Author: Ayesha Rehmani

وزیراعظم کے مشیر برائے سیاسی امور رانا ثنا اللہ نے کہا ہے کہ فیز تھری کے انتخابات مکمل ہونے کے بعد حکومت سازی کا عمل شروع ہوگا اور عوام کے مینڈیٹ سے بننے والی حکومت آزاد کشمیر کے مسائل حل کرے گی۔

وفاقی وزیر انجینئر امیر مقام کے ہمراہ اسلام آباد میں پریس کانفرنس کرتے ہوئے رانا ثنا اللہ نے کہا کہ آزاد کشمیر اور وفاقی حکومت نے دھرنا دینے والوں کو مناسب وقت دیا، تاہم ان کا بنیادی مقصد عوام کو حقِ رائے دہی سے روکنا تھا جو پورا نہیں ہوسکا، آزاد کشمیر کے عوام اپنا مینڈیٹ منتخب نمائندوں کو دے چکے ہیں، فیز تھری کے انتخابات مکمل ہونے کے بعد حکومت سازی کا عمل شروع ہوگا اور عوام کے مینڈیٹ سے بننے والی حکومت آزاد کشمیر کے مسائل حل کرے گی۔

رانا ثنااللہ نے احتجاج کرنے والوں سے مطالبہ کیا کہ وہ احتجاج ختم کردیں خالی نشستوں پر ضمنی انتخابات کے ذریعے نمائندے اسمبلی میں آسکتے ہیں اور منتخب حکومت جائز مطالبات اور دستیاب وسائل کے مطابق اقدامات کرے گی،انہوں نے خبردار کیا کہ ہتھیار اٹھانے، عوام کو ورغلانے اور قانون ہاتھ میں لینے والے عناصر کے خلاف قانونی کارروائی ہوگی، آزاد کشمیر کو نقصان پہنچانے یا سبوتاژ کرنے کی کوشش برداشت نہیں کی جائے گی اور قانون کی خلاف ورزی کرنے والوں کو اپنے اقدامات کا حساب دینا ہوگا۔

رانا ثنا اللہ نے کہا ہے کہ آزاد کشمیر کے انتخابات کے دوران بعض مقامات پر پولنگ کا عمل متاثر کرنے اور ووٹرز سے شناختی کارڈ وغیرہ چھیننے کی کوشش کی گئی، جس پر کیو آر ایف کے جوانوں نے فوری کارروائی کرتے ہوئے صورتحال کو قابو میں کرلیاحلقہ نیلی کے 3 پولنگ اسٹیشنز پر پولنگ روکنے کی کوشش کی گئی، تاہم پیپلز پارٹی کے امیدوار ضیاالقمر کے کارکنوں نے مزاحمت کرتے ہوئے صورتحال سنبھال لی، حلقہ دیرپورٹ کے گاڑھا کوٹ میں ایک اہم پولنگ اسٹیشن پر فائرنگ کا واقعہ بھی پیش آیا، معمولی نوعیت کے چند واقعات کے علاوہ کوئی بڑا ناخوشگوار واقعہ پیش نہیں آیا اور مجموعی طور پر انتخابی عمل جاری رہا۔

وزیراعظم محمد شہباز شریف نے جولائی 2026 میں سمندر پار پاکستانیوں کی جانب سے 3.6 ارب ڈالر کی ترسیلات زر پاکستان بھیجے جانے کا خیر مقدم کیا ہے۔

وزیراعظم نے کہا کہ جولائی 2026 میں سمندر پار پاکستانیوں کی ترسیلات زر میں سالانہ بنیادوں پر 13 فیصد اضافہ انتہائی خوش آئند ہے، جبکہ ماہانہ بنیادوں پر بھی ترسیلات زر میں 4.5 فیصد اضافہ ریکارڈ کیا گیا،سمندر پار پاکستانی ملکی معیشت کے استحکام اور ترقی میں مسلسل مثبت کردار ادا کر رہے ہیں، جو قابلِ تحسین ہے، سمندر پار پاکستانی پاکستان کے قومی معاشی دھارے کا نہایت قیمتی حصہ ہیں اور ان کی جانب سے بھیجی جانے والی ترسیلات ملکی معیشت کے لیے اہم معاونت فراہم کرتی ہیں۔

پاکستانیوں نے مجموعی طور پر 3 ارب 63 کروڑ 10 لاکھ ڈالر پاکستان بھیجے۔ جون 2026 میں ترسیلاتِ زر کا حجم 3 ارب 47 کروڑ 50 لاکھ ڈالر تھا، جس کے مقابلے میں جولائی میں تقریباً 5 فیصد اضافہ ہوا۔

واضح،رہےکہ،بیرونِ ملک مقیم پاکستانیوں کی جانب سے جولائی 2026 میں پاکستان بھیجی جانے والی ترسیلاتِ زر میں ماہانہ اور سالانہ بنیادوں پر نمایاں اضافہ ریکارڈ کیا گیا ہے۔

اسٹیٹ بینک آف پاکستان کے جاری کردہ اعداد و شمار کے مطابق جولائی میں سمندر پار پاکستانیوں نے مجموعی طور پر 3 ارب 63 کروڑ 10 لاکھ ڈالر پاکستان بھیجے۔ جون 2026 میں ترسیلاتِ زر کا حجم 3 ارب 47 کروڑ 50 لاکھ ڈالر تھا، جس کے مقابلے میں جولائی میں تقریباً 5 فیصد اضافہ ہوا۔

اعداد و شمار کے مطابق جولائی 2025 میں پاکستان کو 3 ارب 21 کروڑ 50 لاکھ ڈالر کی ترسیلاتِ زر موصول ہوئی تھیں۔ اس طرح گزشتہ سال کے اسی مہینے کے مقابلے میں جولائی 2026 کی ترسیلاتِ زر میں تقریباً 13 فیصد اضافہ ریکارڈ کیا گیا۔

جولائی میں سعودی عرب پاکستانی ترسیلاتِ زر کا سب سے بڑا ذریعہ رہا، جہاں مقیم پاکستانیوں نے 91 کروڑ 40 لاکھ ڈالر وطن بھیجے۔ سعودی عرب سے آنے والی رقوم میں ماہانہ بنیادوں پر تقریباً 10 فیصد جبکہ سالانہ بنیادوں پر 11 فیصد اضافہ ہوا۔

اسٹیٹ بینک کے مطابق متحدہ عرب امارات سے 73 کروڑ 70 لاکھ ڈالر، برطانیہ سے 55 کروڑ 50 لاکھ ڈالر اور امریکا سے 31 کروڑ 70 لاکھ ڈالر پاکستان منتقل ہوئےیورپی یونین کے ممالک سے بھی جولائی کے دوران مجموعی طور پر 46 کروڑ 20 لاکھ ڈالر کی ترسیلاتِ زر موصول ہوئیں۔

وزیراعظم محمد شہباز شریف نے ملائیشیا کے وزیراعظم انور ابراہیم کے طبی عمل سے گزرنے پر ان کی جلد اور مکمل صحتیابی کے لیے نیک خواہشات کا اظہار کیا ہے۔

سماجی رابطے کی ویب سائٹ ایکس پر اپنے پیغام میں وزیراعظم شہباز شریف نے کہا کہ پاکستانی عوام بھی ملائیشین وزیراعظم کی اچھی صحت اور تندرستی کے لیے دعاگو ہیں،انہوں نے دعا کی کہ اللہ تعالیٰ انور ابراہیم کو جلد صحتیابی عطا فرمائے اور انہیں دوبارہ اپنی ذمہ داریاں سنبھالنے کی توفیق دے۔

واضح-رہےکہ،ملائیشیا کے وزیراعظم انور ابراہیم اپنی 79ویں سالگرہ کے موقع پر ڈاکٹروں کے مشورے سے طبی معائنے اور مخصوص طبی عمل (میڈیکل پروسیجر) سے گزر رہے ہیں وہ دو دن تک طبی نگرانی میں رہیں گے،ماضی میں انہیں کندھے اور کمر کے مسائل رہے ہیں،سرکاری بیان کے مطابق وہ جلد اپنے روزمرہ کے سرکاری امور پر واپس آجائیں گے۔

وزیر دفاع خواجہ آصف نے میر رضا کیس میں حکومت سندھ پر تنقید کرتے ہوئے کہا جس طرح کے نتائج سامنے آ رہے ہیں اس سے ثابت ہو رہا ہے کہ پورا سسٹم کمپرومائزڈ تھا۔

سوشل میڈیاسائٹ ایکس پرخواجہ آصف نے لکھا کہ آپ جس طرح اس کیس پر فوکس کر رہے ہیں اس کے نتائج اور حقائق سامنے آرہے ہیں پورا سسٹم کمپرومائزڈ تھا، اب بھی پہرہ دینا ہوگا ورنہ جس طرح پہلے مک مکا ہوا تھا دوبارہ بھی ہو سکتا ہے، جن لوگوں نے معاملے کو چھپانے کی کوشش کی ان کو بھی بے نقاب ہونا ہوگا۔

دوسری جانب حکومت سندھ نے میر رضا قتل کیس کی تحقیقات کے لیے جوڈیشل کمیشن بنانے کا فیصلہ کیا ہے۔ اس حوالے سے وزیر داخلہ سندھ ضیا لنجار کا کہنا تھا حکومت چاہتی ہے کہ میر رضا کی فیملی کو انصاف ملے، معاملے کی تحقیقات کے لیے نئی کمیٹی بھی تشکیل دیدی ہے اور متضاد رپورٹس کےمعاملےکافیصلہ کمیشن یا عدالت پر چھوڑیں گے۔

واضح رہے کہ میر رضا 28 جولائی کو فیروز آباد سے لاپتہ ہوئے تھے اور ان کی لاش انتیس جولائی کو گلستانِ جوہر سے ملی تھی پولیس نے شروع میں اسے خودکشی کا رنگ دینے کی کوشش کی، لیکن مقتول کے والد میر حسین اور ان کے وکیل جبران ناصر نے موجودہ تفتیشی ٹیم پر عدم اعتماد کا اظہار کرتے ہوئے اسے قتل قرار دیا۔

عدالت کے حکم پر قبر کشائی کے بعد جب آٹھ رکنی میڈیکل بورڈ نے دوسری پوسٹ مارٹم رپورٹ تیار کی، تو اس میں تصدیق ہوئی کہ میر رضا کے جسم پر تشدد کے متعدد نشانات تھے، ان کی پسلیاں، دانت اور کھوپڑی ٹوٹی ہوئی تھی اور گولی پیچھے کی جانب سے لگی تھی۔ اس رپورٹ کے بعد پولیس نے مقدمے میں اغوا کی دفعہ کے ساتھ قتل کی دفعہ 302 بھی شامل کر لی ہے۔

تفتیشی ٹیم اب میر رضا کے موبائل فون کا ریکارڈ بھی چیک کر رہی ہے، جس کے مطابق انہوں نے موت سے قبل علی اور اپنے دوست عبداللہ سے فون پر بات کی تھی اور ان کے فون پر آخری آٹھ پیغامات بھی موصول ہوئے تھے جن کا جواب نہیں دیا گیا تھا۔