Author: ممتاز حیدر

آپریشن غضب للحق اور اس کے نتیجے میں افغان طالبان کی حکومت کے نقصانات کی تفصیلات سامنے آ گئی ہیں

وزیراعظم کے ترجمان مشرف زیدی کے مطابق افغانستان سے دہشت گردی کی لعنت کے خاتمے کے لیے پاکستان کی کوششیں آج دن بھر جاری رہیں۔مجموعی طور پر 297 افغان طالبان، ٹی ٹی پی اور دیگر دہشت گردوں کے ہلاک اور 450 سے زائد کے زخمی ہونے کی اطلاع ہے۔افغان طالبان کی 89 پوسٹیں تباہ اور اٹھارہ (18) پر قبضہ کر لیا گیا ہے۔افغان طالبان کی حکومت کے 135 ٹینک تباہ ہو چکے ہیں۔پورے افغانستان میں انتیس (29) مقامات کو فضائی حملوں کا نشانہ بنایا گیا ہے۔الحمدللہ، پاکستان کی جارحیت کا فوری اور موثر جواب جاری ہے۔

آپریشن غضب للحق جاری ، ننگرھار میں فضائی حملے،پاک فوج کی افغان طالبان رجیم کی بلااشتعال جارحیت کیخلاف زمینی اور فضائی کارروائیاں جاری ہیں

سیکیورٹی ذرائع کے مطابق پاک فضائیہ نے افغانستان کے صوبہ ننگرھار میں افغان طالبان کے بریگیڈ ہیڈکوارٹرز کو تباہ کردیا ،پاک فضائیہ نے ننگرھار میں افغان طالبان کے بٹالین ہیڈکوارٹرز کوبھی نشانہ بنایا ،پاکستانی سیکیورٹی فورسز عالمی قوانین کی پاسداری کرتے ہوئے صرف افغان فوجی اہداف کو نشانہ بنارہی ہیں ،آپریشن غضب للحق تاحال جاری ہے اور اپنے اہداف حاصل ہونے تک جاری رہے گا

پاک فضائیہ کی جوابی کارروائی میں صوبہ لغمان میں اسلحہ ڈپو،اے بی ایف بٹالین ہیڈکوارٹر اور ننگرہار بریگیڈ مکمل طورپر تباہ ہو گیا ہے،

امریکی صدر ڈونلڈ ٹرمپ نے کہا ہے کہ پاکستان افغانستان کے ساتھ اچھا کررہا ہے ، مداخلت نہیں کروں گا۔

پاک افغان جنگ سے متعلق سوال پر امریکی صدر ٹرمپ سے سوال ہوا جس پرانہوں نے جواب دیتے ہوئے کہا کہ پاکستان کے وزیراعظم اور فیلڈ مارشل کی عزت کرتا ہوں، پاکستان افغانستان کے ساتھ اچھا کررہا ہے ، مداخلت نہیں کروں گا، میں پاکستان کے ساتھ ہوں، جیسا کہ آپ جانتے ہیں، بہت اچھی طرح سے۔ بہت، بہت اچھا۔ جی ہاں، ان کے پاس ایک عظیم وزیر اعظم ہے، وہاں ایک عظیم جنرل ہے، وہاں آپ کا ایک عظیم لیڈر ہے۔ مجھے لگتا ہے کہ دو لوگوں کا میں واقعی بہت احترام کرتا ہوں، اور مجھے لگتا ہے کہ پاکستان بہت اچھا کام کر رہا ہے، ہاں

اس کے علاوہ امریکی صدر نے کہا کہ ایران ایٹمی ہتھیار نہیں رکھ سکتا، ایران سے خوش نہیں ہوں مگر جمعے تک مزید مذاکرات متوقع ہیں، ایران کے ساتھ ڈیل بنانا چاہتا ہوں ۔

ڈی جی آئی ایس پی آر لیفٹیننٹ جنرل احمد شریف چودھری نے کہا ہے کہ پاکستان نے ٹی ٹی پی کے خلاف ایکشن لیا لیکن افغان طالبان ایک ماسٹر پروکسی ہے جس نے ان کا ساتھ دیا ،آپریشن غضب للحق پر وزیر اعظم کو بریف کردیا گیا ہے، ٹی ٹی پی بین الاقوامی سطح پر دہشتگرد قرار دی گئی تنظیم ہے۔

پریس کانفرنس کرتے ہوئے ڈی جی آئی ایس پی آر لیفٹیننٹ جنرل احمد شریف چودھری کا کہنا تھا کہ طالبان نے پختونخوا کے پندرہ سیکٹرز میں 53 مقامات پر حملے کیے،پاک فوج نے تمام 53 مقامات پر بروقت کارروائی کی اور ان دشمن کو منہ توڑ جواب دیا، اب تک افغان رجیم کے 274 افغان اہلکار ہلاک کیے جا چکے ہیں۔ 400 سے زائد زخمی ہیں۔ 73 سے زائد پوسٹیں تباہ، 115 ٹینک، آرٹلری گاڑیاں تباہ کی جا چکی ہیں،افغان طالبان اپنے ساتھیوں کی لاشیں چھوڑ کر بھی فرار ہو چکے ہیں، افغان طالبان اور خوارج ہرجگہ جان بچا کر بھاگتے رہے،لاشیں بھی اٹھا نہیں سکے،یہ کواڈ کاپٹر ، چھوٹے اور بڑے ہتھیار لیکر آئے، انکے کواڈ کاپٹر اور ہتھیاروں کو خاموش کروایا، جہاں جہاں سے یہ حملہ آیا، پاک فوج نے منہ توڑ جواب دیا، 12 پاکستانی فوجی شہید ہوئے 27 زخمی ہیں جبکہ ایک مسنگ ہے۔

ترجمان پاک فوج کا مزید کہنا تھا کہ افغانستان میں کسی سویلین ٹارگٹ کو نشانہ نہیں بنایا گیا ،حالیہ حملوں اور سرحد پار سرگرمیوں سے واضح ہوتا ہے کہ یہ ایک "ماسٹر پراکسی” ہے جس کا مقصد پاکستان کو نشانہ بنانا ہے، ہمارا مؤثر جواب مسلح افواج کے مکمل چوکس ہونے کا مظہر ہے، بنیان المرصوص کی طرح گزشتہ رات بھی پوری قوم پاک افواج کیساتھ کھڑی تھی۔افغان طالبان اپنے میڈیا اور سوشل میڈیا پر بے شرمی کا مظاہرہ کررہے ہیں، افغان طالبان کہہ رہے ہیں کہ وہ دہشتگردی کی صورت میں جواب دیں گے،افواج پاکستان نے پیشہ ورانہ انداز میں صرف عسکری اہداف کو نشانہ بنایا، ایبٹ آباد، نوشہرہ میں ڈرون حملوں کو ناکام بنادیا گیا، ہمارا گزشتہ روز آپریشن اپنے ملک کے دفاع اور عوام کے تحفظ میں تھا، افغان طالبان رجیم دہشت گردوں کی سرپرستی کررہی ہے، پاکستان میں اگر کسی جگہ دہشت گردی، خودکش حملہ ہوا تو جواب ناصرف دہشتگردوں بلکہ ان کاتحفظ کرنےوالوں کو بھی دیا جائے گا، افغانستان کو ٹی ٹی پی، بی ایل اے، داعش، القاعدہ اور دیگر دہشت گرد تنظیموں یا پاکستان میں سے کسی ایک کو چننا ہے، ہماری چوائس واضح ہے، ہم اپنی چوائس کیلئے قربانی دینے سے کبھی نہیں جھجکیں گے، پاکستان کی افواج مشرقی اور مغربی بارڈر پر ہر دم تیار ہیں، کسی کو شوق پورا کرنے ہے تو آزمالے، پاکستان کے مفادات کا تحفط ہر قیمت پر کیا جارہا ہے،افغان طالبان رجیم نے ہی دوحہ معاہدہ کیا تھا، افغان طالبان نے کہا تھا کہ افغان سرزمین دہشت گردی کیلئے استعمال نہیں ہونے دیں گے، کیا افغان طالبان نے اپنے معاہدے کی پاسداری کی؟کل رات جو ہم نے آپریشن کیا وہ اپنے حق کے تحفظ کیلئے تھا، تمام سیاسی جماعتیں متفق ہیں کہ پاکستان میں دہشت گردی کو کوئی جگہ نہیں دی جاسکتی، نیشنل ایکشن پلان 2014 میں بنا تھا جسے ہم وژن عزم استحکام کہتے ہیں، پاکستان میں دہشتگردی کے ہر واقعے میں بھارت ملوث ہے، افغان طالبان رجیم اور دہشتگردوں میں کوئی فرق نہیں، وزیراعظم کی ہدایت پر آپریشن غضب للحق جاری ہے، دنیا سمجھتی ہے پاکستان کا آپریشن غضب للحق عوام کے تحفظ کیلئے ہے، سیاسی اختلافات سے بالاتر ہوکر قوم دہشتگردی کے خلاف متحد ہے۔ آپریشن غضب للحق اپنے مقاصد کی تکمیل تک جاری رہے گا۔ خیبر پختونخوا کی پولیس کو سلام پیش کرتے ہیں، ہمیں ان پر فخر ہے،