کراچی میں رہنے والوں کی زندگی پر مبنی ماضی کا کامیاب مزاح سے بھرپور ڈراما سب سیٹ ہے تقریباً دو دہائیوں بعد نئے سیکوئل کے ساتھ واپس ٹیلی ویژن اسکرینز پر مداحوں کے چہرے پر مسکراہٹ بکھیرنے آ رہا ہے
اس ڈرامے میں کراچی کے متوسط طبقے سے تعلق رکھنے والے چاردوستوں بوبی، عمران، پنٹو اورنادیہ کی کہانی دکھائی گئی تھی اظفر علی سلمی حسن عدنان شاہ ٹیپو اور سلمان ثاقب عرف مانی نے مرکزی کردار نبھائے تھے دلچسپ بات یہ ہے کہ اس شو میں پہلی بارکراچی کے محلوں میں بولے جانے والے الفاظ ٹوپی ڈھکن اور برگر استعمال کیے گئے
اور اب ڈرامے کے ہدایت کار اور مرکزی اداکار اظفر علی نے ایک انٹرویو میں اس ڈرامے کے سیکوئل کا بھی اعلان کردیا اظفر علی نے بتایا کہ اس نئے ڈرامے مڈ لائف میں سب سیٹ ہے کے مرکزی کرداروں کی آج کی زندگی کو پیش کیا جائے گا یعنی ادھیڑ عمر میں یہ تمام کردار کیسے اپنی زندگی گزار رہے ہوں گے ان کی ادھیڑ عمری میں پیش آنے والے مسائل کو دکھایا جائے گا
https://www.youtube.com/watch?v=1ULqZ9QZ6Rs&feature=youtu.be
سب سیٹ ہے ڈرامے کی اصل کاسٹ کے علاوہ مڈ لائف میں مرینہ خان عائشہ عمر خالد انعم بہروز سبزواری اور جنان حسین شامل ہیں جبکہ اداکارہ حرا مانی بھی مختصرکردارمیں اداکاری کے جوہر دکھائیں گی
اظفر علی کے مطابق ڈرامے کی شوٹنگ کا آغاز بھی ہوچکا ہے اور اسے جلد ریلیز کرنے کا بھی ارادہ کیا جارہا ہے
پاکستانی معروف اداکار عمران اشرف نےسوشل میڈیا پر وائرل ہونے والے شادی شدہ جوڑے اسد اورنمرہ کی عمر پر اعتراض کرنے والوں کو کراراجواب دیتے ہوئے کہا ہے کہ انہوں نے نکاح کیا ہے مبارکباد دیں تنقید نہ کریں
باغی ٹی وی کی رپورٹ کے مطابق سوشل میڈیا پر گذشتہ دو دنوں سے ایک نوجوان جوڑے اسد اور نمرہ کی شادی کی تصاویر وائرل ہورہی ہیں۔ دونوں نے اپنی زندگی کا اہم فیصلہ لیتے ہوئے 18 سال کی عمر میں شادی کی تاہم سوشل میڈیا پر دونوں کی 18 سال کی عمر میں شادی کے فیصلے کو جہاں سراہا جا رہا ہے وہیں شدید تنقید کا نشانہ بنایاجارہا ہے اورلوگ کہہ رہے ہیں کہ اس عمر میں انہیں شادی کرنے کی بجائے اپنے کیریئر اورتعلیم پر توجہ دینی چاہیے تھی
بہت سے لوگ ان دونوں کے دفاع میں بھی سامنے آئے اوران کے فیصلے کو سراہتے ہوئے کہا کہ دونوں ریلیشن رکھنے کی بجائے نکاح کرکے بالکل صحیح قدم اٹھایا ہے ان دونوں کی حمایت کرنے والوں میں اداکار عمران اشرف بھی شامل ہیں
سوشل میڈیا ویب سائٹ پر اداکاردونوں کی حمایت کرتے ہوئے ان پر تنقید کرنے والوں کو جواب دیتے ہوئے لکھا یعنی کہ اب کسی کی شادی کے فیصلے کو بھی ہم درست یا غلط ثابت کریں گے ہم تو لوگوں کے گھروں میں گھسنے لگے ہیں انٹرنیٹ کو ایسی عدالت بنادیا ہے جہاں ہر کوئی اپنی مایوسی اور فرسٹریشن کے مطابق سزا لکھ دیتا ہے انہوں نے مزید لکھا ان دونوں نے نکاح کیا ہے بھائی مبارکباد دو دعا دو کہ اللہ ان کی زندگی کو خوشیوں سے بھردے
عمران اشرف نے ٹویٹر پر گذشتہ روز کشمیریوں پر یکجہتی کا اظہار کرتے ہوئے ٹویٹ کیا کہ اس دن پر ہم کشمیر کے بہادر لوگوں کو خراج تحسین پیش کرتے ہیں جنہوں نے بہت سی قربانیاں دیں خوشی سے زندگی بسر کرنے اور اپنے حقوق کے لئے
دوسری جانب اداکار یاسر حسین نے بھی نوجوان جوڑے نمرہ اور اسد کی شادی کے فیصلے کو سراہتے ہوئے انسٹا گرام پر دونوں کی تصویر کی سٹوری کی اور لکھا کہ شادی سے بڑھ کر کوئی چیز نہیں ان دو لوگوں کے لئے جو ایک دوسرے سے پیار کرتے ہیں
واضح رہے کہ لاہور کے رہائشی 18 سالہ اسد نے دو روز قبل اپنی ہی ہم عمر اور رشتی دار نمرہ سے پسند کی شادی کی ہے اور اب دونوں اپنی پڑھائی کا سلسلہ آگے بڑھائیں گے
اسد اور نمرہ کی شادی کی ویڈیوز اور تصاویر سوشل میڈیا پر وائرل ہو رہی ہیں اور ان دونوں کے کم عمری میں شادی کے فیصلے پر خوب چہ میگوئیاں ہو رہی ہیں کوئی ان کے فیصلے کی کچھ تعریف کررہے ہیں تو کچھ لوگ تنقید
میری موت کے بعد ہی زندگی تماشا ریلیز ہو سکتی ہے تحریک لبیک کے چیئرمین خادم حسین رضوی کا بیان
باغی ٹی وی کی رپورٹ کے مطابق تحریک لبیک کے چئیرمین خادم حسین رضوی نے کہا ہے کہ وہ سرمد کھوسٹ کی فلم زندگی تماشا کو ریلز نہیں ہونے دیں گے کوئی کیا کرتا ہے اس سے انہیں کوئی فرق نہیں پڑتا
خادم رضوی نے کہا کہ ہم زندگی تماشا ریلیز نہیں ہونے دیں گے اس کو روکنے کے لئے ہم سے جو بھی بن پڑا کریں گے اور اس بات کو یقینی بنائیں گے انہوں نے فیصل چوک میں کشمیر کے ساتھ اظہار یکجہتی کے موقع پر پارٹی کارکنوں کو خطاب کے دوران کہا کہ جو کرنا ہے کر لو ہم زندگی تماشا ریلیز نہیں ہونے دیں گے
اس سے قبل 28 جنوری 2020 کو اسلامی نظریاتی کونسل سی آئی آئی نے ایک چار رکنی کمیٹی تشکیل دی تھی جو فلم زندگی تماشا کا جائزہ لے گی اور سی آئی آئی کے چئیرمین ڈاکٹر قبلہ اعجاز کو رپورٹ پیش کرے گی
اس کمیٹی کے ممبران میں غلام ماجد عبد الرشید تاج محمد اور محمد اشفاق شامل ہیں ان سبھیکے بارے میں کہا جاتا ہے کہ یہ شرعی اصولوں میں ماہر ہیں
کمیٹی میں شامل تمام ممبران اہل ہیں اور وہ اسلام اور سماجی علوم میں قابلیت رکھتے ہیں ان کا تعلق سی آئی آئی کے ریسرچ ونگ سے ہے اس کام کے لئے انہیں خاص انٹرویو کے بعد منتخب کیا گیا سی آئی آئی کے میڈیا کوآرڈینیٹر رانا زاہد نے کہا تھا کہ ہم نے انہیں سی بی ایف سی کا خط دکھایا اور مذہبی جذبات کو سامنے رکھتے ہوئے فلم کا جائزہ لینے کے بارے میں کہا
انہوں نے کہا کونسل کا اعلی ادارہ رپورٹ دیکھنے کے بعد فلم کے حوالے سے فیصلہ کرے گا انہوں نے مزید بتایا کہ سی آئی آئی نے ایک خط ارسال کیا جس نے پہلے مرحلے میں سی بی ایف سی کو اپن عملی منصوبے سے آگاہ کیا ہے اور انہیں جلد جواب ملنے کی امید ہے
سی آئی آئی کے ایک گمنام ممبر کے مطابق چار رکنی بینچ قابل اعتراض مکالموں پر سی بی ایف سی کے ممبروں کے نقطہ نظر پر بھی سوال اٹھائے گا
فلم کے وہ مکالمے اور مناظر جنھیں دیکھ کر عوام کی جذبات مجروح ہوں تو وہ کیسے ان کی صفائی کیسے دیں گے اگر وہ ( سی بی ایف سی)فلم دیکھے توسی بی ایف سی کے ممبروں کا جواب بھی اس رپورٹ کا حصہ ہوگا ہم صرف ان قابل اعتراض ڈائیلاگز پر ہی فکر مند جن سے عوام کو تکلیف ہو ہمیں دوسدری صورت میں کوئی واسطہ نہیں ہے ممبر نے کہا کہ کسی بھی مکالمے یا مناظر جس سے مذہبی جذبات مجروح ہوں ان کو پاس نہیں کیا جائے گا
نیشنل یونیورسٹی آف سائنس اینڈ ٹیکنالوجی کے ڈیپارٹمنٹ اسکول آف آرٹ سائنس اینڈ آرکیٹیکٹ سے گریجویشن کرنے والی اقصی جمال نے پاکستان کا نام روشن کردیا
پاکستانی طالبہ اقصی اجمل کا نام بین الاقوامی پلیٹ فارم لیکسس ڈیزائن ایوارڈ کے دنیا بھر سے حصہ لینے والوں کی فائنل لسٹ میں آ گیا
لیکسس ڈیزائن ایوارڈ کے لئے دنیا بھر کے چھ ڈیزائنرز میں اقصی کے پروجیکٹ کو بھی منتخب کیا گیا جبکہ دیگر منتخب ہونے والے ڈیزائنرز کا تعلق امریکا، کینیا، چین، برطانیہ اور روس سے ہے
اقصی اس اعزاز کو پانے والی پہلی پاکستانی خاتون ہیں اقصی نے ایک پرسویٹ نام کی ایک ایسی سلائی مشین متعارف کروائی ہے جو بینائی سے محروم افراد کے لیے فائدہ مند ہے
پرسویٹ
اس بارے میں نسٹ نےسوشل میڈیا ویب سائٹ ٹویٹر پر اپنی پوسٹ میں اقصی کو مبارک باد دیتے ہوئے لکھا کہ دنیا بھر کے چھ ڈیزائنرز میں اقصی کا نام فائنل لسٹ میں ان کے پروجیکٹ پر سویٹ کے لئے چنا گیا ہے جو لیکس ڈیزائن ایوارڈ کے لئے منتخب ہوئے ہیں
اقصی نے سماجی رابطے کی ویب سائٹ انسٹا گرام پر ایک تصویر شئیر کرتے ہوئے پوسٹ میں لکھا کہ انہیں فخر ہے کہ وہ لیکس ڈیزائن ایوارڈ 2020 کے لئے دنیا بھر کے چھ ڈیزاینر میں شامل ہیں
اقصی نے لیکس انٹر نیشنل کا شکریہ ادا کرتے ہوئے کہا کہ لیکسس انٹرنیشنل کی جانب سے نیویارک میں مینٹور شپ پروگرام کے لیے شرکت کرنے کا موقع فراہم کرنے پر ان کی مشکور ہوں انہوں نے اللہ کا بھی شکریہ ادا کرتے ہوئےکہا کہ اللہ نے ان کے خواب کو پورا کرنے کا موقع دیا
اقصی نے کہا کہ انہیں عالمی سطح پر ملک کی نمائندگی کرنے میں بہت فخر محسوس ہو رہا ہے انہوں نے کہا کہ وہ امید کرتی ہیں ان کا کام میلان ڈیزائن ویک میں بھی نمائش کے لیے پیش کیا جائے
مقبوضہ کشمیر سے تعلق رکھنے والی سابقہ بالی ووڈ اداکارہ زائرہ وسیم نے کہا کہ قلم میں تلوار سے زیادہ طاقت نہیں ہے
باغی ٹی وی کے مطابق سماجی رابطے کی ویب سائٹ ٹوئٹر پر زائرہ وسیم نے ایک گمنام حوالے سے ٹویٹ کیا لکھا کہ قلم میں تلوار سے زیادہ طاقت نہیں ہے قلم جنگیں نہیں جیت سکتا اور تلوار شاعری نہیں لکھ سکتی لیکن طاقتور وہ ہاتھ ہے جسے یہ معلوم ہے کہ قلم کب اٹھانا ہے اور تلوار کب اٹھانی ہے،گمنام
واضح رہے کہ اس سے قبل بھی زائرہ سوشل میڈیا پر مقبوضہ وادی میں بھارتی فوج کی جانب سے انسانی حقوق کی خلاف ورزی کے خلاف اپنی آواز بلند کرتی رہی ہیں انہوں نے گذشتہ روز بھی کشمیر میں بھارت کی مظالم بربریت بد ترین تشدد اور کشیدہ صورتحال پر مذمت کرتے ہوئے انسٹا گرام پر ایک طویل پوسٹ شئیر کی تھی
انہوں نے لوگوں پر زور دیتے ہوئے کہا تھا کہ وہ بھارتی میڈیا کی طرف سے کشمیر میں سب اچھا ہے کی خبروں پر یقین نہ کریں بلکہ سوال پوچھیں جانبدارانہ مفروضوں کو دوبارہ دیکھیں
واضح رہے کہ مودی سرکار نے گزشتہ 186 دنوں سے 80 لاکھ نہتے کشمیریوں کو محصور بنارکھا ہے مظلوم کشمیری بھارتی مظالم کی چکی میں مسلسل پس رہے ہیں
سوشل میڈیا پر وائرل ویڈیومں ایک چھوٹا بچہ شایان اپنی والدہ سے شکوہ کرتا ہے کہ اللہ نے انہیں بچوں کو مارنے کے لئے نہیں پیدا کیا بلکہ اس لئے پیدا کیا کہ بچوں سے پیار کریں یہ ویڈیو کو سوشل میڈیا پر خوب وائرل ہو رہی ہے
باغی ٹی وی کی رپورٹ کے مطابق سوشل میڈیا پر پچھلے کچھ چند دنوں سے ایک ویڈیو وائرل ہو رہی ہے جس میں ایک چھوٹا بچہ شایان شبیراپنی والدہ سے شکوہ کرتا ہے کہ اللہ نے انہیں بچوں کو مارنے کے لئے نہیں پیدا کیا بلکہ اس لئے پیدا کیا کہ بچوں سے پیار کریں اس ویڈیو کو سوشل میڈیا پر بےحد پسند کیا جا رہا ہے اور لوگ اس چھوٹے سے بچے کی اس بات پر بےحد محفوظ ہو رہے ہیں جبکہ شایان کی اس جذباتی باتوں والی ویڈیو نے کئی لاکھ پاکستانیوں کو رلا دیا ہے
ویڈیو میں والدہ کے مارنے پر شایان اپنے والد کو شکایت کی دھمکی لگانے کے ساتھ ساتھ کہتا ہے کہ میں اور کام خراب کروں گا اور مارنا مجھے آپ اور ساتھ ہی کہتا ہے کہ اللہ نے آپ کو بچوں کو مارنے کے لئے نہیں بلکہ پیار کرنے کے لئے پیدا کیا ہے اللہ تعالی مارنے والی مما نہیں بناتےشایان نے کہا آپ میرے ساتھ پیار نہیں کرتیں اگر پیار کرتیں تو ایسے مارتیں نہ پاپا پیار کرتے ہیں
شایان کی اس بات پر ان کی مما نے سوری کی اور پوچھا کہ کیا وہ دوسری مما لائیں گے جس پر شایان کہتے نظر آرہے ہیں وہ دوسری مما لے کر آئیں گے آپ نے مجھے بہت زور سے مارا ہے اور وہ پاپا کو شکایت لگائیں گے
دو دن قبل ٹک ٹاک سے مشہور ہونے اور شہرت حاصل کرنے والے پاکستان کے کم عمر ترین جوڑے اسد اور نمرہ کی شادی کی تصاویر اور ویڈیوز سوشل میڈیا پروائرل ہو رہی ہیں اور پورے پاکستان کی توجہ ان پر ہے سب لوگ حیران ہو رہے ہیں اس عمر میں جہاں لوگ اپنا فیوچر پلان کر رہے ہوتے ہیں ان لوگوں نے اپنی شادی کو پلان کیا اور لوگ طرح طرح کے کمنٹس کر رہے ہیں
باغی ٹی وی کی رپورٹ کے مطابق پاکستان کے کم عمر ترین جوڑے اسد اور نمرہ کی ٹک ٹاک میں ویڈیو دیکھتے ہی دیکھتے وائرل ہو گئی جس کے بعد سے سوشل میڈیا پر ان کی شادی پر چہ میگوئیاں جاری ہیں کوئی ان کی جلدی شادی پر تنقید کر رہا ہے تو کوئی تعریف اور دعاؤں اور نیک تمناؤں کا اظہار کر رہا ہے
گذشتہ روز نجی چینل کو دیئے گئے انٹر ویو میں پاکستان کی کم عمر جوڑی نے اپنی شادی کے حوالے سے بات چیت کی اور جلدی شادی ہونے کے پیچھے کی وجہ بتائی اور بتایا کہ کس طرح ان کی محبت کی داستان شروع ہوئی اور انہوں نے شادی کی
لاہور کے 18 سالہ اسد نے اپنی شادی کے بارے میں بتایا کہ دراصل ان کی پسند کی شادی ہے وہ پچھلے سال مسقط سے اپنی بڑی بہن کی شادی ہر آئے تھے تو وہاں پر انہوں نے اپنی بیوی نمرہ کو دیکھا تو جب کشمیر گئے بارات کے ساتھ تو وہاں اسد نے نمرہ کو دیکھا اور پرپوز کیا پوچھا کہ کیا وہ میرے ساتھ ریلیشن رکھنا چاہتی ہیں تو نمرہ نےہاں میں جوب دیا
اسد کے مطابق ان کا بھی اتنی جلدی شادی کا پلان نہیں تھا وہ مسقط واپس چلے گئے تو کافی لمبا وقفہ آ گیا ریلیشن میں تو وہاں انہوں نے اپنے پیرنٹس سے بات کی کہ نمرہ انہیں پسند ہے وہ نمرہ سے شادی کرنا چاہتے ہیں
شادی کے لئے والدین کے رد عمل کے بارے میں بات کرتے ہوئے اسد نے بتایا کہ ان کی والدہ نے کہا کہ اتنی جلدی شادی نہیں کرنی پہلے پڑھائی مکمل کرو اپنی لیکن ان کے والد نے انہیں سپورٹ کیا اور کہا کہ اگر پھر کرنی ہے تو ابھی ہی شادی کرو اس پر پھر ان کی والدہ بھی مان گئیں
اسد نے مستقبل کے متعلق بات کرتے ہوئے بتایا کہ وہ اے لیول کر رہے ہیں وہ اور نمرہ مسقط جا کر اپنی پڑھائی مکمل کریں گے اور پھر سوچیں گے مستقبل میں کیا کرنا ہے جو بھی کریں گے ساتھ ہی کریں گے اور اپنے مشاغل کے بارے میں بات کرتے ہوئے بتایا کہ انہیں فٹبال کھیلنا پسند ہے اور ان کی خواہش ہے کہ وہ دونوں ورلڈ ٹور کریں
اسد اور نمرہ نے پوچھے گئے سوال کا جواب دیتے ہوئے بتایا کہ ان دونوں کو ایک دوسرے کی کوئی بات بری نہیں لگتی وہ دونوں اچھے دوست ہیں اور دوستوں کی طرح رہتے ہیں ہر بات ایک دوسرے سے شئیر کرتے ہیں اسد کے مطابق لوگوں نے انہیں پہلے بہت زیادہ نیگٹیو کمنٹس دیئے نمرہ پریشان ہو گئی تھی لیکن اسد نے کہا انہوں نے کوئی پرواہ نہیں کی انہوں نے کہا لوگ جو کہتے ہیں کہتے رہیں انہیں کوئی پرواہ نہیں انہیں جو چاہیئے تھا مل گیا
رشتے داروں اور دوستوں کے بارے میں سوال پر اسد نے بتایا کہ دوستوں نے کافی منع کیا تھا جلدی شادی کرنے پر کافی سمجھایا تھا اور تمام دوست اور رشتے دار حیران ہو گئے تھے جلدی شادی کے فیصلے پر اور اسد نے بتایا کہ مسقط سے تمام دوستوں نے شادی میں شرکت
کی جبکہ نمرہ نے اس سوال پر بتایا کہ ان کی زیادہ دوستیں نہیں ہیں بس ایک دو ہیں اور باقی کزنز ہیں وہ سب شاکڈ تھیں کیونکہ انہیں ہمارے ریلیشن کے بارے میں پتہ نہیں تھا جب شادی کا سنا تو سب نے حیرانی کا مظاہرہ کیا اور سب خوش بھی تھے
دوسری جانب نمرہ نے جلدی شادی کے سوال پر بتایا کہ انہوں نے کبھی سو چا نہیں تھا کہ اتنی جلدی شادی ہو جائے گی نمرہ نے کہا وہ کہتیں تھیں انہوں نے شادی کرنی ہی نہیں یا اگر کی بھی تو پچیس یا تیس سال کی عمر میں کریں گی لیکن جلدی شادی ہو گئی نمرہ نے کہا ا س سے پہلے کہ میں گھر والوں سے اسد سے متعلق بات کرتی انہوں نے پہلے گھر میں رشتہ بھجوا دیا تھا
نمرہ نے کہا کہ انہوں نے اسد کو کافی منع کیا تھا جلدی شادی کا لیکن اسد نے کہا ان کے والد کہہ رہے ہیں شادی کرنی ہے تو ابھی کرو اگر دیر سے کرنی ہے تو پھر کسی دوسری اور اپنی پسند کی لڑکی سے اس کی شادی کریں گے پھر اس بات پر وہ شادی کے لئے مان گئیں
نمرہ کے والدین کے ری ایکشن کے بارے میں نمرہ نے بتایا کہ انہوں نےکوئی خاص رد عمل نہیں دیا کیونکہ وہ اسد اور ان کے والدین کو پہلے سے جانتے تھے
اپنی شادی پر اسد نے تمام لوگوں کو پیغام دیتے ہوئے کہا کہ اگر وہ ریلیشن میں ہیں تو اپنے والدین کو بتائیں ان کے والدین کچھ نہیں گے سپورٹ کریں گے کیونکہ ہر والدین اپنی اولاد کو خوش دیکھنا چاہتا ہے جس طرح میرے والدین خاص طور پر والد نے سپورٹ کیا اس طرح سب کے والدین سپورٹ کریں گے اور سب سے بڑی بات اس طرح سے آپ کئی گناہوں سے بچ جائیں گے
نجی چینل کے میزبان نے اسد کی والدہ سے بھی گفتگو کی اور ان سے پوچھا کہ جب اسد نے ان سے بات کی تو ان کا ری ایکش کیا تھا تو ان کی والدہ نے کہا ہم نے اسد سے پوچھا تھا کہ شادی میں کوئی لڑکی پسند آئی تو اس نے نمرہ کا نام لیا کہ وہ بہت اچھی لڑکی ہے اسد کی والدہ نے بتایا کہ اسد کے بابا نے کہا کہ ابھی چلتے ہیں بات کرنے لیکن وہ نہیں مانیں انہوں نے کہا پہلے ایک مرتبہ واپس مسقط جاتے ہیں پھر کچھ عرصہ بعد آئیں گے بات کرنے
اس کی والدہ نے مزید بتایا کہ جب ہم واپس چلے گئے تو اسد نے شادی کی بات کی جس پر ہم شاکڈ رہ گئے تھے ہم نے کہا تھا کہ پہلے اپنی پڑھائی مکمل کر لو دو چار سال بعد شادی کریں گے تمہاری تو اس نے کہا نہیں ابھی کرنی ہے پڑھائی بعد میں مکمل کر لیں گے
اسد کی والدہ نے مزید بتایا کہ اسد کے بابا مان گئے تھے انہوں نے کہا جب شادی کرنی ہی ہے تو ابھی کر لوانہوں نے بتایا پھر انہوں نے نمرہ کی والدہ کو فون کیا بات کی تو انہں نے کہا جب پاکستان آؤ گے تو بات کریں گے پھر وہ فوراً پاکستان گئے بات کی اور منگنی کی اور جلد ہی شادی بھی کر دی
اسد کی والدہ نے بتایا کہ اس کی جلدی شادی اس کی دادی کی وجہ سے کی ہے انہوں نے کہا تھا پتہ نہیں میں اسد کی شادی دیکھ پاؤں گی یا نہیں اس پر اس کے بابا نے اس کی شادی جلدی کرنے کا سوچ رکھا تھا
جبکہ دلچسپ بات یہ ہے کہ اسد کی والدی کی شادی بھی 18 سال کی عمر میں ہوئی تھی جبکہ اس کے والد کی عمر 21 سال تھی اور اسد کے والد کی پسند کی شادی تھی
پاکستان سمیت دنیا بھر میں مقیم پاکستانی جہاں آج کشمیریوں کے ساتھ بھرپور اظہار یکجہتی کے لیے یوم یکجہتی کشمیر منارہے ہیں وہیں اس موقع پر فنکاروں نے بھی مظلوم کشمیریوں کے ساتھ اظہاریکجہتی کیا ہے
باغی ٹی وی کی رپورٹ کے مطابق پاکستان سمیت دنیا بھر میں مقیم پاکستانیوں کے ساتھ ساتھ پاکستانی فنکاروں نے بھی سوشل میڈیا پر اپنے پیغامات کے ذریعے کشمیریوں کے ساتھ اظہار یکجہتی کیا ہے
معروف اداکارہ ماہرہ خان نے سوشل میدیا ویب سائٹ ٹویٹر پر کشمیریوں سے یکجہتی کا اظہار کیا اوران کے حق میں آواز بلند کرتے ہوئے دعا کی
اداکارہ نے لکھا کہ پیارے کشمیریو! آپ کووہ آزادی حاصل ہو جس کی آپ سب کو خواہش ہے آپ سب کو امن حاصل ہو جس کے ہم سب مستحق ہیں آمین انہوں نے ہیش ٹیگ KashmirSolidarityDay بھی استعمال کیا
اداکار یاسر حسین نے بھی سوشل میڈیا ویب سائٹ انسٹا گرام سٹوریکے ذریعےکشمیریوں سے یکجہتی کا اظہار کیا اورتصویر بھارت کشمیریوں پر بھارت کے مظالم اور بربریت کو بے نقاب کرتی ہے
واضح رہے کہ گذ شتہ 183 دنوں سے مقبوضہ وادی بد ترین تشدد اور پر آشوب حالات سے دوچار ہے اور کشمیری اپنے گھروں اپنی ریاست اور اپنی ہی وادی جنت میں ایک قیدی کی زندگی گزارنے پر مجبور ہیں مودی سرکار نے 80 لاکھ نہتے کشمیریوں کو محصور کررکھا ہے مظلوم کشمیری بھارتی ظلم اور بربریت کی چکی میں مسلسل پس رہے ہیں
پاکستان شوبز کی معروف جوڑی اقرا عزیز حسین اور یاسر حسین تصویریں ویڈیو وغیرہ اپنی مداحوں کے لئے پوسٹ کرتے رہتے ہیں اورمداح بھی اپنی پسندیدہ جوڑی کی نوک جھونک سے خوب محفوظ ہرتے ہیں اور اب اقراء عزیز حسین نے یاسر حسین کی بیوی بننے کی قیمت سے متعلق انکشاف کیا ہے
اداکارہ اقراء عزیز حسین نے گزشتہ روز سماجی رابطے کی ویب سائٹ انسٹاگرام پر اپنی ایک تصویر شیئر کی جس میں انہوں نے نقلی مونچھیں لگائی ہوئی ہیں
https://www.instagram.com/p/B8IzEDdHmJU/?igshid=16b0fwc37uljo
اقراء عزیز نے اپنی تصویر کے کیپشن میں اپنے شوہر یاسر حسین کو مخاطب کرتے ہوئے مزاحیہ انداز میں لکھا کہ یہ ہے یاسر حسین کی بیوی بننے کی قیمت
اداکارہ نے لکھا کہ مجھے یاسر کی ان شرارتوں سے پیار ہے جو وہ اچانک میرے ساتھ کرتے ہیں انہوں نے اپنی پوسٹ کے کیپشن میں ہیش ٹیگ استعمال کرتے ہوئے موچھڑ بھی لکھا
ادکارہ اقرا عزیز نے آج انسٹا گرام پر ہی اپنی خوبصورت سیلفیز شئیر کیں جس پر یاسر حسین نے مزاحیہ انداز میں اداکارہ کو مذاق کرتے ہوئے مشہور معروف کارٹون ڈونلڈ ڈک سے قرار دیتے ہوئے لکھا ارے ڈونلڈ ڈک کیا یہ تم ہو ?
https://www.instagram.com/p/B8LejlWH89R/?igshid=1mko05d07ssda
ڈونلڈ ڈک
اقرا عزیز حسین نے جوابی کمنٹ کرتے ہوئے یاسر حسین کو ایک مشہور کارٹون کردار بگز بنی قرار دیتے ہوئے لکھا جی ہاں! بگز بنی
بگز بنی
جبکہ دوسری جانب یاسر حسین نے اپنے انسٹاگرام پر ایک تصویر شیئر کی جو حرم شریف کی ہے اور اس تصویر میں ایک کاغذ کی پرچی پر یاسر اور اقراء حسین لکھا ہوا ہے اس تصویر میں اداکارہ انوشے اشرف ہیں جو عمرہ کی سعادت حاصل کرنے کے لیے سعودی عرب گئی ہوئی ہیں اور وہاں انہوں نے اقرا عزیز یاسر اور یاسر حسین کے لیے دعا کی ہے
https://www.instagram.com/p/B8LLtUEj6eo/?igshid=5tmtfwk9j1rm
یاسر حسین نے اس پوسٹ کے کیپشن میں انوشے اشرف کا شکریہ ادا کرتے ہوئے لکھاکہ سبحان اللہ آپ کی دعا کا شکریہ اللہ آپ کو خوش رکھے آمین
پاکستان سمیت دنیا بھر میں مقیم پاکستانی جہاں آج کشمیریوں کے ساتھ بھرپور اظہار یکجہتی کے لیے یوم یکجہتی کشمیر منارہے ہیں وہیں اس موقع پر فنکاروں نے بھی مظلوم کشمیریوں کے ساتھ اظہاریکجہتی کیا ہے
باغی ٹی وی کی رپورٹ کے مطابق پاکستان سمیت دنیا بھر میں مقیم پاکستانیوں کے ساتھ ساتھ پاکستانی فنکاروں نے بھی سوشل میڈیا پر اپنے پیغامات کے کشمیریوں کے ساتھ اظہار یکجہتی کیا ہے
معروف اداکار فیصل قریشی نے سماجی رابطے کی ویب سائٹ پر کشمیریوں سے اظہار یکجہتی کے لیے ایک ویڈیو شیئر کی اور لکھا عنوان : کشمیر، میں کشمیر ہوں کوئی میری صدا سن لے آزاد ہم کو ہم سے ہی کرلے ، نہ بتانا نہ توڑنا بس چین سکھ دیدے آزاد ہم کو ہم سے ہی کرلے
اداکارہ ومیزبان ڈاکٹر شائستہ لودھی نے انسٹاگرام پر کشمیریوں سے اظہار یکجہتی کرتے ہوئے کہا اصل جرم وہ ہے جہاں ہمیں بولنا چاہیے ہم وہاں خاموش ہوجاتے ہیں بین الاقوامی برادری کو کشمیریوں کے بنیادی حقوق اور کشمیر میں بھارتی ظلم و بربریت پر آوازاٹھانی چاہیے اس کے علاوہ اقوام متحدہ کو بھی اس مسئلے پر نوٹس لینا چاہیئے
اور ساتھ ہیں شائستہ لودھی نے کشمیر پر اظہار یکجہتی کرتے ہوئے انسٹا گرام پرکشمیر پر ایک نظم کی سٹوری بھی شیئر کی
جبکہ اداکارہ و سماجی کارکن حنا خواجہ بیات نے بھی اظہار یکجہتی کے طور پرتصاویر انسٹا گرام سٹوری پر شئیر کیں جس میں ندا یاسر اقرارالحسن کے ساتھ کشمیر ڈے شو میں شریک ہیں اور انہوں نے تصویر شئیر کرتے ہوئے لکھا ہم کشمیر کے ساتھ ہیں
رابی پیرزادہ نے ٹویٹر پرکشمیریوں کے ساتھ اظہار یکجہتی کرتے ہوئے تمام لوگوں سے کشمیریوں کے لیے دعا کرنے کی درخواست کی اور اپنی ہی گذشتہ سال 30 اگست پر پوسٹ کی ہوئی ویڈیو شئیر کی
ایک اور پوسٹ میں رابی ہیر زادہ نے کشمیریوں کے حق میں ویڈیو شئیر کی اور ٹویٹ کیا کہ کاش ہم اس درد کو محسوس کر سکیں جس سے مقبوضہ کشمیر گزر رہا ہے مگر افسوس جیسے جیسے وقت گزر رہا ہے کشمیریوں کی تکلیفیں بڑھ رہی ہیں اور ہماری کاوشیں کم ہو رہی ہیں مگر کشمیر کی بیٹی نہ بھولی ہے نہ بھولنے دےگی
اداکارہ ماہرہ خان نے بھی ٹوئٹر پر کشمیریوں کے حق میں آواز بلند کرتے ہوئے کہا اس یوم کشمیر پر بدقسمت تنازع کے نتیجے میں کھونے والی ہر جان اور ہر زندگی کو یاد کررہے ہیں
اداکارہ سجل علی نے بھی کشمیریوں کے اظہار یکجہتی کے لئے انسٹا گرام پر پاکستان کے نقشے پر کشمیر کو پاکستان کا حصہ ظاہر کرتے ہوئے کشمیر لکھ کر سٹوری شئیر کی
حمزہ علی عباسی نے بھی یوم کشمیر کے موقع پر ٹویٹر پر کشمیر کےحالات پر دکھ کا اظہار کرتے ہوئے ٹویٹ کیا کہ میں آپ کے لئے آواز ہی اٹھا سکتا ہوں اور لکھا کہ اللہ مجھے اس دن کودیکھنے کی توفیق دے جب میرے کشمیری بہنوب اور بھائیوں کئ خواہشات کے مطابق کشمیر کی تقدیر کا تعین ہو ٹویٹ کے آخر میں حمزی نےکشمیریوں کو مخاطب کرتے ہوئے لکھا کہ آپ کے صبر کو سلام اور آپ کے حوصلے کو سلام
