Author: عائشہ ذوالفقار

نامور اداکار علی عباس کی بیٹی نے کینسر جیسی جان لیوا بیماری میں مبتلا مریضوں کے لیے اپنے بال عطیہ کردئیے

باغی ٹی وی کی رپورٹ کے مطابق اداکار علی عباس کی بیٹی نے کینسر کے مریضوں کے لئے اپنے بال عطیہ کر دیئے علی عباس نے کہا کہ انہیں اپنی بیٹی پر فخر ہے

سماجی رابطے کی ویب سائٹ انسٹا گرام پر اداکار نے اپنی بیٹی کی کٹے بالوں کے ساتھ تصویر شئیر کرتے ہوئے کیپشن میں لکھا کہ ان کی چھ سالہ بیٹی رئیسہ نے اپنے 13 انچ لمبے بال کینسر کے مریضوں کو عطیہ کر دئیے جن کے بال کیمو تھراپی کے دوران گر گئے تھے
https://www.instagram.com/p/B8GHYyznc2k/?igshid=16g0a1ee9ut1u
انہوں نے کہا اس کے اس عمل نے انہیں حیران کر دیا اداکار نے یہ بھی لکھا کہ یہ ان کی بیٹی کا خود کا فیصلہ تھا اُسے ایسا کرنے پر کسی نے مجبور نہیں کیا تھا

اداکار نے لکھا انہیں اپنی بیٹی کے اس عمل پر فخر ہے

اداکار کی اس پوسٹ پر مداحوں نے ان کی بیٹی کی خوب تعریف کی اور اس عمل کو خوب سراہا اور بچی کے اچھے نصیب کے لئے دائیں کیں

خیال رہے کہ کینسر میں مبتلا مریض علاج کے دوران کیمو تتھراپی کی وجہ سے اپنے بالوں سے محروم ہوجاتے ہیں اور اس دوران انہیں لوگوں کی جانب سے عطیہ کیے ہوئے بالوں کی وگز فراہم کی جاتی ہیں

پاکستانی فیشن انڈسٹری سے تعلق رکھنے والے معروف ڈیزائنر فہد حسین نے اپنے فیشن برانڈ کو بند کرنے کا اعلان کرکے سب کو حیران کر دیا

باغی ٹی وی کی رپورٹ کے مطابق سماجی رابطے کی ویب سائٹ انسٹا گرام پرمعروف ڈیزائنر فہد حسین نے اپنے فیشن برانڈ کو بند کرنے کا اعلان کرکے سب کو حیران کر دیا

فہد حسین نے لکھا کہ جہاں تک مجھے یاد ہے میں اپنی پوری زندگی میں صرف فن اور فیشن پر کام کرنے کا خواہشمند رہا کافی لمبا عرصہ میں نے اس فن کو سیکھنے اور اپنا برانڈ بنانے میں لگادیا لیکن اس دوران میں نے کچھ کوتاہیوں کو نظر انداز کردیا لیکن ایک فنکار ہونے کی حیثیت سے اب میں دیکھتا ہوں تو کاروبار کرنے کی صلاحیت مجھ میں تھی ہی نہیں
https://www.instagram.com/p/B8OjA_xB3D3/?igshid=b5tor8hurshg
انہوں نے مزید لکھا کہ میں نے سوچا تھا کہ وقت اور وسائل میری سوچ کو کامیاب بنادیں گے لیکن افسوس کے ساتھ ہمیشہ سب ویسا نہیں ہوتا جیسا آپ چاہتے ہیں فہد حسین نے کہا شاید میں کاروبار نہیں کرنا چاہتا تھا میں صرف آرٹ پر کام کرنے کا خواہشمند تھا

فہد حسین نے سب کا شکریہ ادا کرتے ہوئے لکھا کہ میں سب کا شکر گزار ہوں کہ میرے ساتھ یہ خوبصورت لمحات گزارے میرے برانڈ کو فخر ہے کہ اس نے اتنے کامیاب سال گزارے اور بہترین لُکس تیار کیے اور کئی خوبصورت دلہنوں کے ساتھ کام کیا

فہد حسین نے لکھا کہ میرا فیشن برانڈ دیوالیہ ہوگیا ہے اورمیں اب اسے بند کررہا ہوں ساتھ میں لکھا کہ میں اپنا کاروبار ختم کررہا ہوں آخر میں انہوں لکھا کہ وہ ایک مرتبہ پھر سب کی سپورٹ اور پیار کے شکر گزار ہیں

خیال رہے کہ فہد حسین کا شمار پاکستان کے کامیاب ڈیزائنرز میں کیا جاتا رہا ہے

پاکستان کی معروف اور تمغہ امتیاز اداکارہ مہوش حیات نے چین میں پھیلنے والے جان لیوا کورونا وائرس کے حوالے سے چین کے ساتھ اظہاریکجہتی کرتے ہوئے کہا ہے کہ مشکل کی اس گھڑی میں چین کے ساتھ کھڑے ہیں

باغی ٹی وی کی رپورٹ کے مطابق مہوش حیات نے سوشل میڈیا پرچہرے پرماسک پہنے اپنی ایک تصویرشیئرکی اور لوگوں کو چین میں پھیلنے والے کورونا وائرس کے حوالےسے احتیاطی تدابیراختیارکرنے کا مشورہ دیا

مہوش حیات نے سوشل میڈیا ویب سائٹ ٹویٹر پر لکھا کہ میں اپنے اندرکے سپرہیرو کوظاہر نہیں کررہی ہوں بلکہ میں نے سفر کے دوران کورونا وائرس کے خطرے کی وجہ سے احتیاطاً یہ ماسک چہرے پر پہنا ہے مہوش حیات نے لکھا وہ اس جان لیوا کورونا وائرس کے شکار تمام لوگوں کی جلد صحت یابی کے لیے دعا گو ہیں

اداکارہ نے لکھا مشکل کی اس گھڑی میں ہم چین کے ساتھ کھڑے ہیں اورامید کرتے ہیں کہ اس جان لیوا وبا کا جلد سے جلد خاتمہ ہوگا انہوں نے لکھا کہ وہ ایئرپورٹ پرادھرادھرنہیں جارہیں کیونکہ چہرے پر ماسک کی وجہ سے بچے خوفزدہ ہوسکتے ہیں

واضح رہے کہ چین کے شہر ووہان سے پھیلنے والا کورونا وائرس اب پورے چین میں پھیل چکا ہے اوراب تک اس وائرس کے نتیجے میں سینکڑوں افراد ہلاک ہوچکے ہیں جب کہ متعدد افراد میں کورونا وائرس کی تصدیق ہوچکی ہے

حکومت پاکستان اور صوبائی حکومتوں نے گزشتہ ماہ 23 جنوری کو فلم ساز سرمد کھوسٹ کی فلم زندگی تماشا کی نمائش محض ایک دن قبل ہی روکتے ہوئے فلم کا دوبارہ جائزہ لینے کے لیے کمیٹی قائم کرنے کا اعلان کیا تھا

باغی ٹی وی کی رپورٹ کے مطابق فلم ساز نے فلم کو 24 جنوری کو ریلیز کرنے کا اعلان کر رکھا تھا تاہم فلم پر دھمکیاں ملنے کے بعد انہوں نے سوشل میڈیا پر مداحوں اور فنکاروں سے مشورہ مانگا تھا کہ کیا انہیں دھمکیوں کی وجہ سے فلم کی نمائش روکنی چاہیے؟

سرمد کھوسٹ نے زندگی تماشا پر خود کو ملنے والی دھمکیوں کے حوالے سے چیف جسٹس صدر مملکت اور وزیر اعظم کے نام ایک کھلا خط بھی لکھا تھا اور ان سے مطالبہ کیا تھا کہ وہ معاملے کا نوٹس لیں تاہم عدالتی فیصلے سے قبل ہی حکومت نے زندگی تماشا کی نمائش روکتے ہوئے اس کا دوبارہ جائزہ لینے کا اعلان کیا تھا

زندگی تماشا کے خلاف تحریک لبیک پاکستان نے مظاہروں کا اعلان کر رکھا تھا اور اس تنطیم کا دعوی تھا کہ فلم میں مذہبی افراد کو غلط انداز میں پیش کیا گیا ہے تاہم سرمد کھوسٹ نے ان الزامات کو مسترد کردیا تھا

بعد ازاں سرمد کھوسٹ نے پنجاب کے دارالحکومت لاہور کی سول کورٹ میں فلم سے متعلق خود کو ملنے والی دھمکیوں اور فلم کے خلاف ہونے والے مظاہروں کے خلاف بھی درخواست دائر کی تھی اور عدالت سے استدعا کی تھی کہ ان کی فلم کے خلاف ہونے والے مظاہروں کو روکا جائے

فلم کی نمائش روکے جانے کو تقریبا 2 ہفتے گزر جانے کے بعد حکومت کی جانب سے اس کی ریلیز کے حوالے سے کوئی فیصلہ سامنے نہ آنے کی وجہ سے اب متعدد شوبز شخصیات نے زندگی تماشا کی ریلیز روکنے کے خلاف آواز اٹھاتے ہوئے دیگر ساتھی فنکاروں سے فلم سے متعلق آواز اٹھانے کا مطالبہ کیا ہے اس کے علاوہ ایکٹر کولیکٹیو ٹرسٹ نے بھی ایک عوامی نوٹس لکھا جس میں ادارے نے کہا کہ وہ زندگی تماشا کی پوری ٹیم کے ساتھ ہے اور دھمکی دینے والے افراد کی بھر پور مذمت کرتا ہے اور ادارے نےا س حالیہ صورتحال پر اور حکومت کا چند لوگوں کے سامنے جھکنے پر تشویش کا اظہار کیا

ہم زندگی تماشا کے ساتھ ہر قسم کے تعاون کے لئے پر عزم ہیں ایکٹر کولیکٹیو ٹرسٹ کا اعلان

صحافی محمد حنیف نے سوشل میڈیا ویب سائٹ ٹویٹر پر اپنی ٹوئٹ میں لکھا کہ زندگی تماشا کی نمائش روکے جانے پر خاموشی اختیار کرنا دراصل جرم ہے اور حکومت فلم کے حوالے سےتحریک لبیک کے کہنے مطابق کام کر رہی ہے

اداکارہ ماہرہ خان نے صحافی محمد حنیف کی جانب سے کی جانے والی ٹوئٹ پر کمنٹ کیا اور لکھا کہ اس معاملے پر کان لپیٹ کر خاموشی اختیار کرنا دراصل جرم ہے

ماہرہ خان کے اس ٹویٹ پر عثمان خالد بٹ نے کمنٹ کرتے ہوئے لکھا کہ صرف ہم خاموش نہیں رہیں گے مجھے بتائیں اگر ہم کچھ کر سکتے ہیں تو

عثمان خالد بٹ کی ٹویٹ پر ماہرہ خان نے لکھا کہ اور ہم ایس نہیں کریں گے لیکن یہ کچھ زیادہ ہو ہے ہم اپنی چاقت یہاں تک کہ سوشل میڈیا کی طاقت کو کم نہیں کرتے

جبکہ خالد بٹ نے ماہرہ کی اس ٹویٹ پر کمنٹ کیا کہ وہ ماہرہ کی بات پر متفق ہیں شاید صرف سوشل میڈیا پر ہی اس بات پر دباؤ ڈالنا کافی نہی‌ہو گا ہر کوئی جو پیسا کی سٹیج پر جائےاسے زندگی تماشا کے بارے میں ضرور آواز اٹھانی چاہیئے

عثمان خالد بٹ نے ٹوئٹر پر فنکاروں سے بھی مطالبہ کیا کہ وہ دبئی میں ہونے والے پہلے پاکستان انٹرنینشل اسکرین ایوارڈز (پیسا) ایوارڈ میں زندگی تماشا کی نمائش روکے جانے کے خلاف آواز اٹھائیں

عثمان خالد بٹ نے لکھا کہ زندگی تماشا کی ریلیز روکے جانے کا مقصد تمام فنکاروں کو روکنا ہے اور یہ کسی ایک فلم کا مسئلہ نہیں ہے اس لیے تمام شوبز شخصیات کو پاکستان اسکرین ایوارڈز میں اس معاملے پر بولنا چاہئے

ہائی کورٹ نے زندگی تماشا کی نمائش روکنے کے متعلق درخواست خارج کر دی

اداکارہ میرا سیٹھی نے بھی ٹویٹ کرتے ہوئے لکھا کہ فلم زندگی تماشا کو فلم سنسر بورڈ کلئیر کر چکا ہے فلم کو ریلیز ہونا چاہیئے

ایکٹر کولیکٹیو ٹرسٹ کے صدر نعیم طاہر جنرل سیکرٹری عمیر رانا نے کہا ہے کہ وہ زندگی تماشا کی کاسٹ اور ہدایتکار سرمد کھوسٹ کے ساتھ ہیں ہم سرمد کھوسٹ کو فلم کی ریلیز کے حوالے سے دھمکی دینے والے گروپ کی بھر پور مذمت کرتے ہیں

باغی ٹی وی کی رپورٹ کے مطابق اداکاروں کے اجتماعی ٹرسٹ پاکستان (ایکٹ) جو کہ اداکاروں کے اتحاد کا واحد قومی ادارہ ہے اس ادارے کے صدر جنرل سیکرٹری نے فلم زندگی تماشا کی ریلیز کے بارے میں پیدا کردہ حالیہ حالات کے حوالے سے ایک عوامی نوٹس دیتے ہوئے کہا کہ ہمارا اداراہ سرمد کھوسٹ اور ان کی ٹیم اور فلم کی کاسٹ کے ساتھ ہے اور ہمارا ادارہ کسی بھی فرد اور افراد کے ایسے گروپ کی بھر پور مذمت کرتا ہے جو فلم کی ریلیز فلم یا ریاست اور اس کے نمائندوں سے منسلک افراد کو دھمکی دیتا ہے

نوٹس میں واضح کیا گیا کہ ادارہ (ایکٹ) ہر ممکنہ حالات میں قانونی دائرے میں رہتے ہوئے اپنے ملک انڈسٹری اور اس سے منسلک افراد کے ساتھ ہر طرح کے تعاون کے لئے پر عزم ہیں اور ادارہ زندگی تماشا کی ٹیم کے ساتھ ہے اور اس عمل میں ریاست پاکستان کی حمایت کرتے ہیں اس کے بعد دفاتر بھی اس کی نمائندگی کرتے ہیں اس روشنی میں ہم کسی بھی فرد اور افراد کے ایسے گروپ کی بھر پور مذمت کرتے ہیں جو فلم کی ریلیز فلم یا ریاست اور اس کے نمائندوں سے منسلک افراد کو دھمکی دیتا ہے

میری موت کے بعد ہی زندگی تماشا ریلیز ہو سکتی ہے خادم حسین رضوی

اس نوٹس میں زندگی تماشا کی ریلیز کے بارے میں لکھا گیا کہ فلم کی ریلز روکنے کی وجہ سے اسے ایک بار پھر سنسر کرنا پڑا اور اس بار کمیٹی میں غیر مہذب اضافے کے ساتھ ادارہ(ایکٹ) اس کو انتہائی غیر منصفانہ اور ناانصافی سمجھتا ہے ریاست کا چند لوگوں کی قانونی طور پر سوالیہ نشان اٹھانے والی طاقت کے سامنے جھکنا کافی پریشان کن ہے

ہم یہ پیغام دینا چاہتے ہیں کہ ایک فلم جو پہلے ہی سنسر بورڈ نے پاس کر دی ہو جو تصدیق شدہ ہو چکی ہو اس کا دوبارہ جائزہ لیا جا رہا ہے اس نئے قانون کے لئے (ایکٹ) ادارے کو بہت تشویش ہے اگر ایسا ہی ہے تو ہم تجارت سے وابستہ ایکٹ سمیت تمام اداروں کے نمائندوں سے پر زور مطالبہ کرتے ہیں کہ اس سیشن میں نمائندگی کی جائے اور سنسر شپ کے لئے اکثریت سے ووٹ حاصل کیے جائیں

مزید یہ کہ حکومت پنجاب نے 3 فروری 2020 کو اس ’’ سینسر ‘‘ کا شیڈول رکھا تھا اور آج تک اس پر عمل نہیں کیا گیا براہ کرم ہمارے ارادے کو سراہیں ہم کسی تنازعہ کی حوصلہ افزائی نہیں کرنا چاہتے بلکہ اس کے بالکل برعکس ہیں موجودہ اقدامات جو ایک گیٹ وے کھول رہے ہیں وہ کبھی بھی بند نہیں ہوسکتا اس سے نہ صرف ابھرتی ہوئی فلم انڈسٹری کو نقصان پہنچا ہے بلکہ ریاست کی ساکھ کو بھی نقصان پہنچا ہے

ادارے کے صدر اور ضنرل سیکرٹری نے کہا آخر میں ہم پرزور گزارش کریں گے کہ فلم سازوں اور اس فلم سے وابستہ تمام لوگوں کو سلامتی کی یقین دہانی کروائی جائے

بالی ووڈ کے سپر سٹار اور خطروں کے کھلاڑی اکشے کمار نے اپنی آنے والی نئی فلم کے لیے 120 کروڑ روپے بطور معاوضہ لیا

باغی ٹی وی کی رپورٹ کے مطابق فلمساز آنند ایل رائے نے اپنی آئندہ فلم کے لئے اکشے کمار کو سائن کیا ہے اس فلم کا معاوضہ اکشے نے 120 کروڑ روپے لیا ہے

خیال ظاہر کیا جا رہا ہے آنند ایل رائے کی اس فلم میں سارا علی خان اور دھنش بھی اداکاری کرتے دکھائی دے سکتے ہیں

سپر سٹار اکشے کمار ان دنوں بالی وڈ کو مسلسل ہٹ فلمیں دے رہے ہیں ایسے میں اکشے کمار کے معاوضےمیں بھی مسلسل اضافہ ہو رہا ہے اکشے نے اس فلم کے لئے 120 کروڑ روپے بطور معاوضہ لیا ہے اور آنند ایل رائے کے مطابق جلد ہی فلم کا اعلان کردیاجائے گا

یہ فلم لواسٹوری پر مبنی ہوگی اور فلم کی شوٹنگ کا آغاز چند ماہ میں شروع کر دیا جائے گا

بھارتی اداکارہ سونم کپور نے سوشل میڈیا پر اردو کے نامور شعراء کے اشعار لکھ کر مداحوں کے دل جیت لیے

باغی ٹی وی کی رپورٹ کے مطابق بالی ووڈ کی معروف اداکارہ سونم کپور نے سماجی رابطے کی ویب سائٹ انسٹاگرام پر اپنی خوبصورت تصاویر شیئر کیں جن کے کیپشن میں انہوں نے نامور شاعروں کے اشعار اُردو اور انگریزی دونوں زبانوں میں لکھے

سونم کپور نے اپنی پہلی تصویر کے کیپشن میں مشہور شاعر مومن خان مومن کا مشہور شعر لکھا،تم میرے پاس ہوتے ہو گویا ، جب کوئی دوسرا نہیں ہوتا
https://www.instagram.com/p/B8PB4Y_FjMn/?igshid=17lo4yror4bky
سونم کپور نے اپنی دوسری تصویر کے کیپشن میں فیض احمد فیض کا شعرلکھا اور بھی دکھ ہیں زمانے میں محبت کے سوا، راحتیں اور بھی ہیں وصل کی راحت کے سوا
https://www.instagram.com/p/B8PCS0SFO6J/?igshid=u5ml2hcaoxs1
بھارتی اداکارہ نے اپنی تصویر کے کیپش میں مرزا غالب کا شعر لکھا ہم کو معلوم ہے جنت کی حقیقت لیکن ،دل کے خوش رکھنے کو غالب یہ خیال اچھا ہے
https://www.instagram.com/p/B8PCqhyl8aE/?igshid=132ln9itgfeuo
اداکارہ نے ایک اور ٹصویر شئیر کرتے ہوئے اُردو کے شاعرشبیر بدر کا شعر لکھا جی بہت چاہتا ہے سچ بولیں ، کیا کریں حوصلہ نہیں ہوتا
https://www.instagram.com/p/B8PC8mtlb_C/?igshid=1sv4gffsw4aun
سونم کپور نے اپنی ایک اور پوسٹ پر جگر مراد آبادی کا شعر لکھا جو نہ سمجھے ناصحو پھر اس کو سمجھاتے ہو کیوں ،ساتھ دیوانے کے دیوانے بنے جاتے ہو کیوں
https://www.instagram.com/p/B8PDYAOllQr/?igshid=j8fchqoks0ic
سونم کپور نے اپنی آخری تصویر پر شاعرامیر مینائی کا شعر لکھا ہے جوانی خود جوانی کا سنگار، سادگی گہنہ ہے اس سن کے لیے
instagram.com/p/B8PDs8slrPE/?igshid=kp1741f8uj2e
بھارتی اداکارہ کی اِن تمام تصاویر کے کیپشن کو ان کے مداحوں نے بےحد پسند کیا اور پوسٹس پر کمنٹس کرکے اپنی پسندیدگی کا اظہارکیا جبکہ کچھ ہندو صارفین نے انہیں اردو لکھنے پر انہیں تنقید کا نشانہ بنایا

دوسری جانب برطانوی نشریاتی ادارے ں نے سونم کپور سے ان کے اردو شاعری کے کیپشن کے بارے میں پوچھا تو بھارتی اداکارہ نے کہا کہ یہ صرف اُردو شاعری ہے اور وہ اس کا فیصلہ لوگوں پر چھوڑ رہی ہیں کہ وہ اُردو کیپشن کا مطلب کیا نکالتے ہیں

ہالی ووڈ اسپورٹس فلم دی وے بیک کا نیا ٹریلر جاری کردیا گیا ہے

اس فلم کی کہانی ایک ایسے کھلاڑی کی ہےجسے نشے میں دھت رہنے کی وجہ سے ٹیم سے نکالا گیا لیکن کوچ بن کر اس کی واپسی ہوئی توکامیابیوں کے ریکارڈ توڑڈالے

باسکٹ بال کی ناکام ٹیم کو جیسے اس نے ایک نئی زندگی دے دی اور پھر اس قدر مہارت اور منصوبہ بندی سے کھلایا کہ ہر کوئی دنگ رہ گیا اپنی بری عادت کو پس پشت ڈال کر کھلاڑیوں کو انتہائی بہترین انداز میں کورٹ میں اُتارا اور یوں وہ اپنے اوپر لگے ہوئے داغ کو دھونے میں کامیاب رہا

فلم میں بین ایفلک مرکزی کردار میں نظر آئیں جبکہ فلم کی دیگر کاسٹ میں جانینا گونکر، ال میڈرگل، مشیلا واٹکنز و دیگر شامل ہے

گیون او کونر کی ہدایتکاری میں بننے والی فلم 6 مارچ کو نمائش کیلئے پیش کی جائے گی

بالی وڈ سلطان سلمان خان نے پاکستانی ایونٹ آرگنائزر کے زیر اہتمام ایک شو میں جانے سے انکار کردیا

باغی ٹی وی کی رپورٹ کے مطابق سپر سٹارسلمان خان کو امریکی ریاست ٹیکساس کے سب سے بڑے شہر ہیوسٹن میں ایک شو میں پرفارمنس کرنے کی دعوت دی گئی تھی جس میں ان کے علاوہ دیگر بھارتی و پاکستانی فنکار بھی پرفارمنس کریں گے

پہلے سلمان خان نے پاکستانی ایونٹ آرگنائزر ریحان صدیقی کی جانب سے ہیوسٹن میں منعقد کئے جانے والے شو میں پرفارمنس کرنے کا حامی بھری تھی تاہم اب انہوں نے شو میں جانے سے انکار کردیا

ببالی ووڈ سپر اسٹار سلمان خان پوری دنیا میں لاکھوں دلوں پر راج کرتے ہیں ان کے پرستار نہ صرف سکرین پر بلکہ اسٹیج شو کے ذریعے اپنے من پسند تفریح حاصل کرنے اور اپنے پسندیدہ اسٹار کی جھلک دیکھنے کے لئے بے تابی سے انتظار کرتے ہیں

لیکن تمام دبنگ شائقین کے لئے بری خبر یہ ہے کہ سلمان خان نے پاکستانی ایونٹ آرگنائزر ریحان صدیقی کے زیر اہتمام ہیوسٹن میں اپنے شو کو منسوخ کردیا ہے تاہم انہوں نے خوداس حوالے سے ابھی تک کوئی وضاحت نہیں کی

سلمان خان سے قبل بھی بھارتی گلوکار کمار سانو الکا یاگنک ادت نارائن دلجیت دو سانج اور دیگر فنکاروں اور گلوکاروں نے بھی امریکا میں پاکستانی آرگنائزرکے شو میں جانے سے انکار کردیا تھا

امریکا میں موجود پاکستانی یونٹ آرگنائزر پاکستانی و بھارتی فنکاروں کے مشترکہ شو اور کنسرٹ کرواتے رہتے ہیں جن میں دونوں ممالک کے فنکار مشترکہ طور پر پرفارمنس کرتے دکھائی دیتے ہیں سلمان خان اور کئی بالی وڈ سٹارز پاکستانی یونٹ آرگنائزر ریحان صدیقی کے شو میں پرفارم کر چکے ہیں

تاہم گزشتہ کچھ ماہ سے ہندو انتہاپسندوں اور حکومتی دباؤ کی وجہ سے بھارتی فنکار پاکستانی منتظمین کے شو میں شرکت سے انکار کرتے دکھائی دیتے ہیں

ماضی میں پی ٹی وی پر نشر کیے جانے والے مقبول ڈرامے ان کہی کو نئے انداز میں تھیٹرز میں پیش کیا جائے گا

باغی ٹی وی کی رپورٹ کے مطابق پی ٹی وی پر 4 دہائیاں پہلے نشر کئے گئے حسینہ معین کے لکھے مقبول ڈرامے ان کہی کو نئے انداز میں تھیٹرز میں جلد ہی میں پیش کیا جائے گا مذکورہ ڈرامے کو پہلی بار پی ٹی وی پر 1982 میں نشر کیا گیا تھا

اس ڈرامے کے اداکاروں شہناز شیخ جاوید شیخ شکیل سلیم ناصر بہروز سبزواری اور جمشید انصاری کی بے مثال اداکاری اور دلوں میں گھر کر جانے والے مکالمے آج تک یاد کئے جاتے ہیں
https://www.youtube.com/watch?v=JNs6Krt5Jn4&feature=youtu.be
ان کہی کی ہدایات شعیب منصور نے دی تھیں اور اب جلد ہی مداحوں کے اس مقبول ڈرامے کو نئے انداز میں تھیٹر پر پیش کیا جائے گا ان کہی کو نئے انداز میں تھیٹر کی پروڈکشن کمپنی کاپی کیٹس پیش کرے گی اور اس ڈرامے کو تھیٹر انداز میں داور محمود نے تحریر کیا ہے
اس کے ڈایئلاگز مذکورہ پروڈکشن کے رائٹرز نے لکھے ہیں اور ان ڈایئلاگز کو انور مقصود چیک کر رہے ہیں

ان کہی کا اسکرپٹ مکمل کرلیا گیا ہے اور جلد ہی اس ڈرامے کے اداکاروں کی ریہرسل شروع ہوجائے گی ٹی وی کے ڈراموں کو اسٹیج پر پرفارم کرنے کے لیے اداکاروں کے انتخاب کا سلسلہ جاری ہے تاہم ڈرامے کی مرکزی اداکارہ کو منتخب کرلیا گیا ہے ٹی وی پر نشر ہونے والے ڈرامے میں شہناز شیخ نے اہم کردار ادا کیا تھا جب کہ اسٹیج پر ان کا کردار اداکارہ آمنہ الیاس ادا کریں گی

ڈرامے میں جاوید شیخ کے مرکزی کردار کی جگہ کس اداکار کو منتخب کیا جائے گا ڈرامے کی ٹیم جلد ہی اس حوالے سے اعلان کرے گی

امید ظاہر کی جا رہی ہے کہ ڈرامے کو آئندہ ماہ 15 مارچ سے کراچی آرٹس کونسل آف پاکستان سے شروع کیا جائے گا