Author: ممتاز حیدر

پنجاب کے صوبائی دارالحکومت لاہور میں اسٹریٹ کرائم اور جائیداد سے متعلق وارداتوں کے حوالے سے ایک اہم رپورٹ سامنے آئی ہے جس کے مطابق جنوری 2022 سے نومبر 2025 تک 15 ہیلپ لائن پر موصول ہونے والی "کرائم کالز اگینسٹ پراپرٹی” میں غیر معمولی کمی ریکارڈ کی گئی ہے۔

باغی ٹی وی کو موصول لاہور پولیس کے 15 کالز کے ریکارڈ کے مطابق مجموعی طور پر تین سال میں شکایات کی تعداد میں 73 فیصد کمی ہوئی ہے، جسے قانون نافذ کرنے والے اداروں کی بڑی کامیابی قرار دیا جا رہا ہے۔رپورٹ کے مطابق سال 2022 میں شہریوں نے جائیداد سے متعلق جرائم، جن میں ڈکیتی، راہزنی، موبائل فون چھیننا، موٹر سائیکل،گاڑی کی چوری و چھیننا اور گھر میں چوری شامل ہے، کے بارے میں 84,529 کالز کیں۔اسی سال مختلف مہینوں میں شکایات میں 3 فیصد سے 15 فیصد تک اضافہ بھی ریکارڈ کیا گیا۔

سال 2023 میں جرائم کی شکایات کا گراف مزید بلند ہوا اور مجموعی تعداد 95,367 تک پہنچ گئی۔یہ سال جرائم میں اضافہ کا سال تصور کیا جا رہا ہے، جب بیشتر مہینوں میں 10 سے 16 فیصد تک اضافہ دیکھا گیا، خاص طور پر مارچ اور اپریل 2023 میں شکایات کی تعداد 9 ہزار سے بھی اوپر رہی۔رپورٹ کے مطابق 2024 میں جرائم کی شرح میں واضح کمی سامنے آئی۔سال بھر میں موصول ہونے والی کالز کی مجموعی تعداد 64,638 رہی، جو پچھلے سال کی نسبت نمایاں کمی ہے۔اگست 2024 سے مسلسل کمی کا رجحان دیکھنے میں آیا اور دسمبر میں شکایات کی تعداد 3,980 تک گر گئی۔چارٹ کے مطابق 2025 میں مجموعی تعداد کم ہو کر 38,727 رہ گئی، جو تین سال میں شکایات کی سب سے کم شرح ہے۔اکتوبر اور نومبر 2025 میں ماہانہ کمی بالترتیب 16 فیصد اور 35 فیصد تک ریکارڈ کی گئی، جو رجحان میں بڑی تبدیلی ظاہر کرتی ہے۔

چارٹ میں بڑی واضح نشاندہی کے ساتھ بتایا گیا ہے کہ جنوری 2023 سے لے کر نومبر 2025 تک شکایات میں 73 فیصد کمی ہوئی، جو پولیس کے اسٹریٹ پٹرولنگ میں اضافے، ٹریفک کیمروں اور ٹیکنالوجی کے استعمال جیسے اقدامات کا نتیجہ قرار دیا جا رہا ہے۔

لاہور، 2025 کے ابتدائی 11 ماہ ، سنگین نوعیت کے جرائم میں کمی

ڈی آئی جی آپریشنز لاہور کی کھلی کچہریاں،پولیس پر عوام کا اعتماد بڑھنے لگا

نیشنل ایکشن پلان پر من و عن عملدرآمد یقینی بنایا جائے۔ڈی آئی جی آپریشنز فیصل کامران

ڈی آئی جی آپریشنز لاہور فیصل کامران سے پاکستان فیڈریشن آف کالمسٹ کے وفد کی ملاقات

رپورٹ کے مجموعی اعداد و شمار اس بات کی نشاندہی کرتے ہیں کہ لاہور میں گزشتہ تین سال کے دوران اسٹریٹ کرائم اور جائیداد سے متعلق وارداتوں میں نمایاں کمی آئی ہے، اور اگر یہ رجحان برقرار رہا تو مستقبل میں شہر کی سیکیورٹی صورتحال میں مزید بہتری کی توقع کی جا سکتی ہے۔

پنجاب کے صوبائی دارالحکومت لاہور میں 2025 کے ابتدائی 11 ماہ کے دوران سنگین نوعیت کے جرائم میں غیر معمولی کمی ریکارڈ کی گئی ہے۔ڈی آئی جی آپریشنز لاہور فیصل کامران لاہور میں متحرک ہیں،

اس ضمن میں باغی ٹی وی کو موصول لاہور پولیس کی جانب سے جاری اعداد و شمار کے مطابق 2023 اور 2024 کے مقابلے میں 2025 میں تمام کیٹیگریز کے جرائم میں مجموعی طور پر نمایاں کمی سامنے آئی ہے، جسے حالیہ برسوں کی سب سے بڑی بہتری قرار دیا جارہا ہے۔اعداد و شمار کے مطابق 2023 میں سنگین جرائم کی مجموعی تعداد 76,334 تھی، جو 2024 میں کم ہو کر 43,631 رہ گئی۔ تاہم 2025 کے پہلے 11 ماہ میں یہ تعداد مزید کم ہو کر صرف 20,867 رہ گئی، جو گزشتہ سال کے مقابلے میں 52 فیصد اور 2023 کے مقابلے میں 73 فیصد کمی ہے۔

جرائم کی مختلف اقسام میں نمایاں کمی دیکھنے میں آئی، ڈکیتی کے دوران قتل 2023 میں 23 واقعات ہوئے،2024 میں 13 واقعات ہوئے،2025 میں 8 واقعات ہوئے، 2023 کے مقابلے میں 65٪ کمی، 2024 کے مقابلے میں 38٪ کمی دیکھنے میں آئی، ڈکیتی کی 2023 میں 93وارداتیں،2024 میں 80وارداتیں،2025 میں اب تک 41وارداتیں ہوئیً، دو سال میں مجموعی طور پر 56٪ کمی دیکھنے میں آئی، رابری کے2023 میں 22,496واقعات،2024 میں 12,637 واقعات،2025 میں 3,432واقعات ہوئے، گزشتہ دو برسوں میں حیران کن 85٪ کمی دیکھنے کو ملی، اسنیچنگ ،چھینا جھپٹی کے 2023 میں 16,725واقعات،2024 میں7,153واقعات اور 2025 میں 3,514 واقعات پیش آئے، 2023 کے مقابلے میں 79٪ کمی دیکھنے میں آئی،گاڑیاں اور موٹر سائیکلوں کی چوری و چھیننے کی وارداتوں میں بھی کمی ہوئی، موٹر سائیکل چوری کے 2023 میں 27,251 واقعات،2024 میں 16,681واقعات،2025 میں 9,617واقعات پیش آئے، دو برس میں 65٪ کمی دیکھنے کو ملی، گاڑیاں چوری کے 2023 میں 2,623واقعات،2024 میں 1,853واقعات،2025 میں 972واقعات پیش آئے، 2023 کے مقابلے میں 63٪ کمی دیکھنے کو ملی،موٹر سائیکل اسنیچنگ کے 2023 میں1,535کیسز،2024 میں 1,130کیسز، اور 2025 میں 409مقدمات درج ہوئے، 73٪ نمایاں کمی دیکھنے میں آئی، گاڑیوں کی اسنیچنگ کے 2023 میں 70 واقعات،2024 میں 50واقعات،2025 میں23واقعات پیش آئے، دو سال میں 67٪ کمی ہوئی، چوری،ڈکیتی کے 2023 میں5,518واقعات،2024 میں4,054واقعات،2025 میں 2,851واقعات پیش آئے،اور 48٪ کمی دیکھنے کو ملی،

ڈی آئی جی آپریشنز لاہور کی کھلی کچہریاں،پولیس پر عوام کا اعتماد بڑھنے لگا

نیشنل ایکشن پلان پر من و عن عملدرآمد یقینی بنایا جائے۔ڈی آئی جی آپریشنز فیصل کامران

ڈی آئی جی آپریشنز لاہور فیصل کامران سے پاکستان فیڈریشن آف کالمسٹ کے وفد کی ملاقات

پولیس حکام کے مطابق اسمارٹ پیٹرولنگ،جدید ٹیکنالوجی کا استعمال،اسٹریٹ کرائم ہاٹ اسپاٹس کی مانیٹرنگ، انٹیلیجنس بیسڈ آپریشنز،خصوصی اینٹی اسٹریٹ کرائم اسکوڈزجرائم کی کمی کی وجوہات ہیں،نیز شہریوں کی جانب سے بروقت رپورٹنگ اور پولیس تعاون بھی اس کمی کا سبب بنا۔

ڈی آئی جی آپریشنز لاہور محمد فیصل کامران کی زیر نگرانی جاری “کھلی کچری” پروگرام کی تازہ ترین کارکردگی رپورٹ جاری کردی گئی ہے، جس کے مطابق اپریل 2024 سے نومبر 2025 تک شہریوں کی جانب سے مجموعی طور پر 30,899 درخواستیں موصول ہوئیں۔ عوامی سہولت کے لیے روزانہ کی بنیاد پر کھلی کچہری نے پولیس اور عوام کے درمیان براہ راست رابطے کو مضبوط بنایا، جس کا عملی ثبوت 76 فیصد عوامی اطمینان کی شرح ہے۔

رپورٹ کے مطابق کھلی کچہری میں موصول ہونے والی درخواستوں کی تعداد میں مسلسل اضافہ دیکھا گیا۔اپریل 2024 میں 103 درخواستیں موصول ہوئیں،مئی میں یہ تعداد 432 تک جا پہنچی،جون میں 519،جولائی میں 621،اگست میں 703،ستمبر میں 780 اوراکتوبر 2024 میں 898 درخواستیں موصول ہوئیں۔یہ سلسلہ 2025 میں مزید تیز ہوا، جنوری میں تعداد 1,093،اپریل 2025 میں 1,726،مئی میں 2,136،جون میں 2,597اورجولائی میں 2,754 تک پہنچ گئی۔اگست اور ستمبر 2025 میں یہ تعداد مزید بڑھ کر بالترتیب 2,784 اور 3,207 تک جا پہنچی۔

رپورٹ میں یہ بھی بتایا گیا ہے کہ اکتوبر 2025 کے دوران شہر میں ٹی ایل پی کے پُرتشدد احتجاج اور ہنگامہ آرائی کے باعث کھلی کچہری عارضی طور پر معطل رہیں، جس کے نتیجے میں ایک ماہ کے دوران درخواستوں کی تعداد کم ہو کر 2,667 رہ گئی۔ بعد ازاں معمول کی بحالی کے ساتھ نومبر 2025 میں دوبارہ بڑھ کر 3,003 درخواستیں موصول ہوئیں۔

ڈی آئی جی آپریشنز فیصل کامران خود شہریوں کے مسائل سنتے ہیں، جبکہ پولیس ٹیمیں مختلف مقامات پر کھلی عدالتوں میں بیٹھ کر لوگوں کے مسائل کے آن اسپاٹ حل کے لیے متحرک ہیں۔ شہریوں نے نہ صرف اپنے مسائل پیش کیے بلکہ شکایات کے فوری ازالے پر اطمینان کا اظہار بھی کیا۔روزانہ کی کھلی کچہری پولیس اور عوام کے درمیان اعتماد کی بحالی کا اہم ذریعہ بن رہی ہیں۔ رپورٹ کے مطابق ہزاروں شہریوں نے اپنی شکایات رجسٹر کروائیں جن میں سے متعدد کے مسائل کو موقع پر ہی حل کیا گیا۔ پولیس حکام کا کہنا ہے کہ یہ سلسلہ مزید مؤثر انداز میں جاری رکھا جائے گا تاکہ شہریوں کو زیادہ سے زیادہ ریلیف فراہم کیا جا سکے۔