Author: ممتاز حیدر

پاکستان میں اقوام متحدہ کے ریزیڈنٹ کوآرڈینیٹر جناب محمد یحییٰ نے آج وزیراعظم محمد شہباز شریف سے ملاقات کی۔

ملاقات کے دوران وزیراعظم نے اقوام متحدہ کی کنٹری ٹیم کی جانب سے پاکستان میں جاری اہم کام کو سراہا، اور پائیدار ترقی اور موسمیاتی تبدیلی کے شعبوں میں اقوام متحدہ کے ساتھ تعاون کو مزید مضبوط بنانے کی ضرورت پر زور دیا۔وزیراعظم نے 2022 کے سیلاب کے دوران پاکستان کے لیے عالمی حمایت اکٹھا کرنے میں اقوام متحدہ کے سیکریٹری جنرل انتونیو گوتیرس کے کردار کو سراہا۔انہوں نے عالمی برادری اور اقوام متحدہ کے ساتھ قریبی تعاون اور شراکت داری میں موسمیاتی تبدیلیوں سے نمٹنے کے مقصد کو آگے بڑھانے کے لیے پاکستان کے مضبوط سیاسی عزم کا اعادہ کیا۔ وزیر اعظم نے اس بات پر زور دیا کہ موسمیاتی تبدیلی کے اثرات سے نمٹنے کے لیے کلائمیٹ فنانسنگ ایک اہم جز ہے اور اس امید کا اظہار کیا کہ ترقی یافتہ ممالک اس سلسلے میں اپنے وعدوں کو پورا کریں گے۔

وزیراعظم نے کہا کہ پاکستان اقوام متحدہ کے ساتھ مختلف منصوبوں پر عملدرآمد سمیت موسمیاتی تبدیلی کے شعبوں میں اہم امور پر کام جاری رکھے گا۔ وزیراعظم نے پائیدار ترقی کے اہداف (SDGs) کے حصول کے لیے مالیاتی فرق کو دور کرنے کے ساتھ ساتھ عالمی مالیاتی ڈھانچے میں اصلاحات کے ذریعے بین الاقوامی مالیاتی اداروں میں ترقی پذیر ممالک کی آواز اور نمائندگی بڑھانے کی ضرورت پر بھی زور دیا۔ نائب وزیر اعظم و وزیر خارجہ محمد اسحاق ڈار، وفاقی وزیر اقتصادی امور احد خان چیمہ، وفاقی وزیر منصوبہ بندی احسن اقبال، وزیراعظم کے معاون خصوصی سید طارق فاطمی، وزیر اعظم کی کوآرڈینیٹر برائے موسمیاتی تبدیلی محترمہ رومینہ خورشید عالم اور اعلیٰ سرکاری حکام نے بھی اجلاس میں شرکت کی۔

پاکستان تحریک انصاف (پی ٹی آئی) سے نکالے گئے رہنما شیر افضل مروت نے بانی پی ٹی آئی عمران خان سے ملاقات کرنے والے وکلا پر تنقید کی ہے اور کہا ہے کہ پی ٹی آئی کے رہنما عمران خان سے ملاقات کرنے والے وکلا میں سے صرف ایک وکیل حقیقی طور پر ان کا نمائندہ ہوتا ہے جبکہ باقی 9 افراد صرف کان بھرنے کے لیے جیل جاتے ہیں۔

اسلام آباد میں میڈیا سے گفتگو کرتے ہوئے شیر افضل مروت نے کہا کہ اڈیالہ جیل جانے والے وکلا میں سے 10 میں سے صرف ایک وکیل بانی پی ٹی آئی کا حقیقی وکیل ہوتا ہے، باقی سب لوگ صرف شکوے شکایات کرنے یا ماحول بنانے کے لیے وہاں جاتے ہیں۔ ان کا مزید کہنا تھا کہ ان وکلا کو کسی عدالت میں پی ٹی آئی کے وکیل کے طور پر نہیں دیکھا جا سکتا، اور جو نامور وکلا میڈیا پر نظر آتے ہیں، ان میں سے سوائے چند ایک کے کوئی بانی پی ٹی آئی کا وکیل نہیں ہے۔ شیر افضل مروت نے اس عمل کو وکلا کی طرف سے پیغام رسانی کا طریقہ قرار دیا ہے۔

شیر افضل مروت نے کہا کہ وکلا جب جیل جاتے ہیں تو بانی پی ٹی آئی عمران خان کو شکایات کے بارے میں آگاہ کرتے ہیں۔ ایک وکیل کہتا ہے کہ آپ کے خلاف بیان دے دیا گیا ہے، دوسرا وکیل پہلے وکیل کی بات کی تائید کرتا ہے، اور تیسرا وکیل دعویٰ کرتا ہے کہ وہ ذرائع سے بات کی تصدیق کر چکا ہے۔

شیر افضل مروت نے اس سوال پر کہ کیا بانی پی ٹی آئی اتنی جلدی ان باتوں پر یقین کر لیتے ہیں، جواب دیتے ہوئے کہا کہ یہ لوگ عمران خان کے مزاج کو اچھی طرح سمجھتے ہیں اور ان سے اپنا کام نکال لیتے ہیں۔

یاد رہے کہ دو روز قبل پاکستان تحریک انصاف نے عمران خان کی ہدایت پر شیر افضل مروت کو پارٹی پالیسی کی خلاف ورزی پر پی ٹی آئی سے نکال دیا تھا۔ اس کے جواب میں شیر افضل مروت نے سوشل میڈیا پر ایک طویل بیان جاری کیا تھا، جس میں ان کا کہنا تھا کہ اگر پارٹی اپنے فیصلے پر نظرثانی کرے تو ٹھیک ورنہ وہ خود بھی پارٹی کے فیصلے کو احترام سے قبول کریں گے۔شیر افضل مروت نے اپنے بیان میں یہ بھی کہا کہ وہ ہمیشہ عمران خان اور پی ٹی آئی کے ساتھ وفادار رہے ہیں لیکن اپنے اصولوں پر کبھی سمجھوتہ نہیں کریں گے۔ ان کا کہنا تھا کہ پارٹی سے وفاداری کا یہ مطلب نہیں کہ ہر فیصلہ بغیر سوچے سمجھے قبول کر لیا جائے۔ ہمیں ہمیشہ کوشش کرنی چاہیے کہ پارٹی صحیح راستے پر گامزن رہے۔

اسلام آباد ہائیکورٹ کے جج جسٹس طارق محمود جہانگیری نے گاڑیوں کی نمبر پلیٹس پر ایڈووکیٹ لکھنے کو غیر قانونی قرار دے دیا

اسلام آباد ہائیکورٹ بار ایسوسی ایشن کے وکلا میں سرٹیفکیٹ تقسیم کرنے کی تقریب سے خطاب میں جسٹس طارق جہانگیری نے کہا کہ اسلام آباد کی کورٹس راولپنڈی کے گلی محلوں میں ہوتی تھیں، ہم ایک کورٹ میں پیش ہوتے تو باقی کیسز ملتوی کراناپڑتے تھے، آج کے وکلا کو بہت آسانی ہے کہ کورٹ کمپلیکس موجود ہے، وکلا کیس کی تیاری کے بغیر پہنچتے ہیں تو بہت دکھ ہوتا ہے، ہائیکورٹ کا کیس ہمیں ملتا تو ساری رات تیاری کرتے تھے،کبھی کسی عہدے کے لیے سفارش نہیں کرائی، اپنے کام سے عہدے ملے.

جسٹس طارق جہانگیری کا کہنا تھا کہ گاڑیوں کی نمبر پلیٹس پر ایڈووکیٹ لکھنا بھی غیر قانونی ہے ،پراسیکیوٹر اور ایڈوکیٹ جنرل سمیت تمام عہدے اپنے کام سے ملے، جج بننے کے لیے بھی کبھی کسی کو سفارش کا نہیں کہا، پھٹے سے وکالت شروع کر کے ہائیکورٹ کا جج بنا اور پھر کنفرم ہوا،

قبل ازیں جسٹس طارق محمود جہانگیری نے اسلام آباد ہائیکورٹ بار ایسوسی ایشن کے مرکزی گیٹ کا افتتاح کر دیا

اسلام آباد: ایوان بالا (سینیٹ) میں مختلف کمیٹیوں کی رپورٹس پیش کی گئیں اور دو بلز واپس لے لیے گئے۔

سینیٹر رانا محمود حسن نے پبلک لائف بل 2024 کمیٹی کی رپورٹ پیش کی، جبکہ سینیٹر ثمینہ ممتاز زہری نے سمگلنگ تارکین وطن ایکٹ 2018 میں ترمیمی بل کمیٹی کی رپورٹ ایوان میں پیش کی۔ سینیٹر پلوشہ خان نے سیکرٹری پرائمری ہیلتھ حکومت پنجاب کی جانب سے کمیٹی کی رپورٹ پیش کی۔وزیر قانون، اعظم تارڑ نے کنونشن برائے ممانعت پیداوار و زہریلے ہتھیار 1972 کو قانون بنانے کا بل واپس لینے کی تحریک پیش کی جو منظور کر لی گئی۔ اس کے علاوہ، انہوں نے پریکٹس اینڈ پروسیجر ایکٹ 2023 میں ترمیم کا بل بھی واپس لینے کی تحریک پیش کی، جو ایوان نے منظور کر لی۔

وفاقی وزیر اعظم نذیر تارڑ نے کہا کہ کشتیوں کے مسلسل حادثات ہو رہے ہیں۔ اس کے علاوہ، پاکستان سے عمرہ زائرین کی آڑ میں بھکاری بیرون ملک جا کر ملک کی بدنامی کا سبب بن رہے ہیں۔ ان واقعات کی روک تھام کے لیے وہ نئے بلز پیش کرنے جا رہے ہیں جن کا مقصد ان جرائم میں ملوث افراد کو سخت سزائیں دینا ہے۔

بعد ازاں، سینیٹ اجلاس میں روک تھام اسمگلنگ تارکین وطن ترمیمی بل 2025 وزیر قانون اعظم نذیر تارڑ نے پیش کیا۔ اس بل کے تحت انسانی سمگلنگ میں ملوث ملزمان کے لیے تین سے دس سال قید کی سزا تجویز کی گئی ہے۔سینیٹ نے انسانی سمگلنگ، بیرون ملک بھیک مانگنے، اور نوعمر لڑکیوں کو جسم فروشی کے لیے بیرون ملک بھیجنے میں ملوث افراد کو سخت سزائیں دینے سے متعلق تین اہم بلز منظور کر لیے۔ یہ بلز وزیر قانون اعظم نذیر تارڑ نے پیش کیے اور تینوں بلز متفقہ طور پر منظور ہوئے، کسی رکن نے ان کی مخالفت نہیں کی۔ان قوانین کے تحت ان جرائم میں ملوث افراد کو تین سے دس سال قید و جرمانے کی سزائیں دی جائیں گی، اور بیرون ملک بھیک منگوانے میں ملوث سرغنہ کو سخت سزائیں دی جائیں گی۔

ترجمان دفتر خارجہ نے ہفتہ وار بریفنگ میں کہا ہے کہ ترکیہ کے صدر رجب طیب اردوان نے پاکستان کا دو روزہ دورہ کیا.ترک صدر کے ہمراہ وزراء، اعلی حکام اور تاجر رہنماؤں کا اعلی سطح کاوفدبھی تھا.ترک صدر اور وزیر اعظم شہباز شریف نےپاک ترکیہ اعلی سطح سٹریٹجک تعاون کونسل اجلاس کی مشترکہ صدارت بھی کی.پاک ترکیہ اعلی سطح سٹریٹجک تعاون کونسل سیشن میں متعدد معاہدےاور تعاون کی یاداشتوں پر دستخط کیے گئے.رجب طیب اردوان نے وزیر اعظم اور صدر مملکت سے دو طرفہ ملاقاتیں بھی کیں.

ترجمان دفتر خارجہ کا مزید کہنا تھا کہ پاکستان اور ترکیہ کے درمیان تاریخ پر مبنی تعلقات ہیں.پاکستان اسرائیلی وزیراعظم کے حالیہ بیان کی شدید مذمت کرتا ہے.سعودی عرب میں فلسطینی عوام کو بسانے سے متعلق بیان کی مذمت کرتے ہیں.پاکستان فلسطینی عوام کی اپنی سرزمین پر پر امن بسنے کی قائل ہے.سعودی عرب ،ایران ،ترکیہ،قطر اور دیگر ممالک کے وزرائے خارجہ سے وزیر خارجہ اسحاق ڈار نے ٹیفلونگ رابط کیا.رابطے کے دوران وزیر خارجہ نے اپنے ہم منصب سے غزہ کے حوالے سے بات چیت کی.مشترکہ بیان بھارت کی جانب سے عوامی حقوق کی پامالی کا جواب دینے میں ناکام رہا.دہشت گردی سے متاثرہ ملک کے طور پر پاکستان دنیا میں امن و استحکام کے فروغ کا خواہاں ہے.پاکستان کو جدید ٹیکنالوجیز کی بھارت منتقلی پر شرید تحفظات ہیں،