Author: ممتاز حیدر

پاکستان کی معروف فلم اور ٹی وی اداکارہ ریشم نے ایک حالیہ انٹرویو میں انکشاف کیا ہے کہ مشہور ڈرامہ نویس اور مصنف خلیل الرحمٰن قمر نے ان کے ساتھ بدتمیزی کی تھی۔ ریشم، جو کئی دہائیوں سے پاکستانی انڈسٹری کا حصہ رہی ہیں، نے اس واقعے کے علاوہ خلیل الرحمٰن قمر کی تحریروں پر بھی تنقید کی اور کہا کہ وہ اب ان کی تحریروں کو متاثر کن نہیں سمجھتیں۔

ریشم نے گفتگو کرتے ہوئے کہا کہ وہ پہلے خلیل الرحمٰن قمر کی تحریروں کی مداح تھیں لیکن اب ان کے کام میں وہ بات نہیں رہی جو پہلے ہوتی تھی۔ ان کا کہنا تھا کہ "خلیل الرحمٰن قمر اب صرف بھارتی فلموں کی نقل کر رہے ہیں، ان کے مکالمے اب ان کے اپنے خلاف جا رہے ہیں، اور ان کے قلم کی وہ طاقت باقی نہیں رہی جو پہلے ہوا کرتی تھی۔”
ریشم نے اپنی شادی کے حوالے سے بھی ایک دلچسپ انکشاف کیا اور بتایا کہ ایک دعا کی قبولیت کی وجہ سے ان کی تاحال شادی نہیں ہو پائی۔ ریشم نے کہا کہ ان کے لیے ایک دعا کی قبولیت کے بعد زندگی کی کچھ ترجیحات تبدیل ہو گئی ہیں، اور اس دعا نے ان کے دل میں ایک خاص امن کا احساس دیا ہے۔

ریشم نے بتایا کہ کچھ وقت پہلے وہ ہمایوں سعید کی دعوت پر ایک پارٹی میں شریک ہوئی تھیں جہاں خلیل الرحمٰن قمر بھی موجود تھے۔ ریشم نے کہا کہ انہوں نے مہمانوں کی طرح خلیل الرحمٰن قمر کو بھی سلام کیا، لیکن بدقسمتی سے خلیل الرحمٰن قمر نے انتہائی غیر شائستہ رویہ اختیار کیا اور ان کے ساتھ بدتمیزی کی۔ ریشم نے کہا کہ وہ اس بدتمیزی پر حیران رہ گئیں اور خاموش رہیں کیونکہ وہ جانتی ہیں کہ ایسے لوگوں کے ساتھ کس طرح نمٹا جاتا ہے۔

ریشم کے اس انکشاف کے بعد سوشل میڈیا پر ملا جلا ردِعمل سامنے آیا ہے۔ کچھ صارفین نے ریشم کی حمایت کی اور کہا کہ وہ ایک باوقار اداکارہ ہیں، اور اگر انہوں نے ایسا کہا ہے تو اس میں سچائی ہو گی۔ تاہم کچھ صارفین نے خلیل الرحمٰن قمر کے دفاع میں بھی بات کی اور کہا کہ یہ محض سستی شہرت حاصل کرنے کا طریقہ ہو سکتا ہے۔اب تک خلیل الرحمٰن قمر کی جانب سے اس معاملے پر کوئی باضابطہ ردِعمل سامنے نہیں آیا ہے۔ لیکن یہ پہلی مرتبہ نہیں ہے کہ خلیل الرحمٰن قمر پر خواتین فنکاروں کے بارے میں متنازع بیانات دینے کے الزامات عائد کیے گئے ہیں۔ ماضی میں بھی ان پر کئی مرتبہ اس نوعیت کی تنقید ہو چکی ہے۔

ریشم کا یہ انکشاف نہ صرف پاکستانی شو بز انڈسٹری میں ایک نیا تنازعہ کھڑا کر رہا ہے بلکہ یہ اس بات کا اشارہ بھی ہے کہ عوامی شخصیتوں کے آپسی تعلقات اور ان کی ذاتی زندگیوں کے بارے میں اب مزید کھل کر بات کی جا رہی ہے۔

بالی وڈ کے معروف اداکار گووندا اور ان کی اہلیہ سنیتا آہوجا کے درمیان طلاق کی خبریں آج کل بھارتی میڈیا کی زینت بنی ہوئی ہیں۔ سنیتا آہوجا کے وکیل نے انکشاف کیا ہے کہ سنیتا نے چھ ماہ قبل ہی گووندا سے طلاق کے لیے عدالت سے رجوع کر لیا تھا۔ اس خبر نے ان کے مداحوں اور انڈسٹری کو چونکا دیا ہے، جہاں ان کی شادی کو ایک مضبوط اور کامیاب رشتہ سمجھا جاتا تھا۔

بھارتی میڈیا کی رپورٹس کے مطابق، گووندا ماضی میں یہ عندیہ دے چکے ہیں کہ وہ دوسری شادی کرنے کے بارے میں سوچ رہے ہیں۔ ایک حالیہ انٹرویو میں، اداکار نے اس بات کا اظہار کیا کہ ممکن ہے وہ مستقبل میں دوبارہ شادی کر لیں کیونکہ یہ ان کی کُنڈلی میں شامل ہے۔گووندا نے اسٹارڈسٹ کے ساتھ ایک انٹرویو میں یہ بھی بتایا تھا کہ وہ کس طرح اپنے ساتھی اداکارہ نیلم کے ساتھ محبت محسوس کرتے ہیں۔ انہوں نے یہ انکشاف کیا کہ انہوں نے سنیتا سے شادی اپنے وعدے کو نبھانے کے لیے کی تھی، نہ کہ محبت کی بنیاد پر۔ گووندا کا کہنا تھا، "مستقبل کون جانتا ہے، شاید مجھے دوبارہ کسی سے محبت ہو جائے اور میں اس سے شادی کر لوں، لیکن سنیتا کو اس کے لیے تیار رہنا چاہیے، تب ہی میں خود کو آزاد محسوس کروں گا۔”

اس کے علاوہ، گووندا نے جوہی چاولہ اور دیویا بھارتی کے لیے بھی اپنی پسندیدگی کا اظہار کیا تھا اور کہا کہ یہ ایسی خواتین ہیں جن کے لیے کسی لڑکے کا ان کی محبت میں گرفتار ہونا مشکل ہو سکتا ہے۔یہ صورتحال گووندا اور سنیتا کے درمیان رشتہ کی نوعیت پر سوالات اٹھا رہی ہے، اور ان کے مداح اس نئے موڑ پر تشویش کا شکار ہیں۔

بھارتی فلم انڈسٹری کی معروف اور متنازعہ اداکارہ راکھی ساونت کی پاکستانی بہو بننے کی خواہش ابھی تک پوری نہیں ہو سکی، لیکن انہوں نے اپنے منہ بولے بھائی سلمان خان کیلئے پاکستانی دلہن کا انتخاب کر لیا ہے۔

حال ہی میں سوشل میڈیا پر راکھی ساونت کی ایک ویڈیو وائرل ہوئی ہے جس میں وہ اپنی پسندیدہ پاکستانی اداکارہ ہانیہ عامر کو سلمان خان کے لیے پسند کرتی ہیں۔ اس ویڈیو نے ایک بار پھر راکھی ساونت کو میڈیا کی توجہ کا مرکز بنا دیا ہے۔ویڈیو میں راکھی ساونت سلمان خان کو مخاطب کرتے ہوئے کہتی ہیں: "سلمان بھائی، میں نے تمھارے لیے بھابھی چن لی ہے، ہانیہ عامر، جو پاکستان سے ہیں، اور وہ میری بھابھی بنیں گی۔”راکھی نے اس موقع پر یہ بھی کہا کہ وہ چاہتی ہیں کہ ہانیہ عامر بالی وڈ میں آئیں اور سلمان خان کے ساتھ کام کریں۔ ان کا کہنا تھا کہ "ہانیہ، سلمان خان اس وقت دبئی میں ہیں اور میں تمھارے لیے ان سے بات کروں گی۔”

اداکارہ نے اپنی باتوں میں مزید اضافہ کرتے ہوئے کہا، "شکر ہے بالی وڈ نے سن لی ہے اور ہانیہ عامر اب بالی وڈ کے گلوکار دلجیت دوسانجھ کے ساتھ کام کر رہی ہیں۔”