Author: ممتاز حیدر

سیلاب جیسی آفت میں بھی پاکستانی عوام نے انسانیت اور بھائی چارے کی اعلیٰ مثال قائم کر دی

پاکستان نے سیلاب میں بہہ کر آنے والے جانوروں کو امانت سمجھ کر سرحد پار واپس بھیج دیا گیا ،پاکستانی شہریوں نے مشکل وقت میں خیر سگالی اور اعلیٰ ظرفی کی نئی تاریخ رقم کر دی ، بھارتی پنجاب کے ضلع امرتسر کے سرحدی گاؤں سنگھوکے میں عوام نے پاکستان کا بھرپور شکریہ ادا کیا، سرحدی علاقے کے مقیم سکھ شہری کا کہنا تھا کہ سنگھوکے سمیت متعدد سرحدی گاؤں سیلاب کی زد میں آئے جن میں جانوروں کو نکالنے کا وقت نہیں تھا، سرحدی علاقوں سے جانور جن میں بھینسیں اور گائیں شامل ہیں،سیلاب میں بہہ کر پاکستان چلے گئے ،پاکستانی دریا دلی کا مظاہرہ کرتے ہوئے جانور سرحد پار واپس بھیج رہے ہیں،پاکستان سے کم از کم 300جانور سرحد پار بھارتی پنجاب میں واپس آ چکے ہیں،

سرحد کے دونوں اطراف پنجاب میں بھی ہمارے لوگ بستے ہیں ،سکھ برادری اور پاکستان کے رشتے کی جڑیں تاریخ، مذہب ، زبان ،کلچر اور محبت میں پیوست ہیں

وزیراعظم محمد شہباز شریف نے پولیو کے انسداد کیلئے پولیو ورکرز کی خدمات کو سراہتے ہوئے کہا ہے کہ ان کی محنت اور حکومتی اقدامات کی بدولت جلد پاکستان سے پولیو کا خاتمہ ہو گا۔

وہ جمعہ کو انسداد پولیو کے عالمی دن کی مناسبت سے منعقدہ تقریب سے خطاب کر رہے تھے۔ اس موقع پر وفاقی وزیر صحت سید مصطفیٰ کمال، وفاقی وزیر اطلاعات و نشریات عطاء اﷲ تارڑ، وزیراعظم کی فوکل پرسن برائے انسداد پولیو عائشہ رضا فاروق، انسداد پولیو کیلئے معاونت فراہم کرنے والے اداروں کے حکام اور ملک بھر سے منتخب پولیو ورکرز بھی موجودتھے۔ وزیراعظم نے انسداد پولیو کیلئے وفاقی وزیر صحت، متعلقہ حکام اور عالمی شراکت داروں کی کاوشوں کو لائق تحسین قرار دیتے ہوئے کہا کہ ملک سے پولیو کے مکمل خاتمہ کیلئے پرعزم ہیں۔ انہوں نے پولیو ورکرز کی جرأت، لگن اور جذبے کو خراج تحسین پیش کرتے ہوئے کہا کہ بعض اوقات وہ اپنی جانیں خطرے میں ڈال کر مشکل حالات اور علاقوں میں انسداد پولیو کیلئے خدمات سرانجام دے رہے ہیںِ، ان کی کاوشوں کی بدولت پاکستان سے جلد پولیو کا خاتمہ ہو گا۔ وزیراعظم نے کہا کہ وہ اپنی، پوری قوم اور حکومت کی طرف سے پولیو ورکرز کا شکریہ ادا کرتے ہیں۔ انہوں نے کہا کہ یوم انسداد پولیو پر تقریب کا انعقاد اس مرض کی روک تھام کیلئے حکومتی عزم کا مظہر ہے۔ انہوں نے کہا کہ پولیو کے خاتمہ کیلئے سرگرداں عظیم پاکستانیوں نے اپنی زندگیاں ملک کیلئے وقف کی ہیں۔ انہوں نے ڈبلیو ایچ او، یونیسف، بل گیٹس فاؤنڈیشن اور سعودی عرب سمیت تمام شراکت داروں کا خاص طور پر شکریہ ادا کیا جو پاکستان سے پولیو کے خاتمہ کیلئے خطیر رقم خرچ کر رہے ہیں۔ قبل ازیں وزیراعظم نے انسداد پولیو کیلئے نمایاں خدمات سرانجام دینے والے پولیو ورکرز میں شیلڈز تقسیم کیں۔ ان میں پنجاب، خیبرپختونخوا، بلوچستان، سندھ، آزاد جموں و کشمیر اور گلگت بلتستان سمیت ملک کے تمام صوبوں اور علاقوں سے تعلق رکھنے والے پولیو ورکرز شامل تھے

ہنگو،پولیس چیک پوسٹ کو دھماکے سے اڑا دیا گیا، ایس پی آپریشن معائنے کے لئے وہاں پہنچے تو انکی گاڑی ایک اور دھماکے کی زد میں آگئی جس سے وہ اور دو اہلکار شدید زخمی ہوگئے اور زخموں کی تاب نہ لاکر شہید ہوگئے

ایس پی آپریشن اسد زبیر سمیت تین پولیس اہلکار شہید ایک زخمی ہو گیا، دہشت گردوں نے غلمینہ چیک پوسٹ کو دھماکے سے اڑایا، دھماکے کی اطلاع پر ایس پی آپریشن اسد زبیر بھاری پولیس کے ساتھ روانہ ہوئے، ،پولیس کا کہنا ہے کہ ایس پی کے پہنچنے کے بعد دوسرا دھماکا، ہوا، دھماکے کے بعد مزید نفری موقع پر پہنچ کر گئی، جاں بحق افراد کی لاشیں اسپتال منتقل کردی گئیں، واقعے کی مزید تحقیقات جاری ہیں۔