Author: غنی محمود قصوری

قصور
تحریک اللہ اکبر پاکستان سٹی قصور کی طرف سے خوشی ویلفئیر سوسائٹی رانا ٹاؤن چونیاں میں سٹریٹ لائٹس کا انتظام

تفصیلات کے مطابق تحریک اللہ اکبر پاکستان سٹی قصور نے جذبہ خدمت انسانیت کے تحت خوشی ویلفئیر سوسائٹی رانا ٹاؤن چونیاں میں اپنی مدد آپ کے تحت لوگوں کی سہولت کیلئے سٹریٹ لائٹس کا انتظام کیا جس پر اہلیان علاقہ نے تحریک اللہ اکبر سٹی چونیاں کے کارکنان کو داد تحسین پیش کی اور کہا کہ جو کام گورنمنٹ کا ہے وہ ایک سیاسی جماعت بے لوث ہو کر کر رہی ہے
تحریک اللہ اکبر ضلع قصور ضلعی چئیرمین حافظ ابولقاسم کی قیادت میں بیوہ و غریب خاندانوں میں مفت راشن کی تقسیم،ہسپتالوں میں مریضوں کو مفت خون کی فراہمی،ڈی ایچ کیو ہسپتال قصور میں ایک روزہ دستر خوان لگانے کے علاوہ اپنی مدد آپ کے تحت گلی محلوں میں ٹوٹی سڑکوں کو بھی مرمت کر رہی ہے
ضلعی قیادت کا کہنا ہے کہ ہم یہ کام خالص اللہ کی رضا کیلئے کر رہے ہیں اور کرتے رہینگے جبکہ ماہ رمضان میں ان کاموں میں تیزی لائی جائے گی

قصور
ٹریفک و پیٹرولنگ پولیس کی موجودگی کے باوجود سڑکوں پر اوورلوڈڈ ٹرالیوں،ٹرکوں کا راج،آئے روز حادثات ہونا معمول عوام پریشان،ڈی پی او قصور سے نوٹس کی اپیل

تفصیلات کے مطابق لاہور قصور فیروز پور روڈ بمقام مصطفی آباد ٹول پلازہ پر ٹریفک و پیٹرولنگ پولیس کی موجودگی کے باوجود اوور لوڈڈ ٹرالیاں و ٹرک کھلے گزر رہے ہیں جنہیں روکنے والا کوئی نہیں
انہی اوورلوڈڈ گاڑیوں کے باعث آئے روز حادثات جنم لیتے ہیں مگر افسوس کہ ٹریفک و پیٹرولنگ پولیس خاموش تماشائی بنی ہوئی ہے جس پر لوگوں کا کہنا ہے کہ جب باقاعدہ حصہ ملتا ہو تو پھر کسی کو روکنا کیسا
شہریوںکا کہنا ہے کہ یہ سب کچھ پیٹرولنگ و ٹریفک پولیس کے آشیر باد سے ہی ہو رہا ہے

شہریوں نے ڈی پی او قصور محمد صہیب اشرف سے ازخود نوٹس لے کر کاروائی کا مطالبہ کیا ہے

قصور
محکمہ ایکسائز اینڈ ٹیکنیشن سے شہری سخت پریشان،6 ماہ قبل فیس ادا کرنے والوں کو سمارٹ کارڈز جاری نا ہو سکے،لاہور سے سکیننگ کا مسئلہ ہے قصور دفتر کا مؤقف

تفصیلات کے مطابق محکمہ ایکسائز اینڈ ٹیکنیشن قصور سے لوگ سخت پریشان ہیں
6 ماہ قبل تک سرکاری فیس جمع کروانے والوں کو بائیکس و گاڑیوں کے سمارٹ کارڈز نہیں ملے رہے جس کے باعث ٹریفک پولیس اہلکاروں کو کاغذات دکھانے پر لوگوں کو پریشانی کا سامنا کرنا پڑتا ہے کیونکہ فیس ادا کرتے وقت جاری ہونے والی سلپ چند ہفتوں تک کارآمد ہوتی ہے
شہریوں کا کہنا ہے کہ ہم دفتر کے چکر لگا لگا کر تھک چکے ہیں اور ہمیں ہر بار ایک سے دو ہفتوں کا ٹائم دے دیا جاتا ہے جبکہ ملے ہوئے وقت پر دفتر جانے پر پھر اگلی بار دوبار آنے کا ٹائم دیا جاتا ہے
اس بابت جب ایکسائز اینڈ ٹیکنیشن آفس قصور سے رابطہ کیا گیا تو انہوں نے کہا کہ سمارٹ کارڈز لاہور دفتر سے بن کر آتے ہیں اور گزشتہ دنوں سے لاہور آفس میں سکیننگ پرابلم کا معاملہ چل آرہا ہے جس پر ہم کچھ نہیں کہہ سکتے اور اگر شہریوں کی پریشانی ختم کرنی ہے تو لاہور دفتر میں سکیننگ پرابلم ختم کروانی ہو گی
شہریوں نے کمشنر لاہور ڈویژن سے ازخود نوٹس لینے کی استدعا کی ہے

قصور
گزشتہ شام تحصیل پتوکی میں شادی کی تقریب کے دوران باراتیوں کی طرف سے محنت کش پاپڑ فروش کو تلخ کلامی پر جانبحق کرنے پر ڈی او قصور کا ازخود نوٹس،جلد لواحقین کو انصاف دلوانے کی یقین دہانی

تفصیلات کے مطابق گزشتہ شام قصور کی تحصیل پتوکی میں الجنت میرج ہال پتوکی میں آصف ولد نور دین کی بارات میں تحصیل قصور قصبہ کھڈیاں کا رہائشی اشرف عرف سلطان پاپڑ فروش پاپڑ بیچنے گیا تو پاپڑ فروش محنت کش کو تلخ کلامی پر 5 سے 6 باراتیوں نے مار مار کر جانبحق کر دیا اور ساری بارات تماشہ دیکھتی رہی
نیز لاش کی تذلیل یہ کی گئی کہ سلطان پاپڑ فروش کی لاش کی شادی ہال میں موجودگی پر بھی ساری بارات کھانا کھاتی رہی
وقوعہ کہ اطلاع پا کر ڈی ایس پی پتوکی سمیت مقامی پولیس فوری موقعہ پر پہنچی اور لاش کو ہسپتال منتقل کیا اور ہوٹل کے مینجر وقاص کو حراست میں لے لیا ہے جس سے تفتیش جاری ہے
پولیس نے مقتول کے برادر نسبتی کی مدعیت میں مقدمہ درج کر لیا ہے
جبکہ ڈی پی او قصور محمد صہیب اشرف کا کہنا ہے کہ ان شاءاللہ شفاف تحقیقات کے بعد اصل حقائق دیکھتے ہوئے انصاف کی فراہمی کو یقینی بنایا جائے گا

قصور
الاصلاح ویلفئیر سوسائٹی مستوال کا قابل فخر کارنامہ،قبرستان میں اپنی مدد آپ کے تحت سینکڑوں درخت لگوا کا چھاؤں کا بندوست کیا،بیوہ غرباء کی مدد بھی جاری

تفصیلات کے مطابق قصور کی تحصیل چونیاں کے گاؤں مستوال کے مقامی قبرستان میں نا تو چار دیواری ہے نا ہی پانی کا انتظام اور نا ہی دھوپ سے بچنے کیلئے سایہ
اس ساری صورتحال کو دیکھتے ہوئے الاصلاح ویلفئیر سوسائٹی مستوال نے جذبہ خدمت انسانیت کی اچھی مثال قائم کرتے ہوئے اپنی مدد آپ کے تحت قبرسان میں سینکڑوں درخت لگوا دیئے تاکہ سخت گرمی میں جنازہ پڑھنے والوں کو گرمی کی بدولت پریشانی کا سامنا نا کرنا پڑے
نیز مقامی لوگوں پر مشتمل مقامی تعاون سے چلنے والی اس سوسائٹی نے یتیموں کی کفالت اور بیوگان و غرباء کی مدد کا فریضہ بھی اٹھا رکھا ہے جس پر اہلیانِ علاقہ اس سوسائٹی کیلئے نیک خواہشات کا اظہار کرتے ہیں

قصور
الواسع ویلفیئر سوسائٹی کیولری گراؤنڈ لاہور میں تقسیم انعامات کی تقریب،شہر قصور سے لوگوں کی شرکت،

تفصیلات کے مطابق کل مورخہ 17 مارچ کو الواسع ویلفیئر سوسائٹی کیولری گراؤنڈ لاہور کے زیر اہتمام رمادا ہوٹل میں تقسیم انعامات کی تقریب کا اہتمام کیا گیا جس میں شہر قصور سے عاصم مجید،
تقریب کے مہمان خصوصی ڈاکٹر سبیع السلام سمیت کئی نامور شخصیات نے بھی شرکت کی
تقریب میں الواسع ویلفیئر سوسائٹی کے تحت ہونے والے کئی فلاحی کاموں پر روشنی ڈالی گئی جن میں خاص طور پر یتیم بچوں کی بہترین کفالت ، تعلیم و تربیت اور جسمانی مضبوطی کا عملی مظاہرہ بھی کیا گیا
اس موقع پر کئی شخصیات نے الواسع ویلفیئر سوسائٹی کا حصہ بننے کی خواہش کا اظہار کیا اور اس تنظیم کو ملک کے دیگر شہروں میں بھی منظم کرنے کا اظہار کیا
تقریب کے شرکاء نے کہا کہ اس کامیاب تقریب پر ہم پوری ٹیم کو مبارکباد پیش کرتے ہیں
اور دعا گو ہیں کہ اللہ پاک اس ادارے کو دن دوگنی اور رات چوگنی ترقی دے