Author: ممتاز حیدر

پاکستانی فوج نے پہلی بار 1971 کے بعد بنگلہ دیش کی فوج کے ساتھ ایک تربیتی معاہدہ کیا ہے، جس کے تحت پاکستان فوج بنگلہ دیشی فوج کو تربیت فراہم کرے گی۔ یہ معاہدہ 2025 کے فروری سے شروع ہو کر بنگلہ دیش کے مختلف کیمپوں میں تربیت کے مراحل پر عمل درآمد کرے گا۔ پاکستان اور بنگلہ دیش کی افواج کے درمیان اس معاہدے کے بعد بھارتی حکام میں تشویش کی لہر دوڑ گئی ہے۔

معاہدے کے مطابق یہ تربیت بنگلہ دیش کے چار اہم کیمپوں میں کی جائے گی، جن میں فروری 2025 میں مایمن سنگھ کیمپ شامل ہے۔ مایمن سنگھ کیمپ بنگلہ دیشی فوج کے تربیتی اور ڈوکٹرین کمانڈ ہیڈکوارٹر کا مرکز ہے۔ ذرائع کے مطابق، پاکستان کے میجر جنرل رینک کے افسران ممکنہ طور پر بنگلہ دیشی فوج کے افسران کو تربیت فراہم کریں گے۔ پاکستان کی جوائنٹ چیفس آف اسٹاف کمیٹی کے چیئرمین جنرل ساحر شمشاد مرزا نے بنگلہ دیش کو تربیتی پیشکش کی تھی، جس کے بعد دونوں ممالک کے درمیان اس معاہدے پر دستخط ہوئے۔

اس معاہدے نے بھارت میں تشویش کی لہر پیدا کر دی ہے، کیونکہ بھارت کا خیال ہے کہ یہ تربیت بنگلہ دیشی فوج میں بھارت مخالف نظریات کو پروان چڑھا سکتی ہے۔ بنگلہ دیشی فوج میں 1971 کے جنگی تجربات کے بعد بھارتی مخالفت کے رجحانات میں کمی آئی تھی، خاص طور پر اُس وقت سے جب بنگلہ دیش میں عوامی لیگ کی حکومت قائم ہوئی تھی اور بنگلہ دیشی افسران کی بھرتی کی پالیسیاں بدل گئیں۔ تاہم، اب یہ خدشہ ظاہر کیا جا رہا ہے کہ پاکستان کی تربیت سے بنگلہ دیشی فوج میں بھارت کے خلاف نظریات دوبارہ ابھر سکتے ہیں۔

پہلا تربیتی ماڈیول جو پاکستان فوج کے زیرِ نگرانی ہوگا، ایک سال تک جاری رہ سکتا ہے۔ یہ معاہدہ دونوں ممالک کے درمیان دفاعی تعاون کے بڑھنے کے لیے ایک اہم قدم سمجھا جا رہا ہے، لیکن اس سے علاقائی طاقت کے توازن پر بھی اثرات مرتب ہو سکتے ہیں۔ یہ معاہدہ پاکستان اور بنگلہ دیش کے درمیان دفاعی تعلقات کو مزید مستحکم کرنے کی ایک کوشش ہے، لیکن اس کے نتیجے میں جنوبی ایشیا میں بھارت کے لیے نئے چیلنجز پیدا ہو سکتے ہیں۔ بھارت کے لیے یہ ایک سنگین مسئلہ بن سکتا ہے

واضح رہے کہ بنگلہ دیش کی سابق وزیراعظم حسینہ واجد بنگلہ دیش سے فرار کے بعد بھارت میں ہی مقیم ہیں۔ بنگلہ دیش میں عبوری حکومت قائم ہے اور بنگلہ دیش پاکستان تعلقات کی بہتری کے لیے اقدامات کیے جا رہے ہیں۔ پاکستان کے وزیر اعظم شہباز شریف اور بنگلہ دیش کے چیف ایڈوائزر محمد یونس کی دو ملاقاتیں ہو چکی ہیں

پاکستان ٹیلی کمیونیکشن اتھارٹی ، پی ٹی اےکے چیئرمین حفیظ الرحمان نے کہا ہے کہ پیکا ایکٹ کے تحت حکومت ہدایت کرتی ہے تو پلیٹ فارم بند کرتے ہیں، ہم سوشل میڈیا بلاک کر سکتے ہیں یا کھول سکتے ہیں، درمیان کا راستہ نہیں ہے

قومی اسمبلی قائمہ کمیٹی آئی ٹی کا سید امین الحق کی زیرِ صدارت اجلاس ہوا،اجلاس کے دوران گفتگو کرتے ہوئے سید امین الحق نے کہا کہ ڈیجیٹل نیشن پاکستان بل پر جماعتوں کے درمیان بات چیت جاری ہے، اُمید ہے جماعتوں کی قیادت کے درمیان بات چیت کا بہتر نتیجہ نکلے گا، بل کمیٹی سے پاس ہو گا تو پارلیمنٹ میں جائے گا۔ پی ٹی آئی کے رہنما عمر ایوب نے کہا کہ پہلے ٹیلی فون کی جاسوسی کی جاتی تھی، اب شہریوں کی سرویلنس جاری ہے، حکومت کی جانب سے اس طرح کے ہتھکنڈے استعمال کیے جا رہے ہیں،،سروس بندش سے نقصانات ملین ڈالرز میں ہےپاکستان میں ہمیں انٹرنیٹ کم ترین اسپیڈ میں مل رہا ہے ، وی پی این رجسٹریشن کے معاملے میں حکومت کی نیت خراب ہے۔ہم وی پی این پر پابندیوں کی مخالفت کرتے ہیں،آئندہ اجلاس میں چیئرمین پاشا کو طلب کرلیا گیا، چیئرمین قائمہ کمیٹی سید امین الحق نے کہا کہ چیئرمین پاشا کو بلائیں وہ بتائیں انٹرنیٹ سلو ہونے سے کتنا نقصان ہوا؟وی پی این کو قاعدہ قانون میں رہتے ہوئے بند نہیں ہونا چاہے،رومینہ خورشید نے کہا کہ دنیا بھر میں چیزوں کی ماننٹرنگ کی جاتی ہے۔

میں وضو میں ہوں حلف پر بات کروں گا، 3 سب میرین کیبل کٹی تھیں،چیئرمین پی ٹی اے
پی ٹی اے کے چیئرمین حفیظ الرحمان نے کہا کہ میں وضو میں ہوں حلف پر بات کروں گا، 7 میں سے 3 سب میرین کیبل کٹی تھیں، 5 ماہ بعد اکتوبر میں سب میرین کیبل بحال ہوئی ہیں، اکتوبر کے مقابلے میں انٹرنیٹ سروس میں بہتری آئی ہے، کوالٹی رپورٹ آپ کے سامنے ہے، کچھ غلط ہو، میں جوابدہ ہوں، سوشل میڈیا کی سب کمپنیوں کو خطوط لکھے، دیگر کمپنیوں کو بھی خط لکھ کر پوچھا کہ انٹرنیٹ کا مسئلہ تو نہیں، اگر سروس کا مسئلہ ہوتا تو کمپنیوں کو خط کیوں لکھتے، حکومت نے ٹیلی کام انفرا اسٹرکچر پر ایک پیسہ بھی خرچ نہیں کیا، ڈیجیٹل ہائی ویز نہیں بنائیں گے تو مسئلہ حل نہیں ہو گا، ہم سوشل میڈیا پلیٹ فارمز سست نہیں کر سکتے، آپ کو ڈیجیٹل ہائی ویز بنانے ہوں گے تب انٹرنیٹ ٹھیک ہو گا، گزشتہ 10 سال میں ایک سب میرین کیبل نہیں آئی ہے، سب میرین کیبلز لانا اور فائبر کیبلز بچھانا حکومت کا کام ہے۔

سید مصطفیٰ کمال نے کہا کہ گزشتہ سال انٹرنیٹ کے مسائل کا چرچا رہا ، اگر آپ انٹرنیٹ کی بات کریں تو مانتے ہیں نہ کہ ہمارے ہاں انٹرنیٹ کے مسائل ہیں ،آئندہ سال ایسی کیا چیز ہو گی کہ ہم کہہ سکیں کہ انٹرنیٹ بہتر ہو گا ،چیئرمین کمیٹی نے پی ٹی اے حکام کو ہدایت کی کہ سرگودھا کے ساتھ ساتھ کراچی کے علاقوں کا دوبارہ جائزہ لیں ،

قائمہ کمیٹی برائے انفارمیشن ٹیکنالوجی کا اجلاس،ڈیجیٹل نیشن پاکستان بل ایک بار پھر موخر کر دیا گیا، اراکین نے فیصلہ کیا کہ آئندہ اجلاس میں اس بل پر بات کریں گے،

غلط ہے توحکومت 9 سال سے ہم سے انٹرنیٹ کیوں بند کرواتی ہے، چیئرمین پی ٹی اے

انٹرنیٹ اہم ضرورت لیکن پاکستان میں اس کی اسپیڈ کم ہے،شزہ فاطمہ

انٹرنیٹ کی بندش،سست رفتاری نے پاکستانیوں کو پریشان کر دیا

اسلام آباد ، 24 سالہ لڑکی سونیا کے قتل کے مقدمے میں سزا پانے والے ملزم شہزاد کی سزا کے خلاف اپیل پر اسلام آباد ہائیکورٹ نے ٹرائل کورٹ کا فیصلہ کالعدم قرار دے دیا۔

عدالت نے ٹرائل کورٹ کے فیصلے پر سوالات اٹھاتے ہوئے ملزم کو 25 سال قید بامشقت کی سزا دینے کے جواز کو بلاجواز قرار دیا ہے اور کیس کو دوبارہ ٹرائل کورٹ میں بھیج دیا ہے۔اسلام آباد ہائیکورٹ کے جسٹس محسن اختر کیانی نے 8 صفحات پر مشتمل تفصیلی فیصلہ جاری کرتے ہوئے ٹرائل کورٹ کو 45 دن کے اندر وجوہات پر مبنی نیا فیصلہ کرنے کی ہدایت کی۔ عدالت نے کہا کہ ملزم شہزاد کو قتلِ عمد کے جرم میں سزائے موت کیوں نہیں دی گئی، اس بات کی وضاحت ٹرائل کورٹ نے نہیں کی۔

ملزم شہزاد نے 2020 میں سونیا کو شادی سے انکار کرنے پر قتل کر دیا تھا۔ مدعی کے مطابق، شہزاد نے پانچ ماہ تک سونیا کا پیچھا کیا اور پھر رشتہ بھیجا، لیکن سونیا نے انکار کر دیا۔ اس پر شہزاد نے سونیا اور اس کے والد کو جان سے مارنے کی دھمکیاں دیں۔ 30 نومبر 2020 کو صبح 9:30 بجے سونیا کو سر میں گولی مار کر قتل کر دیا گیا۔ جائے وقوعہ سے ملنے والے گولی کے خول اور ملزم سے برآمد ہونے والے پستول سے ثابت ہوا کہ یہ گولی شہزاد کے پستول سے فائر کی گئی تھی۔

اسلام آباد ہائیکورٹ کے فیصلے میں کہا گیا کہ ٹرائل کورٹ نے اپنے فیصلے میں ملزم کو 25 سال قید بامشقت دینے کی کوئی ٹھوس وجہ پیش نہیں کی۔ عدالت نے کہا کہ ٹرائل کورٹ کا یہ فرض تھا کہ وہ قتل کے مقصد، گواہوں کی شہادت اور ملنے والے شواہد کی بنیاد پر سزا کی وضاحت کرتی، لیکن ایسا نہیں کیا گیا۔فیصلے میں مزید کہا گیا کہ ٹرائل کورٹ نے ملزم کو سیکشن 302 سی کے تحت 25 سال قید کی سزا دی، جو کہ صرف ان مقدمات میں دی جاتی ہے جہاں قصاص کی سزا نہ دی جا سکتی ہو۔ اسلام آباد ہائیکورٹ نے اس بات پر سوال اٹھایا کہ کیا اس کیس میں سیکشن 302 سی کے تحت سزا دی جا سکتی تھی۔ ہائیکورٹ نے ٹرائل کورٹ کی جانب سے سزائے موت کو نظر انداز کرنے پر بھی تنقید کی اور کہا کہ عام طور پر قتل کی سزا موت ہوتی ہے، اور اگر مخصوص حالات ہوں تو سزائے موت کو کم کر کے عمر قید دی جا سکتی ہے، لیکن ٹرائل کورٹ نے اس اہم اصول کو نظر انداز کیا۔عدالت نے واضح کیا کہ سزا کا تعین کرتے وقت بہت احتیاط سے کام لینا چاہیے، اور اگر سزائے موت میں کمی کی جائے تو اس کی وجوہات بہت مضبوط ہونی چاہئیں۔اسلام آباد ہائیکورٹ نے کیس کو دوبارہ ٹرائل کورٹ میں بھیجتے ہوئے کہا کہ ٹرائل کورٹ فریقین کو ایک مرتبہ پھر سماعت کا موقع دے اور 45 دن میں اس کیس کا وجوہ پر مبنی فیصلہ کرے۔

رحم کی اپیلوں کی منظوری، آرمی چیف کی ہمدردی، انصاف کیلیے فوج کے عزم کا ثبوت

سزا معافی کا فیصلہ،فوجی عدالتوں پر تنقید کرنیوالوں کے منہ پر زبردست طمانچہ

سزا معافی کا فیصلہ،فوجی عدالتوں پر تنقید کرنیوالوں کے منہ پر زبردست طمانچہ

یونان میں 2023 میں پیش آنے والے کشتی حادثے میں ملوث 10 ملزمان کو گرفتار کر لیا گیا ہے، جن میں وزارت داخلہ کی ریڈ بک میں شامل انتہائی مطلوب انسانی اسمگلر عمران عرف مانی بھی شامل ہے۔ وفاقی تحقیقاتی ادارے (ایف آئی اے) کے ڈائریکٹر نے اس بات کی تصدیق کی ہے کہ ملزمان کی گرفتاری ایک بڑی کامیابی ہے۔

انسانی اسمگلر عمران عرف مانی پر الزام ہے کہ اس نے کشتی حادثے میں جاں بحق ہونے والے 6 افراد کو لیبیا بھجوایا تھا اور ان سے فی کس 24 لاکھ روپے وصول کیے تھے۔ تاہم، حادثے کے بعد سے یہ ملزم روپوش تھا، لیکن ایف آئی اے کی کارروائی کے نتیجے میں اسے گرفتار کر لیا گیا ہے۔ایف آئی اے کے ترجمان نے بتایا کہ عمران عرف مانی سمیت 4 ملزمان کو گجرات اور گوجرانوالہ سے گرفتار کیا گیا، جبکہ سرگودھا، فیصل آباد اور اسلام آباد سے 6 ملزمان کو گرفتار کیا گیا۔ یہ تمام ملزمان 2023 میں ہونے والے لیبیا کشتی حادثے میں ملوث ہیں، جنہوں نے اس حادثے کے 9 متاثرین سے مجموعی طور پر 5 کروڑ 16 لاکھ روپے ہتھائے تھے۔

علاوہ ازیں 13 اور 14 دسمبر 2024 کی درمیانی شب یونان کے جزیرے کریٹ پر پیش آنے والے کشتیوں کے حادثے میں 44 پاکستانیوں کو ریسکیو کیا گیا تھا۔ یہ کشتی لیبیا کے علاقے تبروک سے یونان جا رہی تھی، تاہم حادثہ پیش آیا اور اس میں 9 پاکستانیوں کی جانیں ضائع ہو گئیں۔ اب تک 9 پاکستانیوں کی لاشیں مل چکی ہیں جبکہ دیگر لاپتہ افراد کو مردہ قرار دے دیا گیا ہے۔

ایف آئی اے نے انسانی اسمگلنگ کے خلاف اپنی کارروائیوں کو مزید تیز کر دیا ہے اور اس بات کو یقینی بنایا ہے کہ ایسے مجرموں کو قانون کے شکنجے میں لایا جائے جو معصوم افراد کی زندگیوں سے کھیلتے ہیں۔ ایف آئی اے کے حکام نے اعلان کیا ہے کہ وہ اس سلسلے میں مزید تحقیقات کر رہے ہیں تاکہ اس گھناؤنی تجارت میں ملوث تمام افراد کو پکڑا جا سکے۔

رحم کی اپیلوں کی منظوری، آرمی چیف کی ہمدردی، انصاف کیلیے فوج کے عزم کا ثبوت

سزا معافی کا فیصلہ،فوجی عدالتوں پر تنقید کرنیوالوں کے منہ پر زبردست طمانچہ

سزاؤں میں معافی، ملٹری لاء اور ٹرائل کی شفافیت کی واضح مثال