Author: ممتاز حیدر

سڈنی کے مشہور علاقے بونڈی میں پیش آنے والے المناک واقعے نے آسٹریلیا ہی نہیں بلکہ پوری دنیا کو ہلا کر رکھ دیا۔ ابتدائی اطلاعات کے مطابق اس واقعے میں 16 افراد ہلاک ہوئے، جس کے بعد شہر میں خوف و ہراس کی فضا قائم ہے۔

گزشتہ دسمبر 2024 سے اب تک سڈنی میں مبینہ طور پر یہودی برادری کو نشانہ بنانے والے 8 حملے رپورٹ ہو چکے ہیں۔ ان حملوں میں زیادہ تر ایسٹرن سبربز شامل ہیں، جہاں یہودی آبادی نمایاں تعداد میں مقیم ہے۔رپورٹس کے مطابق یہودی سینیگوگ (عبادت گاہ) کو دو مرتبہ نقصان پہنچایا گیا،یہودیوں کی ملکیت ایک چائلڈ کیئر سینٹر پر فائرنگ کی گئی،یہودیوں کی ملکیت متعدد گاڑیوں کی توڑ پھوڑ کی گئی،کوشر گوشت کے ریسٹورنٹ پر حملہ کیا گیا،یہ تمام واقعات ایک ایسے علاقے میں پیش آئے جہاں یہودی آبادی ہے اور جو سڈنی کے خوشحال ترین علاقوں میں شمار ہوتا ہے۔

اہم سوال یہ اٹھایا جا رہا ہے کہ اتنے حملوں کے بعد، یہودی برادری کے ایک بڑے مذہبی تہوار کے موقع پر سیکیورٹی کے سخت انتظامات کیوں نہیں کیے گئے؟ناقدین کا کہنا ہے کہ مسلسل خبردار کرنے کے باوجود پولیس کی موجودگی نہ ہونا ایک سنگین غفلت ہو سکتی ہے، جس کے نتائج انتہائی تباہ کن ثابت ہوئے۔ اسرائیلی وزیرِ اعظم بنیامین نیتن یاہو نے اس واقعے پر شدید ردعمل دیتے ہوئے آسٹریلوی وزیرِ اعظم کو تنقید کا نشانہ بنایا اور دعویٰ کیا کہ آسٹریلیا میں اینٹی سیمیٹک تشدد کے پھیلاؤ کو بروقت نہیں روکا گیا۔نیتن یاہو نے ایک طرف آسٹریلوی قیادت کو تنقید کا نشانہ بنایا، وہیں دوسری جانب بانڈی واقعے میں جانیں بچانے والے ایک مسلمان شہری احمد ال احمد کی کھلے الفاظ میں تعریف کی۔ ان کا کہنا تھا کہ “ایک بہادر مسلمان شخص نے اپنی جان خطرے میں ڈال کر دوسروں کی زندگیاں بچائیں، جو انسانیت کی اعلیٰ مثال ہے۔”

سڈنی میں ایک بڑی اسلامی کمیونٹی آباد ہے، تاہم تمام اسلامی تنظیموں اور مسلم رہنماؤں نے واضح کیا ہے کہ آسٹریلیا کے مسلمان ذمہ دار اور قانون پسند شہری ہیں،وہ ہر قسم کی نفرت، تشدد اور مذہبی انتہا پسندی کی مذمت کرتے ہیں،کسی ایک فرد یا واقعے کو پوری کمیونٹی سے جوڑنا ناانصافی ہے

بونڈی سانحہ نہ صرف ایک سیکیورٹی ناکامی پر سوالیہ نشان ہے بلکہ یہ واقعہ مذہبی ہم آہنگی، نفرت انگیز جرائم اور حکومتی ذمہ داری جیسے حساس معاملات کو بھی سامنے لے آیا ہے۔ ماہرین کا کہنا ہے کہ اگر بروقت اقدامات، مؤثر نگرانی اور کمیونٹی لیول پر رابطہ کاری مضبوط ہوتی تو شاید اتنے قیمتی انسانی جانوں کے ضیاع سے بچا جا سکتا تھا۔تحقیقات جاری ہیں، اور پوری دنیا کی نظریں آسٹریلوی حکومت پر مرکوز ہیں کہ وہ اس سانحے کے بعد کیا عملی اقدامات اٹھاتی ہے۔

اسرائیلی وزیراعظم بن یامین نیتن یاہو نے سڈنی میں پیش آنے والے واقعے پر آسٹریلوی قیادت کو آڑے ہاتھوں لیتے ہوئے سخت تنقید کا نشانہ بنایاہے

اسرائیلی وزیراعظم بن یامین نیتن یاہو نے الزام عائد کیا ہے آسٹریلیا کی حکومت نے یہود مخالف جذبات پر تیل ڈالا، جب یہود مخالف جذبات بڑھ رہے تھے اس وقت آسٹریلیا کی قیادت خاموش رہی، روک تھام کے لیے کوئی کارروائی نہیں کی گئی۔

یاد رہے کہ گزشتہ روز سڈنی کے مشہور بونڈی بیچ پر دو مسلح افراد نے شہریوں پر فائرنگ کی جس کے نتیجے میں 16 افراد ہلاک اور 40 افراد زخمی ہوئے.آسٹریلوی پولیس نے واقعے کو دہشت گردی قرار دیتے ہوئے بتایا کہ ہلاک ہونے والوں میں ایک فائرنگ کرنے والا بھی شامل ہے جبکہ دوسرے حملہ آور کوحراست میں لے لیا گیا ہے،
آسٹریلوی میڈیا کے مطابق ایک حملہ آور کو وہاں موجود ایک شہری نے اپنی جان پر کھیل کر بہادری سے پکڑا اور اس کا اسلحہ چھین کر متعدد لوگوں کی جانیں بچائیں۔

آسٹریلیا کے شہر سڈنی کے بونڈی ساحل پر فائرنگ کرنے والے حملہ آور باپ بیٹا نکلے جن کی تفصیلات پولیس نے بھی جاری کر دی ہیں۔

نیو ساؤتھ ویلز پولیس نے واقعے سے متعلق پریس کانفرنس کرتے ہوئے بتایاکہ بونڈی ساحل پر یہودیوں کی تقریب کے دوران فائرنگ کرنے والے دونوں حملہ آور باپ بیٹا تھے جن میں سے ایک ہلاک ہوگیا جبکہ دوسرا حملہ آور شدید زخمی حالت میں ہے، ہلاک حملہ آور کی شناخت 50 سال کے ساجد اکرم کے نام سے ہوئی جبکہ زخمی حملہ آور کی شناخت 24 سال کے نوید اکرام کے نام سے ہوئی، ہلاک حملہ آور کے پاس 10 سال سے اسلحے کا لائسنس موجود تھا اور وہ ایک گن کلب کا رکن بھی تھا،ہلاک حملہ آور کے قبضے سے 6 ہتھیار بھی برآمد کرلیے گئے تاہم ان تمام ہتھیاروں کی بیچ فائرنگ واقعے میں استعمال ہونے سے متعلق تحقیقات جاری ہیں۔

پولیس کاکہنا تھاکہ جائے وقوعہ کے قریب سے دو فعال دیسی ساختہ دھماکہ خیز مواد ملے جنہیں محفوظ کر لیاگیا ہے،پولیس نے مزید ملزمان کی تلاش ختم کرنےکا اعلان کرتے ہوئے واضح کیا کہ دہشت گردی کے حملےکے پیچھے محرکات تلاش کر رہے ہیں، فائرنگ میں ملوث باپ بیٹا کافی عرصے سے آسٹریلیا میں مقیم تھے تاہم دونوں افراد کے پس منظر سے متعلق مزید تفصیلات فی الحال فراہم نہیں کی جاسکتیں۔

دوسری جانب آسٹریلوی حکومت نے آج یوم سوگ کا اعلان کرتے ہوئے کہا ہے کہ سرکاری عمارتوں پر قومی پرچم سرنگوں رہے گا،یاد رہےکہ آسٹریلیا کے شہر سڈنی کے ساحل پر مسلح افراد نے شہریوں پر فائرنگ کر دی جس کے نتیجے میں 16 افراد ہلاک اور40 زخمی ہوگئے،پولیس کی جوابی کارروائی میں فائرنگ کرنے والا ایک شخص مارا گیا اور دوسرے حملہ آور کو زخمی حالت میں حراست میں لے لیا گیا۔

سوشل میڈیا پر سڈنی میں فائرنگ کرنے والے نوید اکرم کی تصاویر گردش کر رہی ہیں، جس میں ایک صحت مند اور باڈی بلڈر شخص نظر آ رہا ہے۔ تاہم تحقیقات سے معلوم ہوا ہے کہ مطلوبہ اور فراہم کردہ نوید اکرم، جو آسٹریلیا کے ساؤتھ ونسڈور کے رہائشی اور الیکٹریکل انجینئر ہیں، کی صحت اور ظاہری شکل اس شخص سے واضح طور پر مختلف ہے جو سوشل میڈیا پر گردش کر رہی تصاویر میں دکھایا جا رہا ہے۔

تحقیقی ٹیم اصل نوید اکرم کے آن لائن یا ڈیجیٹل ریکارڈز تلاش کر رہی ہے، لیکن اب تک کوئی ڈیجیٹل ثبوت یا آن لائن موجودگی سامنے نہیں آئی۔ اس سے یہ واضح ہوتا ہے کہ موجودہ تصاویر اور معلومات ممکنہ طور پر غلط یا جعلسازی پر مبنی ہیں۔

دوسری جانب، میڈیا رپورٹس اور سوشل میڈیا پر پھیلائی جانے والی معلومات میں تضاد بھی نمایاں ہے۔اسرائیلی اخبار یروشلم پوسٹ نے نوید اکرم کو پاکستانی ظاہر کیا ہے، جبکہ سوشل میڈیا پروفائل کے مطابق وہ آسٹریلوی شہری اور الیکٹریکل انجینئر ہیں۔ نوید اکرم کی عمر 24 سال بتائی گئی ہے، یروشلم پوسٹ کے مطابق انہوں نے 2012 سے 2016 تک انجینئرنگ کی تعلیم حاصل کی۔ اس حساب سے جس نے 2016 میں اپنی انجینئرنگ مکمل کی، اس کی عمر کم از کم 30 سال ہونی چاہیے۔

یہ معاملہ واضح طور پر سوشل میڈیا پر پھیلائی جانے والی جھوٹی خبروں اور غلط شناخت کا نتیجہ ہے، جس کی وجہ سے عوام میں غلط فہمی پیدا ہو رہی ہے۔ متعلقہ حکام نے بھی عوام سے اپیل کی ہے کہ وہ غیر مصدقہ تصاویر اور معلومات پر یقین نہ کریں اور صرف تصدیق شدہ ذرائع سے ہی خبریں حاصل کریں۔تحقیقات ابھی جاری ہیں، اور ٹیم اصل نوید اکرم کے ڈیجیٹل نقوش اور حقیقی شناخت کی تصدیق کے لیے تمام ذرائع استعمال کر رہی ہے۔

آ

سٹریلیا کی حکام نے ابھی تک مبینہ شوٹر نوید اکرم کی تفصیلات ظاہر نہیں کیں۔ آسٹریلیا کے حکام کے جواب کا انتظار کرنا دانشمندانہ فیصلہ ہوگا بجائے اس کے کہ سوشل میڈیا پر گردش کرنے والی غیر مصدقہ خبروں پر یقین کرنا شروع کر دیں۔

آسٹریلیا کے شہر سڈنی میں ساحل پر یہودیوں کی تقریب کے دوران فائرنگ کے نتیجے میں 12 افراد ہلاک اور 20زخمی ہوگئے، زخمیوں میں 2 پولیس اہلکار بھی شامل ہیں، ہلاکتوں میں اضافے کا خدشہ ہے۔

غیر ملکی میڈیا کے مطابق سڈنی پولیس نے 2 حملہ آوروں کو گرفتار کرلیا، ایک حملہ آور کو شہری نے فائرنگ کے دوران قابو کرکے بندوق چھین لی،آسٹریلوی وزیراعظم نے واقعے پر اظہار افسوس کرتے ہوئے کہا ہے کہ فائرنگ کے مناظر چونکا دینے والے ہیں، قیمتی جانیں بچانے کیلئے بھرپور کوششیں کر رہے ہیں۔

آسٹریلوی پولیس کے مطابق آسٹریلیا میں یہودیوں پر فائرنگ کر کے 10 کو ہلاک کرنے والے دو حملہ آوروں میں سے ایک کا نام نوید اکرم ہے،اے بی سی نیوز کے مطابق قانون نافذ کرنے والے ایک سینیئر اہلکار نے تصدیق کی ہے کہ بندوق برداروں میں سے ایک نوید اکرم تھا جو سڈنی کے جنوب مغرب میں بونیرگ کا رہائشی تھا،نوید اکرم کے بارے میں انکشاف ہوا ہے کہ اس کا افغانستان کی تنظیموں سے تعلق ہے،نوید اکرم کے بارے میں سوشل میڈیا پر دعویٰ کیا جا رہا ہے کہ وہ پاکستانی ہے تا ہم اس کا باخبر ذرائع کے مطابق افغان تنظیموں سے روابط تھے.سڈنی فائرنگ کا مجرم نوید اکرم آسٹریلیا میں ہی پیدا ہوا وہیں پلا بڑھا، مقامی اسکول میں پڑھا اور اُس کا تعلق ایک افغان نژاد خاندان سے ہے۔

آسٹریلیا کے علاقے بونڈی میں پیش آنے والے فائرنگ کے ہولناک واقعے کے بعد مشتبہ حملہ آوروں کی شناخت سے متعلق متضاد اطلاعات سامنے آ رہی ہیں، تاہم حکام کی جانب سے تمام ناموں کی باضابطہ تصدیق تاحال مکمل نہیں کی گئی۔

ذرائع کے مطابق واقعے میں تین حملہ آوروں کے ملوث ہونے کی اطلاعات ہیں، جن میں سے ایک کی شناخت مبینہ طور پر نوید اکرم کے طور پر کی جا رہی ہے۔ سوشل میڈیا پر گردش کرنے والی معلومات کے مطابق ایک مبینہ ساتھی کارکن لوچی نائٹ نے ٹی وی فوٹیج دیکھنے کے بعد نوید اکرم کو حملہ آور کے طور پر شناخت کرنے کا دعویٰ کیا اور یہ دعویٰ سوشل میڈیا پر بھی شیئر کیا گیا۔

اطلاعات میں یہ بھی کہا جا رہا ہے کہ مشتبہ شخص کے ڈرائیونگ لائسنس پر درج پتے کے مطابق اس کا تعلق بونی ریگ سے بتایا جا رہا ہے، جو سڈنی میں پاکستانی کمیونٹی کی بڑی آبادی والا علاقہ ہے۔ تاہم قومیت یا پس منظر سے متعلق کوئی بھی بات سرکاری تصدیق کے بغیر قیاس آرائی تصور کی جائے گی۔واقعے میں جانی نقصان کے حوالے سے بتایا گیا ہے کہ ایک یہودی ربی اور بچوں سمیت متعدد افراد ہلاک ہوئے ہیں، جس پر آسٹریلوی معاشرے کے مختلف حلقوں نے شدید دکھ اور غم و غصے کا اظہار کیا ہے۔ حکام کا کہنا ہے کہ تحقیقات جاری ہیں اور جیسے ہی شواہد مکمل ہوں گے، مشتبہ افراد کی شناخت اور کردار سے متعلق باضابطہ اعلامیہ جاری کیا جائے گا۔