Author: ممتاز حیدر

افغانستان میں دہشتگردوں کی محفوظ پناہ گاہیں خطہ سمیت عالمی سطح پر بھی سنگین چیلنج بن گئیں

افغان طالبان رجیم کی پشت پناہی میں افغان دہشت گرددنیا بھر کے امن و امان کیلئے خطرہ بن گئے، افغان دہشت گرد بیرون ِ ممالک دہشتگردی کی متعدد کارروائیوں کیساتھ ساتھ سنگین جرائم میں بھی ملوث ہیں،افغان دہشت گرد امریکا،ایران ،روس ،پاکستان سمیت متعدد ممالک میں دہشتگردی کی کارروائیوں میں ملوث رہے ہیں،افغانستان سے پنپنے والی دہشت گردی کی یہ پریشان کن صورتحال عالمی سطح پر دیگر ممالک کیلئے بھی تشویش کا باعث ہے، سنگین انسانی جرائم کی بڑھتی ہوئی لہر کی وجہ سے اکثر ممالک بشمول جرمنی نے بھی افغان شرپسندوں کے ملک بدری کے احکامات جاری کردئیے

جرمنی کی وزارت داخلہ کے مطابق افغان مجرم کو مسلح ڈکیتی سمیت سنگین جرائم میں ملوث ہونے پرملک بدر کیا گیا ،سنگین جرائم میں ملوث ہونے کے باعث دیگر افغانیوں کو بھی تیزی سے ملک بدرکیا جارہا ہے ، اس کے علاوہ افغانستان کے اپنے جریدہ نے بھی انتہا پسند افغانیوں کےجرمنی میں جرائم کی تصدیق کر دی

افغان جریدہ ہشت صبح کے مطابق 2018سے اب تک 220 سے زائد جرائم میں ملوث افغان پناہ گزین جرمنی سے بے دخل ہو چکے ہیں ،سیکیورٹی خدشات کے باعث امریکا، جرمنی ،پاکستان، ایران سمیت مختلف ممالک سے افغان شہریوں کو ملک بدر کرنے کا سلسلہ جاری ہے ،بین الاقوامی جریدہ الجزیرہ نے بھی واضح کیا کہ 2024 اور2025 میں جرمنی سے بالترتیب 28 اور81 افغانی مجرمان کو شرپسند کارروائیوں کے باعث ملک بدر کیا جا چکا ہے،اقوام متحدہ کی رپورٹ کےمطابق 2025 میں ایران بھی لاکھوں افغان شہریوں کو ملک بدرکرچکا ہے،افغان طالبان رجیم کے زیر اقتداءدہشت گرد نیٹ ورکس عالمی امن کیلئے شدید خدشات کا باعث بن چکے ہیں

برطانیہ میں پی ٹی آئی اور بیرونی آقاؤں کا گٹھ جوڑ ، بین الاقوامی قوانین پر عملداری کے لیے کڑا امتحان بن گیا،
پی ٹی آئی نے اپنے مذموم سیاسی مقاصد کی خاطر پاکستان مخالف ایجنڈے کے لئے تمام حدود وقیود اور بین الاقوامی قوانین کو پس پشت ڈال دیا

گزشتہ کافی عرصہ سے برطانیہ کی سر زمین کو پی ٹی آئی کے بھگوڑے یو ٹیوبرز اور شر پسند عناصر بیرونی آقاؤں کی ایما پر پاکستان اور فوج مخالف بیانیہ کے لئے استعمال کر رہے ہیں،پی ٹی آئی برطانیہ کے آفیشل ایکس اکاؤنٹ سے 23دسمبر 2025 کو ایک انتہائی اشتعال انگیزویڈیو جاری کی گئی،ویڈیو میں برطانوی سرزمین پر کھڑے مظاہرین نے کھلے عام فیلڈ مارشل کو بم دھماکہ میں قتل کی دھمکی دے رہے ہیں،خاتون نے اشتعال انگیز گفتگو کے دوران کہا کہ کوئی بھی فیلڈ مارشل کو کاربم دھماکہ میں قتل کردےگا، یہ نہ تو آزادی اظہار رائے ہے اور نہ ہی سیاسی اختلاف بلکہ یہ اشتعال انگیزی اور براہ راست دہشتگردی پر اکسانے کے مترادف ہے ،انتہائی افسوسناک امر یہ ہے کہ پی ٹی آئی کے سوشل میڈیا ٹرولز نے اس کھلم کھلا اشتعال اور دھمکی آمیز ویڈیو کو آگے پھیلایا اور اپنے آفیشل اکاونٹ سے شیئرکیا،برطانیہ میں اس طرح کی دھمکی آمیز گفتگو بین الاقوامی قوانین کی کھلم کھلا خلاف ورزی ہے

اقوام متحدہ کی سلامتی کونسل کی قرارداد 1373 میں دہشتگردی ،اشتعال انگیزی، مالی معاونت یا حمایت کو روکنے کی ذمہ داری عائد کی گئی ہے ، برطانیہ کا انسدادی دہشگردی ایکٹ 2006 بھی دہشتگردی کی حوصلہ افزائی سنگین جرم قرار دیتاہے،اس طرح کا انتہا پسندانہ ، پرتشدد اور دہشتگردی پر اُکسانے والی اشتعال انگیز تقاریر قابل مذمت ہے،مصدقہ ذرائع کے مطابق پاکستان نے اشتعال انگیز اور پرتشدد تقاریر کے لیے برطانوی سرزمین کے غلط استعمال پر گہری تشویش کا اظہار کیا ہے

یہ واقعہ پی ٹی آئی کی منافقانہ پالیسی کو بے نقاب کرتا ہے، جہاں ایک طرف مذاکرات کا دعویٰ کیا جاتا ہے اور دوسری طرف یہ جماعت ریاست مخالف ایجنڈے پر عمل پیرا ہے،مصدقہ ذرائع کے مطابق ،پاکستان نے برطانیہ سےمطالبہ کیا ہے کہ اس واقع میں ملوث افرادکی شناخت اورتحقیقات کےبعدان کے خلاف قانونی کارروائی کی جائے،یہ واقعہ بین الاقوامی قوانین، انسداد دہشتگردی کی ذمہ داریوں، اور ذمہ دار ریاستی طرز عمل کے لیے برطانیہ کے عزم کا امتحان ہے

ایران کے دارالحکومت تہران میں افغان صوبے تخار کے سابق اعلیٰ پولیس افسر اکرم الدین سریع کو نامعلوم مسلح افراد نے فائرنگ کرکے قتل کر دیا۔ واقعہ تہران کے ایک رہائشی علاقے میں اس وقت پیش آیا جب اکرم الدین سریع اپنے گھر کے قریب موجود تھے۔

ایرانی میڈیا رپورٹس کے مطابق حملہ آوروں نے سابق افغان پولیس چیف کو انتہائی قریب سے نشانہ بنایا اور ان کے سر پر گولی ماری، جس کے نتیجے میں وہ موقع پر ہی جاں بحق ہو گئے۔ فائرنگ کے اس واقعے میں ان کے ہمراہ موجود ایک ساتھی بھی ہلاک جبکہ ایک اور شخص شدید زخمی ہو گیا، جسے فوری طور پر قریبی اسپتال منتقل کر دیا گیا،تہران پولیس ڈپارٹمنٹ نے واقعے کی باضابطہ تصدیق کرتے ہوئے بتایا ہے کہ قتل کی وجوہات جاننے اور حملہ آوروں کی شناخت کے لیے تحقیقات کا آغاز کر دیا گیا ہے۔ پولیس حکام کے مطابق جائے وقوعہ سے شواہد اکٹھے کیے جا رہے ہیں اور قریبی علاقوں میں نصب سی سی ٹی وی کیمروں کی فوٹیج بھی حاصل کی جا رہی ہے، تاہم تاحال کسی مشتبہ شخص کو گرفتار نہیں کیا جا سکا۔

غیر ملکی میڈیا کے مطابق اکرم الدین سریع افغانستان کے صوبہ تخار میں پولیس چیف کے طور پر خدمات انجام دے چکے تھے اور سیکیورٹی معاملات میں ایک اہم شخصیت سمجھے جاتے تھے۔ 2021 میں افغان طالبان کے اقتدار میں واپس آنے کے بعد انہوں نے افغانستان چھوڑ دیا تھا اور بعد ازاں ایران میں رہائش اختیار کر لی تھی۔