بھارتی پنجاب کے شہرامرتسر کی جیل میں قید ایک پاکستانی قیدی انتقال کر گیاہے۔ بھارتی پنجاب کے حکام کے مطابق پاکستانی قیدی خادم ولد عبدالکریم کاگزشتہ ماہ 29 جون کو انتقال ہوا تھا۔ تاہم خادم کی موت کی وجوہات کے بارے میں کوئی تفصیل نہیں دی گئی۔ خادم کی میت کل ڈھائی بجے بعد دوپہر واہگہ بارڈر کے راستے پاکستان بھیجی جائے گی۔
Author: Khalid Mehmood Khalid
-
گورنر پنجاب سے سکھ برادری کے وفد کی ملاقات۔ چوہدری محمد سرور کا فاروق آباد ٹرین حادثہ پر اظہار تعزیت
گورنر پنجاب چوہدری محمد سرور سے سکھ برادری کے وفد کی ملاقات میں گورنر پنجاب چوہدری محمد سرور کا فاروق آباد ٹرین حادثہ پر سکھ کمیونٹی سے اظہار تعزیت۔ ملاقات میں پی ٹی آئی رہنما مون خان بھی موجود تھے۔ اس موقعہ پر گورنر نے کہا کہ فاروق آباد ٹرین حادثہ درد ناک واقعہ ہےجس میں قیمتی جانوں کے ناقابل تلافی نقصان پر بے حد دکھ اور افسوس ہے۔ گورنر پنجاب نے کہا کہ وہ ننکانہ صاحب اور پشاور میں لواحقین اور سکھ برادری کے غم میں برابر کے شریک ہیں۔ تمام تر دلی ہمدردی سوگواران کے ساتھ ہیں۔ گورنر پنجاب نے زخمیوں کی جلد صحت یابی کے لیے دعا کی
-
وزیراعظم آزادکشمیر راجہ فاروق حیدر خان سے چئیرمین کشمیر کمیٹی شہریار آفریدی کی ملاقات
اسلام آباد میں وزیراعظم آزادکشمیر راجہ فاروق حیدر خان سے چئیرمین کشمیر کمیٹی شہریار آفریدی کی ملاقات۔ دونوں رہنماوں نے مقبوضہ کشمیر کی صورتحال پر انتہائی تشویش کا اظہار کیا۔ انہوں نےکورونا کی وبا کے باوجود ہندوستان کی جانب سے مقبوضہ کشمیر میں نہتے معصوم لوگوں کے قتل عام اور لائن آف کنٹرول پر شہری آبادی کو نشانہ بنانے کی شدید مذمت کی اور کہا کہ ہندوستان تمام تر قوت استعمال کرنے کے باوجود کشمیریوں کے عزم سے شکست کھا چکا ہے۔ وزہراعظم نے کہا کہ سو پورمیں بشیر احمد کے قتل کے بعد اس کے نواسے کی تصویر نے دنیا کو ہلا کر رکھ دیاہے۔ انہوں نے کہا کہ جولائی کے مہینے میں کشمیریوں نے قربانیوں کی بے مثال داستانیں رقم کیں یہ جدوجہد کا مہینہ ہے۔ وزیراعظم آزادکشمیر نے مزید کہا کہ حکومت پاکستان اور عوام مقبوضہ کشمیر کے بھائیوں کے ساتھ کھڑے ہیں۔ چیئرمین کشمیر کمیٹی شہریار آفریدی نے کہا کہ ہندوستانی فوج کے ظلم بربریت پر حکومت پاکستان نے دنیا بھر میں آواز اٹھائی۔ انہوں نے کہا کہ کشمیریوں کے حق خودارادیت کا مقدمہ ہر فورم پر پوری قوت سے لڑتے رہیں گے۔
-
پاکستان میں محصور 114 بھارتی شہری 9 جولائی کو بھارت واپس چلے جائیں گے
-
کورونا وائرس اور بھارت میں لاک ڈاون کے باعث پاک بھارت سرحدیں بند ہونے کی وجہ سے پاکستان میں محصور 114 بھارتی شہری 9 جولائی کو بھارت واپس چلے جائیں گے۔ بھارت کی درخواست پر پاکستان کی وزارت خارجہ کی طرف سے وزارت داخلہ کو بھیجے گئے ایک مراسلے پر وزارت داخلہ نے ڈی جی پاکستان رینجرزپنجاب کو تیاریاں مکمل کرنے کے حوالے سے خط بھی لکھ دیا ہے جس میں کہا گیا ہے ہندوستانی شہریوں کی واہگہ سرحد سے پیدل وطن واپسی کے انتظامات کیے جائیں۔ واہگہ بارڈر جو گزشتہ چند ماہ سے بند ہے، ایک روز کے لئے خاص طور پر ان بھارتی شہریوں کی واپسی کے لئے کھولا جائےگا۔ بھارتی شہریوں کی وطن واپسی کے دوران صحت ضابطہ کار پر ہر صورت عمل کیا جائے گا۔
-
بھارت میں پھنسے82 پاکستانی شہریوں کی اسی ہفتے پاکستان واپسی
[advanced_iframe src=”//www.tinywebgallery.com/blog/advanced-iframe” width=”100%” height=”600″][advanced_iframe src=”//www.tinywebgallery.com/blog/advanced-iframe” width=”100%” height=”600″]کورونا وائرس اوربھارت میں مکمل لاک ڈاون کے باعث بھارت کے مختلف شہروں میں پھنسے ہوئے 82 پاکستانی شہریوں کی بالآخر سنی گئی۔ بھارت نے ان 82 پاکستانیوں کو پاکستان واپس بھیجنے کی خوشخبری سنا دی ہے جس کے بعد ان پاکستانی شہریوں کی اسی ہفتے واپسی کی امید پیدا ہو گئی ہے۔ پاکستانی شہریوں نے وطن واپسی کی تیاریاں شروع کر دی ہیں۔ واہگہ بارڈر جو گزشتہ چند ماہ سے بند ہے، ایک روز کے لئے خاص طور پر ان پاکستانی شہریوں کی واپسی کے لئے کھولا جائےگا۔ بھارتی حکومت نے ان تمام پاکستانی شہریوں کے ویزوں میں بھی توسیع کر دی تھی۔ یہ تمام پاکستانی بھارت میں اپنے عزہزواقارب سے ملنے کے لئے گئے تھے کہ پاکستان اور بھارت نے کورونا کے باعث اپنی سرحدیں بند کر دیں جب کہ بھارت میں لاک ڈاون کے باعث یہ تمام شہری اپنے رہائشی علاقوں میں ہی محصور ہو کر رہ گئے تھے۔
-
اس سال حج کے دوران خانہ کعبہ یا حجراسود کوچھونا منع ہوگا
ریاض: سعودی عرب کی سرکاری خبر ایجنسی العربیہ کے مطابق کورونا کی عالمی ویاء کے باعث رواں برس دوران حج حجاج کرام اور عملے کے لیے ماسک اور دستانے پہننا لازم ہوں گے۔ حجاج کرام کےسرکے بال تراشنے والے ایک دوسرے کےآلات استعمال نہیں کرسکیں گے۔عازمین حج نماز کے دوران بھی ایک دوسرے سے 2میٹر فاصلے کی پابندی کریں گے۔ رمی کےلیےحجاج کو پیک شدہ کنکریاں فراہم کی جائیں گی۔ سعودی حکومت کی جانب سے جاری کردہ قواعد و ضوابط کے مطابق طواف کرنے والوں کی بھی قافلہ بندی کی جائے گی۔ طواف کے دوران حجاج کرام کو کم از کم ڈیڑھ میٹرکا فاصلہ رکھنا ہوگا۔ حج کے نئے قواعدوضوابط کےمطابق خانہ کعبہ یا حجراسود کوچھونا منع ہوگا۔ دوران حج مسجد الحرام میں کھانےکی اشیا لانے پرپابندی ہوگی۔ کھانے پینے، پانی پینےیاآب زمزم کے لیے ڈسپوزیبل بوتلیں اور ڈبےاستعمال کیے جا سکیں گے۔ حجاج کرام کو کھانے پینےکےبرتن دوبارہ استعمال کرنے کی اجازت نہیں ہوگی اور بسوں میں عازمین کی تعداد متعین ہوگی۔پورے سفر کے دوران ہر حاجی کی نشست متعین ہوگی۔ کسی بھی حاجی کو بس میں کھڑے ہونے کی اجازت نہیں ۔ہوگی۔العربیہ کے مطابق 18 جولائی 2020سے منیٰ، مزدلفہ اور عرفات میں اجازت کے بغیر جانا منع ہوگا۔ سعودی حکام کی جانب سے دوران حج رہائشی عمارتوں اور ہوٹلوں میں بیٹھنے اور انتظار کرنے کی جگہوں کو مسلسل سینیٹائز کیا جائے گا۔ دروازوں کے ہینڈل، کھانے کی میز، کرسیوں اور صوفوں کے ہتھے سینیٹائز کیے جائیں گے۔ ہوٹلز میں کھانا تیار کرنے، پیش کرنے سے قبل، حمام سے نکلنے کے بعد، کسی کو ہاتھ ملانے یا چھونےکے بعد صابن اور پانی سے ہاتھ دھونے ہوں گے۔ عبادت کے دوران حاجیوں کو ماسک اتارنے کی اجازت نہیں ہوگی۔
ایسے کسی بھی شخص کو حج کی اجازت نہیں دی جائے گی جس میں زکام جیسی علامات ہوں گی۔ اجازت نامے کے لیے اسے ڈاکٹر سے فٹنس سرٹیفیکیٹ لینا ہوگا۔ منیٰ میں جمرات کی رمی کے لیے سینیٹائز کنکریاں فراہم کی جائیں گی۔ منیٰ میں 10، 11، 12 اور 13 ذی الحج کو حجاج رمی جمرات کرتے ہیں جبکہ رمی کے حوالے سے طے کیا گیا ہے کہ 50 افراد پر مشتمل ایک گروپ کو ہر منزل پر رمی کے لیے جانے کی اجازت دی جائے گی۔ رمی کرتے وقت ڈیڑھ سے دو میٹر تک کا فاصلہ ضروری قرار دیا گیا ہے۔ کسی بھی خیمے میں 10 سے زیادہ حاجیوں کو ٹھہرانے کی اجازت نہیں ہوگی اور ہر خیمہ 50 مربع میٹر کا ہوگا۔
-
وزیراعلیٰ عثمان بزدار کی لائن آف کنٹرول پر شہری آبادی پر بھارتی فوج کی اشتعال انگیزیوں کی شدید مذمت
وزیراعلیٰ پنجاب سردار عثمان بزدار نے لائن آف کنٹرول پر شہری آبادی پر بھارتی فوج کی اشتعال انگیزیوں کی شدید الفاظ میں مذمت کی ہے۔ وزیراعلی ہاوس کی جانب سب سے جاری کردہ بیان میں کہا گیا کہ وزیراعلیٰ عثمان بزدار نے بھارتی فوج کی فائرنگ سے نکیال سکیٹر میں بچوں،خواتین سیمت 5 زخمی افراد کی جلد صحت یابی کے لئے دعا کی ہے۔ انہوں نے کہا کہ بو کھلاہٹ کا شکار بھارت شہری آبادی کو نشانہ بنا کر عالمی قوانین اور انسانی حقوق کی پامالی کر رہا ہےجب کہ مودی سرکار کی اشتعال انگیزیاں خطے کے امن کیلئے خطرہ ہیں۔انہوں نے کہا کہ ہمیں فخر ہے کہ پاکستان کی بہادر مسلح افواج نے بزدل دشمن کو ہمیشہ منہ توڑ جواب دیا ہے ۔

-
بھارتی فوج کی کنٹرول لائن بٹل سیکٹر پر سیز فائرکی خلاف ورزی
بھارتی فوج نے کنٹرول لائن بٹل سیکٹر پر سیز فائرکی خلاف ورزی کی ہے۔ بھارتی فوج کی طرف سے بلاجواز فائرنگ کی گئی جس کے نتیجہ میں اب تک کی اطلاعات کے مطابق 22سالہ شہری زخمی ہو گیا ،ڈی جی آئی ایس پی آر کی جانب سے جاری کردہ پریس ریلیز کے مطابق پاک فوج نےبھارتی فائرنگ کاموثرجواب دیا۔ پریس ریلیز میں کہا گیا کہ بھارتی فوج کی بلااشتعال فائرنگ میں شہری آبادی کو مارٹر اوربھاری ہتھیاروں سےنشانہ بنایا گیا۔ جب کہ بھارتی فوج نے کنٹرول لائن پرسیز فائرکی خلاف ورزی گزشتہ رات کی۔
-
وزیر خارجہ مخدوم شاہ محمود قریشی کا چین کے وزیر خارجہ وانگ ژی کے ساتھ ٹیلیفونک رابطہ
وزیر خارجہ مخدوم شاہ محمود قریشی کا چین کے وزیر خارجہ وانگ ژی کے ساتھ ٹیلیفونک رابطہ ہوا ہے۔ دونوں راہنماوں کے درمیان دو طرفہ، علاقائی و اہم عالمی امور پر تبادلہ خیال کیا گیا۔ وزیرخارجہ نے کہا کہ پاکستان اور چین کے مابین دو طرفہ تعلقات مثالی نوعیت کے ہیں- دونوں نے ہر مشکل اور آڑے وقت میں ایک دوسرے کا ساتھ دیا اور اظہار یکجہتی کیا۔ انہوں نے کہا کہ پاکستان، چین کی "ون چائینہ پالیسی اور ہانگ کانگ، تبت، تائیوان اور شنکیانگ کے حوالے سے چین کے موقف کی مکمل حمایت کرتا ہے۔ وزیر خارجہ نے اپنے چینی ہم منصب کو بھارت کی جانب سے مقبوضہ جموں و کشمیر میں جاری انسانی حقوق کی مسلسل خلاف ورزیوں سے آگاہ کیااور کہا کہ بھارت اپنے جارحانہ عزائم کی پیروی کرتے ہوئے ذریعے پورے خطے کے امن و امان کو داؤ پر لگا رہا ہے۔ انہوں نے کہا کہ بھارت اقوام متحدہ اور بین الاقوامی قوانین کی صریحاً خلاف ورزی کرتے ہوئے ڈومیسائل قوانین میں تبدیلی کے ذریعے مقبوضہ کشمیر میں آبادیاتی تناسب کو بدلنا چاہتا ہے جب کہ اپنی داخلی ناکامیوں کو چھپانے کیلئے لاین آف کنٹرول کی مسلسل خلاف ورزی کرتے ہوئے معصوم شہریوں کو نشانہ بنا رہا ہے۔ شاہ محمودنے کہا کہ ہندوستان نے بین الاقوامی قوانین سے انحراف کرتے ہوئے، علاقائی مسائل کو گفت و شنید اور مذاکرات کے ذریعے حل کرنے کی بجائے، جبر و استبداد کا راستہ اپنایا – بھارت کی جانب سے 5 اگست کے یکطرفہ اقدامات، بھارت کی اس ہندتوا سوچ کی عکاسی کرتے ہیں۔ چینی وزیر خارجہ نے خطے میں قیام امن کیلئے پاکستان کی کاوشوں کو سراہتے ہوئے ہر مشکل گھڑی میں چین کی معاونت پر وزیر خارجہ کا شکریہ ادا کیا جب کہ دونوں وزرائے خارجہ نے بین الاقوامی فورمز پر اہم علاقائی و عالمی امور کے حوالے سے، یکساں مقاصد کے حصول کیلئے باہمی تعاون کے فروغ پر اتفاق کیا دونوں وزرائے خارجہ نے افغانستان میں قیام امن کیلئے مشترکہ کاوشیں جاری رکھنے پر اتفاق کرتے ہوئے اگلے پاک چین افغان سہ ملکی وزرائے خارجہ مذاکرات کے جلد انعقاد کی ضرورت پر زور دیا۔وزیرخارجہ نے مزید کہا کہ بی آر آئی (BRI) اور پاک چین اقتصادی راہ داری منصوبوں کی تکمیل سے جہاں روابط کو فروغ ملے گا وہاں اقتصادی ترقی کے نئے امکانات روشن ہونگے فریقین کی طرف سے اقتصادی راہداری منصوبوں کی جلد اور بروقت تکمیل کے عزم کا اظہار کیا گیا
چینی وزیر خارجہ نے واضح کیا کہ پاک چین اقتصادی راہداری فیز 2،بی آر آئی منصوبے کا انتہائی اہم حصہ ہے جس کے ذریعے پاکستان میں اقتصادی سرگرمیوں میں اضافہ ہو گا اور روزگار کے نئے مواقع میسر آئیں گے ۔ چینی وزیر خارجہ نے چین کی طرف سے مجوزہ ہیلتھ سلک روڈ کی حمایت پر پاکستان کا شکریہ ادا کرتے ہوئے کہا کہ چین کرونا عالمی وبائی صورتحال کے مضمرات سے نمٹنے اور معاشی بحالی کیلئے ایک جامع حکمت عملی پر عمل پیرا ہے ۔ دونوں وزرائے خارجہ کے مابین اہم علاقائی و عالمی امور پر مشاورت جاری رکھنے اور اس ضمن میں جلد بالمشافہ ملاقات کرنے پربھی اتفاق کیا گیا -
مقبوضہ جموں و کشمیر کے 80 لاکھ معصوم شہری کروناکے باعث دوہرے لاک ڈاؤن کی صعوبت برداشت کر رہے ہیں۔ شاہ محمود قریشی
پاکستان کے وزیر خارجہ مخدوم شاہ محمود قریشی کا اقتصادی تعاون تنظیم(ECO) کے سیکرٹری جنرل ڈاکٹر حادی سلیمان پور سے ٹیلیفونک رابطہ ہوا ہے جس میں دونوں راہنماوں نے اقتصادی تعاون تنظیم کے رکن ممالک کے درمیان مختلف شعبوں میں تعاون کے فروغ اور تنظیم کے طے شدہ، اہداف کے حصول میں درپیش چیلنجز پر تبادلہ خیال کیا.وزیر خارجہ نے کہا کہ پاکستان، اقتصادی تعاون تنظیم کے بانی رکن ملک ہونے کی حیثیت سے ہمیشہ کوشاں رہا کہ یہ تنظیم ، خطے میں اقتصادی تعاون کا مضبوط اور مستحکم مرکز بن کر سامنے آئے۔ وزیر خارجہ نے سیکرٹری جنرل اقتصادی تعاون تنظیم کو باور کرایا کہ پاکستان اقتصادی تعاون تنظیم کے وژن 2025 کی روشنی میں ممبر ممالک کے مابین علاقائی،تجارتی و اقتصادی روابط کے فروغ کیلئے اپنا کردار ادا کرنے کیلئے پر عزم ہے۔ وزیر خارجہ نے سیکرٹری جنرل ای سی او کو، کرونا وبا کے معاشی مضمرات سے نمٹنے اور ترقی پذیر ممالک کی کمزور معیشتوں کو سہارا دینے کیلئے، وزیر اعظم عمران خان کی طرف سے عالمی سطح پر دی گئی، "ڈیٹ ریلیف” تجویز کے خدوخال سے آگاہ کیا اور اس ضمن میں مشترکہ کاوشیں بروئے کار لانے کی ضرورت پر زور دیا۔ وزیر خارجہ نے کرونا عالمی وبائی چیلنج سے نمٹنے اور علاقائی سطح پر مشترکہ لائحہ عمل اپنانے کیلئے ای سی او وزرائے صحت ورچول کانفرنس کے جلد انعقاد کی ضرورت پر زور دیا۔ وزیر خارجہ نے سیکرٹری جنرل اقتصادی تعاون تنظیم کو بھارت کی جانب سے مقبوضہ جموں و کشمیر میں جاری انسانی حقوق کی مسلسل خلاف ورزیوں سے آگاہ کرتے ہوئے کہا کہ مقبوضہ جموں و کشمیر کے 80 لاکھ معصوم شہری کرونا وبا کے باعث دوہرے لاک ڈاؤن کی صعوبت برداشت کر رہے ہیں۔ انہوں نے کہا کہ مظلوم کشمیریوں کو بھارتی جبر و استبداد سے نجات دلانے کیلئے، عالمی برادری کو آگے بڑھ کر اپنا کردار ادا کرنا ہوگا۔ دونوں رہنماؤں کا مشترکہ اہداف کے حصول کیلئے باہمی مشاورت جاری رکھنے پربھی اتفاق