Author: ممتاز حیدر

ہماچل پردیش سے تعلق رکھنے والی وہ منفرد شادی، جس نے گزشتہ سال سوشل میڈیا پر تہلکہ مچا دیا تھا، ایک بار پھر خبروں کی زینت بن گئی ہے۔ اس شادی میں ایک دلہن نے دو سگے بھائیوں سے بیک وقت شادی کی تھی، جس نے نہ صرف لوگوں کو حیران کیا بلکہ روایات اور جدید سوچ کے درمیان ایک نئی بحث بھی چھیڑ دی تھی۔

اب اسی انوکھے رشتے سے ایک خوشخبری سامنے آئی ہے۔ دلہن سنیتا چوہان اور ان کے شوہر پردیپ نیگی نے سوشل میڈیا پر اعلان کیا ہے کہ ان کے گھر جلد ہی ننھے مہمان کی آمد متوقع ہے۔ ان کا کہنا ہے کہ “ہم تین سے بہت جلد چار ہونے والے ہیں”، جس کے بعد سوشل میڈیا صارفین کی جانب سے مبارکباد اور نیک تمناؤں کا سلسلہ شروع ہو گیا ہے۔یہ شادی سرمور ضلع میں قدیم “جوڑی دار” روایت کے تحت انجام پائی تھی، جس میں ایک ہی خاندان کے دو یا زیادہ بھائی ایک ہی خاتون سے شادی کرتے ہیں۔ اس روایت کو نبھاتے ہوئے پردیپ نیگی اور کپل نیگی نے سنیتا چوہان کے ساتھ سات پھیرے لیے تھے۔ جدید دور میں ایسی مثالیں نہایت کم دیکھنے کو ملتی ہیں، یہی وجہ ہے کہ یہ شادی ملک بھر میں موضوعِ بحث بن گئی تھی۔

شادی کے بعد ابتدائی چند ماہ تک تینوں ایک ساتھ رہے، تاہم بعد میں کپل نیگی روزگار کے سلسلے میں بیرونِ ملک منتقل ہو گئے، جہاں وہ ایک ریستوران میں کام کر رہے ہیں۔ جبکہ سنیتا اور پردیپ اب بھی ہماچل میں مقیم ہیں۔ پردیپ سرکاری محکمہ جل شکتی میں ملازم ہیں اور سنیتا سوشل میڈیا پر خاصی متحرک رہتی ہیں۔جوڑے نے اپنے سوشل میڈیا پلیٹ فارم “سرموری جوڑی دار بھائی” پر ویڈیو پیغام کے ذریعے اس خوشخبری کا اعلان کیا۔ ویڈیو میں پردیپ نے بتایا کہ کافی عرصے سے مداح ان سے سنیتا کے حاملہ ہونے سے متعلق سوالات کر رہے تھے، جس کے بعد انہوں نے خود اس خبر کی تصدیق کرنے کا فیصلہ کیا۔انہوں نے اپنے مداحوں کا شکریہ ادا کرتے ہوئے اپیل کی کہ وہ اس خوشی کے موقع پر مثبت پیغامات اور دعاؤں کا سلسلہ جاری رکھیں۔ پردیپ کا کہنا تھا کہ یہ ان کی زندگی کا نہایت خوشی کا لمحہ ہے اور وہ چاہتے ہیں کہ آنے والے بچے کے لیے سب دل سے دعائیں کریں۔

یہ انوکھی شادی اور اب اس سے جڑی نئی خوشخبری ایک بار پھر سوشل میڈیا پر موضوعِ گفتگو بن چکی ہے، جہاں کچھ لوگ اسے روایت کا تسلسل قرار دے رہے ہیں تو کچھ جدید معاشرتی اقدار کے تناظر میں اس پر بحث کر رہے ہیں۔

بھارت میں ایندھن بحران شدت اختیار کر گیا ہے اور بھارت پیٹرول پمپس پر پولیس تعینات کرنےپر مجبور ہوگئی ہے۔

بھارت میں پیٹرولیم مصنوعات کی شدید قلت کے باعث شہریوں کی لمبی قطاریں لگی ہوئی ہیں جس سے نااہل مودی حکومت کی ناکام پالیسیاں عیاں ہوچکی ہیں۔ الجزیرہ نے نااہل بی جے پی حکومت کی ناقص منصوبہ بندی اور توانائی پالیسی کی سنگین ناکامی کو بے نقاب کر دیا ہے۔ الجزیرہ کے مطابق بھارت میں ایندھن کی شدید قلت کے باعث بھارتی شہریوں میں خوف و ہراس بڑھ چکا ہے اور پیٹرول پمپس پر لمبی قطاریں لگ چکی ہیں جبکہ صورتحال کو قابو میں رکھنے کیلئے پولیس تعینات کی گئی ہے۔ نااہل مودی حکومت پر شدید تنقید کرتےہوئےبھارتی شہریوں کو کہنا تھا کہ گزشتہ 24 گھنٹوں سے یہاں لمبی قطاریں لگی ہیں، لوگ دن رات پیٹرول پمپس پر انتظار کر رہے ہیں۔ ایک بھارتی شہری کا کہنا تھا کہ پیٹرول پمپس پر شدید رش ہے جس سے پیٹرول نہ ملنے کے خدشات واضح ہیں۔

ماہرین کا کہنا ہے کہ پیٹرولیم بحران پر بھارتی عوام میں پھیلنے والا خوف دراصل حکومتی نااہلی، ناقص منصوبہ بندی اور بروقت فیصلوں کی کمی کا نتیجہ ہے، مودی کی نااہلی کے باعث بھارتی معیشت کوتوانائی بحران،کرنسی پر دباواورترسیلات زر میں کمی جیسے سنگین مسائل کا بھی سامنا ہے، ماہرین کا یہ بھی کہنا ہے کہ ایران کے ساتھ بھارت کا دوغلہ رویہ بھارت میں توانائی بحران کی صورت میں سامنے آرہا ہے

ترجمان وائٹ ہاؤس کیرولین لیوٹ نے کہا کہ ایران کے ساتھ مذاکرات کا عمل جاری ہے، صدر ٹرمپ فوجی کارروائی سے قبل سفارت کاری کو پہلا آپشن سمجھتے ہیں۔

واشنگٹن میں پریس کانفرنس کرتے ہوئے ترجمان وائٹ ہاؤس نے کہا کہ ڈونلڈ ٹرمپ طاقت کے استعمال سے نہیں ڈرتے مگر سفارتکاری کو پہلا آپشن سمجھتے ہیں، اگر ضرورت پڑی تو ایران کو "20 گنا زیادہ” شدید حملوں کا سامنا کرنا پڑ سکتا ہے، ایران سے متعلق تمام آپشنز بدستور میز پر موجود ہیں، امریکا کے نائب صدر جے ڈی وینس کے دورہ پاکستان اور ایرانی حکام سے ملاقات کی خبروں پر سوال کے جواب میں ترجمان وائٹ ہاؤس نے کہا کہ صورتحال ابھی غیر مستحکم ہے، جب تک وائٹ ہاؤس باضابطہ اعلان نہ کرے کسی ملاقات کو حتمی نہ سمجھا جائے۔ ایران سے کون مذاکرات کر رہا ہے اس بارے میں نہیں بتا سکتی، ایران نے شکست تسلیم نہ کی تو ٹرمپ انہیں مزید نقصان پہنچانے کے لیے تیار ہیں۔

کیرولین لیوٹ نے کہا کہ آپریشن اپیک فیوری میں دشمن کے 9000 اہداف کو نشانہ بنایا گیا، ایران کے 90 فیصد میزائل اور ڈرونز کو مار گرایا گیا، ایران کے 140 سے زائد بحری جہاز تباہ کیے گئے، دوسری عالمی جنگ کے بعد پہلی بار کسی نیوی کو اس حد تک تباہ کیا گیا۔صدر ٹرمپ دھمکیاں نہیں لگاتے، ایران غلط اندازے نہ لگائے، گزشتہ مرتبہ غلط اندازے لگانے پر ایران کی لیڈرشپ، نیوی، ایئر فورس سب ختم کر دیا تھا، اب سے آگے جنگ اس لیے ہوگی کہ ایران سمجھنے سے انکاری ہے، ایران سے متعلق بات چیت میں جے ڈی وینس شامل رہے ہیں، ایران نے شکست نہیں مانی تو مزید سخت حملے کریں گے، ایران کو غلط اندازے نہیں لگانے چاہئیں۔ جنگ ختم ہونے پر فیول کی قیمتیں کم ہوجائیں گی۔ جمعرات کو صدر ٹرمپ کابینہ اجلاس کی میزبانی کریں گے۔

بھارت میں گیس اور پیٹرول کے بحران نے شدت اختیار کر لی ہے، جس کے باعث ملک کے مختلف علاقوں میں عوام کو شدید مشکلات کا سامنا کرنا پڑ رہا ہے۔ توانائی کی قلت کے باعث روزمرہ زندگی متاثر ہو رہی ہے جبکہ شہری بنیادی ضروریات پوری کرنے کے لیے بھی پریشان دکھائی دیتے ہیں۔

میڈیا رپورٹس کے مطابق گیس کی شدید کمی نے خاص طور پر غریب طبقے کو بری طرح متاثر کیا ہے۔ کئی علاقوں میں لوگ دوبارہ لکڑی اور کوئلہ جلا کر کھانا پکانے پر مجبور ہو گئے ہیں، جو نہ صرف صحت کے لیے نقصان دہ ہے بلکہ ماحولیاتی آلودگی میں بھی اضافہ کر رہا ہے۔ ماہرین کا کہنا ہے کہ یہ صورتحال ملک میں توانائی کے نظام کی کمزوری کو ظاہر کرتی ہے۔رپورٹس میں بتایا گیا ہے کہ مارکیٹ میں دستیاب گیس کی قیمتوں میں نمایاں اضافہ ہو چکا ہے، جس کے باعث متوسط اور کم آمدنی والے افراد کے لیے سلنڈر خریدنا مشکل ہو گیا ہے۔ متعدد شہریوں نے شکایت کی ہے کہ گیس کی فراہمی غیر یقینی ہو چکی ہے اور کئی علاقوں میں کئی کئی دن تک گیس دستیاب نہیں ہوتی۔

دوسری جانب بھارت میں پیٹرول کی قلت نے بھی عوام کی مشکلات میں اضافہ کر دیا ہے۔ ملک کے مختلف شہروں میں پیٹرول پمپوں پر لمبی قطاریں دیکھی جا رہی ہیں، جہاں شہری گھنٹوں انتظار کرنے پر مجبور ہیں۔ بعض مقامات پر صورتحال کشیدہ ہونے کے خدشے کے پیش نظر سیکیورٹی اقدامات بھی سخت کر دیے گئے ہیں۔گجرات میں حالات زیادہ سنگین بتائے جا رہے ہیں جہاں پیٹرول پمپوں پر رش کو قابو میں رکھنے کے لیے پولیس تعینات کر دی گئی ہے۔ حکام کے مطابق عوامی ہجوم کو منظم رکھنے اور کسی بھی ناخوشگوار واقعے سے بچنے کے لیے یہ اقدام اٹھایا گیا ہے۔

ماہرین کا کہنا ہے کہ اگر بروقت اقدامات نہ کیے گئے تو یہ بحران مزید شدت اختیار کر سکتا ہے، جس کے اثرات نہ صرف معیشت بلکہ عوامی زندگی پر بھی گہرے مرتب ہوں گے۔ حکومت پر زور دیا جا رہا ہے کہ فوری طور پر توانائی کی فراہمی کو بہتر بنانے اور قیمتوں کو کنٹرول کرنے کے لیے مؤثر حکمت عملی اپنائی جائے۔

ایران کی بحریہ کے کمانڈر شہرام ایرانی نے کہا ہے کہ امریکی طیارہ بردار بحری بیڑا یو ایس ایس ابراہم لنکن مسلسل ایرانی نگرانی میں ہے اور اس کی نقل و حرکت پر گہری نظر رکھی جا رہی ہے۔

شہرام ایرانی کے مطابق جیسے ہی یہ امریکی بیڑا ایرانی میزائلوں کی رینج میں داخل ہوگا، اسے فوری طور پر نشانہ بنایا جا سکتا ہے۔ انہوں نے خبردار کیا کہ ایران اپنی سمندری حدود اور قومی سلامتی کے تحفظ کے لیے ہر ممکن اقدام کرے گا۔ایرانی بحریہ کا مزید کہنا ہے کہ امریکی بحری بیڑے نے دعویٰ کیا ہے کہ ساحل سے داغے گئے کروز میزائلوں کے بعد طیارہ بردار بحری جہاز نے اپنی پوزیشن تبدیل کر لی ہے تاکہ ممکنہ خطرات سے بچا جا سکے۔

دوسری جانب برطانوی اخبار دی ٹیلی گراف نے ایک ایسی رپورٹ جاری کی ہے جس نے امریکی بحریہ کے ایوانوں میں کھلبلی مچا دی ہے۔ اب تک دنیا سمجھ رہی تھی کہ ایران کا اصل ہتھیار اس کے میزائل اور ڈرونز ہیں، لیکن اصل خطرہ تو سمندر کی گہرائیوں میں چھپا ہوا ہے،رپورٹ کے مطابق ایران نے چھوٹی مگر انتہائی مہلک آبدوزوں کا ایک ایسا نیٹ ورک تیار کر لیا ہے جو خلیج کے کم گہرے اور گدلے پانیوں میں ، یہ آبدوزیں اتنی چھوٹی اور خاموش ہیں کہ امریکہ کے جدید ترین جنگی طیارے اور سیٹیلائیٹ سسٹمز بھی انہیں آسانی سے تلاش کرنے یا نشانہ بنانے میں ناکام ہو رہے ہیں،یہ "خفیہ بیڑا” خاص طور پر آبنائے ہرمز اور خلیجی سمندری راستوں میں تجارتی جہازوں اور امریکی بیڑوں کو اچانک نشانہ بنانے کے لیے ڈیزائن کیا گیا ہے۔ ان کی موجودگی کا مطلب ہے کہ امریکہ کا کوئی بھی بحری جہاز اب محفوظ نہیں۔ماہرین کا کہنا ہے کہ یہ آبدوزیں سمندر کی تہہ میں بیٹھ کر خاموشی سے بارودی سرنگیں بچھانے اور ٹارپیڈو فائر کرنے کی صلاحیت رکھتی ہیں، جس کا پتا تب چلتا ہے جب دھماکہ ہو چکا ہوتا ہے۔