Author: غنی محمود قصوری

قصور
پولیس نے اپنی حالت نہ بدلی جو کہ ڈی پی او قصور اور آئی جی پنجاب کے لیے سوالیہ نشان
تفصیلات کے مطابق تھانہ تھ شیخم کے SHO علی اکبر اور چوکی انچارج بلال احمد قبضہ مافیا کے سرپرست بن گئے صحافی فہیم قاسم کے خلاف 15 پر کال کرنے پر جھوٹی ایف آئی آر درج کر دی ڈی ایس پی اور ڈی پی او قصور سے بھی انصاف نہیں ملا تو عدالت سے رجوع کرنے پر مجبور ہونا پڑا جبکہ پولیٹ صحافی فہیم قاسم سے انتقام لینے کی خاطر زیر سماعت مقدمہ جس کا سٹے آڈر لے رکھا ہے 19 اکتوبر قبضہ مافیا نے دوبارہ پولیس سے مل کر توہین عدالت کرتے ہوئے دوکانوں کے تالے توڑ دیے اور قبضہ مافیا کی طرف سے صحافی کو مسلسل قتل کی دھمکیاں مل رہی ہیں صحافیوں کے تحفظ کے لیے تھانہ تھ شیخم میں درخواست دی جس کی ابھی تک کوئی کارروائی نہیں کی گئی جبکہ صحافی نے آئی جی پنجاب شکایت سیل نمبر 8787 پر بھی اطلاع دی تاحال کاروائی عمل میں نہ آئی صحافی نے ڈی پی او قصور آئی جی پنجاب سے انصاف کی اپیل کی ہے

قصور
ڈی سی دفتر میں انتہا کی کرپشن
تفصیلات کے مطابق ڈپٹی کمشنر آفس ,قصور میں بے نامی جائیدادوں کی بندر بانٹ ایڈیشنل ڈپٹی کمشنر قصور کے آفس کا سپرنٹنڈنٹ سرور ڈوگر اہلکار بے نامی جائیدادوں کی بندربانٹ اور کرپٹ مافیا کا سرغنہ نکلا، اختیارات کا غلط اور ناجائز استعمال کرتے ہوئے انتہائی قیمتی اراضی کوڑیوں کے بھاؤ بیچ کر گورنمنٹ کے شیڈول کی دھجیاں اُڑاتے ہوئے اپنے بھائی کے نام منتقل کرنے لگا
ڈپٹی کمشنراور ایڈیشنل ڈپٹی کمشنرکے دفتر میں ہونیوالی انکوائریوں ودیگر معاملات کے متعلق بھاری رشوت کے ریٹس مقرر ہو چکے ہیں
ضلع کے سب سے بڑے افسر ڈپٹی کمشنر کے دفتر میں اُن کی ناک تلے بے نامی جائیدادوں کی بندربانٹ کرنے والا کرپٹ مافیا کا سرغنہ سپرنٹنڈنٹ محمدسرور ڈوگر جوکہ 2009ء میں ڈسٹرکٹ آفیسر (ریونیو) قصور کا بطور ریڈر سکیل 14 میں بھی کام کرتا رہا ہے تب سے لے کر اب تک آنے والے ایماندار اور فرض شناس افسران کو بھی دھوکے میں رکھ کر اپنے سرکاری اختیارات کا غلط اور ناجائز استعمال کرکے حکومتی خزانے کو نقصان پہنچاتے ہوئے بے نامی جائیداد کو اپنے برادرِحقیقی کے نام منتقل کرتا رہا ہے جس میں گورنمنٹ کے شیڈول کا بھی بالکل خیال نہیں رکھاگیا، موصوف نے 208 کنال انتہائی قیمتی زرعی اراضی موضع جوہدہ سنگھ والا قصور میں بروئے رجسٹری دستاویز نمبر 8022 بھی نمبر1جلد نمبر1566مورخہ 19.12.2009 کو اپنے حقیقی بھائی اشرف عابد ولد ہستا کے نام منتقل کر دیا جس کی سرکاری کاغذات میں کل مالیت کوڑیوں کے بھاؤ صرف 7 لاکھ روپے ظاہر کی گئی جبکہ زمین کی اصل قیمت کروڑوں روپے بنتی ہے اور اس میں اصل قیمت کے علاوہ گورنمنٹ کے نافذ کردہ شیڈول کی بھی دھجیاں اُڑائی گئیں حالانکہ اُس وقت نہ تو مذکورہ اہلکار کے بھائی اور نہ ہی باپ کا کوئی ذریعہ آمدن تھا صرف اپنی کرپشن کو چھپانے کی خاطر مذکورہ اہلکار نے قیمتی اراضی اپنے بھائی کے نام منتقل کروائی جبکہ مذکورہ اہلکار نے اپنی کرپشن سے کمائی گئی دولت سے دورانِ تعیناتی 2009 بطورِ ریڈر ایک عدد قیمتی پلاٹ واقع ڈیفنس کالونی قصورپر ایک عالیشان گھر تعمیر کیا ہوا ہے اور اس کے علاوہ مذکورہ اہلکار نے ڈپٹی کمشنراور ایڈیشنل ڈپٹی کمشنرکے دفتر میں کرپشن کے متعلق ہونے والی انکوائریوں کی ذمہ داری بھی لے رکھی ہے جس میں ملزمان کے ساتھ رشوت کے ریٹس مقرر کررکھے ہیں

قصور
سموگ کنٹرول کیلئے محکمہ اگریکچر متحرک ،گاؤں دیہات میں جا کر دھان کی فصل کی پرالی کو آگ لگانے سے روکنے کیلئے اعلانات،خلاف ورزی پر قانونی کاروائی کی جائے گی
تفصیلات کے مطابق قصور محکمہ ایگریکلچر نے سموگ کی روک تھام کیلئے گاؤں دیہات میں جا کر تشہیری مہم کے ساتھ مساجد میں اعلانات کا سلسلہ شروع کیا ہے جس میں دھان کی کٹائی کے موقع پر کسانوں کو خبردار کیا جا رہا ہے کہ وہ دھان کی پرالی و دیگر باقیات کو آگ نا لگائیں کیونکہ اس سے دھواں بننے سے سموگ بنتی ہے نیز اعلانات کے ذریعے کسانوں کو بتایا جا رہا ہے جس نے خلاف ورزی کی اس کے خلاف قانونی کارروائی عمل میں لائی جائے گی اور مقدمات درج کروائے جائینگے

قصور
تبدیلی کا سفر جاری ،چینی کا توڑہ دو دنوں میں 250 روپیہ مہنگا ،غربت و مہنگائی کے مارے شہری سخت پریشان،شہر میں تاجروں کے گوداموں میں ہزاروں من چینی اب بھی موجود
تفصیلات کے مطابق پی ٹی آئی گورنمنٹ کی تبدیلی کا سفر تیزی سے رواں دواں ہے پرسوں سے اب تک چینی کی ہول سیل قیمت میں فی توڑہ 250 روپیہ اضافہ کر دیا گیا ہے پرسوں چینی کا یہی پچاس کلو والا توڑہ 48 سو روپیہ کا تھا جو اب تبدیلی سے 5 ہزار دو سو پچاس روپیہ کا ہول سیل ریٹ پر ہو گیا ہے جس سے دکانداروں کو خود چینی ایک سو روپیہ فی کلو سے اوپر پڑ رہی ہے اگر وہ ایک سو دس روپیہ بیچینگے تو پرائس کنٹرولروں کو اپنا فرض یاد آجائیگا جبکہ ہول سیل ڈیلروں و بلیک مارکیٹنگ مافیا کے سامنے یہی کنٹرولر حضرات بولنے سے گھبراتے ہیں حالانکہ قصور شہر میں تاجروں کے گوداموں میں اب بھی ہزاروں من چینی موجود ہے مگر وہ پرانے ریٹ پر دینے کی بجائے اپنی من مانیوں پر دے رہے کیونکہ ان کو پتہ ہے پوچھنا کای نے نہیں جرمانے تو چھوٹے دکانداروں کو ہی ہونگے کیونکہ انتظامیہ نے فوٹو سیشن بھی کرنا ہوتا ہے

قصور
کل آر پی او شیخوپورہ ریجن کی پولیس لائن قصور میں کھلی کچہری کے ڈی پی او قصور سوشل میڈیا پر مگن رہے
تفصیلات کے مطابق کل پولیس لائن قصور میں آر پی او شیخوپورہ کی کھلی کچہری میں لوگوں کے مسائل سننے کی بجائے ڈی پی او قصور عمران کشور بار بار موبائل پر واٹس ایپ و فیس بک دیکھتے رہے
واضع دیکھا جا سکتا ہے کہ آر پی او کے ساتھ بیٹھے ڈی پی او عمران کشور غیر سنجیدہ رویہ اپناتے ہوئے موبائل استعمال کرتے رہے جس سے لوگوں کو اپنی مشکلات بیان کرنے میں پریشانی ہوئی
جبکہ کھلی کچہری میں لوگوں نے پولیس کے خلاف شکایات کا انبار لگا دیا جس پر تنگ آ کر کھلی کچہری میں لوگوں کو پولیس لائن کے اندر جانے سے بھی روک دیا گیا
جس کے باعث پولیس لائن کے باہر بچے خواتین اور بوڑھے زلیل ہوتے رہے

قصور
سوئی گیس ملازمین کا ان بنڈلنگ کے خلاف احتجاج ، حکومت وقت سے درخواست کرتے ہیں کہ سالانہ اربوں روپے کا منافع دینے والا ادارہ ہے اس کی ان بنڈلنگ روکی جائے زبیر خان
تفصیلات کے مطابق سوئی گیس کے ملازمین نے ان بنڈلنگ کے خلاف احتجاج کرتے ہوئے حکومت وقت سے درخواست کی کہ سالانہ اربوں روپے کا منافع دینے والا ادارہ ہمارا ہے اس کی ان بنڈلنگ روکی جائے صدر یونین سوئی گیس زبیر احمد خان کی کال پر ملازمین احتجاج کرتے ہوئے آل ملازمین سوئی گیس آفس قصور چیئرمین مہر محمد اسلم باسط علی بھٹی کرامت علی جماعتی جان محمد کمبوہ چوہدری منظور احمد افتخار ڈوگر عدنان افضل ندیم عرفان ڈوگر ہارون مجید اور ایس ان اور کیجول سٹاف سراپا احتجاج ملازمین کے احتجاج کا مقصد ادارہ سوئی گیس کو ان بنڈلنگ سے روکنا ہے ان بنڈلنگ کی صورت میں گیس کی قیمتوں میں بہت زیادہ اضافہ ہو جائے گا جس کا مہنگائی کی ماری ہوئی عوام پر گہرا اثر پڑے گا

قصور
ڈسٹرکٹ ہیلتھ اتھارٹی بری طرح ناکام ،ایل ایچ ڈبلیوز بن کو پیچھے سے دوائی نا آنے کا کہہ کر خود ممنوع شدہ سرکاری کنڈوم مارکیٹ میں فروخت کئے جا رہے ہیں
تفصیلات کے مطابق ڈسٹرکٹ ہیلتھ اتھارٹی قصور میں بے ضابطگیوں کا سلسلہ جاری ہے عرصہ دراز سے ایل ایچ ڈبلیوز کو میڈیسن اور کنڈوم نہیں دیئے گئے اور ان کو کہا جاتا ہے کہ یہ پیچھے سے نہیں مل رہے جبکہ قصور اور گردونواح میں سرکاری کنڈوم نجی مردانہ ٹائمنگ کریم کیساتھ فروخت کئے جا رہے ہیں اور ماہانہ لاکھوں روپیہ کمایا جا رہا ہے
لوگوں کا کہنا ہے کہ محلے کی ایل ایچ ڈبلیو سے جب بھی فرسٹ ایڈ میڈیسن اور کنڈوم مانگے جائیں تو جواب ملتا ہے کہ ابھی نہیں ملے مگر دوسری جانب یہی کنڈوم فروخت کئے جا رہے ہیں جبکہ عوام کو ان کے حق سے محروم کیا جا رہا ہے
لوگوں کا کہنا ہے کہ ظاہری بات ہے کہ ان کنڈومز کو فروخت کرنے میں محکمہ صحت کے ہی افراد ملوث ہیں کیونکہ ہزاروں کی تعداد میں سرکاری فروخت ممنوع والے کنڈوم ان کے پاس ہی ہیں جو وہ عوام کو نہیں دیتے مگر خود فروخت کر رہے ہیں لہذہ وزی اعلی پنجاب ،ڈی سی قصور اور سی ای او ہیلتھ قصور واقعہ کا نوٹس لے کر ملوث اہلکاروں کو سخت سزا دلوائیں اور عوام کو ان کا بنیادی حق فرسٹ ایڈ میڈیسن اور کنڈوم وغیرہ مہیا کئے جائیں

قصور
الہ آباد میں عوام کی جان خطرے میں مگر تحصیل انتظامیہ بے خبر ،لوگ سخت پریشان
تفصیلات کے مطابق چونیاں روڈ آلہ آباد میں غیر قانونی طریقے سے گاڑیوں میں ایل پی جی گیس کی ریفلنگ جاری ہے جس سے لوگ سخت پریشان ہیں کیونکہ اس عمل سے لوگوں کی جانوں کو سخت خطرہ ہے اور کوئی بھی بڑا حادثہ کسی بھی وقت رونما ہو سکتا ہے جس سے جانی و مالی نقصان ہو سکتا ہے اس بابت شہریوں کا کہنا ہے کہ
آلہ آباد اور گردونواح میں غیرقانونی ایل پی جی گیس ریفیلنگ کا کام بلا خوف جاری ہے مگر محکمہ سول ڈیفنس اور تحصیل انتظامیہ خاموش کیوں ہے؟ کیا عوام کی ان کو پرواہ نہیں یا وہ اپنا حصہ وصول کرتے ہیں نیز شہریوں نے یہ بھی کہا کہ گیس ری فلنگ پر اعتراض نہیں اعتراض آبادی میں ری فلنگ کرنے پر اعتراض ہے لہذہ ان لوگوں کو شہر سے باہر گیس ری فلنگ کرنے کا پابند کیا جائے تاکہ لوگ کا جان و مال محفوظ رہ سکے

قصور
گزشتہ روز ہوئی واردات کا ڈی پی او قصور عمران کشور نے از خود نوٹس لے کیا
تفصیلات کے مطابق قصور کے علاقے مصطفی آباد میں مسافر گاڑی کیساتھ ڈکیتی کا معاملہ ہر
ڈی پی او قصور عمران کشور نے واقعہ کا سخت نوٹس لے لیا ڈی پی او قصور عمران کشور نے میڈیا نمائندگان سے گفتگو کرتے ہوئے کہا کہ ایس پی انویسٹی گیشن کی سربراہی میں ٹیمیں تشکیل دے دی گئی ہیں اور ملزمان کے خلاف مقدمہ درج کر لیا گیا ہے جنہیں جلد گرفتار کر لیا جائے گا نیز ضلع کی شاہراہوں کو محفوظ بنانے کیلئے جامع پٹرولنگ پلان تشکیل دیا جا رہا ہے لوگ پولیس سے تعاون کریں کیونکہ عوامی تعاون کے بغیر کی کارکردگی اچھی ہونا ناممکن ہے