شنگھائی تعاون تنظیم کے این ایس ایز اجلاس میں بھارت کی جانب سے اٹھائے جانے والے بلاجواز اعتراض پر وزیر خارجہ مخدوم شاہ محمود قریشی کا اہم بیان۔ شنگھائی تعاون تنظیم کی وزرائے خارجہ کونسل کا اجلاس کچھ دن قبل ماسکو میں ہوا جس میں مجھے بھی شرکت کا موقع ملا۔ شنگھائی تعاون تنظیم میں یہ اصول طے ہے کہ اس فورم پر دو طرفہ معاملات کو نہیں اٹھایا جا سکتا۔ دو طرفہ معاملات کیلئے سائیڈ لائن ملاقاتیں طے ہوتی ہیں۔ ہم نے ایس سی او کے قواعد کی پاسداری کی۔ بھارت نے اس قاعدے کی خلاف ورزی کی اور دو طرفہ معاملے پر اعتراض اٹھایا۔ کل شنگھائی تعاون تنظیم کے این ایس ایز کا اجلاس تھا جس میں بھارت نے پاکستان کے نقشے پر اعتراض اٹھایا جسے مسترد کر دیا گیا چنانچہ اسے ندامت اٹھانا پڑی۔ مقبوضہ کشمیر عالمی سطح پر تسلیم شدہ متنازعہ علاقہ ہے،اقوام متحدہ کی اس ضمن میں قراردادیں موجودہیں۔ روس نے اجلاس کے میزبان کی حیثیت سے بھی بھارت کے نقطہ نظرکو تسليم نہيں کيا۔ بھارت کے سیکورٹی ايڈوائزر نے اجلاس سے واک آؤٹ کي دھمکی دی اور پھر واک آؤٹ کیا۔ بھارت اپنے رويے سے ہر فورم پر اپنی ساکھ کھو رہا ہے۔ لداخ کے حوالے سے چین نے بھارت کو بارہا گفتگو کے ذریعے معاملات کو سلجھانے کی پیشکش کی۔ لیکن بھارت نے وہاں بھی جارحیت کا راستہ اختیار کیا اور بھر اسے سبکی کا سامنا کرنا پڑا۔ بھارت کی جارحانہ حکمت عملی کو چين نے تسليم نہيں کيا۔ چين نے بھارت کو جارحيت پر جواب دیا
Author: Khalid Mehmood Khalid
-
بھارت نے پاکستان کے نقشے پر اعتراض کرکے ماحول خراب کرنے کی کوشش کی۔ترجمان دفتر خارجہ
ترجمان دفتر خارجہ زاہدحفیظ کا بھارتی وزارت خارجہ امور کے بیان پر ردعمل
پاکستان، شنگھاٸی تعاون تنظیم کو علاقاٸی تعاون کے لئے اہم پلیٹ فارم سمجھتے ہوئے اس کے ساتھ وابستہ ہے۔ ہم شنگھاٸ تعاون تنظیم کے چارٹر کے تحت تعمیری اور مثبت کردار ادا کر رہے ہیں۔ ترجمان دفتر خارجہ نے کہا کہ ہم اپنے کسی ملک کے ساتھ دوطرفہ تعلقات کو شنگھاٸ تعاون تنظیم پر اثر انداز نہیں ہونے دیں گے۔ انہوں نے کہا کہ آج شنگھاٸی تعاون تنظیم کے این ایس ایز کے اجلاس میں بھارت نے پاکستان کے نقشے پر اعتراض کرکے ماحول خراب کرنے کی کوشش کی۔نقشہ اقوام متحدہ کی سلامتی کونسل کی قرار دادوں کے مطابق پاکستان کے عزم کا اعادہ کرتاہے۔ ترجمان دفترخارجہ نے کہا کہ ہم اس معاملے میں بھارت کے بے بنیاد الزامات مسترد کرتے ہیں -
جودھ پورمیں11پاکستانیوں کا قتل: پاکستان ہندو کونسل کاانڈین ہائی کمیشن کے باہر احتجاجی دھرنا دینے کا اعلان
جودھ پور انڈیا میں گیارہ پاکستانی ہندو تارکین وطن کی پراسرار موت، ڈاکٹر رمیش کمار وانکوانی نے ویڈیو پیغام جاری کردیا۔ رکن قومی اسمبلی اورپاکستان ہندو کونسل کے سرپرست اعلیٰ ڈاکٹر رمیش کمار نے ایک ویڈیو بیان میں پاکستانی ہندو گھرانے کی موت کو افسوسناک سانحہ قرار دیا۔ انہوں نے کہا کہ پاکستانی ہندو شرنارتھیوں کا خون رائیگاں نہیں جانے دیں گے۔ انہوں نے کہا کہ انہوں نے فارن آفس سے بھارتی حکومت پر دباؤ بڑھانے کی درخواست کی ہے۔ ڈاکٹر رمیش کمارنے مطالبہ کیا کہ بھارتی حکومت تحقیقاتی رپورٹ پاکستان سے فوری طور پر شیئر کرے۔ انہوں نے پاکستان ہندو کونسل کی طرف سے بھارتی حکومت کو پانچ دن کا الٹی میٹم دیتے ہوئے کہا کہ پاکستان ہندو کونسل ڈپلومیٹک انکلیو میں انڈین ہائی کمیشن کے باہر احتجاجی دھرنا دے گی۔ انہوں نے کہا کہ پاکستانی خاندان کا ایسے مارا جانا بہت بڑا سوالیہ نشان ہے۔ پاکستانی ہائی کمیشن کو پوسٹ مارٹم اور ایف آئی آر کی کاپی فراہم نہیں کی گئی جب کہ پاکستانی ہائی کمیشن کو رسائی نہ دینا شکوک وشبہات کو جنم دیتا ہے۔ پاکستان ہندو کونسل نے افسوس ناک سانحہ کے فوراً بعد مظلوم گھرانے کیلئے آوازبلند کی۔ایک ماہ گزرگیا لیکن کوئی معلومات شیئرنہیں کی گئیں۔انہوں نے کہاکہ اس افسوس ناک سانحہ کوعالمی سطح پراٹھانے کی ضرورت ہے۔ ڈاکٹر رمیش کمارنے واضح کیا کہ مظلوم ہندو کمیونٹی کیلئے آواز اٹھانا پاکستان ہندو کونسل کا فریضہ ہے۔ بھارتی حکومت اپنی سرزمین پر موجود تمام پاکستانی شہریوں کا تحفظ یقینی بنایا جائے۔
-
بھارت امریکہ 17 ویں انسدادِ دہشت گردی مشترکہ ورکنگ گروپ کے اعلامیے پر پاکستان کا ردعمل
پاکستان، بھارت- امریکہ مشترکہ ورکنگ گروپ برائے انسداد دہشت گردی کے 17 ویں اجلاس کے مشترکہ اعلامیے میں پاکستان کے بلاجواز حوالے کو سختی سے مسترد کرتا ہے۔ ترجمان وزارت خارجہ کی طرف سے جاری کردہ اعلامیہ میں کہا گیا ہے کہ پاکستان نے اس حوالے سے اپنے تحفظات امریکی متعلقہ حکام تک پہنچا دیے ہیں۔ترجمان نے کہا کہ ضرورت اس بات کی ہے کہ تمام شریک ممالک جنوبی ایشیائی خطے کے امن و امان سے جڑے مسائل کا تذکرہ، زمینی حقائق کو پیش نظر رکھتے ہوئے کریں اور یک طرفہ اور حقائق کے منافی آراء سے احتراز کریں۔ ترجمان نے کہا کہ بین الاقوامی برادری اس حقیقت سے اچھی طرح باخبر ہے کہ پاکستان ہندوستان کی ایما اور معاونت پر مبنی سرحد پار سے ہونیوالی دہشت گردی کا شکار رہا ہے۔ عالمی برادری پاکستان کی دہشت گردی کے خلاف کی جانے والی کاوشوں، قربانیوں اور ان کے نتیجے میں حاصل ہونیوالی کامیابیوں کو بھی تسلیم کرتی ہے۔ ترجمان وزارت خارجہ کا کہنا ہے کہ پاکستان اس امر کا بارہا اظہار کر چکا ہے کہ آر ایس ایس کے ایجنڈے پر گامزن بی جے پی سرکار کا غیر ذمہ دارانہ رویہ، اقلیتوں کے ساتھ ناروا سلوک، مقبوضہ کشمیر میں ریاستی دہشت گردی، اورپاکستان اور خطے کے دیگرممالک کےخلاف بھارت کاجارحانہ سلوک، پورے جنوبی ایشیائی خطے کے امن کو شدید خطرات سے دوچار کر رہا ہے۔ عالمی برادری کو بھارت پر زور دینا چاہیے کہ وہ خطے کے امن و استحکام کے منافی روش اپنانے سے باز رہے۔
-
سابق چیف جسٹس افتخار چوہدری کے داماد مرتضیٰ امجد کی جائیداد قرق کرنے کا حکم
ایڈن ہاؤسنگ سوسائٹی اسکینڈل میں ملوث سابق چیف جسٹس افتخار چوہدری کے داماد مرتضیٰ امجد سمیت دیگر ملزمان کی جائیدادوں کو قرق کرنے کا حکم دے دیا۔
احتساب عدالت لاہور میں ایڈن ہاؤسنگ سوسائٹی اسکینڈل کیس میں بڑی پیش رفت ہوئی ہے۔ جج شیخ سجاد احمد نے کرپشن کیس کی سماعت کی۔ عدالت نے تمام ملزمان کی جائیدادوں کو قرق کرنے کا حکم دیتے ہوئے سماعت آئندہ ماہ تک ملتوی کردی۔
ایڈن ہاؤسنگ مالکان میں ڈاکٹر امجد، مرتضی امجد، مصطفی امجد اور انجم امجد شامل ہیں جو کیس مین مرکزی ملزمان نامزد ہیں۔ نیب ریفرنس کے مطابق ایڈن ہاؤسنگ سوسائٹی میں 11 ہزار افراد سے 25 ارب سے زائد کا فراڈ کیا گیا۔ -
رفاء یونیورسٹی اسلام آباد سیل کر دی گئی
ملک میں تعلیمی ادارے کھلنے سے ایک روز قبل کورونا وائرس کا بڑا وار۔
اسلام آباد میں قائم رفاء یونیورسٹی سیل کر دی گئی۔ ایک ہی دن میں رفاء یونیورسٹی میں سولہ کیسز رپورٹ ہوئے۔ ڈی ایچ او حکام کے مطابق انہیں پتہ چلا تھا کہ ایک طالب علم میں کورونا کی علامات ہیں۔جس کے بعد ٹیسٹ کروائے گئے تو سولہ افراد کی کورونا رپورٹ مثبت آئی۔
-
بھارتی شہری بی ایس ایف انڈیا کے حوالے
پاکستانی حکام نے بغیر دستاویز سرحد عبور کرنے والے بھارتی شہری کو بھارتی بارڈر سیکیورٹی فورسز کے حکام کےحوالے کردیا ہے۔ بھارتی شہری انیل چمارولدبڈھ سنگھ چمار کو واہگہ بارڈرپر بی ایس ایف انڈیا کے حوالے کیا گیا۔ انیل چمار بھارتی ریاست مدھیہ پردیش کی تحصیل ماوگنج کے گاؤں کا رہنے والا ہے اس کا ذہنی توازن درست نہیں تھا۔ انیل چمارکو 11مارچ 2015 کو قصور کے نزدیک پاک بھارت گنڈاسنگھ والا بارڈر کے قریب سے پکڑاگیا تھا۔ اسے دوسال سزا سنائی گئی تھی جو 11 مارچ 2017 کو مکمل ہو گئی، اس کی سزا مکمل ہونے سے ایک روز قبل 10 مارچ 2017 کو اسے بھارتی ہائی کمشنر کے حکام سے ملاقات کا وقت دیا گیالیکن بھارتی ہائی کمیشن کے حکام نے اس کی رہائی کی دستاویز تیار نہیں کیں۔ 28 اکتوبر2019 کو ایک بار پھر بھارتی ہائی کمیشن کے حکام سے اس کی ملاقات کروائی گئی۔ بھارتی حکام کی طرف سے اس کی شہریت کی تصدیق کے بعد اسے بھارتی حکام کے حوالے کیا گیا۔
-
بھارتی ناظم الامور کی دفتر خارجہ طلبی
بھارتی ناظم الامور کو دفتر خارجہ طلب کیا گیا۔ ھارتی شہر جودھ پور کے واقعہ میں ہلاک ہونے والے گیارہ پاکستانی ہندو باشندوں کے حوالے سے پاکستان نے شدید احتجاج کیا اور کہا کہ ہلاک ہونے والے ہندو باشندوں میں بچے بھی شامل تھے۔ واقعہ نو اگست کو لوڈتا ہارید اوست گاٶں ضلع جودھ پور ہندوستان کی ریاست راجھستان میں پیش آیا۔ دفتر خارجہ کے مطابق بار بار دہلی میں موجود پاکستانی ہاٸ کمشنر کی طرف سے معاملہ اٹھانے کے باوجود بھارتی حکومت نے متعلقہ معلومات فراہم نہیں کیں۔ مارے جانے والے خاندان کے سرپرست کی صاحبزادی شریماتی مکھی نے دعویٰ کیا ہے کہ بھارتی خفیہ ایجنسی را ان کے والد ، ماں اور فیملی کے دوسرے افراد کے قتل میں ملوث ہے جب کہ را انھیں پاکستان میں جاسوسی کرنے اور پاکستان کے خلاف بیان دینے میں قاٸل کرنے میں ناکام رہا۔ دفتر خارجہ نے اس بات پر زور دیا کہ انصاف کے حصول کے لیے پاکستانی ہندوٶں کی سیکیورٹی کے حوالے سے ہندوستانی حکومت کو شفافیت کا مظاہرہ کرنا چاہیے تھا۔ بھارت پر زور دیا گیا کہ جودھ پور کے واقعہ پر پاکستانی حکومت کی ذمہ داری تھی کہ تمام معاملات سے باخبر رہے۔ بھارت پریہ بھی زور دیا گیا کہ معاملے کی جامع تحقیقات کی جاٸیں اور نئی دہلی میں پاکستانی ہائی کمشنر کو لواحقین تک رسائی فراہم کی جاۓ۔ اس کے علاوہ ایف آٸی آر کی کاپیز پاکستانی ہاٸی کمیشن کو بھی دی جاٸیں۔
بھارت سے یہ بھی مطالبہ کیا گیا کہ بغیر کسی تاخیر کے پاکستانی ہائی کمشنر کی موجودگی میں پاکستانی نماٸندوں کو پوسٹ مارٹم کے معاملے تک سہولت فراہم کی جاۓ۔ -
بھارتی ہائی کمیشن کی سینئیر سفارتکار کی دفترخارجہ طلبی
بھارتی ہائی کمیشن کی سینئیر سفارتکار کو دفترخارجہ میں طلب کیا گیا۔ پاکستان نے لائن آف کنٹرول پر سیز فائر معاہدے کی خلاف ورزی پر شدید احتجاج کیا۔ دفتر خارجہ کے مطابق بھارتی سفارتکار کو کہا گیاکہ بھارت کی طرف سے 13 ستمبر کو ایل او سی پر جنگ بندی معاہدے کی خلاف ورزی کی گئی جب کہ بھارتی فورسز کی بلااشتعال فائرنگ سے 3 معصوم شہری شدید زخمی ہوئے۔ بھارتی قابض فوج ایل او سی اور ورکنگ باونڈری پر مسلسل بھاری ہتھیاروں سے سول آبادی کو نشانہ بنا رہی ہے۔ رواں برس بھارت 2245 مرتبہ سیز فایر معاہدے کی خلاف ورزی کرچکا ہے۔ ترجمان نے کہا کہ بھارتی اشتعال انگیزیوں سے رواں سال ابتک 18 معصوم شہری شہید جبکہ 180 شہری زخمی ہوئے۔ بھارت کی جانب سے معصوم شہریوں کو جان بوجھ کر نشانہ بنانا قابل مذمت ہے جب کہ بھارت کی جانب سے اشتعال انگیزی 2003 سیز فائر معاہدے کی خلاف ورزی ہے۔ بھارتی سفارتکار کو یہ بھی کہا گیا کہ بھارت کی اشتعال انگزیزی خطے میں امن و سلامتی کے لیے خطرہ ہے۔ بھارت ان حرکتوں سے مقبوضہ کشمیر کی صورتحال سے دنیا کی توجہ نہیں ہٹا سکتا اس کے علاوہ بھارت اقوام متحدہ سلامتی کونسل کی قراردادوں پر عمل درآمد کو یقینی بنائے جب کہ اس کے ساتھ ساتھ بھارت 2003 سیزفائر معاہدے کی پاسداری کو یقینی بنائے اور نہتے شہریوں کو نشانہ بنانا عالمی قوانین، اقدار کے منافی ہے۔ اقوام متحدہ فوجی مبصر مشن کو ایل او سی پر کام کرنے کی اجازت دے۔
-
امام مسجد جمشید اقبال نے 6 سالہ بچی سے مسجد میں زیادتی کر ڈالی
جہلم میں واقع مسجد قائم دین مشین محلہ نمبر 3 میں امام مسجد جمشید اقبال نے 6 سالہ بچی سے مسجد میں زیادتی کر ڈالی۔ امام مسجد بچوں اور بچیوں کو قرآن پاک کی تعلیم دیتا تھا تمام محلے کے بچے اور بچیاں اس کے پاس قرآن پاک حفظ کرنے اور ناظرہ پڑھنے کے لئے جاتے تھے ۔ان کو سبق پڑھانے کے بعد امام مسجد جمشید اقبال نے تمام بچوں اور بچیوں کو چھٹی دے دی اور ایک ننھی بچی جس کی عمر چھ سال ہے اس کو روک لیا اور باقی بچوں کو گھر جانے کا کہا اس کے بعد امام مسجد جمشید اقبال نے مسجد میں بچی سے زیادتی کر ڈالی بچی کی چیخ و پکار سن کر اہل محلہ اکٹھے ہو گئے انہوں نے دیکھا کہ معصوم بچی خون آلودہ ہے بچی کو فوری طور پر ڈسٹرکٹ ہسپتال منتقل کر دیا گیا ہے بچی کی حالت انتہائی تشویش ناک بتائی جارہی ہے۔ اہل محلہ امام مسجد کو پکڑ کر مسجد سے باہر لائے اور اس کی پٹائی شروع کر دی اوراسےمارتے ہوئے تھانہ سول لائن جہلم لے گئے اوراسے پولیس کے حوالے کردیاجب کہ تھانے کے باہر مشتعل محلہ داروں کی بہت بڑی تعداد موجود ہے کسی ناخوشگوار واقعہ سے بچنے کے لئے پولیس کی بھاری نفری بھی موقع پر موجود ہے اہل محلہ نے مطالبہ کیا ہے کہ اس انسان نما شیطان کے خلاف فوری طور پر کارروائی عمل میں لائی جائے۔