Author: غنی محمود قصوری

قصور
ڈریپ کی طرف سے بغیر لاک سرنج کے استعمال پر پابندی،فیکٹریوں کی طرف سے آٹو لاک سرنج کی پروڈکشن زور شور سے جاری تاہم مارکیٹ میں وہی پرانی سرنج موجود اور قیمتیں ڈیلروں کی مرضی کیں

تفصیلات کے مطابق ڈریپ ( ڈرگ ریگولیٹری اتھارٹی پاکستان) نے 30 نومبر 2021 کے بعد ڈسپوزیبل سرنج پرانی طرز بغیر لاک کے 2 سی سی 5۔2 سی سی 3 سی سی اور 5 سی سی کی سیل اور استعمال پر پابندی لگا دی ھے اور تمام ڈرگ انسپیکٹروں کو پابند کیا ھے 30 نومبر کے بعد اگر یہ اسٹاک کہیں ملا تو اس اسٹاک کو تلف کیا جائے اور قانونی کاروائی عمل میں لائی جائے نیز نئی آٹو لاک سرنج کے استعمال کو یقینی بنوایا جائے
میڈیکل انسٹرومنٹس فیکٹریوں نے نئی آٹو لاک سرنج کی پروڈکشن زور شور سے شروع کر دی ہے تاہم موقع کا فائدہ اٹھاتے ہوئے پرانی بغیر لاک سرنج کی کمی کا بہانہ بنا کر قیمتیں بڑھا دی ہیں جس سے ہول سیل ڈیلر و میڈیکل سٹور مالکان مہنگے داموں سرنجیں خریدنے پر مجبور ہو گئے ہیں
آٹو لاک سرنج کی پابندی کے احکامات جاری کرنا انتہائی خوش آئند بات ہے اس سے سرنج ایک مرتبہ استعمال ہوتے ہی آٹو میٹک طور پر لاک ہو جائے گی اور دوبارہ استعمال کے قابل نہیں رہے گی تاہم گورنمنٹ فی الوقت پرانی طرز کی سرنجوں کے مصنوعی بحران کو پیدا کرنے والی فیکٹریوں کے خلاف کاروائی کرے

قصور
نور پور کے نواحی گاؤں جوڑا میں یوتھ ونگ ورکرز کنوشن کانفرنس میں سینکڑوں لوگوں کی شرکت،نظریہ پاکستان کے عزم کا اعادہ

تفصیلات کے مطابق کل مورخہ 19 ستمبر 2021 گاؤں جوڑا نزد نور پور نہر قصور میں یوتھ ونگ کا زبردست ورکرز کنونشن اجلاس منعقد ہوا
کنونشن سے عبدالغفار منصور، مدثر نذر ، حماد اسماعیل یزدانی میڈیا کوآرڈنیٹر ضلع قصور ابتسام الٰہی ہاشمی، صدر ٹیم یوتھ ونگ ضلع قصور احمد افضل، ڈویژن صدر عمار حنیف، اور صدر ضلع لاہور نے اظہار خیال کیا
کانفرنس میں سینکڑوں کی تعداد میں تحصیل قصور کے زندہ دل نوجوانوں نے شرکت کی اور نظریہ پاکستان کے تحفظ اور پاکستان کی خاظر ہر قسم کی قربانیاں پیش کرنے کا عزم کیا اور پاکستان و افواج پاکستان کے شانہ بشانہ دشمن کا مقابلہ کرنے کا عزم کیا
اس کے علاوہ کانفرنس کے مقررین نے عظمت اسلام و پاکستان پر روشنی ڈالی
شرکاء نے مقررین کے پیغامات کو خوب سراہا اور نظریہ پاکستان کی حفاظت کا عزم کیا

قصور
پولیو مہم کا آغاز، 5 لاکھ 35 ہزار سے زاہد ضلع بھر کے 5 سال سے کم عمر بچوں کو گھر گھر جا کر پولیو کے قطرے پلائے جائینگے،ڈپٹی کمشنر قصور آسیہ گل نے قطرے پلا کا مہم کا آغاز کیا

تفصیلات کے مطابق ضلع قصور میں 4 روزہ پولیو مہم کا آغا کر دیا گیا ہے
پولیو مہم کا آغاز ڈپٹی کمشنر قصور آسیہ گل نے بچوں کو قطرے پلا کر کیا
4 روزہ پولیو مہم میں ضلع بھر کے 5 لاکھ 35 ہزار کے قریب پانچ سال سے کم عمر بچوں کو پولیو سے بچاؤ کے قطرے گھر گھر جا کر پلائے جائینگے
ضلعی انتظامیہ و محکمہ صحت نے والدین سے استدعا کی ہے کہ پولیو ٹیموں کے ساتھ تعاون کیا جائے اور اپنے بچوں کو گھر رکھا جائے تاکہ ان کو پولیو سے بچاؤ کے قطرے پلا کر پولیو جیسی مہلک بیماری سے محفوظ رکھا جائے

قصور
تبدیلی کا کامیاب سفر جاری،10 کلو آٹے کا تھیلا 630 روپیہ میں فروخت،شہری گراں فروشوں کے ہاتھوں تنگ،گورنمنٹ نشہ کرکے دعوے کرنے میں مصروف

تفصیلات کے مطابق ملک بھر کی طرح قصور میں بھی تبدیلی سرکار کی تبدیلی کا سفر بڑی روانی سے جاری ہے
سرکار نشہ کرکے دعوے کرنے میں مصروف ہے جبکہ عوام بیچاری گراں فروشوں کے ہاتھوں لٹنے پر مجبور ہے
قصور اور گردونواح میں آٹے کا 10 کلو والا تھیلا 630 روپیہ میں مل رہا ہے جبکہ دکانداروں نے قسمیں کھا کر بتایا کہ مل مالکان 600 روپیہ کا تھیلا دے رہے ہیں جس کے باعث ہم 10 سے 20 روپیہ نفع لیتے ہیں اور جب کوئی فوٹو سیشن کرنا ہو تو ضلعی انتظامیہ بجائے فلور ملوں کا رخ کرنے کے ہم چھوٹے دکانداروں کو جرمانے کرکے اپنا غصہ ٹھنڈا کرتی ہے کیونکہ ان کی جرآت نہیں کہ فلور ملوں کو پرائس کنٹرول کے تابع کر سکیں اور ان کو سرکاری نرخ پر آٹا فروخت کرنے کے پابند کر سکیں

شہریوں کا کہنا ہے کہ روزی اللہ نے دینی ہے ورنہ موجودہ گورنمنٹ تو سانس بھی نا لینے دے

قصور
31 اگست 2020 کو قصور ڈی ایچ کیو ہسپتال سے اغواء ہونے والا ایک دن کا بچہ بازیاب نا ہو سکا،اغواء کار ملزمہ جیل میں ،بچے کے والدین شدت غم سے نڈھال،وزیراعظم سے داد رسی کی اپیل

تفصیلات کے مطابق قصور ڈسٹرکٹ ہیڈ کوارٹرز ہسپتال سے گزشتہ سال 31 اگست 2020 کو کوٹ فتح دین قصور کے رہائشی عبدالرحمن کے ایک دن کے بچے کو ملزمہ شاہدہ بی بی زوجہ خان محمد نے گائنی وارڈ سے اغواء کر لیا تھا جس نے گرفتار ہونے پر دوران تفتیش بچے کو اغواء کرکے فروخت کرنے کا اعتراف بھی کیا تھا مگر تاحال ایک سال سے زائد عرصہ گزرنے کے باوجود بھی بچے کا سراغ نہیں لگایا جا سکا جس پر بچے کے والدین شدت غم سے نڈھال ہیں ملزمہ جوڈیشل کسٹڈی پر جیل میں ہے
بچے کے والدین نے وزیراعظم پاکستان سے بچے کی بازیابی کی اپیل کی ہے

قصور
پولیس نے چند گھنٹوں بعد ہی 9 سالہ بچہ ڈھونڈ کر والدین کے حوالے کر دیا ،والدین کی پولیس کو دعائیں

تفصیلات کے مطابق گزشتہ دن لیاقت علی رہائشی علاقے تھانہ سٹی چونیاں نے ایس ایچ او سٹی چونیاں کو تحریری درخواست دی کہ اس کا 9 سالہ بچہ شفاقت علی گھر سے غائب ہے جس کا ہر جگہ پتہ کیا گیا ہے تاہم کوئی پتہ نہیں چلا
ایس ایچ او نے فوری ایک ٹیم تشکیل دی جس نے کمال مہارت سے چند ہی گھنٹوں میں گم شدہ بچہ ڈھونڈ کر والدین کے حوالے کر دیا
بچے کے والدین نے پولیس کے فوری اعلیٰ کارکردگی و کمال مہارت پر ان دعائیں دیں اور نیک تمناؤں کا اظہار کیا

قصور کے نواحی قصبہ راجہ جنگ میں معرف دانشور،ڈرامہ نگار،ناول نگار،اشفاق احمد کی برسی پر معروف شاعر و ڈرامہ نگار خلیل الرحمٰن قمر کی آمد

تفصیلات کے مطابق معروف دانشور، ڈرامہ نگار ،ناول نگار اشفاق احمد مرحوم کی برسی کے موقع پر آئی کون سوسائٹی رائیونڈ قصور روڈ پر رانا سہیل محمود کے زیر سایہ پروقار تقریب کا انعقاد کیا گیا جس میں معروف دانشور ، شاعر اور ڈرامہ نگار خلیل الرحمان قمر اور معروف شاعر افتخار افی نے شرکت کی ان کے علاوہ رانا سہیل محمود کے زیر صدارت رانا سہیل محمود مہمان خصوصی خلیل الرحمن قمر ۔افتخار افی۔معززین مہمان سینئر صحافی تنویر خان روزنامہ جنگ مانگا منڈی ۔رانا یاسر محمود ۔رانا شہزاد منظور ایڈوکیٹ ہائی کورٹ ۔صدر راجہ جنگ پریس کلب مہر محمد نوید احمد ۔نائب صدر ڈسٹرکٹ پریس کلب قصور رانا عدنان بوبی خاں ۔رانا نعمان احمد خاں رانا فرحان احمد خاں۔رانا ایاز منظور خان ایڈوکیٹ ہائی کوٹ۔ رانا حسنین ظہور ۔ رانا یوسف ۔رانا ارتضیٰ فیصل ۔رانا حمزہ ظہیر ۔مہراویس۔مہرشوکت علی۔عزیزوں کار اور سیاسی و سماجی اور صحافتی وکلاء برادری سمیت کثیر تعداد ت میں لوگوں نےشرکت کی اس موقع پر معروف دانشور شاعر اور ڈرامہ نگار خلیل الرحمن قمر نے گفتگو کرتے ہوئےکہا کہ معروف دانشور اشفاق احمد نے بہت کم عرصے میں شہرت حاصل کرنے کے ساتھ ساتھ لوگوں میں پیار محبت کے ایسے اثرات چھوڑے ہیں جو بھلانے سے بھی نہیں بھلائے جاسکتے
معروف دانشور اشفاق احمد مرحوم ایک اچھے اور پیار سے پیش آنے والے انسان تھے
میزبان محفل راناسہیل محمود نے معروف شاعر اور دانشور اشفاق احمد مرحوم کی برسی کے موقع پر آنے والے معزز مہمانوں سے گفتگو کرتے ہوئے کہا کہ معروف دانشور اشفاق احمد تو آج ہمارے درمیان نہیں رہے لیکن ان کے کہے ہوئے الفاظ ان کی لکھی ہو کتابیں آج بھی اپنی مثال آپ ہے
اور اشفاق احمد صاحب ہمیشہ ہمارے دلوں میں رہیں گے اور دنیا میں ایک ستارے کی طرح ہمیشہ چمکتے رہے گئے الله کریم ہمارے پیارے دوست معروف دانشور اشفاق احمد کی مغفرت کرے
آخر میں پروگرام میں آنے والے معزز مہانوں کا راناسہیل محمود صاحب نے شکریہ ادا کرتے ہوئے پاکستاں کی بہتری اور ترقی کے لیے دعا کی

قصور
ڈپٹی کمشنر قصور آسیہ گل نے سول رجسٹریشن فیسوں میں کمی کر دی اور لیٹ اندراج کا دورانیہ بڑھا دیا ،شہریوں کا اظہار تشکر

تفصیلات کے مطابق ڈپٹی کمشنر قصور آسیہ گل نے سول رجسٹریشن فیسوں میں کمی کر دی ہے اور لیٹ اندراج کا دورانیہ بھی بڑھا دیا ہے
کمپیوٹرائزڈ برتھ،ڈیتھ سرٹیفکیٹ و نکاح نامہ کی فیس 300 سے کم کرکے 200 روپیہ، برتھ سرٹیفکیٹ برائے بیرون ممالک پیدائش 5000 سے 2000 درستگی کی فیس 1000 روپیہ سے کم کرکے 500 روپیہ کر دی ہے اور لیٹ اندارج کا دورانیہ بھی بڑھانے کے ساتھ لیٹ اندراج فیسوں میں بھی کمی کر دی ہے
ڈپٹی کمشنر قصور آسیہ گل نے کہا ہے کہ کوئی بھی شہری مقرر کردہ فیسوں سے زائد نا ادا کرے اگر کوئی زائد یا پرانی فیسوں کا مطالبہ کرے تو فوری متعلقہ ڈپٹی ڈائریکٹر لوکل گورنمنٹ کو آگاہ کیا جائے
شہریوں نے فیسوں میں کمی پر پنجاب گورنمنٹ و ڈپٹی کمشنر قصور کے ساتھ اظہار تشکر کیا ہے