Author: ممتاز حیدر

وفاقی وزیرداخلہ محسن نقوی کی چئیرمین قومی وطن پارٹی آفتاب احمدخان شیرپاؤ کی رہائشگاہ آمد ہوئی ہے

آفتاب احمد خان شیر پاؤ نے وزیر داخلہ محسن نقوی کا خیر مقدم کیا،وزیر داخلہ محسن نقوی کی آفتاب احمد خان شیر پاؤ سے ملاقات ہوئی ہے،ملاقات کے دوران باہمی دلچسپی و سیاسی امور اور ملک کی مجموعی صورتحال پر تبادلہ خیال کیا گیا،خیبرپختونخوا میں امن و امان کی صورتحال پر بات چیت کی گئی

وزیر داخلہ محسن نقوی نے خیبرپختونخوا خصوصا کرم میں پائیدار امن کے لئے کئے گئے اقدامات سے آگاہ کیا،وزیر داخلہ محسن نقوی کا کہنا تھا کہ آفتاب احمدخان شیر پاؤ بزرگ سیاستدان ہیں ۔خیبرپختونخوا میں آفتاب احمدخان شیر پاؤ کی سیاسی خدمات کا ہر کوئی معترف ہے۔ ایپکس کمیٹی کے اجلاس میں کے پی کے خصوصا کرم میں قیام امن کیلئے اہم فیصلے کئے گئے۔خیبرپختونخوا میں امن کی آبیاری کے لئے آخری حد تک جائیں گے۔ کرم ایجنسی ایشو پر کسی بھی سیاسی جماعت یا گروپ کو سیاست نہیں کرنی چاہیے ، یہ بہت حساس معاملہ ہے ۔

دوسری جانب خیبرپختونخوا کے مشیر بیرسٹر سیف نے کہا ہےکہ کرم میں بنکرز گرانے اور اسلحہ جمع کرانےکے بعد راستے مکمل طورپرکھول دیے جائیں گے، ایپکس کمیٹی کے فیصلے کی روشنی میں ضلع کرم کو اسلحے سے پاک کیا جائےگا، پائیدار امن کیلئے ضلع میں بنکرز کوگرانےکو یقینی بنایا جائے گا، کرم میں راستوں کی بندش کے باعث درپیش عوامی مسائل کا ادراک ہے، امن معاہدے کے بعد معمولات زندگی بحال ہو جائیں گے، بنکرز گرانے اور اسلحہ جمع کرانےکے بعد راستے مکمل طورپرکھول دیے جائیں گے،ہ حکومت کرم میں پائیدار اور دیرپا امن چاہتی ہے، بعض عناصر کرم میں دیرپا امن کے دشمن ہیں، کچھ عناصر کرم سے متعلق سوشل میڈیا پر بے بنیاد پروپیگنڈا کررہے ہیں، کچھ عناصر صوبائی حکومت کی مخلصانہ کوششوں کوغلط رنگ دے رہے ہیں۔

کرم میں قیام امن اولین ترجیح ،محسن نقوی اور گنڈا پور ملاقات میں اتفاق

محسن نقوی کی حافظ نعیم الرحمن سے منصورہ میں ملاقات

چیمپئنز ٹرافی کے حوالے سے جو بھی ہوگا پاکستان کے لیے بہتر ہو گا،محسن نقوی

جوڈیشل کمیشن اجلاس سے پہلے سپریم کورٹ کے جسٹس منصور علی شاہ کا ایک اور خط آ گیا

جسٹس منصور علی شاہ نے سیکرٹری جوڈیشل کمیشن کو خط لکھ دیا،خط میں کہا گیا کہ رولز میں آئینی بنچ کیلئے ججز کی تعیناتی کا مکینزم ہونا چاہئے،آئینی بنچ میں کتنے ججز ہوں اس کا مکینزم بنانا بھی ضروری ہے،آئینی بنچ میں ججز کی شمولیت کا پیمانہ طے ہونا چاہیے، کس جج نے آئینی تشریح والے کتنے فیصلے لکھے یہ ایک پیمانہ ہو سکتا ہے،کمیشن بغیر پیمانہ طے کئے سپریم کورٹ اور سندھ ہائیکورٹ میں آئینی بنچ تشکیل دے چکا،

جسٹس منصور نے ججز تعیناتی سے متعلق رولز پر مجموعی رائے بھی دے دی،جسٹس منصور نے جج تعیناتی میں انٹیلجنس ایجنسی سے رپورٹ لینے کی مخالفت کر دی اور کہا کہ انٹیلجنس ایجنسی کو کردار دیا گیا تو اس کا غلط استعمال ہو سکتا ہے، جوڈیشل کمیشن میں پہلے ہی اکثریت ایگزیکٹو کی ہے، چھبیسویں ترمیم سے متعلق اپنی پوزیشن واضح کرچکا ہوں،پہلے فل کورٹ بنا کر چھبیسیویں ترمیم کا جائزہ لینا چاہیے، رولزپر میری رائے اس ترمیم اور کمیشن کی آئینی حیثیت طے ہونے سے مشروط ہے، جج آئین کی حفاظت اور اس کا دفاع کرنے کا حلف لیتا ہے، ججز تعیناتی کے رولز بھی اسی حلف کے عکاس ہونے چاہییں،

عدالتوں نے ہمیشہ موسمیاتی ایمرجنسی کے کیسز کو سنجیدہ لیا ،جسٹس منصور علی شاہ

جسٹس جمال مندوخیل نے جسٹس منصور علی شاہ کو جوابی خط لکھ دیا

خطاب کے دوران جسٹس منصور علی شاہ کا آئینی بینچ میں نہ ہونے کا تذکرہ

سانحہ نو مئی کے32 مقدمات میں بشری بی بی نے انسداد دہشتگردی کی عدالت میں خود کو سرنڈر کر دیا

راولپنڈی انسداد دہشت گردی اپنے وکلا کے ہمراہ پیش ہو گئیں ،اس موقع پر سیکیورٹی کے سخت انتظامات کئے گئے ہیں،محمد فیصل مالک پر مشتمل وکلا کا پینل درخواست ضمانتوں کی پیروی کرے گا ،دہشتگردی کی خصوصی عدالت کے جج کمرہ عدالت میں پہنچ گئے ،بشری بی بی کی درخواست پر سماعت کریں گے،بشریٰ بی بی کی گاڑی کو انسداد دہشتگردی کی عدالت کے حدود میں داخل ہونے کی اجازت دی گئی،

بشری بی بی کی 32 مقدمات میں 13 جنوری تک عبوری ضمانت منظور کر لی گئی،عدالت نے بشری بی بی کو 13جنوری تک گرفتار نہ کرنے کا حکم دیا،عدالت نے تمام مقدمات کے تفتیشی افسران کو نوٹس جاری کر دیئے۔عدالت نے آئندہ سماعت پر ریکارڈ طلب کر لیا، بشری بی بی کے خلاف مقدمات احتجاج کے واقعات پر اٹک اور پنڈی میں درج ہیں۔ درخواست ضمانتوں کی سماعت انسداد دہشتگردی عدالت کے جج امجد علی شاہ نے کی ،ضمانت ملنے کے بعد بشری بی بی عدالت سےروانہ ہو گئیں،بشریٰ بی بی سماعت کے دوران کمرۂ عدالت میں موجود تھیں اور ان کی جانب سے ضمانتی مچلکے بھی جمع کرائے گئے۔

بشریٰ بی بی بارے ٹویٹس،گلوکار سلمان احمد کو پی ٹی آئی نے پارٹی سے نکال دیا

پشاور ہائیکورٹ، بشریٰ بی بی کی حفاظتی ضمانت میں توسیع

عمران کے چھ، بشریٰ کی ایک مقدمے میں‌عبوری ضمانت میں توسیع

اسلام آباد: وزیراعظم محمد شہباز شریف سے جمعیت علمائے اسلام (ف) کے سربراہ مولانا فضل الرحمان کی اہم ملاقات ہوئی جس میں مدارس کی رجسٹریشن کے حوالے سے تجاویز پر مثبت پیشرفت ہوئی ہے۔

وزیراعظم شہباز شریف نے اس اہم معاملے کو جلد حل کرنے کی ہدایت کرتے ہوئے وزارت قانون کو آئین و قانون کے مطابق اقدامات اٹھانے کی ہدایت کی۔ملاقات میں وزیرِ اعظم محمد شہباز شریف کے علاوہ رکن قومی اسمبلی مولانا عبدالغفور حیدری، سینیٹر کامران مرتضیٰ، رکن قومی اسمبلی راجہ پرویز اشرف، اور پاکستان پیپلز پارٹی کے سینئر رہنما قمر زمان کائرہ بھی شریک تھے۔ ملاقات کے دوران اسپیکر قومی اسمبلی سردار ایاز صادق، نائب وزیراعظم و وزیر خارجہ اسحاق ڈار، وفاقی وزیر قانون و انصاف اعظم نذیر تارڑ، وفاقی وزیر اطلاعات و نشریات عطاء اللہ، وزیراعظم کے مشیر برائے سیاسی امور رانا ثناءاللہ اور اٹارنی جنرل منصور عثمان بھی موجود تھے۔

ملاقات میں مدارس کی رجسٹریشن کے حوالے سے بات چیت کی گئی، جس میں حکومت کی جانب سے اصلاحات کے حوالے سے اقدامات پر زور دیا گیا تاکہ مدارس کے نظام کو باقاعدہ اور شفاف بنایا جا سکے۔ مولانا فضل الرحمان نے حکومت کی اس سمت میں اٹھائے جانے والے قدموں کو سراہا اور مختلف مسائل پر اپنی تجاویز پیش کیں۔وزیراعظم شہباز شریف نے اس بات پر زور دیا کہ حکومت کسی بھی ادارے کی رجسٹریشن کے عمل کو شفاف اور آئین کے مطابق کرے گی، تاکہ مدارس کے حوالے سے کسی بھی طرح کی بے چینی پیدا نہ ہو۔ وزیراعظم کا کہنا تھا کہ وزارت قانون اس معاملے کی تکمیل کے لیے جلد اقدامات کرے گی اور تمام فریقین کو اعتماد میں لیا جائے گا۔

یہ ملاقات وزیراعظم ہاؤس میں ہوئی اور اس میں مختلف سیاسی و حکومتی رہنماؤں نے شرکت کی، جس سے حکومت کے داخلی معاملات میں مزید ہم آہنگی اور تعاون کا اظہار ہوا۔یہ ملاقات ایک اہم سنگ میل ثابت ہوئی ہے جس سے مدارس کے حوالے سے ہونے والے اقدامات میں مزید تیزی آنے کی توقع ہے۔

وزیراعظم نے اچھی نیت سے بات کی، امید ہے معاملہ حل ہوجائے گا، مولانا فضل الرحمان
وزیراعظم شہباز شریف سے ملاقات کے بعد میڈیا سے مختصر بات چیت کرتے ہوئے مولانا فضل الرحمان کا کہنا تھا کہ وزیراعظم سے درخواست کی آئین وقانون کے مطابق فوری طور پر عملی اقدامات کریں،امید ہے ہمارے مطالبے کے مطابق آئینی طور پر عملی اقدام ہوگا، وزیراعظم نے قابل اعتماد انداز میں بات کی ہے،آج ہماری گفتگو کا موضوع صرف مدارس بل ہی تھا،صدر نے دوسرا اعتراض آئینی مدت کے بعد بھیجا جس کا اختیار بھی نہیں، ہم نے اپنا موقف ملاقات میں دہرایا، ہم نے واضح کیا کہ دونوں ایوانوں سے بل منظور ہونے کے بعد ایکٹ بن چکا ہے، اگر صدر نے اعتراض کرنا ہے تو ایک اعتراض ہوچکا جس کا جواب اسپیکر نے دے دیا، صدر مملکت نے جو دوسرا اعتراض بھیجا وہ آئینی طور پر بنتا ہی نہیں،صدر مملکت نے اسپیکر کے جواب پر کوئی ردعمل ظاہر نہیں کیا، دوسرا اعتراض آئینی مدت گزرنے کے بعد بھیجا گیا جو ابھی تک اسپیکر کے دفتر تک نہیں پہنچا، ہمارے موقف کا انتہائی مثبت جواب دیا گیا، وزیراعظم نے وزارت قانون کو فوری ہدایات کیں کہ قانون و آئین کے مطابق عملی اقدامات کریں، امید ہے آئین و قانون کے مطابق عملی اقدامات ہمارے مطالبات کے مطابق ہوں گے،وزیراعظم نے اچھی نیت سے بات کی، امید ہے معاملہ حل ہوجائے گا، شاید اس معاملے پر پارلیمنٹ کے مشترکہ اجلاس کی ضرورت نہ پڑے۔

مدارس بل:حکومت جلد فیصلہ کر لے تو بہتر ہے،حافظ حمداللہ

مدارس رجسٹریشن معاملہ: ایم کیو ایم نے مولانا کی حمایت کردی

مدارس بل ایکٹ ، فوری گزٹ نوٹیفکیشن جاری کیا جائے، اتحاد تنظیمات مدارس

مدارس بل پر علماء کرام کی مختلف تجاویز ہیں،گورنر پنجاب

دینی مدارس کی رجسٹریشن،حکومت نے نیا مسوودہ جے یوآئی کو دے دیا

مدارس رجسٹریشن بل،صدر مملکت کا اعتراض،واپس بھجوا دیا