان قوم نے دیا۔
*1948میں آذاد کشمیر کا تحفہ پٹھان قوم نے دیا۔
*1965 کی جنگ میں پاکستانی فوج کے شانہ بشانہ پٹھان لڑے۔
*1969 میں دیر سوات اور چترال کی پشتون ریاستیں بلا مشروط پاکستان میں شامل ہوئیں۔
*1971 کی جنگ میں پٹھان قوم نے پاکستانی فوج کا بھرپور ساتھ دیا۔
*1979 میں جب روس نے پاکستان کے گرم پانیوں تک پہنچنے کا خواب دیکھا توان کے اس خواب کو پٹھان قوم نے مٹی میں ملا کر اپنے خون سے پاکستان کادفاع کیا۔
*1999 میں کارگل جنگ میں کرنل شیر خان جیسے بہادر پٹھان نے پاکستان کا دفاع کیا.
* دہشتگردی کے پندرہ سالہ جنگ کے اس ادوار میں پٹھان قوم نے اپنے جان، مال اور اولاد تک کی قربانی بے دریغ دے کر صرف پاک فوج اور پاکستان کا ساتھ دیا۔
*کچھ لوگوں نے پشتون قوم کا روپ دھار کر ملک و فوج کے خلاف محاذ کھڑا کیا،لاشوں پر سیاست کر کے فوج اور پاکستان کے خلاف غلیظ زبان استعمال کی مگر یہاں بھی اس غیرت مند قوم نے ملکر ان کے خلاف آواز اٹھاٸی اور ان سے ہر طرح کا باٸیکاٹ کیا گیا اور یہ ثابت کیا کہ غیرت مند پشتون اپنے ملک و ملت کا وفادار ہوتا ہے۔
آٸیے ہم سب مل کر دنیا کو بتاٸیں کہ یہ ایک امن پسند، محبِ وطن، اپنی روایات سے محبت کرنے والی اور اپنے ملک و ملت پر جان قربان کر دینے والی قوم ہے۔

@TahirAli_Twitts