Author: ممتاز حیدر

معروف گلوکار سلمان احمد کو بشری بی بی پر تنقید مہنگی پڑ گئی۔ عمران خان نے سلمان احمد کو اپنی سیاسی جماعت پاکستان تحریک انصاف (پی ٹی آئی) سے نکال کر واضح کر دیا کہ وہ بالکل نہیں بدلے۔ پی ٹی آئی میں رہنے کے لیے عمران خان نے ایک نئی شرط متعارف کروا دی ہے، اور وہ شرط ہے "پنکی سے وفاداری”۔

عمران خان کی اہلیہ، بشریٰ بی بی، جنہیں اکثر "پنکی” کے نام سے بھی یاد کیا جاتا ہے، ان کا احترام اب پی ٹی آئی میں شامل ہونے کی پہلی اور سب سے اہم شرط بن چکا ہے۔ اس کے ذریعے عمران خان نے یہ پیغام دیا ہے کہ پارٹی کے اندر کسی بھی شخص کو بشریٰ بی بی کی عزت میں کمی کرنے کی اجازت نہیں ہوگی، چاہے وہ کتنی ہی اہم شخصیت کیوں نہ ہو۔عمران خان کا یہ فیصلہ اس بات کو ظاہر کرتا ہے کہ عمران خان کی سیاست میں اب ان کی اہلیہ کا مقام اور اثرورسوخ بھی اہم ہے۔ پارٹی کے اندر ہونے والے اس تبدیلی کے بعد، اگر کوئی رکن بشریٰ بی بی کی شان میں گستاخی کرتا ہے یا اس کی عزت میں کمی کرتا ہے، تو اسے فوری طور پر پارٹی سے باہر نکال دیا جائے گا۔

عمران خان نے ہمیشہ فوج اور ریاستی اداروں کے خلاف آواز اٹھائی ہے، اور اس جماعت کے اندر اس بات کی حوصلہ افزائی بھی کی جاتی ہے۔ یعنی آپ جتنا بھی فوج اور ریاستی اداروں کے مخالف ہوں گے، آپ پارٹی کے اندر اتنے ہی اہم رہنما بن سکتے ہیں۔ تاہم، اس کے ساتھ ساتھ بشریٰ بی بی کی "وفاداری” کو کوئی بھی شک کی نظر سے نہیں دیکھ سکتا۔پی ٹی آئی میں رہنے کے لیے اب یہ ضروری ہو چکا ہے کہ آپ فوج اور ریاستی اداروں کے مخالف ہوں اور بشریٰ بی بی کے ساتھ وفاداری کو شک کی نظر سے نہ دیکھیں۔ اس کا مطلب یہ ہے کہ آپ اس جماعت میں اپنے سیاسی موقف کے باوجود بشریٰ بی بی کی کرپشن اور اس کے کردار پر کسی بھی قسم کی تنقید سے بچتے ہوئے، اس کی تعریف میں قصیدہ پڑھنے کے پابند ہیں۔

عمران خان کے اقدامات سے واضح ہو چکا کہ اگر آپ بشریٰ بی بی کی حمایت میں کھڑے رہیں گے اور اس کی عزت میں کمی کرنے کی کوشش نہیں کریں گے، تو آپ صف اول کے رہنما بن سکتے ہیں۔ اس بات کی ایک زندہ مثال وہ شخصیات ہیں جو اس وقت پی ٹی آئی کے اندر موجود ہیں، جیسے کہ مشال یوسفزئی، صنم جاوید، جو بشریٰ بی بی کی "وفاداری” پر شک کیے بغیر اس کی حمایت میں کھڑی ہیں اور اس کی کرپشن یا دیگر معاملات پر خاموشی اختیار کیے ہوئے ہیں۔یہ شخصیات اس بات کو سمجھتی ہیں کہ اگر انہیں سیاسی طور پر آگے بڑھنا ہے تو انہیں بشریٰ بی بی کے ساتھ ہر حالت میں وفادار رہنا ہوگا، چاہے اس کے لیے انہیں اپنی ذاتی رائے یا نظریات کو پس پشت ڈالنا پڑے۔ یہی وجہ ہے کہ ان شخصیات نے بشریٰ بی بی کی کرپشن پر آنکھیں بند کر رکھی ہیں اور اس کی شان میں قصیدہ خوانی کی ہوئی ہے۔

عمران خان نے اس فیصلے کے ذریعے اپنی جماعت کی سیاست میں ایک نیا زاویہ متعارف کروا دیا ہے۔ اس کے ذریعے انہوں نے یہ ثابت کر دیا ہے کہ اگر آپ پارٹی میں رہنا چاہتے ہیں، تو بشریٰ بی بی کی حمایت میں ہر حال میں کھڑے رہنا ہوگا، چاہے آپ کی ذاتی رائے کچھ بھی ہو۔یہ بات بھی اہم ہے کہ سلمان احمد کی پارٹی سے نکالے جانے کے بعد پی ٹی آئی کے اندر ایک نیا معیار قائم ہو چکا ہے، جہاں بشریٰ بی بی کے ساتھ وفاداری کو اولین ترجیح دی گئی ہے۔ اس سے قبل عون چودھری نے بشری بی بی پر تنقید کی تو اس کو عمران خان نے پارٹی سے نکال دیا ۔ عثمان بزدار پر علیم خان نے تنقید کی تو اس پر پی ٹی آئی حکومت مین ہی نیب انکوائری شروع ہو گئی تھی

سنی اتحاد کونسل پاکستان اور قائمہ کمیٹی برائے انسانی حقوق کے چیئرمین صاحبزادہ حامد رضا نے کہا ہے کہ حکومت کیساتھ مذاکرات برابری کی بنیاد پر ہوں گے۔ حکومت مذاکرات سے پہلے عمران خان کے مینڈیٹ کو تسلیم کرے۔ حکومتی وزراء کی چرب زبانی سیاسی کشیدگی کا باعث ہے۔ سیاسی مقدمات کا بھر پور مقابلہ کیا جائے گا۔ لیگل گراؤنڈز پر عمران خان کا ملٹری ٹرائل نہیں ہوسکتا۔ پاکستان کی سب سے بڑی پارلیمانی جماعت کو دیوار کیساتھ نہیں لگایا جاسکتا۔ حکومت نے آئی ایم ایف کا بوجھ عام آدمی پر ڈال دیا ہے۔ پنجاب اسمبلی میں ممبران پارلیمنٹ اور وزراء کی تنخواہوں کے فیصلے کو مسترد کرتے ہیں۔ عام آدمی کا لائف اسٹائل دن بدن بدتر ہوتا جارہا ہے۔ سانحہ اے پی ایس کے مجرمان کو عام معافی دیکر شہداء کے خون سے بیوفائی کی گئی ہے۔ 9مئی اور 26نومبر کے واقعات کی جوڈیشل انکوائری کی جائے۔ ان خیالات کا اظہار انہوں نے چیئرمین پاکستا ن تحریک انصاف بیرسٹر گوہر سے ملاقات کے دوران گفتگو کرتے ہوئے کیا۔ صاحبزادہ حامد رضا نے مزید کہا کہ سیاسی کارکنوں کو مذاق نہ بنایا جائے۔ ہمارے مظاہرین پر بد ترین تشدد کرکے جمہورکا گلہ دبایا جارہا ہے۔ ملک کی سب سے بڑی جمہوری و پارلیمانی جماعت کے کارکنوں اور ہنماؤں کے خلاف بدترین انتقامی کاروائیاں کی جارہی ہیں۔ عمران خان کی ہدایت کے بغیر حکومت کیساتھ مذاکرات کی کوئی حیثیت نہیں۔

امریکہ پاکستان کے دفاعی معاملات میں مداخلت بند کرے،خالدمسعودسندھو

پاکستان تحریکِ انصاف (پی ٹی آئی) کے مرکزی سیکریٹریٹ کی جانب سے ایک اہم اعلان کیا گیا ہے جس میں پارٹی نے سلمان احمد کی بنیادی رکنیت ختم کرنے کا فیصلہ کیا ہے۔ پارٹی کے مرکزی دفتر سے جاری ایک بیان میں کہا گیا ہے کہ سلمان احمد نے مسلسل پارٹی کے ارکان اور حامیوں کے درمیان تقسیم اور بداعتمادی پیدا کرنے کی کوشش کی ہے۔

پی ٹی آئی کے بیان میں یہ کہا گیا کہ سلمان احمد نے سوشل میڈیا کے مختلف پلیٹ فارمز، خاص طور پر ایکس (پرانا ٹویٹر)، پر اپنے اکاؤنٹ @sufisal سے پارٹی کی قیادت، خاص طور پر عمران خان کی فیملی کے خلاف توہین آمیز اور بے بنیاد پوسٹس شیئر کیں۔ اس کے علاوہ، سلمان احمد نے پارٹی کی پالیسیوں اور موقف کے خلاف بھی پوسٹس کیں، جن کا مقصد پارٹی کی یکجہتی کو نقصان پہنچانا تھا۔ پی ٹی آئی نے بار بار سلمان احمد کو اپنے غیر ذمہ دارانہ بیانات اور سوشل میڈیا پر پوسٹ کی جانے والی مواد سے باز رہنے کی ہدایات دی تھیں۔ پارٹی کی کور کمیٹی کی جانب سے متعدد پریس ریلیز بھی جاری کی گئی تھیں جن میں ان سے کہا گیا تھا کہ وہ اپنے رویے کو بہتر بنائیں اور پارٹی کے اصولوں کا احترام کریں۔

اس کے باوجود، سلمان احمد نے پارٹی کی قیادت کی تنبیہات کو نظر انداز کرتے ہوئے اپنے غیر مناسب بیانات کا سلسلہ جاری رکھا۔ اس نافرمانی کے پیش نظر، پی ٹی آئی نے انہیں فوری طور پر پارٹی سے نکال دیا ہے اور ان کی بنیادی رکنیت ختم کر دی ہے۔ پارٹی کی جانب سے یہ بھی کہا گیا ہے کہ سلمان احمد کو اب پی ٹی آئی سے کسی قسم کی وابستگی ظاہر کرنے کی اجازت نہیں ہوگی۔

پی ٹی آئی کے چیئرمین، بارسٹر گوہر علی خان کی جانب سے جاری کردہ اس فیصلے میں کہا گیا ہے کہ پارٹی نے سلمان احمد کی جانب سے مسلسل بدگمانیوں اور بے بنیاد الزامات کے جواب میں یہ سخت قدم اٹھایا ہے تاکہ پارٹی کی یکجہتی اور عزت کو بچایا جا سکے۔