Author: ممتاز حیدر

اسلام آباد: انسدادِ دہشت گردی کی عدالت نے وزیرِ اعلیٰ خیبر پختون خوا، علی امین گنڈاپور کے ناقابلِ ضمانت وارنٹِ گرفتاری معطل کر دیے ہیں۔ یہ وارنٹ حسن ابدال میں درج ایک مقدمے کے سلسلے میں جاری کیے گئے تھے۔

علی امین گنڈاپور کے وکیل محمد فیصل ملک نے عدالت میں درخواست دائر کی، جس میں استدعا کی گئی کہ چونکہ پشاور ہائی کورٹ نے علی امین گنڈاپور کی تمام مقدمات میں ضمانت منظور کر رکھی ہے، اس لیے اُن کے وارنٹِ گرفتاری کو معطل کیا جائے۔علی امین گنڈاپور کے وکیل نے پشاور ہائی کورٹ کا حکم نامہ بھی انسدادِ دہشت گردی کی عدالت میں جمع کرایا، جس کے بعد عدالت نے غور و خوض کے بعد وزیرِ اعلیٰ کے ناقابلِ ضمانت وارنٹِ گرفتاری معطل کر دیے۔ اس فیصلے کے ساتھ ہی عدالت نے علی امین گنڈاپور کو اشتہاری قرار دینے کی کارروائی بھی منسوخ کر دی۔

یاد رہے کہ حسن ابدال میں درج مقدمے میں علی امین گنڈاپور پر دہشت گردی کی دفعات کے تحت الزامات عائد کیے گئے تھے، جس کی بنیاد پر ان کے وارنٹِ گرفتاری جاری کیے گئے تھے۔ تاہم، پشاور ہائی کورٹ کی ضمانت کی اجازت نے انسدادِ دہشت گردی کی عدالت کو اس فیصلے پر نظر ثانی کرنے پر مجبور کیا۔

26 نومبر احتجاج، گرفتار مظاہرین کی درخواست ضمانت پر فیصلہ محفوظ

تشدد کیس، اداکارہ نرگس نے شوہر کو معاف کر دیا

اسلام آباد انسداد دہشتگردی عدالت ،26 نومبر کو احتجاج کے دوران گرفتار پی ٹی آئی مظاہرین کی درخواست ضمانتوں پر سماعت ہوئی

سماعت انسداد دہشتگردی عدالت کے جج ابوالحسنات محمد ذوالقرنین نے کی ،ملزمان کے وکلاء انصر کیانی، سردار مصروف، قمر عنایت راجہ، آغا سید فیصل و دیگر عدالت میں پیش ہوئے،پراسیکیوٹر راجہ نوید بھی عدالت میں پیش ہوئے،جج نے ریمارکس دیتے ہوئے کہا کہ ضمانتیں لگی ہوئی ہیں آپ یہ کریں ایک ہی وکیل بحث کر لے، وکیل صفائی نے کہا کہ اس میں افغانی اور پاکستانی ہیں، جج نے کہا کہ آپ افغانیوں کی حد تک ان کے نام بتا دیں ان کو الگ کر دیتے ہیں،وکیل صفائی نے کہا کہ سب افغانی لیگل طور پر پاکستان میں رہ رہے ہیں سب کاغذات بھی لگے ہیں، لیگل افغانیوں نے اسائلم کے لئے اپلائی کیا ہوا اور وہ اس قسم کی سرگرمیوں میں شامل نہیں ہوتے، سب افغانیوں کو گھروں سے، کراچی کمپنی اور ترنول سے اٹھایا گیا ہے، جج نے وکیل صفائی سے استفسار کیا کہ یہ ٹوٹل کتنے لوگ ہیں، وکیل صفائی نے کہا کہ یہ 146 لوگ ہیں، جج نے استفسار کیا کہ کیا ان سب پر برآمدگیاں ڈالی گئی ہیں،وکیل صفائی نے کہا کہ سب پر مشکوک برآمدگیاں ڈالی گئیں، کوئی ویڈیو اور کوئی پرائیوٹ گواہ نہیں،

وکیل انصر کیانی نے کہا کہ موقع سے کچھ برآمد نہیں کیا گیا اتنا بڑا وقوعہ کوئی پولیس آفیسر زخمی نہیں ہوتا،بعد میں پولیس نے اپنے پاس سے برآمدگیاں ڈالی گئی ہیں،اس پورے کیس میں 421 ملزمان کو نامزد کیا گیا،کوئی جیو فنسنگ رپورٹ،سی ڈی آر اور ویڈیو تک موجود نہیں،جن راستوں سے آرہے تھے ان کی سی سی ٹی وی فوٹیج بھی موجود نہیں

عدالت نے ڈی چوک احتجاج کے دوران گرفتار پی ٹی آئی مظاہرین کی درخواستِ ضمانت پر فیصلہ محفوظ کر لیا

تشدد کیس، اداکارہ نرگس نے شوہر کو معاف کر دیا

ڈاکٹر مصدق ملک نالائق انسان،گیس تیل کی مد میں اربوں روپے کی کرپشن

اسلام آباد: وفاقی وزیر توانائی (پاور ڈویژن) سردار اویس احمد خان لغاری نے تمام وزرائے اعلیٰ، وزیراعظم آزاد کشمیر، وفاقی وزراء پلاننگ اور سائنس و ٹیکنالوجی کو انرجی کنزرویشن بلڈنگ کوڈز 2023 پر عملدرآمد کے لیے خطوط تحریر کیے ہیں۔

ان خطوط میں سردار اویس لغاری نے بلڈنگز کے حوالے سے توانائی کے غیر فعال استعمال کو کم کرنے اور انرجی کی بچت کے اصولوں کو عوام اور حکومت کے مفاد میں نافذ کرنے پر زور دیا۔وفاقی وزیر توانائی سردار اویس احمد خان لغاری نے اپنے خط میں کہا کہ عمارات میں انرجی کے غیر فعال استعمال کی وجہ سے نہ صرف توانائی کا ضیاع ہوتا ہے بلکہ اس کا براہ راست اثر عوام کے بجلی کے بلوں پر بھی پڑتا ہے۔ انرجی کے مؤثر استعمال سے نہ صرف توانائی کے خرچ میں کمی آئے گی بلکہ بجلی کے بلوں میں بھی کمی متوقع ہے۔وفاقی وزیر نے اپنی تجویز میں کہا ہے کہ انرجی کنزرویشن بلڈنگ کوڈز 2023 پر عملدرآمد کے لیے دو نکاتی اسٹریٹجی تیار کی جائے

موجودہ عمارات کے متعلق قوانین کو ازسرنو انرجی بچت کے کوڈز 2023 کی روشنی میں ترویج دی جائے۔
سالانہ ڈویلپمنٹ پلان میں ان انرجی بچت کوڈز 2023 کو پبلک سیکٹر کے تعمیراتی منصوبوں میں ترجیح دی جائے۔انہوں نے اس بات پر بھی زور دیا کہ انرجی کنزرویشن بلڈنگ کوڈز کو وفاقی کابینہ اور نیشنل اکنامک کونسل کے فورم سے منظور کیا جا چکا ہے، اور اب اس پر عملدرآمد کی ضرورت ہے۔سردار اویس لغاری نے اس بات پر بھی روشنی ڈالی کہ انرجی بچت کے اقدامات نہ صرف توانائی کے بلوں میں کمی کا باعث بنیں گے بلکہ گرمیوں میں پیک آورز کے دوران بجلی کی طلب پر قابو پانے میں بھی مددگار ثابت ہوں گے۔ ان کا کہنا تھا کہ پاکستان میں گرمیوں میں پیک آورز کا دورانیہ 60 سے 80 گھنٹے ہوتا ہے، اور ان گھنٹوں کے دوران بجلی کی زیادہ طلب ہوتی ہے، جس کی وجہ سے اضافی پاور پلانٹس کو سسٹم میں شامل کیا جاتا ہے۔

وفاقی وزیر توانائی نے بتایا کہ ان پاور پلانٹس کا استعمال صرف گرمیوں میں زیادہ ہوتا ہے اور سال کے باقی حصے میں ان کی ضرورت کم ہوتی ہے۔ ان پاور پلانٹس کے استعمال کی وجہ سے بجلی کی قیمتوں میں اضافی بوجھ پڑتا ہے، جس کا اثر عوام پر پڑتا ہے۔ انرجی کنزرویشن بلڈنگ کوڈز 2023 کے ذریعے ان اضافی بوجھ کو کم کیا جا سکتا ہے۔سردار اویس احمد خان لغاری نے اپنے پیغام میں کہا کہ انرجی کنزرویشن بلڈنگ کوڈز 2023 پر عملدرآمد کے ذریعے نہ صرف پاکستان کی توانائی کی ضروریات کو بہتر طور پر پورا کیا جا سکتا ہے بلکہ توانائی کے وسائل کے غیر ضروری ضیاع کو بھی روکا جا سکتا ہے، جس سے ملک کی مجموعی اقتصادی ترقی میں مدد ملے گی۔

ڈاکٹر مصدق ملک نالائق انسان،گیس تیل کی مد میں اربوں روپے کی کرپشن

پی ٹی آئی حکومت میں فتنہ الخوارج کی واپسی کی راہ کیسے ہموار کی گئی؟