Author: Baaghi TV

ہمارے ملک میں ایک رونا دھونا یہ رہا ہے کہ سرمایہ دار اس ملک کو کھا گئے۔ ہم سمجھتے تھے کہ یہ ہمیں لوٹ کر دولتمند ہوگئے ہیں۔
سرمایہ دار کون ہوتا ہے؟ ایسا اشخص جس کو کاروباری طریقے آتے ہوں اور وہ تیزی سے ترقی کرتا ہے۔ جس معاشرے کا مجموعی ڈھانچہ دیانتداری کی بنیاد پر استتوار ہو وہاں کاروبار دینانتداری سے ہوتا ہے لیکن اگر معاشرے میں بد دیانتی کا راج ہو تو کاروبار میں بھی اس کے اثرات اتے ہیں۔ لیکن جو بھی صورت حال ہو، کاروباری شخص معاشرے کا ایک بہت مفید رکن ہوتا ہے اور اس کی برکت سے بے شمار لوگوں کو روزگار ملتا ہے۔ وہ جان مار کر کماتا ہے لیکن کھاتا کم ہے۔ اس کی بچت اس کے اپنے کام کم آتا ہے اور دوسروں کے زیادہ۔
1890 کے لگ بھگ موجودہ انڈیا کے صوبے گجرات میں حبیب اسمٰعیل نام کا ایک خواجہ لڑکا برتنوں کی دکان میں ملازم ہوا اور چند سالوں کے اندر یہ اس کاروبار کا پارٹنر بن گیا۔ اس کے بعد اس نے پیچھے مڑ کر نہیں دیکھا۔ 1941 میں اس نے جنیب بنک کی بنیاد رکھی۔ آج اس خاندان کا کاروبار نہ صرف پاکستان بلکہ دنیا بھر میں پھیلا ہوا ہے۔ سینکڑوں کمپنیوں پر مشتمل کئی گروپ ہیں جو دنیا کا کم و بیش ہر کام کرتے ہیں اور بڑے پیمانے پر کرتے ہیں۔ یہ ملکی خزانے کو اربوں روپے ٹیکس کی صورت میں دیتے ہیں، لاکھوں لوگوں کو روزگار مہیا کرتے ہیں اور ان کے فلاحی کاموں کی ایک طویل فہرست ہے۔ سکولوں کے ایک سلسلے کے علاوہ ایک بہت ہی معیاری یونیورسٹی یہ لوگ چلا رہے ہیں۔
جب پاکستان بن رہا تھا تو قاید اعظم نے اسمٰعیل حیبیب کو پاکستان آنے پر آمادہ کیا۔ جب ملک قائم ہوا توخزانے میں پھوٹی کوڑی نہیں تھی۔ اوپر سے انڈیا نے ہمارے حصے کا پیسہ دینے سے انکار کردیا۔ ایسے میں قاید اعظم نے اسمٰعیل حبیب سے پوچھا کہ کیا وہ کچھ رقم مملکت کو قرض دے سکتے ہیں؟ حبیب اسمٰعیل نے خالی چیک پر دستخط کرکے قاید اعطم کے سامنے رکھ دیا جس پر انہوں نے 8 کروڑ روپے نکال کر حکومت کا کام چلا لیا۔
بعد کی حکومتوں نے ان لوگوں کی حوصلہ شکنی میں کوئی کسر نہیں چھوڑی۔ انہیں کارٹل کہا گیا تو کبھی بائیس خاندان۔ اب ان کا نیا لقب مافیا رکھا گیا ہے۔
ایک زمانے میں ان سب کا کاروبار زبردستی سرکاری قبضے میں لے لیا گیا۔ بیس سال بعد کارخانے کاٹھ کباڑ کا روپ اختیار کر گئے تو کہا گیا کہ واپس خرید لو۔ 90 کی دھائی میں کراچی میں اسی طرح کی ایک آئل ملز خسارے میں جاکر بند ہوگئی تو اس کے سابق مالک سیٹھ ولی محمد کو واپس لینے کی پیشکش کی گئی۔ اس نے جواب دیا کہ "ظالمو! دو سال اور میرے پاس رہنے دیتے تو میں اس کا مین گیٹ سونے کا بنوانے والا تھا۔ اب زنگ خوردہ کباڑ کا کیا کروں گا؟” یہ بات کارخانے کا سرکاری ملازم منیجر بتا رہا تھا۔
ہمارے ملک کے پسماندہ رہنے کی ایک بڑی وجہ یہ ہے کہ ہم دوسروں کی ترقی سے حسد کرتے ہیں۔
ٹوئیٹر : Jawad_Yusufzai@
ای میل : TheMJawadKhan@Gmail.com

پہلے بتاتا چلوں پاکستان تحریک طالبان پاکستان نہ کبھی طالبان تھے اور نہ ہی مجاہدین۔ یہ پی ٹی ایم کی پرانی مسلحہ شکل تھی جو صرف اور صرف بھارت کے کہنے پر پاکستان کو بنیاد پرست اور عسکریت پرست باور کروانا چاہتے تھے۔ مُلَّا فضل اللّہ انتہائی ظالم شخص تھا اور اسکا افغان طالبان سے کوئی تعلق نہ تھا لیکن صرف حمایت حاصل کرنے کے لئے اس عسکریت پسند گروپ کا نام تحریک طالبان پاکستان رکھا گیا
اس بات کی وضاحت خود اس گروپ کے ترجمان احسان اللّہ احسان نے گرفتاری کے بعد کی کہ ہماری فنڈنگ بھارت سے ہوتی ہے اور افغان طالبان کو جب اس بات کا علم ہوا تو انہوں نے اس بات کو بہت ناپسند کیا ور ہمارا داخلہ افغانستان میں ممنوع قرار دیا لیکن کیونکہ افغانستان میں بھارت امریکہ کے ساتھ ملکر سازش کررہا تھا تو اس لئے پاکستان تحریک طالبان افغانستان آتے جاتے رہتے تھے اور ظاہر کرتے تھے کہ انکا رابطہ افغان طالبان ساتھ ہے جو کہ بلکل جھوٹ تھا
اب آتے ہیں اصل بات پر
افغان طالبان جو کہ مجاہدین بھی کہلاتے ہیں یہ "طالبان” کیوں کہلاتے ہیں۔ کچھ لوگوں کا خیال ہے کہ یہ شروع سے موجود ہیں جو کہ بلکل غلط ہے
سویت یونین سے لڑائی میں جو افغان جنگجو تھے انہیں "مجاہدین” کہا جاتا تھا اور تب انکے چھوٹے چھوٹے گروپس بنے ہوئے تھے لیکن صرف لڑائی کی حکمت عملی کے لئے
ان گروپس میں کسی کا نام بھی طالبان نہیں تھا حتی کے اسکا وجود ہی نہیں تھا۔ ان گروپس کی آپس میں مخالفت شروع سے تھی وہ بھی فنڈنگ پر جسکو پاکستان نے بہت کوشش کی کہ ختم ہو مگر کامیابی نہیں ہوئی۔ حقانی جیسے گروپس اسی قسم کی حکمت عملی کے تحت وجود میں آئے تھے۔
تب اس لڑائی کے دوران افغان لوگوں کو تعلیم اور رہائش دینے کے لئے پاک افغان بارڈر پر مدرسے قائم کیے گئے جن میں ان لوگوں کو بطور ٹیچر بھرتی کیا جاتا تھا جو جنگ کے دوران زخمی ہوجاتے تھے یا ریٹائرمنٹ لے لیتے تھے۔ ان میں مُلَّا عمر بھی تھا کیونکہ جنگ کے دوران اسکی ایک آنکھ ضائع ہوچکی تھی تو مزید اسے جنگ نہیں لڑسکتا تھا
اسے ایک مدرسے کا ہیڈ بنا دیا گیا۔ روس جب واپس چلا گیا تو جہاں جہاں مجاہدین کا جو گروپ تھا وہ اس علاقے کا حکمران بن گیا۔ ان میں سے کچھ حکمران بہت ظالم بھی تھے جو لوگوں کو اغوا کرتے ریپ کرتے اور بھتہ وصول کرتے تھے۔ اسی دوران ایک حکمران کے کچھ لوگوں نے مُلَّا عمر کے مدرسے کے ایک بچے کو اغوا کرلیا۔ مُلَّا عمر نے کوشش کی کہ پرامن طور وہ بچہ واپس مل جائے لیکن ایسا نہ ہوسکا۔ پھر اس نے اپنے مدرسے اور اسکے آس پاس کے مدرسوں کے طلبا کا ایک چھوٹا سا لشکر بنایا اور بچے کی بازیابی کو نکل پڑے۔ انکے پاس زیادہ طاقت تو موجود نہ تھی لیکن پھر بھی انہوں نے بزور طاقت اس بچے کو چھڑوا لیا۔ اب اس دیکھا دیکھی میں اور بھی بہت سے لوگ انکے لشکر میں شامل ہونے لگے اور درخواست کی کہ ہمارے حکمران ہم پر ظلم کرتے ہیں تو آپ ہماری بھی مدد کریں۔ اسطرح لشکر بڑھ کر اتنا بڑا ہوگیا کہ ایک مضبوط گروپ کی شکل اختیار کرگیا۔ تبھی اسے انکو "طالبان” کہا جانے لگا کیونکہ یہ سب ایک مررسے کے طالبعلم تھے۔
مُلَّا عمر نے پاور میں آنے کے لئے مزید گروپس کو اپنے ساتھ شامل کرنا شروع کیا اور پہلی بار افغانستان پر طالبان کی حکومت قائم ہوئی۔ اب یہ بات امریکہ کو پسند نہیں آئی اور انہوں نے جو فنڈنگ روس کے خلاف جنگ میں شروع کی تھی وہ روک لی کیونکہ وہ افغان طالبان کی حکومت امریکہ کی مرضی کے بغیر بنی تھی۔ امریکہ کی فنڈنگ روکنا ایک قسم کی وعدہ خلافی تھی جس پر افغان طالبان نے شدید غم و غصے کا اظہار کیا اور یہی وجہ ہے کہ امریکہ میں 9/11 کا واقعہ رونما ہوا
کیونکہ اب امریکہ کا افغانستان میں مفاد ختم ہوچکا تھا تو اس لئے اس نے افغان طالبان کو دہشت گرد ڈکلئر کرکے اس پر حملہ کردیا
اس وقت سے اب تک بھی طالبان نہ صرف موجود ہیں بلکہ اب انہوں نے امریکہ کو بھی شکست دی ہے۔

@AtiqPTI_1

نوے کی دہائی میں پاکستان ٹیلی ویژن پر طنز مزاح شائستگی اور فکر سے لبریز ایک ڈرامہ سیریل ’’گیسٹ ہاؤس’’ کا جادو سر چڑھ کر بول رہا تھا۔معروف ترین کرداروں میں باؤ نوید ، مراد اور خوش نامِ زمانہ ریمبو کا کردار تھا ، جو یقیناً افرنگی تمثیل نگاری کے دبستان ہالی ووڈ کی ایک فلم کے کردار سے مملو تھا، اس کردار کو پاکستان کی تہذیب شناخت اور ثقافت میں ڈھالنے کا سہرا پی ٹی وی ہی کے نام ہے، معروفِ زمانہ کردار ریمبو کا تکیہ کلام ’’ مائی نیم از ریمبو ریمبو جان ریمبو کاکروچ کلر‘‘ تھا،شگفتگی شائستگی اور بے ساختہ اداکاری نے افضل خان کا اصل نام منہا کردیا، ایک زمانےتک بزرگ اور بچوں کی زبان پر یہی مکالمے ہوتے تھے۔۔۔ پی ٹی وی کے ڈرامے اس قدر پراثر اور تربیت افزا ہوتےتھےکہ کسی معروف ڈرامہ سیریل کے وقت میں شہر کی سڑکیں سنسان ہوجایا کرتی تھیں،ڈرامے تو خیرڈرامے ہی تھے ٹی وی پر آنے والے اشتہارات بھی ہماری تہذیب اور اقدار کا پتہ دیتے تھے۔ وقت کروٹیں بدلتا رہا، پی ٹی وی کا شعبہ تمثیل نگاری(ڈرامہ) آہستہ آہستہ اپنی وقت کھونے لگا، کیوں کہ متبادل کے طور پر نجی ٹی وی چینلوں نے ناظرین کے ذہنوں پر اپنے پنجے گاڑنے شروع کردیے تھے، مسابقت اور جدت کی اس دوڑ نے ہماری تہذیب ثقافت اور تربیت میں بگاڑ لانا شروع کیا، ہیجان انگیز موضوعات ، ذو معنی جملوں اور نیم لباسی کی جانب رواں دواں ملبوسات نے ابتدا میں معاشرے کے افراد کو ذہنی اذیت دینا شروع کی، اس بے سروپا نام نہاد فیشن اور تہذیب وثقافت سے دوری پر ناظرین کی جانب سے آوازیں اٹھنا شروع ہوئیں مگر انہیں اسی دلدل کے منفعت پرستوں نے ’’ نہیں دیکھنا تو کوئی اور چینل دیکھ لو، ریموٹ آپ کے ہاتھ میں ہے چینل بدل لو’’ کا نفسیاتی حربہ استعمال کرتے ہوئے آہستہ آہستہ خاموش اور بعد ازاں عادی کردیا، یوں نئی مسلط شدہ جدت اور فیشن نے پیاز کی پرتیں اتارنی شروع کردیں،۔۔میری اس بات سے اختلاف رکھنے والے دوست زرا شکیب جلالی کا نوحہ تو سن لیں۔۔۔

کیا کہوں دیدۂ تر ، یہ تو مِرا چہرہ ہے
سنگ کٹ جاتے ہیں بارش کی جہاں دھار گرے

بیس بائیس سال کی مسلسل مغربی تہذیبی یلغار نے ہماری تہذیب ثقافت کا چہرہ نوچنا شروع کردیا،بعد ازاں موبائل فون کے پردہ ٔ سیمیں نے ہر ایک گوشہ عافیت کو اپنے رنگ میں رنگنا شروع کردیا اور ماں باپ کی طرف سے ملنے والی تربیت بھی مفقود ہوتی گئی، رہی سہی کسر مائکرو بلاگنگ، فیس بک، یوٹیوب ، ٹک ٹاک اور سنیک ویڈیو نے پوری کردی، یہاں میں کئی ایسی ایپلیکیشنز کا ذکر قصداً نہیں کررہا ہوں کہ انسانی تجسس کہیں کچے ذہنوں کو اس غلاظت کی جانب نہ لے جائے جہاں مردو و زن کے پوشیدہ امور محض پیسوں کے لیے براہِ راست نشرکیے جاتے ہیں، بیس سال کی مسلسل عدم توجہی اور بے جاآزادی نے نئی نسل کو موج مستی مذاق شہرت اور اضافی آمدن میں مبتلا کرکےہمیں فکری طور پر کھوکھلا کرنے کا نتیجہ یہ نکلا کہ ٹک ٹاک یا اس جیسی دیگر ایپس نے نشے کی طرح نئی نسل کے دماغوں پر قابو پالیا، اب معاملہ ہیپٹانزم کے عامل اور معمول والا ہی رہ گیا ہے، ایک دوسرے سے مسابقت طے کرنے میں نئی نسل کے مرد و زن کونہ تہذیب کا خیال رہا نہ ہی قومی و مذہبی اقدار کا، حال ہی میں پاکستان کے یومِ آزادی پر ایک اندوہناک سانحہ ہوا، جو کسی بھی طور قابلِ معافی نہیں،۔۔۔

ایک تو عین پاکستان کے جشنِ آزادی کے دن واقعہ رونما ہوا دوم یہ کہ جائے واقعہ قراردادِ پاکستان کے سینے کی میخ یعنی مینارِ پاکستان کے احاطہ میں ہوا، واضح رہے یہ خبر تین روز تک پوشیدہ رہی، عین اس وقت جب ہم پاکستان کا جشنِ آزادی منارہے تھے پڑوسی ملک افغانستان میں انتقالِ اقتدار کا مرحلہ طے ہورہا تھا، پندرہ اگست کو تقریباً پورا افغانستان نئی حکومت کے زیرِ انصرام آچکا تھا، یہ وہ وقت تھا جب اففانستان میں پاکستان کے خلاف بھارت کے لگائے ہوئے اربوں ڈالر کی روایتی اور انسانی مشینری کو دھچکہ پہنچا تھا، پاکستان میں عوام الناس بھارت کی اس خفت پر خوب لتے لے رہے تھے، بھارتی عوام ، عنان حکومت اور مین اسٹریم میڈیا اپنے یومِ آزادی کی بجائے افغانستان میں ہونے والی خفت کو مٹانے کی کوشش کررہا تھا، یہ صورتحال پاکستان دشمنوں اورنام نہادلبرلوں جنہیں خونی لبرل کہنا زیادہ درست ہے کو ایک آنکھ نہ بھایا،یوں عین ایامِ عزا میں ساتویں محرم کو لاہور مینارِ پاکستان پر ہونے والے سانحے کی ویڈیو سوشل میڈیا پر وائرل کی گئی اور ساتھ ساتھ مین اسٹریم میڈیا کے افراد کی کمک بھی دستیاب ہوئی، عام آدمی کتنا ہی محتاط اور تحقیق طلب کیوں نہ ہو ایسے مواقع پر جذباتی ہوجاتا ہے، یہی ہوا پاکستان اور پاکستان سے باہر بسنے والے عوامِ پاکستان اس معاملے پر اشتعا ل میں آگئے یوں یہ خبر واقعہ کے عین تین روز بعد سوشل میڈیا ٹرینڈنگ کرتی ہوئی عالمی ذرائع ابلاغ میں بھی جاگزیں ہوئی، زندگی کے تمام شعبہ جات سے تعلق رکھنے والے مرد و زن نے اس واقعہ کی نہ صرف مذمت کی، اپنے جذبات کا اظہار کیا بلکہ مجرموں کو قرار واقعی سزا دینے کا مطالبہ کیا، جب ہمیں یہ خبر موصول ہوئی تو ہمیں آئندہ کے سوشل میڈیا موضوع کا عندیہ بھی دے دیا کہ قوم اب افغان ہندوستان موضوع کو چھوڑ کر اس جانب پر تولنے کو ہے، جذباتی تو ہم بھی ہوئے مگر مینارِ پاکستان کا نام آتے ہی شکوک نے جنم لیا، تیس گھنٹوں تک ہم خاموشی سے اس خبر اور اس خبر سے جڑی ہوئی تفصیلات کھوجنے میں مصروف رہے، اس دوران عوام میں تین طبقاتِ فکر نے دھڑے بندی مکمل کرلی تھی، ایک جو جذباتی ہوکر عائشہ اکرم بیگ سے ہونے والی بدسلوکی اور زیادتی پر مجرموں کے لیے سزاؤں کے طالب تھے، دوسرا طبقہ فکر محدودات کے تتبع میں خاتون ٹک ٹاکر کی حدود سے باہر نکل کر ویڈیو بنانے اور عوام کو رجھانے پر طعنہ زن تھے، عین اس وقت تیسرا طبقہ فکر بھی میدان میں کود پڑا جنہیں ہمیں عرفِ عام میں فیمینسٹ کہتے ہیں، اس تیسرے طبقہ فکر نے اپنے ہم خیالوں کی آشیر باد سے معاملہ کو ملکی و بین الاقوامی میڈیا تک پہنچایا، بھارت کے وہ مخصوص چہرے جو ہمیشہ پاکستان کے خلاف عف عف بھو بھو کرتے رہے انہوں نے شہ سرخیاں جمائیں، ۔۔

پاکستان سے محبت رکھنے والے افراد جو کسی وجہ سے ففتھ جنریشن ہائبرڈ وار کا سبق جذبات سے مغلوب ہوکر بھول بیٹھے تھے انہیں اچانک وہ سبق یاد آگئے بھارت کے کود پڑنے ، نام نہاد لبرلوں ، فیمینسٹ گروپ اور ملکی میڈیا میں موجود ملک کی بےعزتی کرنے کو کوئی موقع ہاتھ نے نہ جانے دینے والوں کی سرکوبی کے لیے نوجوان سراغ رسانوں نے تلاش بسیار کے بعد کچھ ایسے حوالے کھنگال ہی لیے جن سے یہ پورا معاملہ مشکوک ٹھہرتا ہے، اول تو خاتون عائشہ اکرم بیگ کا وہ ویڈیو جس میں ایک اکاؤنٹ سسپینڈ ہونے کا نوحہ اور ان کے ساتھی ریمبو (جس کے لیے ہم نے تمہید باندھی) کا سرپرائز دینے اور فین فالوئنگ کو مینارِ پاکستان پر ملاقات اور سیلفی کی نوید دی گئی تھی، دوم یہ کہ خاتون نے واقعہ کے بعد اپنے سوشل میڈیا اکاؤنٹس پر نہ کوئی ذکر کیا بلکہ ہنستے کھیلتے کئی تصاویر بھی شائع کیں، مزید یہ کہ درجن بھر افراد کی ٹولی جو خاتون کے بقول پارٹنرز تھے کے ساتھ تقریباً چار سے پانچ گھنٹے گزارے، عینی شاہدین اور اقبال پارک کی انتظامیہ کے بیانات سے ثابت ہوا کہ خاتون کو جانے کے کئی مواقع ملے مگر انہوں نے فین کو ہوائی بوسے ارسال کرنے میں وقت گزارا، سوم یہ خبر کے سامنے آنے والی رات اچانک دو یوٹیوبر بشمول میڈیا اینکر اس خاتون کی داد رسی کو پہنچے اور اور معاملے کی باگ اپنے ہاتھ کرلی، اس خبر کے پھیلنے کے بعد ٹک ٹاکر کے اکاؤنٹ پر ایک لاک سے زائد افراد نے رجوع اور فالو کیا،پولیس کے عام تفتیشی اصول پر بھی پرکھا جائے تو دیکھا جاتا ہے کہ واقعہ کا فائدہ کسے ہوا، یوں عائشہ نامی خاتون کے ساتھی ریمبو دی فالورز کلیکٹر کی ملی بھگت کا سراغ ملتا ہے، واضح رہے موضوع سے متعلق تمام مواد اس وقت سوشل میڈیا پر عوامی تبصروں کے ساتھ پھیل چکا ہے یعنی ہماری بات کی تصدیق کے لیے آپ کو کہیں دور جانے کی ضرورت نہیں،۔۔

اس طویل دورانیے کے ڈرامے میں ان سطور کے قلمبند ہونے کے دوران خاتون کا ایک انٹرویو بھی سامنے آیا، اور ساتھ ساتھ یہ خبر بھی سامنے آئی کے عائشہ اکرم بیگ اور ان کا ریمبو پولیس نے شاملِ تفتیش اور حوالات میں ہے، واقعہ کا اثر ایسا تھا کہ خبر اور رائے کے اختلاف میں ہماری نسل نے تمام حدود وقیود کو پھلانگ کر اختلافِ رائے رکھنے والوں کی ذاتی کردارکشی بھی شروع کردی، ایک عجیب طوفانِ بدتمیزی نے جنم لیا نہ تو مرد وزن کی تفریق رہی اور نہ ہی پیر و جوان کی، جس کے جو منھ میں آیا اسے انگلیوں کی حرکت سے سوشل میڈیا کے صفحات میں انڈیل دیا گیا، خیر قصہ کوتاہ پولیس کو کیس پر کام نہ کرنے کا عندیہ دینے کے بعد عائشہ اکرم بیگ کا کردار مزید مشکوک ہوگیا، بعد ازاں سرکار کی مدعیت میں کیس کااندراج ہوا لیکن خاتون نے اپنا رہائشی پتہ غلط لکھوا کر کارِ سرکار میں رکاوٹ کا ذمہ بھی اپنے سر لے لیا، میری اولین دانست اور اس کیس کے بغور مشاہدے کے بعد میں تاحال اس معاملے میں پورے معاملے کو مشکوک گردانتا ہوں، بنیادی وجہ پاکستان کی جگ ہنسائی ہی ہے، کیس کا اونٹ کس کروٹ بیٹھتا یہ نتیجہ اخذ کرنا کوئی مشکل امر ہرگز نہیں، میڈیکو لیگل کی رپورٹ کے مطابق خاتون کے جسم پر ضربوں اور زخموں کے نشانات پائے گئے ہیں، تین گھنٹے سے زائد طوالت کی ویڈیوز میں خاردار تاروں کو پھلانگنے اور بھیڑ کے دباؤ کے تحت کوئی بھی زخمی ہوسکتا ہے، لیکن یہ کہنا کہ خاتون بے ہوش اور بے لباس ہوچکی تھی کسی بھی طور پر درست معلوم نہیں ہوتا، مخصوص طبقہ نے جو ویڈیو وائرل کی اس میں زد و کوب کا عنصر تو شامل ہے مگر بے لباسی و دیگر الزامات کی نفی ہوتی ہے، اس پورے واقعے میں ایک اور بدترین کردار سوشل میڈیا صارفین کا رہا جنہوں نے اس حادثے پر چٹخارے دار وی لاگ جذبات برانگیختہ کرنے والے عنوانات اور تصاویر سے اپنے یوٹیوب چینلوں پر عام عوام کوتماش بینوں کی طرح جمع کیا۔۔۔

سوشل میڈیا پر ڈالروں کے حصول کی دوڑ میں مبتلا افراد نے اس ہیجان سے جہاں فائدہ اٹھایا وہیں مین اسٹریم میڈیا نے اپنی ریٹنگ (ٹی آرپی) کے حصول کی جنگ میں عشرہ محرم کے تقدس کو بھی پامال کیا، وہ لمحات جو خانوادۂ رسول ﷺ کی عظیم قربانیوں کو یاد کرنے اور ظلم و جبر سے ٹکرانے کے درس کے حصول کے تھے ان لمحات کو ایک مشکوک خبر کی نذر کردیا،ہونا تو یہ چاہیے تھا کہ ریاستی ادارے فوراً حرکت میں آتے اور اس معاملے پر قوم کو آگاہ کرتے مگر ہمیشہ کی طرح دیر سے خبر پہنچی، کیا یہ محض اتفاق ہے کہ عین اس دن جب موجودہ حکومت کو ٹھیک تین سال مکمل ہورہے تھے اور عوام حکومتی کارکردگی پر گفتگو کرتے، وہ وقت اس چومکھی جنگ کی طرح پھیلی خبر کی نذر ہوا، افغانستان میں انتقالِ اقتدار ، بھارت کی سبکی، عشرہ محرم اور حکومتی کارکردگی پر سوال جواب کا دورانیہ بلکہ امروز پائلٹ آٖفیسر راشد منہاس شہید کا دن بھی اس تاحال مشکوک رہنے والی خبر کی نذر ہوگیا، اربابِ اقتدار ہوں یا احبابِ فکر و دانش امید ہے کہ ان چار عوامل پرآپ اپنی نگاہ کیجے گا اور اس معاملے کی شفافیت اور حساسیت کو نظر انداز نہ کریں گے۔ امید کی جاتی ہے کہ حکومتی نمائندے اس معاملے میں عوام کو درست اقدامات اور خبر سے خود آگاہ رکھیں گے تاکہ معاشرے میں پھیلی بے چینی کا زور ٹوٹ سکے۔۔۔

(انصافستان)

ام رباب کا کیس زیادتی سے بھرا پڑا ہے لیکن مجال ہے کہ ان دو ٹھکے صحافیوں اور لبرلز کو کوئی خبر بھی خبر ہو مجال ہے کہ اقرار یا یاسر ان کے گھر جائیں ۔ نور مقدم کا قتل جوہوا یہ وہ کیس ہے جس سے منہ پھیرنا واقعی میں ایک بہت بڑی زیادتی ہے اسی طرح مختلف واقعات ہوتے لیکن لبرلز اور عورت مارچ والوں کے لیے ان میں کوئی سکورنگ نہیں ملتا اور دو ٹھکے کی صحافی جن کا سب کو پتا ہے کہاں رہتے کس کا کھاتے ان کو ریٹنگ اس میں نہیں ملتا تو پھر ان واقعات میں ہاتھ ڈالتے جو کہ ان کے لیے فائدہ مند ہے، مینار پاکستان پر واقعہ چودہ اگست کو ہوا اور اس کے بعد لڑکی بلکل ٹھیک تھی کام ٹھیک چل رہا تھا اور جیسے ہی ویڈیو وائرل ہوئی تو مظلوم بن گئی۔ مظلوم ہوگی واقعی میں ہوگی اس پر کسی کو اعتراض نہیں لیکن سوال یہ ہے کہ یہ ہوا کیوں؟ لیکن سوال یہ ہے کہ لبرلز اور ناکام صحافیوں کو یہ موقع کیوں بخشا ؟جب کیس کی کاروائی ہی روکنی تھی تو پہلے معاملے کو یہاں تک کیوں پہنچایا؟۔ کیوں ہوا کی بات کریں تو سب سے اہم سوال یہ ہے کہ لوگوں کو بلایا کیوں ؟ یہ حملہ اگر رینڈم ہوتا بھی تو کوئی جواز بنتا جیسے میں نے پہلے ذکر کیا کہ ٹک ٹاک بے حیائی ہے اور بے حیائی کے فینز بے حیا ہی ہو سکتے اور پھر ان بے حیاوں کو بلا لینا اپنے پاس یہ خود جرم کو دعوت دینا تھا۔ دعوت کیوں دیا اپنی شہرت کے لیے اس پر تبصرہ کرنا نا ممکن ہے کیونکہ اللہ جانتا ہے یہ سب لیکن اس بات میں کوئی شک نہیں کہ یہ ایک بے وقوفی تھی جس کی خمیازہ پھر مرد اور عورتوں کے نفرت کی صورت میں بھگت رہے ہیں ۔ اس واقعے کے مجرمان کے ساتھ کیا سلوک کیا جاتا یہ حکومت جانتی ہے سزا ملتا نہیں ملتا یہ عدالت کا کام ہے ، اگر واقعی جرم ہوا ہے تو سزا ملنی چائیے لیکن اس وقعے سے یہ صورت حال بننا جس سے معاشرے کو ایک دفعہ پھر نقصان پہنچانے کی کوشش جو ہر سال مارچ میں ہوتی اس کا کون ذمہ دار؟ ملک دشمن قوتوں کو ملک کو نقصان پہنچانے کے لیے ہتھیار مہیا کرنا اس کا کون ذمہ دار؟ دنیا کو یہ دیکھانا کہ پاکستان عورتوں کے لیے محفوظ نہیں اس کا کون ذمہ دار؟ حالانکہ صورت حال تو یکسر مختلف ہے، عورتیں محفوظ ہیں ہر وہ عورت جو اپنی عزت کو اہم سمجتا وہ محفوظ ہے لیکن وہ عورتیں جو خود گلی کوچھوں میں بے حیائی اور جرم کو دعوت دینے کے لیے نکلتے ان پر کچھ نہیں کہا جا سکتا۔ مہذب لوگ جو پاکستانی معاشرے کو جانتے وہ اج بھی ان ٹک ٹاک وغیرہ کو ناسور سمجھ رہے لیکن اگر ٹک ٹاک پر بھی پابندی کی کوئی بات کی جائیں تو یہ لوگ بھی صف اول میں اختلاف کرتے حالانکہ ان چیزوں کو نہ صرف مرد استمال کرتا بلکہ عورتیں بھی کرتی ۔ اچھا جی تو لبرلز اور ناواقف لوگ جو سنسنی خیز باتوں پر انکھیں بند کرکے یقین کرتے ہیں وہ اب بھی اس واقعے پر تبصرے کرتے نظر ارہے ہیں جبکہ نیوز کے مطابق لڑکی نے کیس بند کرنے کی اسدعا کی ہے۔ کیوں خاموش نہیں ہورہے ہیں یہ لبرلز اور عورت مارچ والے؟ کیوں کہ ان کو مارچ میں خواتین کے عالمی دن کے بعد ان کو اس طرح کی واقعوں کا انتظار رہتا۔ان کو کوئی فکر نہیں ہوتی وہ نہ ملک کو دیکھتے اور نہ ہی دین کو ان کو اپنی روزی حلال کرنی پڑتی لیکن اس میں نقصان ان لوگوں کو ہوتا جو جذباتی ہوتے جن کو یہ امیج دکھایا جاتا کہ پاکستان واقعی میں عورتوں کے لیے محفوظ نہیں اور یہ دیکھایا جاتا کہ دین میں عورت کو وہ مقام نہیں جو مرد کو ہے۔ ناواقف لوگ موجودہ واقعے پر رنجیدہ ہو کر ان کو سنتے ہیں جبکہ یہ لوگ اپنا کام کر جاتے ہیں اور دنیا کو دکھا دیتے کہ جی ایسا ہے سب ۔ الحمداللہ عورتیں بلکل محفوظ ہیں ، جو جرم ہوتا عورتوں کے ساتھ جو کرتے ہیں وہ جانور ہوتےہیں۔ جن کا دفاع نہ اسلام کرتا نہ پاکستان کی قانون کرتا اور نہ ہی کوئی مہذب انسان اور نہ ہی یہ معشرہ لیکن یہی معاشرہ پھر سازش کو بھی سمجھتا یہی معاشرہ پھر گھناونے کام بھی جانتا یہی معاشرہ پھر ملک دشمن قوتوں کو بھی جانتا یہی معاشرہ پھر اسلام مخالف قوتوں کو بھی جانتا یہی معاشرہ پھر غیر ملکی این جی اوز کے لیے کام کرنے والوں کو بھی جانتا یہی معاشرہ پھر ضمیر فروشوں کو بھی جانتا۔ عورتوں کی حقوق کو تحفظ دینے کے لیے حکومت کوشاں ہے، اس وقعے کی تمام وزراہ نے مذمت کی ہے خود وزیر اعظم نے اس کا نوٹس لیا ہے۔انسانی حقوق کی خاتوں وزیر نے بھی معاملے کو نوٹس میں لایا ہے ۔ اس وقعے میں جرم ہوا ہے مجرموں کو سزا ملنی چاہیے۔ بے شک لڑکی روکنے کی کوشش کریں لیکں ان مجرموں کو عبرت کا نشان بنانا چاہیے اور اس کے ساتھ ساتھ اس واقعے کی اڑ میں ملک اور دین اور اس کے اقتدار کو نقصان پہنچانے والوں کے لیے رکاوٹ بننا ہمارے لیے ضروری ہیں ۔ اللہ اس ملک پر رحم کریں پاکستان زندہ باد
twitter @Faridkhhn

شاید ہی کوئی ایسا سورج طلوع ہوا ہو جس دن ملک عزیز میں کسی عورت کے ساتھ جسمانی، جنسی یا ذہنی تشدد نہ کیا گیا ہو یا کسی بچے یا بچی کو جنسی حیوانگی کا نشانہ نہ بنایا گیا ہو. اکثر کم سن بچوں اور بچیوں کے ساتھ زیادتی ہوتی رہتی ہے. کم سن بچوں اور بچیوں کے ساتھ زیادتی کا ہر واقعہ المناک اور افسوس ناک ہے. اس طرح کے واقعات میں کوئی شکوک وشبہات یا دوسری رائے کا ہونا ناممکن ہے مطلب کسی بھی صورت میں ان واقعات کا دفاع نہیں کیا جا سکتا. ان واقعات میں ملوث تمام انسانی درندوں کو عبرت ناک سزا ملنی چاہیے.

دوسری طرف خواتین کے ساتھ پیش آنے والے ناخوشگوار واقعات کے متضاد حقائق سامنے آتے رہتے ہیں. آج ہم خواتین کے ساتھ پیش آنے والے جنسی اور جسمانی تشدد یا بلیک میلنگ کے واقعات کی تصویر کا دوسرا رخ دیکھتے ہیں. پاکستان میں خواتین کے ساتھ پیش آنے والے تمام ناخوشگوار واقعات کی تصویر کا ہمیشہ ایک ہی رخ دیکھا جاتا ہے. حالانکہ بعض اوقات ان واقعات کے حقائق ہماری قائم کردہ رائے یا سوچ سے مختلف برآمد ہوتے ہیں. ہم ایک جذباتی قوم ہیں، بغیر سوچے سمجھے کسی کو مظلوم اور کسی کو ظالم تصور کر لیتے ہیں. بالخصوص جہاں مرد اور عورت فریق ہوں وہاں ہمارے خیال میں عورت ہی مظلوم اور مرد ہی ظالم ہے. حالانکہ بعد میں پتہ چلتا ہے کہ معاملہ اس کے برعکس تھا. خیر، میرے کہنے کا مطلب ہے کہ جب تک تفتیش کے بعد معاملے کی حقیقت سامنے نہ آئے تب تک کسی کے متعلق رائے قائم نہیں کرنی چاہئے.

راقم کی ذاتی سوچ اور ذاتی مشاہدے کے مطابق پاکستان میں خواتین کے ساتھ پیش آنے والے ناخوشگوار واقعات کی نوعیت اور صورت چار طرح کی ہوسکتی ہے. پہلا یہ کہ واقعتاً اور حقیقتاً متاثرہ عورت معصوم اور مظلوم ہوتی ہے. اس طرح کے واقعات میں کلی طور پر مرد یا مردوں کی طرف درنگی کا مظاہرہ کیا جاتا ہے اور عورت بے چاری لاچار اور مجبور ہوتی ہے.

دوسری صورت میں مرد اور عورت برابر کے گناہ گار اور ذمہ دار ہوتے ہیں. اکثر اس طرح کے واقعات میں مرد اور عورت کے درمیان ناجائز اور غیرشرعی مراسم ہوتے ہیں. ان ناجائز تعلقات کے نتائج ہمیشہ افسوس ناک ہوتے ہیں اور کبھی بھی اچھے نہیں ہو سکتے. ہمارا جھکاؤ مختلف وجوہات کی بنا پر ہمیشہ عورت کی طرف ہوتا ہے اور ہم عورت کو مظلوم ثابت کر گزرتے ہیں. اس طرح کے واقعات کافی رونما ہو چکے ہیں.
حال ہی میں پیش آنے والے دو انتہائی افسوس ناک واقعات کو مثال کے طور پر دیکھتے ہیں. ان واقعات کی بنیاد غیرشرعی اور غیر اخلاقی تھی اور نتائج بھی انتہائی بھیانک نکلے. پہلا واقعہ اسلام آباد میں پیش آیا. عثمان مرزا نامی ساتھیوں کی مدد سے ایک جوڑے کو زدوکوب کرتا ہے، کیمرے کے سامنے کپڑے اتارنے اور غیر اخلاقی کام کرنے کے لئے زبردستی کرتا ہے. مجرم عثمان مرزا اور ساتھیوں نے انتہائی غلط کام کیا، اس فعل کی جتنی مذمت کی جائے اتنی کم ہے. اب سوال یہ ہے کہ وہ جوڑا کون تھا؟ کہاں تھا؟ کیا کر رہا تھا؟ ان کے درمیان کیا تعلقات تھے؟
مبینہ طور پر لڑکا اور لڑکی اپنے اپنے گھر سے دور کسی دوست کے فلیٹ پر انتہائی شرمناک اور قابل اعتراض حالت میں عثمان اور ساتھیوں کے ہاتھوں پکڑے گئے اور انہوں نے جوڑے کو کیمرے کے سامنے وہ سب کرنے کو کہا جو وہ کیمرے کے پیچھے کر رہے تھے. پوری قوم، سارا میڈیا، حکومت اور پولیس جوڑے کی حمایت میں آ گئے اور مجرمین کی مخالفت میں. آج تک اس جوڑے کے درمیان قائم غیراخلاقی تعلقات کی مذمت کسی نے نہیں کی. میرے خیال میں اس واقعے کا ہر کردار گناہ گار ہے. عثمان مرزا اور ساتھیوں سمیت اس جوڑے کو بھی سزا ملنی چاہیے تھی.
اس طرح کا دوسرا افسوس ناک واقعہ بھی اسلام آباد میں پیش آیا جس کی بنیاد بھی مبینہ طور پر غیر اخلاقی تھی. بغیر نکاح کے ان کے مراسم تھے اور نتیجہ نکلا ایک عورت کے قتل کی صورت میں. پہلے واقعے میں ایک جوڑے کی عزت گئی اور دوسرے واقعے میں ایک جوڑے کی زندگی گئی.
تعلقات غلط، نتائج غلط.

تیسری صورت میں عورت اپنا عورت کارڈ استعمال کر رہی ہوتی ہے. مردوں پر من گھڑت اور جھوٹے الزامات لگائے جاتے ہیں. یہاں بھی ہماری جذباتی قوم عورت کی حمایت اور وکالت میں یکجا ہو جاتی ہے اور بعد میں معلوم ہوتا ہے کہ تمام تر الزامات بے بنیاد تھے. مگر اس وقت تک اس مرد کا گھر عزت اور بعض دفعہ نوکری بھی ختم ہو چکی ہوتی ہے.
ذیل میں کچھ واقعات دیکھتے ہیں جن سے ثابت ہوتا ہے کہ عورت ہمیشہ مظلوم یا سچی نہیں، کبھی کبھی عورت عورت ہونے کا ناجائز فائدہ اٹھا رہی ہوتی ہے. علی ظفر اور میشا شفیع کا واقعہ سب کو یاد ہوگا. جس میں میشا شفیع نے بے بنیاد الزامات لگائے بعد میں عدالت نے بھی ان الزامات کی تردید کی اور میشا شفیع پر سزا اور جرمانہ عائد کیا. لاہور میں ایک طالبہ اپنے پروفیسر پر الزام لگاتی ہے، الزام جھوٹا ثابت ہوتا ہے مگر وہ پروفیسر خودکشی کر کے اپنی جان لے چکا ہوتا ہے. اسی طرح ایک لڑکی دو یا تین پولیس والوں پر الزام لگاتی ہے، عدالت ان کو سزا سناتی ہے، نوکری سے برطرف کئے جاتے ہیں اور ان میں سے ایک کی بیوی بھی چھوڑ کر چلی جاتی ہے، بعد میں پتہ چلا کہ وہ الزام جھوٹا تھا.

خواتین سے متعلقہ واقعات کی چوتھی صورت یہ بھی ہو سکتی ہے جس میں عورت شہرت حاصل کرنے یا مرضی کی شادی کرنے کے لئے ڈامہ رچاتی ہے. اس نوعیت کے بھی متعدد واقعات ہیں بالخصوص ٹک ٹاکر لڑکیوں کے غیراخلاقی سیکنڈل سامنے آتے رہتے ہیں جن کا مقصد صرف شہرت حاصل کرنا ہوتا ہے. کچھ دن پہلے اسی طرح کا لاہور میں مینار پاکستان پر واقعہ پیش آیا. ابھی تک اس کے متعلق متضاد خبریں ہیں. راقم کے ذاتی خیال میں یہ واقعہ بھی شہرت حاصل کرنے کا ایک طریقہ ہو سکتا ہے. والله اعلم
کچھ ماہ قبل ایک لڑکی کے اغوا کا ڈراپ سین اس وقت ہوا جب اس نے ویڈیو جاری کرتے ہوئے کہا کہ میں اپنے والدین کی مرضی کے خلاف اپنی پسند کی شادی کرنا چاہتی تھی جس کے لئے مجھے ڈرامہ کرنا پڑا، ویڈیو میں اس لڑکی نے شادی کرنے کی تصدیق کرتے ہوئے اپنے شوہر کو بھی دکھایا. پچھلے سال کراچی میں ایک لڑکی کے اغوا ہونے کا واقعہ وائرل ہوا. کچھ دنوں بعد وہی لڑکی تیسری گلی کے ایک چوبارے سے ملی جہاں وہ اپنے محبوب کے ساتھ رہ رہی تھی.

ارشاد نبویؐ ہے کہ
"آدمی کے جھوٹا ہونے کے لئے اتنا ہی کافی ہے کہ وہ سنی سنائی باتوں کو بغیر تحقیق کے آگے پہنچائے”
بحیثیت مسلمان اور ایک قوم ہمارا اخلاقی اور شرعی فرض ہے کہ جب تک معاملے کی حقیقت سامنے نہ آئے تب تک کسی کو قصور وار اور گناہ گار نہیں ٹھہرانا چاہیے اور اسی طرح نہ کسی کو معصوم اور مظلوم. سوشل میڈیا کا استعمال انتہائی سوچ سمجھ کر کرنا چاہئے. آپکی فیس بک پوسٹ یا ٹویٹ بہت دور تک جاتی ہے.

#mian_ihsaan