Author: Baaghi TV

خبر: وزیراعظم کا تین سالہ حکومتی کارکردگی عوام کے سامنے رکھنے کا فیصلہ۔

تبصرہ: جناب وزیراعظم! عام عوام کیا جانے کرنٹ اکاؤنٹ ڈیفیسٹ کیا ہوتا ہے؟
بھولے لوگوں کا کیا معلوم ٹریڈ ڈیفیسٹ کا؟
فارن ریزرو کس جن کا نام ہے ان کی بلا سے۔
عوام کو صرف یہ بتا دیں کہ روز مرہ استعمال کی اشیاء جیسے گھی، چینی، آٹا، گیس، بجلی اور راشن میں موجود دیگر اشیا کی قیمتوں میں کب "منفی تبدیلی” آئے گی؟

خبر: نوجوانوں کی ذین سازی کرنی چاہیئے۔ مریم صفدر
تبصرہ: کسی بھی شخص میں جو کہ جھوٹ بولتا ہو، جعل ساز ہو، عدالتوں میں مجرم ثابت ہو چکا ہو اور ضمانتوں پہ گھوم رہا ہو، اسے یہ بات کرتے وقت بہت ہمت کی ضرورت ہے۔ اس سے ظاہر ہوا مریم بی بی بہت ہمت والی ہیں۔

خبر: افغانستان کی سرزمین کسی ملک کے خلاف استعمال کرنے کی اجازت نہیں دیں گے۔ افغان طالبان
تبصرہ: حضور، عالی جناب، محترم، عزیزم! بس آپ اپنے لوگوں کو سنبھال کے رکھیں باقی پاکستان دیکھ لے گا۔ ذہن میں رہے ہم آپ کی ایک شاخ کے خلاف پہلے ہی رد الفساد کر چکے ہیں، ہمیں وہ دہرانے کا موقع نہ دیجئے گا بس۔

خبر: اشرف غنی افغانستان سے جاتے ہوئے پیسوں سے بھرے بیگ بھی ساتھ لے گیا۔ افغان و بین الاقوامی میڈیا
تبصرہ: اس خبر سے یاد آیا کہ پاکستان سے ایک حکمران 1999 میں جدہ بھاگا تھا تو اس کے سامان میں کئی بیگ ایسے تھے جن میں مبینہ طور پاکستانی عوام کے خون پسینے کی رقم تھی جو ٹیکس یا پھر کک بیکس کی مد میں جوڑی گئی تھی، اور چند سال پہلے سندھ میں ایک خاتوں جس کا سندھ کی ایک سیاسی جماعت سے "قریبی تعلق” تھا، ائیر پورٹ سے ڈالروں سے بھرے بیگ کے ساتھ دھر لی گئی تھی۔ کہانی ملتی جلتی ہے ان حکمرانوں کی۔

خبر: لاہور واقعہ پاکستان کے "سارے مردوں” کی ذہنیت کا عکاس ہے۔ مشہور ٹی وی اینکر
تبصرہ: لاہور میں ہونے والا واقعہ یقیناً بہت برا تھا، اس کا دفاع نہیں کیا جا سکتا لیکن کیا ہمیں سکے کا ایک رخ دیکھ کے اپنا فیصلہ سنا دینا چاہیئے؟
چکیں اس کا پس منظر دیکھتے ہیں۔
یوم آزادی سے چبد دن پہلے موصوفہ ٹک ٹاک "سٹار” اپنے "چاہنے والوں” کو بتاتی ہیں کہ مینار پاکستان میں ملاقات ہوگی۔ یاد رہے لاہور کے اس علاقے میں آوارہ گرد اور گھروں سے بھاگے ہوئے نوجوان عموماً اکثریت میں پائے جاتے ہیں۔ یہ خبر سنتے ہی سب لوگ وہاں جمع ہو گئے۔ موصوفہ اپنے چند "دوستوں” کے ساتھ وہاں پہنچتی ہیں۔ اتنی زیادہ تعداد دیکھ کے ان کے ساتھ تصویریں بنوائی جاتی ہیں اور ایک دوسرے کو اشارے کئے جاتے ہیں۔ من چلی عوام خاتون کی طرف سے "رسپانس” ملتے ہیں اس کے پاس لپک پڑتے ہیں اور پھر اگلے مناظر ان بیان ایبل ہیں۔ اکیلی لڑکی اتنے سارے "فالورز” میں پھنس کے رہ جاتی ہے اور جس کا جہاں ہاتھ لگا اس نے حسب توفیق اس لڑکی کے جسم پہ اپنے درندہ صفت ہاتھ صاف کئے۔
سوال یہ پیدا ہوتا ہے کہ اصل ذمہ دار کون ہے؟
وہ لڑکے جو موصوفہ کی دوعت پہ وہاں موجود تھے؟
وہ ٹک ٹاک پہ رقص دکھا دکھا کے مشہور ہونے لڑکی جو چست لباس پہن کے وہاں آ دھمکی اور یہ سمجھتی رہی کہ میں سٹار بن چکی ہوں اور مجھے کوئی کچھ نہیں کہہ سکتا؟
یا ان دونوں جماعتوں کے والدین جنہوں نے اپنے بیٹوں کو یہ نہیں سکھایا کہ دوسرے گھر کی عورتیں بھی کسی کی ماں بہن بیٹیاں ہوتی ہیں، جا جنہوں نے اپنی بچیوں کو یہ نہیں سمجھایا کہ جس معاشرے میں ہم رہتے ہیں وہاں پہ مادر پدر آزادی نہیں ہے۔ خود کو ایسے بازار میں پیش کیا جائے گا تو یہاں ہوس کے پجاری آپ کے جسم کا ایک ایک حصہ نوچ کھائیں گے؟
یا بطور معاشرہ ہم اخلاقیات میں اتنے گر چکے ہیں کہ ہمیں اب اچھائی اور برائی میں کوئی فرق بھی نظر نہیں آتا۔
فیصلہ میں پاکستان کے غیور عوام پہ چھوڑتا ہوں۔

اب ڈاکٹر ساجد رحیم صاحب کی غزل:

‏تو کیا چپ چاپ اجڑنا چاہیئے تھا
ہمیں قسمت سے لڑنا چاہیئے تھا

پرندے اس طرح رکتے نہ رکتے
شجر کو پاؤں پڑنا چاہیئے تھا

مجھے کچھ دیر ہونی چاہیئے تھی
تمہیں مجھ سے جھگڑنا چاہیئے تھا

‏فلک روتا گلے لگ کر زمیں کے
ہمیں ایسے بچھڑنا چاہیئے تھا

یہ شجرے سے بغاوت ہے شجر کی
اسے پت جھڑ میں جھڑنا چاہیئے تھا

چھڑا کر ہاتھ جاتے بے وفا کا
گریباں تو پکڑنا چاہیئے تھا

ہمیں کب راس ہے خوش باش رہنا
کہانی کو بگڑنا چاہیئے تھا

اور آخر میں ایک مختصر نظم:

‏▪︎ عشق ▪︎
درد سہنے والوں کا
درد دینے والوں سے
جو اٹوٹ بندھن ہے
اس کو عشق کہتے ہیں

@Being_Faani

ایک  مستجاب الدعوات بزرگ تھے۔ جس شخص کے بارے میں دعا کردیتے تھے کہ اسے نبی کریم صلی اللہ علیہ وسلم کی زیارت نصیب ہو، تین راتوں کے اندر اندر اس کو زیارت نصیب ہوجاتی تھی۔

ایک مرتبہ کسی نے پوچھا: حضرت! یہ مقام کیسے ملا؟ حضرت نے فرمایا کہ جس زبان سے جھوٹ نکلنا بند ہوجاتا ہے، اللہ تعالی اس زبان سے نکلی ہوئی ہر دعا کو پورا کردیتے ہیں۔

انسان کے ہر قول اور عمل کی درستی کی بنیاد اس کے دل و زبان کی یکسانیت ہے۔ دل اور زبان کی باہمی مطابقت اور ایک دوسرے سے ہم آہنگ ہونے کا نام صدق یا سچائی ہے۔

سچے انسان کے لیے نیکی کے حصول کا راستہ آسان ہوتاہے۔ سرکار دو عالم صلی اللہ علیہ وسلم کا ارشاد ہے: "سچائی نیکی کی راہ بتاتی ہے اور نیکی جنت کی طرف رہنمائی کرتی ہے”۔ سچائی کی عادت بہت سی برائیوں سے بچنے کا ذریعہ ہے۔ سچا انسان برائی سے پاک ہونے کی کوشش ضرور کرے گا۔ اس کی دلیل کتب سیر میں مذکور یہ واقعہ ہے:

آنحضرت صلی اللہ علیہ وسلم کی خدمت میں ایک شخص حاضر ہوا اور عرض کیا: یا رسول اللہ! مجھ میں چار بری خصلتیں ہیں۔ بدکار ہوں، چوری کرتا ہوں، شراب پیتا ہوں، جھوٹ بولتا ہوں۔ ان میں سے ایک کو آپ کی خاطر چھوڑنے کے لیے تیار ہوں۔ ارشاد فرمایا: جھوٹ نہ بولا کرو۔

اس شخص نے جھوٹ نہ بولنے کا عہد کیا۔ جب رات ہوئی تو شراب نوشی کو جی چاہا، بدکاری کے لیے آمادہ ہوا تو اس کو خیال گزرا کہ صبح حضور اکرم صلی اللہ علیہ وسلم جب پوچھیں گے کہ رات تم نے شراب پی اور بدکاری کی؟

تو کیا جواب دوں گا؟ اگر ہاں کہوں گا تو شراب اور زنا کی سزا دی جائی گی اور نہیں کہنے کی صورت میں عہد کی خلاف ورزی ہوگی۔ یہ سوچ کر دونوں سے باز رہا۔ جب اندھیرا خوب چھا گیا تو چوری کے لیے گھر سے نکلنا چاہا لیکن پھر پوچھ گچھ کے خیال سے ارادہ ترک کیا۔ صبح کو خدمت میں حاضر ہوکر عرض کیا: یا رسول اللہ! جھوٹ نہ بولنے سے میری چاروں بڑی خصلتیں مجھ سے چھوٹ گئیں۔ یہ سن کر نبی کریم صلی اللہ علیہ وسلم خوش ہوئے۔

سچ یا جھوٹ کی نوبت ہی اس وقت آتی ہے جب معاملہ پھنستا ہوا نظر آتا ہے، اور عموماً اس کے پیچھے کوئی ڈر اور کوئی خوف پوشیدہ ہوتا ہے۔ کہیں مال کے ضا‏ئع ہونے کا ڈر، کہیں جان جانے کا ڈر، کہیں لوگوں کی نظروں سے گر جانے کا ڈر تو کہیں نوکری چلی جانے کا ڈر، اور ڈر کا یہ سلسلہ زلف جاناں کی طرح دراز ہے یہاں تک کہ کہیں والدین کا ڈر، کہیں بچوں کا ڈر، کہیں استاذ کا ڈر تو کہیں طلبہ کا ڈر، کہیں بیوی کا ڈر تو کہیں شوہر کا ڈر، کہیں ذمہ داروں کا ڈر تو کہیں کسی اور کا ڈر۔ اوریہ ڈر اس لیے پیدا ہوتا ہے کہ انسان سے جانے یا انجانے میں کوئی ایسا عمل سرزد ہوجاتا ہے جس کا اظہار معیوب ہو، یا اس کی وجہ سے کسی پریشانی کا اندیشہ لاحق ہو۔ اور اس پریشانی سے بچنے کے لیے کوئی بہانہ تراشتا ہو۔

کوئی خوبصورت سا بہانہ بنا کر اپنا دامن بچا لینا چاہتا ہو۔ ایسا کرنے پر وقتی طور پرتو وہ خود کو کامیاب تصور کرتا ہے مگر جھوٹ تو جھوٹ ہے اس کا پردہ کبھی نہ کبھی اور کہیں نہ کہیں ضرور فاش ہوتا ہے اسی لیے کہا جاتا ہے کہ جھوٹ کا انجام برا ہوتا ہے۔

جھوٹ ایک فریب ہے، جھوٹ ایک دھوکہ ہے، جھوٹ ایک بیماری ہے، جھوٹ ایک نہایت ہی بری خصلت ہے۔ جھوٹ سے اعتماد کا خاتمہ ہوجاتا ہے۔ جھوٹ سے آپسی تعلقات کمزور پڑ جاتے ہیں، جھوٹ سے انسان اخلاقی معیار سے نیچے گر جاتا ہے۔ جبکہ سچ ایک طاقت ہے، ایک اعلی ترین خصلت ہے۔ سچ سے انسان کو بلندی ملتی ہے۔ سچ انسان کو مضبوط بنادیتا ہے۔ سچ سے آپسی اعتماد بحال ہوتا ہے اس لیے جب انسان سچ کو اپناتا ہے تو فطری طور پر اس کے دل سے اللہ کے سوا تمام لوگوں کا ڈر نکل جاتا ہے ۔ وہ یہ سمجھتا ہے کہ کوئی دیکھے یا نہ دیکھے اللہ تو مجھے دیکھ رہا ہے مجھے اس کے سامنے بھی جواب دینا ہے۔ ممکن ہے اس دنیا میں جھوٹ بول کر نکل جاؤں مگر کل قیامت کے میدان میں جب اللہ کے سامنے میری پیشی ہوگی تو کیا جواب دوں گا؟ نتیجتاً ایسا انسان برائيوں سے بچ جاتا ہے یا کوئی ایسی حرکت کرنے سے گریز کرتا ہے جس کے کرنے سے بعد میں ندامت ہو۔

سچا انسان دل کا صاف ہوگا، ریاکاری اور منافقت سے دور ہوگا، خوشامدی سے اپنے آپ کو بچا کہ رکھے گا، دل و زبان میں یکسانیت اس کی شان ہوگی۔
راست گوئی، ایمانداری، دلیری، ایفائے عہد ووعدہ، اعتماد اور عزت جیسی اخلاقی خوبیوں کے حصول کا آسان راستہ زبان، دل اور عمل کی سچائی ہے۔

ہمیں چاہیے کہ آنے والی نسلوں کو سچ کی اہمیت سے آشنا کریں ، سچ کا سامنا کرنے کے گر سکھائیں۔ کیونکہ پرامن اور پر سکون معاشرہ تشکیل دینا، اخلاقی برائیاں ختم کرنا، آخرت میں صدیقین کا مقام حاصل کرنا اور جنت کی ضمانت فضل الہی کے بعد سچ کی طاقت سے ہے۔
Twitter|
@AdnaniYousafzai

جبری مشقت یا جنسی استحصال جیسے گھٹیا مقاصد کے لیے انسانوں کی ایک جگہ سے دوسری جگہ عام طور پر ایک ملک سے دوسرے ملک ان کی مرضی اور خواہش کے بغیر غیر قانونی طریقے سے منتقلی انسانی سمگلنگ کہلاتی ہے۔ یہ منشیات اور اسلحہ کی تجارت کے بعد دنیا کے سب سے منظم جرائم میں سے ایک بدترین جرم ہے۔ یہ ایک خطرہ بن گیا ہے بلکہ ایک عالمی مسٸلہ بھی۔ سوال یہ پیدا ہوتا ہے کہ دور جدید میں جب دنیا ایک گلوبل ولیج بن گٸی ۔ دنیا نے ٹیکنالوجی میں تعلیم میں غرض ہر شعبہ میں ترقی کر لی اور لوگ پہلے سے زیادہ با شعور ہو گٸے لیکن ان سب کے باوجود بھی اس مسٸلہ کا ابھی تک موجود ہونا ایک حیران کن بات ہے۔ اگر ہم اس کی وجوہات کا پتہ لگاٸیں تو معلوم ہوتا کہ یہ مسٸلہ زیادہ تر ترقی پزیر ممالک میں ہے جیسے کہ لاٸیبیریا، ساٶتھ سوڈان اور افریقی ممالک وغیرہ جو معاشی طور پر کمزور ہیں اور گلوبل مافیا ان کی اس معاشی کمزوری کا ناجائز فاٸدہ اُٹھا رہا ہےہیں۔ انہیں بہت سخت اور ناموافق حالات میں کام کرنا پڑا۔ یہ انتہائی افسوسناک ہے۔حقیقت یہ ہے کہ ان متاثرین کے ساتھ وہاں غیر انسانی سلوک کیا جاتا ہے۔ انہیں نہ تو کوئی اجرت دی جاتی ہے اور نہ ہی کوئی دیگر سہولیات جیسے کپڑے ، پناہ گاہ وغیرہ ان سے صبح سے شام تک کھانے کی خاطر کام لیا جاتا انہیں زدو کوب کیا جاتا لیکن انسانی حقوق کی تنظیمیں ابھی تک اس مسٸلہ کی روک تھام کے لیے کوٸی سنجیدہ اقدامات نہیں کر رہی ہیں۔
مختلف ماہرین کے مطابق ترقی پزیر ممالک میں بے روزگاری ، ناخواندگی اور بہت سے دوسرے مسائل انسانی اسمگلنگ کی بڑی وجوہات ہیں۔انسانی سمگلنگ کی ایک سب سے اہم وجہ غربت ہے۔اسے عام طور پر "جدید دور کی غلامی” کہا جاتا ہے۔ یہ جبری مشقت یا استحصال کے لیے انسانوں کی غیر قانونی تجارت ہے۔ غربت میں رہنے والے مرد ، عورت اور چھوٹے بچے عام طور پر اسمگلروں کے جال میں پھنس جاتے ہیں۔ عالمی برادری کو اس معاملے کے حل کے لیے مشترکہ کوششیں کرنا ہونگی اور گلوبل مافیہ کو لگام ڈالنا ہو گی کیونکہ اس دنیا میں ہر
ہر انسان آزاد پیدا کیا گیا ہے اسے مذہب ، کلچر اور اپنی مرضی سے زندگی گزارنے کا حق دیا گیا ہے مگر افسوس کہ صرف معاشی کمزوری کی وجہ سے اس ترقی یافتہ طور میں بھی انسانیت کی دھجیاں اُڑاٸی جا رہی اور ان کا جنسی استحصال کیا جا رہا اور انسانی حقوق کی تنظیمیں خاموش تماشائی بنیں ہوٸیں اور ترقی یافتہ ممالک ترقی پزیر ممالک پر اپنی سخت پالیسیز لاگو کر کے ان کا مزید استحصال کر رہے۔
پاکستان ہر قسم کے وساٸل سے مالا مال ہے لیکن وساٸل کا ضیاع اور قابل قیادت نہ ہونے کی وجہ سے پاکستان میں بےروزگاری اور غربت جیسے مساٸل موجود ہیں اور اسکی وجہ سے پاکستان کو بھی کسی حد تک انسانی سمگلنگ کا سامنا ہے۔ ہر سال بہت سی نوجوان پاکستانی غربت سے تنگ آکر روزگار کی خاطر ایجنٹ کے زریعے غیر قانونی طریقے سے مڈل ایسٹ ممالک جیسے کہ عمان بحرین قطر اور ایران اور دبٸی وغیرہ میں سمگل کیے جاتے کچھ لوگ راستے میں ہی مار دیے جاتے اور کچھ جب اس مافیا کے چنگل سے نکلنے کی کوشش کرتے تو انہیں تشدد کا نشانہ بنایا جاتا۔ سنہرے مستقبل کے خواب دکھا کے انہیں غلام بنا دیا جاتا لیکن اگر انہیں اپنے ملک میں روزگار میسر آۓ اور غربت کا خاتمہ ہو جاۓ اور وہ ان کے جال میں نہ پھنسے ۔ ہمارے حکمرانوں کو سنجیدگی سےاس مسٸلہ کے حل کے اقدامات کرنے ہونگے تا کہ مزید اس طرح کے حالات پیدا نہ ہو سکیں۔ پاکستان اور انڈیا میں ہزاروں لوگ یورپ اور مغرب کا رخ کرتے ہیں بہتر روزگار کے لیے۔
انسانی اسمگلنگ انسانیت کے چہرے پر ایک بدنما داغ ہے جس نے پوری دنیا میں ان گنت زندگیاں برباد کر دی ہیں۔ اب یہ حکومتی عہدیداروں اور نافذ کرنے والے اداروں کا فرض ہے کہ وہ اس سنگین مسئلے کا نوٹس لیں۔ حکومت اور دیگر تنظیمیں جو معاشی فلاح کے لیے بناٸی گٸی ہیں کو روزگار کے کافی مواقع پیدا کرنے چاہئیں تاکہ بے روزگار لوگ اپنے آپ کو معاشی طور پر محفوظ محسوس کریں یہ واحد راستہ ہے کہ انہیں انسانی سمگلروں کے دھوکہ سے بچایا جاۓ۔

@b786_s

مینار پاکستان پر چند انسانوں کے نام پر دھبوں نے ایک بنتِ حوا کی عصمت دری کی۔ پہلے کی طرح اس مقام پر بھی میں یہی کہوں گا کہ ہمیں پاکستانی قانون میں چند تبدیلیاں لانا ہو گی ورنہ کھبی بچوں کا کھبی بچیوں کی اور کبھی اس قوم کی دوشیزاؤں کا یہی عصمت دری والا رواج جاری رہے گا۔ بہتر حل یہ ہے کہ اس طرح کیسسز کے لئے اسلامی عدالتوں کو فعال بنا دیا جائے۔
آج ہمارے اس مضمون کا موضوع قانون نہیں تو لہذا اس پر پھر کبھی بات کرینگے، آج کا موضوع ہمارا ان لوگوں کو سامنے لانا ہے جو اپنے منطقی دلائل سے ان درندوں کو جو اپنے ہوس کی بھوک مٹانے کے لیے سفید جسموں کا جیون سیاہ کرتے ، ان کو ڈھکے چھپے الفاظ میں جائز قرار دیتے ہیں۔
ہوا یوں کہ مینار پاکستان پر ایک ٹک ٹاکر لڑکی کی سینکڑوں کے اجتماع نے عصمت دری کی۔ ان درندوں کے تلاش میں ادارے لگے ہوئے ہیں اللّٰہ کرے مجرموں کو پکڑ کر سزا ہو جائے۔ لیکن یہ الگ بات ہے اصل بات یہ ہے کہ سوشل میڈیا پر ایسے کئی لوگوں کی تحریریں میری نظروں کے سامنے سے گزری جو ڈھکے چھپے الفاظ میں یہ پیغام دے رہے ہیں کہ وہ لڑکی فحاشی پھیلا رہی تھی تو اگر ان لوگوں نے عصمت دری کی تو کیا ہوا۔ یاد رکھیں فحاشی پھیلانا اسلام میں جائز نہیں اور ہمیں اپنے بچیوں بہنوں اور ماؤں کو باپردہ رہنے کے تلقین کرنا چاہیے۔ ہر برے کام کے خلاف آواز بھی اٹھانا چاہیے اور برے کام کے خلاف کوشش کرنا چاہیے کیونکہ یہ ایمان کا تقاضا ہے۔ مفہوم ہے حدیث کا کہ برائی کو ہاتھ سے روک لے، اگر ہاتھ سے نہیں کرسکتے تو منہ سے روک لے اور اگر منہ سے بھی نہیں کرسکتے ہو تو دل میں ہی برا سمجھو اور یہ ایمان کا کمزور درجہِ ہے۔ لیکن اس حدیث کے مفہوم سے ہمیں یہ بات واضح ہے کہ برائی کو روکنا چاہیے لیکن اس مفہوم میں یا آگر ہم کسی اس طرح اور احادیث و آیات کے مفاہیم میں جائے تو کہی ہمیں یہ بات نہیں ملتی ہے کہ کوئی گناہ کر رہا ہو تو اس کو گناہ کے زریعے روک دے۔
کسی بھی جگہ یہ درس ہمیں نہیں ملتا ہے اسلامی تعلیمات میں کہ ایک لڑکی اگر فحاشی پھیلا رہی ہے تو مرد اس کی عصمت دری کرسکتے ہیں یہ کسی نے نہیں دیکھا ہوگا۔ اسلام بڑا واضح پیغام دیتا ہے کہ عورت پردہ کرلے اور ساتھ مردوں کو بھی نظر کی حفاظت کا حکم ہے۔ اسلام تو اس معاملے میں اتنا واضح پیغام دیتا ہے کہ مرد کیلئے یہ بھی ممنوع ہے کہ وہ طوائف کے پاس چلا جائے۔ اسلام میں کسی بھی صورت بغیر نکاح کے جسم کو مساء کرنا جائز نہیں۔ پھر آخر وہ لوگ جو سوشل میڈیا پر لنڈے کے دانشور بنے بیٹھے ہیں کیوں اپنے منطقوں سے اس بات پر بضد ہیں کہ وہ لڑکی فحاشی پھیلا رہی تھی اس لیے یہ ہوا، خدارا اپنے بیانات پر زرا سوچیئے اگر لڑکی فحاشی پھیلا رہی ہو تو کیا مردوں کے پاس اس کی عصمت دری کا لائسنس آجاتا ہے؟؟
اگر ایک عورت بدکار طوائف کیوں نہ ہو تب بھی نہ اسلام، نہ ہمارا ملک اور نہ اخلاقیات ہمیں یہ اجازت دیتا ہے کہ اس کے جسم کو نوچ لیا جائے بلکہ جو لوگ اس طرح کے کاموں سپورٹ کر رہے ہیں دراصل یہ ان کے تربیت کا نتیجہ ہے۔ یہ اس تربیت کا نتیجہ ہے جس کی وجہ سے ان درندوں کا ہوس بے لگام ہوگیا ہے۔
ایک عورت ہو یا مرد غلط راستے پر ہو ہمیں اخلاق کے دائرے میں سمجھانا چاہئے اگر اس سے ٹھیک نہ ہو جائے تو پھر قانون کا سہارا لینا چاہیے لیکن ہر گز یہ حق کسی کے پاس نہیں کہ دوسرے کے گناہ کو ثبوت بنا کر خود گناہ کرنے لگ جائے یا قانون کو اپنے ہاتھوں میں لینے کے کوشش کرلے۔
یہ معاشرے کے مسائل ہے اور اس کے لئے ہم سب کو اپنا حق ادا کرنا ہوگا۔ قوم کی بیٹیاں اسلامی تعلیمات پر عمل کرلے کیونکہ اس میں دونوں جہانوں کی کامیابی ہے اور مرد حضرات خدا کا خوف کرلے کسی کے گناہ کو دلیل بنا کر مردوں کو گناہ کرنے کی لائسنس نہیں ملتا ہے۔ اگر ایک لڑکی چاہیے وہ جسم فروشی کیوں نہیں کر رہی ہو کسی مرد کو اسلام یہ اجازت نہیں دیتا ہے کہ اس کی عصمت دری کی جائے۔ اور جو لوگ سوشل میڈیا پر ایسے لوگوں کے سپورٹ میں دلائل پیش کر رہے ہیں یاد رکھیں آپ لوگ دوسروں کو غلط کام کرنے کے لائسنس دے رہے ہو برائے مہربانی گناہ کے زریعہ نہ بنے۔ ماں باپ سے یہ عرض ہے کہ اپنی بچیوں کی حفاظت کرلے اور ان کو اسلام سیکھائے اور اپنے بچوں کے تربیت کا خاص خیال رکھیں کیونکہ آج کسی اور کی بیٹی کی عصمت دری ہو رہی ہو کل خدا نہ کرے اپنے گھروں میں دیکھنا پڑے اور ساتھ ساتھ بچوں کے سوشل میڈیا اکاؤنٹس پہ بھی نظر رکھے کہ فرزند کیا کر رہا ہے۔
اس معاشرے کے ہر شخص کی یہ زمہ داری ہے ۔
اللّٰہ پاکستان کا اور امت مسلمہ کا حامی و ناصر ہو۔ امیں۔

______________________

twitter.com/IbnePakistan1

مسلم باغ کو خدا اوندی کے عطا کر دہ ہائی گریڈ کرومائیٹ کی مانگ پوری دنیا میں ہے
چونکہ یہ عنصر اسلحہ سازی، جہاز سازی، ادویات اور لوہا سازی میں بھی بکثرت استعمال میں لایا جاتا ہے۔
ابھرتی ہوئی معیشت اور عالمی منڈی میں تیزی سے پیشرفت کرنے والاچین کرومائیٹ کا سب سے بڑا خریدار ہے۔ وہاں ہزاروں فیکٹریوں میں یہ استعمال میں لایا جارہا ہے ۔
کرومائٹ سے مالامال مسلم باغ زراعت اور فروٹ کی پیداوار میں بھی خاصا مقبول ہے۔
زرعی پیداوار گندم مکئ اور زہرہ اہم فصلیں ہیں اور پھلوں کے حوالے سے مسلم باغ اچھی شہرت رکھتا ہے
یہاں انگور سیب انار خرمانی انجیر ، الوچہ اور آڑو وافر مقدار میں پیدا ہوتا ہے۔
آب پاشی کے قدرتی ذرائع بارش اور برف ہیں ٹیوب ویلوں کے علاوء مسلم باغ میں کاریز، بند اور چشموں کے روایتی طریقوں سے بھی کھیتوں اور باغوں کو سیراب کیا جاتا ہے۔
تحصیل مسلم باغ کے شمال میں افغانستان جنوب میں لورالائی و زیارت مشرق میں ضلع قلعہ سیف اللہ اور مغرب میں ضلع پشیں واقع ہیں۔
مسلم باغ کا زیادہ تر علاقہ پہاڑی ہے۔ اس میں کوہ توبہ کاکڑی اور اس کی شاخیں پھیلی ہوئی ہیں۔ کوہ کند اور کوہ سرغنڈ اہم پہاڑ ہیں۔
کوہ کند کے بارے میں مشہور ہے کہ اگر مطلع صاف ہو تو پہاڑ کی چوٹی سے قندھار شہر (افغانستان) نظر ا سکتا ہے۔
جنوبی ایشیاء کا اونچا ترین ریلوے اسٹیشن بھی مسلم باغ( کان مہترزئی ) میں واقع ہے

موسم سرما میں زیادہ سردی پڑتی ہے
مسلم باغ اور کان مہترزئی میں کئی کئی فٹ برف پڑتی ہے۔ جس سے نیشنل ہائے روڈ بند بند ہو جاتا ہے اور مسلم باغ کا زمینی رابطہ صوبائی دارلحکومت کوئٹہ سے منقطع ہو جاتا ہے درجۂ حرارت صفر سینٹی گریڈ سے منفی 16 تک نیچےگرجاتا ہے۔
موسم بہار میں یہاں کا موسم انتہائی خوش گوار ہوتا ہے۔ باغات ہرے بھرے ہوتے ہیں۔ موسم گرما میں گرمی بڑھ جاتی ہے۔ درجۂ حرارت 40 سینٹی گریڈ تک پہنچ جاتا ہے۔ تاہم راتیں ٹھنڈی ہوتی ہیں۔
کرومائٹ کی کانکنی سے لے کر اسے چین اور یورپی ممالک کی عالمی منڈیوں تک پہنچانے میں یہاں کے ہزاروں افراد شریک ہوتے ہیں۔ ان میں مقامی اور غیر مقامی دونوں شامل ہیں۔
مقامی مارکیٹ جہاں پر کرومائٹ کے ٹرک
خالی اور لوڈ کیے جاتے ہیں یہاں کے مقامی لوگ اُسے ڈمّان (منڈی) کہتے ہیں۔
ڈمّان میں اربوں روپے کا کرومائٹ پڑا رہتا ہے۔ یہاں پر اس کی پرسنٹیج کی شرح اور قیمتوں کا تعین ہوتا رہتا ہے۔ یہاں کی مارکیٹ ساکت نہیں رہتی اُتار چڑھاؤ جاری رہتا ہے۔ کرومائٹ کی تجارت کیلیے یہاں ٹن کا پیمانہ استعمال ہوتا ہے۔ کرومائٹ کی اوسط قیمت فی ٹن اجکل45000 تا 52000 ( ہائی گریڈ 52%)روپے ہیں۔ تاجر منڈی میں ایک دوسرے سے خرید و فروخت کے عمل سے گزار کر متعلقہ کرومائٹ شہر کراچی میں موجود گوداموں تک پہنچاتے ہیں، جہاں سے یہ کرومائٹ چین اور یورپی ممالک کی منڈیوں میں پہنچتا ہے۔
جاری۔۔۔۔۔

ٹویٹر ہینڈل :@chalakiyan