Author: ممتاز حیدر

سعودی عرب کے جُبیل پیٹروکیمیکل حب پر حملہ ہوا جہاں بڑے پیمانے پر آگ لگی – آخر ایران چاہتا کیا ہے ؟

ایران کی جانب سے سعودی عرب پر یہ تازہ حملہ ایسے وقت میں کیا گیا جب امن مذاکرات ایک اہم اور فیصلہ کن مرحلے میں داخل ہو چکے تھے، یہ حملہ اس وقت کیا گیا جب پاکستان امریکہ سمیت دیگر اہم مسلم ممالک کے ساتھ مسلسل اور انتہائی سطح کے سفارتی رابطوں میں مصروف ہے،ایسے ماحول میں سعودی عرب کو نشانہ بنانا امن عمل کو نقصان پہنچانے کے مترادف ہے،قابل غور بات یہ ہے کہ نشانہ فوجی نہیں بلکہ پیٹروکیمیکل کمپلیکس بنایا گیا، جو معاشی انفراسٹرکچر ہے،یہ اقدام نہایت غیر ذمہ دارانہ اور خطرناک ہے، جو خطے میں کشیدگی کو مزید بڑھا سکتا ہے

سوال یہ اٹھتا ہے کہ کیا کچھ عناصر دانستہ طور پر امن کوششوں کو سبوتاژ کرنا چاہتے ہیں ، ایسے اقدامات خود ایران کے مفادات کے بھی خلاف جا سکتے ہیں،بنیادی نکتہ یہ ہے کہ اس نازک مرحلے پر کسی بھی جارحیت سے نہ صرف علاقائی امن بلکہ جاری سفارتی کوششیں بھی شدید متاثر ہو سکتی ہیں

ایرانی دارالحکومت تہران کی فضا میں لڑاکا طیاروں کی پروازیں دیکھی گئی ہیں۔

عرب میڈیا کا کہنا ہے کہ رپورٹس کے مطابق تہران میں کم از کم 3 زوردار دھماکے سنے گئے، جس سے شہریوں میں خوف و ہراس پھیل گیا،ایرانی میڈیا کے مطابق ایران کے صوبے لورستان میں خرم آباد ایئر پورٹ کو امریکی اور اسرائیلی حملے میں نشانہ بنایا گیا، تاہم ہلاکتوں یا زخمیوں کی تفصیلات ابھی سامنے نہیں آئی ہیں

ایران میں امریکا اور اسرائیل کے حملوں میں یہودی عبادتگاہ ملبے کا ڈھیر بن گئی۔ایران پر امریکا اور اسرائیلی حملے جاری ہیں، یہودی عبادت گاہ بھی محفوظ نہیں ہے۔ایرانی میڈیا کے مطابق تہران میں بمباری سے یہودی عبادت گاہ ملبے کا ڈھیر بن گئی۔رپورٹ کے مطابق مغربی ایشیاء میں یہودیوں کی دوسری بڑی آبادی ایران میں مقیم ہے۔

دوسری جانب ایران کی جانب سے جوابی کارروائیاں جاری ہیں، کویت میں امریکی ایئربیس پر ڈرون حملہ کیا گیا، امریکی میڈیا کے مطابق حملے میں 15 فوجی زخمی ہوگئے۔ پینٹاگون کے مطابق جنگ میں زخمی ہونیوالے فوجیوں کی تعداد 373 ہوگئی۔ایران نے اسرائیل کے شہر حیفا میں طیاروں کو ایندھن فراہم کرنیوالی ریفائنری ملیا میٹ کردی۔ سعودی عرب نے 7 بلیسٹک میزائل تباہ کردیے، میزائل کا ملبہ گرنے سے تیل کی تنصیبات کو نقصان پہنچا، آگ بھڑک اٹھی۔کویت، یواے ای اور بحرین میں بھی تیل کی تنصیبات پر میزائل برساددیے گئے، کویت میں امریکی اور اسرائیلی بحری جہازوں پر حملے کیے گئے۔ایران نے قطر کے آئل ٹینکرز کو آبنائے ہرمز سے گزرنے سے روک دیا۔

برطانوی اخبار نے دعویٰ کیا ہے کہ ایرانی سپریم لیڈر شدید زخمی اور بے ہوش ہیں، قم شہر میں ان کا علاج ہورہا ہے۔

ایرانی سپریم لیڈر کی صحت سے متعلق برطانوی اخبار نے بڑا دعویٰ کردیا۔ دی ٹائمز کا کہنا ہے کہ مجتبیٰ خامنہ ای شدید زخمی اور بے ہوش ہیں، ان کا ایران کے شہر قم میں علاج ہورہا ہے۔ایرانی سپریم لیڈر سے متعلق امریکا اور اسرائیل کی انٹیلی جینس میمو میں انکشاف ہوا ہے، دی ٹائمز کا کہنا ہے کہ ایرانی سپریم لیڈر روزمرہ کے معاملات چلانے کے قابل نہیں۔برطانوی اخبار کا کہنا ہے کہ مجتبیٰ خامنہ ای جنگ کے پہلے روز زخمی ہوئے تھے۔

میڈیا رپورٹس کے مطابق ایران پرامریکہ اور اسرائیل کے حملے کی پہلی لہر کے بعد سے مجتبیٰ خامنہ ای کیسے ہیں، کہاں ہیں؟ ان کی صحت کے حوالے سے بھی مختلف قسم کی رپورٹس تاحال سامنے آچکی ہیں۔اس دوران،مجتبیٰ خامنہ ای کے پیغامات سرکاری میڈیا کے ذریعے منظرعام پرآچکے ہیں لیکن وہ خود عوام کے درمیان نہیں آئے ہیں۔

دوسری جانب ایرانی سپریم لیڈر کا کہنا ہے کہ دشمن ہر روز دھمکیاں اور تباہی کی وارننگز دے رہا ہے مگر قتل اور جرائم ایران کی مسلح افواج کو کمزور نہیں کرسکتے، مسلح افواج دشمن کیخلاف لڑائی جاری رکھیں گی۔ایران کے سپریم لیڈر مجتبیٰ خامنہ ای نے ٹرمپ کو دوٹوک جواب دیدیا، کہا امریکا اور اسرائیل کو ایران میں مسلسل شکستوں کا سامنا کرنا پڑا، دشمن ایران کے شہری مقامات پر حملے کررہا ہے، پل، پاور پلانٹس اور اسکولوں پر حملے انسانیت کیخلاف جرائم ہیں۔

ایرانی حکومت نےآیت اللہ خامنہ ای کے 40 ویں پر ملک بھر میں تعزیتی تقاریب کا اعلان کر دیا،ایران بھرمیں تعزیتی اجتماعات، قرآن خوانی کا سلسلہ 8 اپریل سےشروع کیاجائےگا، جمعرات کو جمہوری اسلامی اسکوائر سے آیت اللہ خامنہ ای کی شہادت کے مقام تک مارچ ہوگا، ایران میں جمعے کو صبح 10 بجے 40 ویں کی مرکزی تقریب ہوگی۔یاد رہے امریکا نے آیت اللہ خامنہ ای کو 28 فروری کوتہران میں ان کےدفتر میں شہید کیا تھا۔

امریکہ میں ہم جنس جوڑوں کی تعداد میں تاریخی اضافہ دیکھنے میں آیا ہے، جبکہ پہلی بار خواتین پر مشتمل ہم جنس جوڑے مردوں سے زیادہ ہو گئے ہیں۔

رپورٹ کے مطابق سن 2005 میں ہم جنس جوڑوں میں مردوں کا تناسب زیادہ تھا، جہاں 54 فیصد جوڑے مردوں پر مشتمل تھے جبکہ خواتین کا حصہ 45 فیصد تھا۔ اس وقت قانونی طور پر ہم جنس شادی صرف ایک ریاست میساچوسٹس میں تسلیم شدہ تھی۔تاہم دو دہائیوں میں صورتحال یکسر تبدیل ہو گئی۔ 2024 تک خواتین ہم جنس جوڑوں کا تناسب بڑھ کر 53 فیصد ہو گیا جبکہ مرد جوڑوں کا تناسب 46 فیصد رہ گیا۔ ماہرین کے مطابق اس تبدیلی میں سن 2015 میں ہم جنس شادی کو ملک بھر میں قانونی حیثیت ملنا ایک اہم سنگ میل ثابت ہوا۔

رپورٹ کے مطابق 2024 تک امریکہ میں ہم جنس جوڑوں کے گھرانوں کی تعداد تقریباً 1.4 ملین تک پہنچ گئی، جو کہ 2005 کے مقابلے میں دوگنا ہے۔ یہ تعداد ملک کے مجموعی گھرانوں کا تقریباً 1 فیصد بنتی ہے۔دلچسپ امر یہ ہے کہ یہ شرح اب بھی اس مجموعی آبادی سے کم ہے جو خود کو LGBTQ+ شناخت کرتی ہے، جس کا اندازہ تقریباً 9 فیصد لگایا گیا ہے، جبکہ تقریباً 5 فیصد امریکی خود کو بائی سیکسوئل قرار دیتے ہیں۔

اعداد و شمار میں ایک اہم پہلو معاشی عدم مساوات بھی سامنے آیا۔ خواتین ہم جنس جوڑوں کی اوسط سالانہ گھریلو آمدنی تقریباً 108,500 ڈالر رہی، جبکہ مرد جوڑوں کی آمدنی اس سے کہیں زیادہ یعنی 140,500 ڈالر رہی۔تاہم ملازمت کے حوالے سے دونوں اقسام کے جوڑوں میں تقریباً یکساں شرح دیکھی گئی، جہاں تقریباً 64 فیصد جوڑوں میں دونوں پارٹنرز ملازمت پیشہ تھے۔رپورٹ میں یہ بھی انکشاف ہوا کہ ہم جنس جوڑے تعلیمی اعتبار سے اپنے مخالف جنس ہم منصبوں سے آگے ہیں۔ تقریباً 32.5 فیصد ہم جنس غیر شادی شدہ جوڑوں میں دونوں افراد کم از کم بیچلر ڈگری رکھتے ہیں، جبکہ مخالف جنس جوڑوں میں یہ شرح 19.1 فیصد ہے۔مزید برآں، ہم جنس شادی شدہ جوڑوں میں نسلی تنوع بھی زیادہ پایا گیا، جہاں 31.3 فیصد جوڑے مختلف نسلی پس منظر رکھتے ہیں، جبکہ مخالف جنس جوڑوں میں یہ شرح 19.5 فیصد ہے۔

رپورٹ کے مطابق شادی شدہ ہم جنس جوڑے اوسطاً کم عمر ہیں (49 سال) جبکہ شادی شدہ مخالف جنس جوڑوں کی اوسط عمر 53.2 سال ہے۔ غیر شادی شدہ جوڑوں میں عمر کا فرق تقریباً برابر رہا۔اعداد و شمار کے مطابق واشنگٹن ڈی سی میں ہم جنس جوڑوں کے گھرانوں کی شرح سب سے زیادہ رہی، جس سے اس شہر کی بطور LGBTQ+ کمیونٹی کے مرکز کی شہرت مزید مستحکم ہو گئی۔یہ اعداد و شمارامریکن کمیونٹی سروے کے تحت 2005 سے 2024 تک جمع کیے گئے، تاہم 2020 میں کووڈ-19 وبا کے باعث ڈیٹا اکٹھا کرنے میں مشکلات پیش آئیں۔ماہرین کے مطابق یہ رجحانات نہ صرف سماجی قبولیت میں اضافے کی نشاندہی کرتے ہیں بلکہ امریکی معاشرے میں خاندانی ساخت میں ہونے والی بڑی تبدیلیوں کو بھی ظاہر کرتے ہیں۔