Author: ممتاز حیدر

23 سالوں تک جاری رہنے والی ایک طویل قانونی جنگ کے بعد آخرکار پی. سندراپریپورنم کو انصاف مل گیا۔ مدراس ہائی کورٹ نے ایئر انڈیا کو حکم دیا ہے کہ وہ متاثرہ مسافر کو 35 ہزار روپے بطور معاوضہ ادا کرے۔ یہ معاملہ 2002 کا ہے جب کولمبو سے چنئی جانے والی ایئر انڈیا کی پرواز میں مسافر کو فراہم کیے گئے کھانے میں انسانی بال نکل آیا تھا، جس کے بعد ان کی طبیعت خراب ہوگئی تھی۔

26 جولائی 2002 کو پی. سندراپریپورنم ایئر انڈیا کی فلائٹ IC-574 سے کولمبو سے چنئی کا سفر کر رہے تھے۔ فلائٹ کے دوران جب انہیں کھانا پیش کیا گیا تو وہ پیک شدہ تھا۔ پیک کھولنے پر ان کے کھانے میں بال کے باریک ریشے نظر آئے، جس سے وہ شدید نفرت اور بیزاری محسوس کرنے لگے اور طبیعت بگڑ گئی۔انہوں نے فوراً فلائٹ کے عملے سے شکایت کرنے کی کوشش کی، مگر نہ کوئی شکایت باکس موجود تھا اور نہ ہی عملے نے ان کی بات کو سنجیدگی سے لیا۔چنئی پہنچنے کے بعد سندراپریپورنم نے ایئر انڈیا کے ڈپٹی جنرل منیجر کو تحریری شکایت درج کروائی۔ ایئر انڈیا نے جوابی خط کے ذریعے افسوس کا اظہار کیا اور معاملے کی جانچ کی یقین دہانی کرائی۔ تاہم متاثرہ شخص نے اپنے وکیل کے ذریعے قانونی نوٹس بھجوایا اور الٹی، دست اور پیٹ درد کی شکایت کے ساتھ 11 لاکھ روپے معاوضہ کا مطالبہ کیا۔

ایئر انڈیا نے جواب میں کہا کہ معاملہ ان کی لاپروائی نہیں بلکہ اس ہوٹل کی غلطی ہے جہاں سے کھانا خریدا گیا تھا۔ کمپنی کے مطابق کھانا چنئی کے امبیسڈر پلوا ہوٹل سے فراہم کیا گیا تھا۔ مزید یہ بھی کہا گیا کہ ممکن ہے کھانے کا پیک کھولتے وقت کسی دوسرے مسافر کا بال اس میں گر گیا ہو۔

مدراس ہائی کورٹ نے سماعت کے دوران ایئر انڈیا کے مؤقف میں تضاد کی نشاندہی کی۔ عدالت نے کہا کہ ایئر انڈیا ایک طرف کہتی ہے کہ کوئی شکایت درج نہیں ہوئی، جبکہ دوسری طرف تسلیم بھی کرتی ہے کہ شکایت کا ازالہ کیا گیا۔عدالت نے واضح کیا کہ ایئر انڈیا نے خود تسلیم کیا ہے کہ کھانے میں بال ملا تھا، اس لیے یہ ایئرلائن کی صریح غفلت کا معاملہ ہے۔ ایسے معاملات میں مسافر کو یہ ثابت کرنے کی ضرورت نہیں ہوتی کہ غلطی کیسے ہوئی، بلکہ ایئرلائن پر لازم ہے کہ وہ اپنی مکمل احتیاط کا ثبوت دے۔تاہم عدالت نے یہ بھی نوٹ کیا کہ متاثرہ مسافر نے طبی نقصان کے کوئی شواہد پیش نہیں کیے، اس لیے نچلی عدالت کی جانب سے دیے گئے ایک لاکھ روپے معاوضے کو کم کرکے 35 ہزار روپے مقرر کیا گیا۔

مدراس ہائی کورٹ نے اپنے فیصلے میں کہا کہ چونکہ مسافر کے ٹکٹ میں کھانا شامل تھا، اس لیے چاہے کھانا کسی ہوٹل سے حاصل کیا گیا ہو، اس کی ذمہ داری ایئر انڈیا ہی پر عائد ہوتی ہے۔عدالت نے مزید کہا کہ ایئرلائن کی ذمہ داری صرف محفوظ پرواز تک محدود نہیں بلکہ مسافروں کو فراہم کیے جانے والے کھانے پینے کے معیار، صفائی اور شفافیت کو یقینی بنانا بھی اس کے فرائض میں شامل ہے۔ عدالت نے اپنے فیصلے میں حکم دیا کہ ایئر انڈیا چار ہفتوں کے اندر پی. سندراپریپورنم کو 35 ہزار روپے معاوضے کے طور پر ادا کرے۔

ہیومن رائٹس واچ نے اپنی تازہ رپورٹ میں انکشاف کیا ہے کہ افغان طالبان کے اقتدار میں آنے کے بعد افغانستان میں آزادیِ اظہارِ رائے اور صحافت بری طرح متاثر ہوئی ہے۔ رپورٹ کے مطابق طالبان کی سخت گیر اور جابرانہ پالیسیوں نے ملک میں میڈیا کی آزادی کا گلا گھونٹ دیا ہے۔

ہیومن رائٹس واچ کے مطابق، اگست 2021 میں اقتدار سنبھالنے کے بعد طالبان نے میڈیا کو سخت کنٹرول میں لے لیا۔ معمولی تنقید پر صحافیوں کو گرفتار کیا جاتا ہے، قید، تشدد اور جبری گمشدگی کا نشانہ بنایا جاتا ہے، طالبان نے ڈراموں، موسیقی اور خواتین کی آواز کو میڈیا سے مکمل طور پر ختم کر دیا ہے جبکہ خواتین صحافیوں پر امتیازی پابندیاں عائد کر کے انہیں میڈیا انڈسٹری سے باہر دھکیلا جا رہا ہے،اعداد و شمار کے مطابق مرد صحافیوں کی تعداد 4 ہزار سے کم ہو کر 2 ہزار رہ گئی ہے جبکہ خواتین صحافیوں کی تعداد 1400 سے گھٹ کر صرف 600 رہ گئی ہے۔ طالبان کا انٹیلی جنس ادارہ اور وزارتِ امر بالمعروف میڈیا دفاتر پر چھاپے مار کر مواد کی جانچ پڑتال کرتی ہے۔

رپورٹ میں انکشاف کیا گیا ہے کہ افغان میڈیا کو حکم دیا گیا ہے کہ عوامی مسائل یا حکومتی شکایات پر رپورٹنگ "ریاست کے خلاف پروپیگنڈا” شمار ہوگی۔ طالبان صحافیوں کو زبردستی پیشگی منظور شدہ خبروں کی اشاعت پر مجبور کرتے ہیں، جبکہ رہائی سے قبل ان سے تحریری حلف لیا جاتا ہے کہ وہ دوبارہ صحافت نہیں کریں گے۔

ہیومن رائٹس واچ کے مطابق طالبان کی پابندیوں اور سنسرشپ کے باعث افغانستان کے 60 فیصد میڈیا ادارے بند ہو چکے ہیں۔ہیومن رائٹس واچ نے مطالبہ کیا ہے کہ افغان طالبان صحافیوں پر تشدد، سینسر شپ اور خواتین پر امتیازی پابندیاں ختم کرے۔اس سے قبل اقوام متحدہ،اورایمنسٹی انٹرنیشنل افغان طالبان سے صحافت پر قدغن کے خاتمے کا مطالبہ کر چکے ہیں،ماہرین نے خبردار کیا ہے کہ خطے کی سلامتی پر بھی افغان طالبان کی آمرانہ پالیسیوں کے خطرناک اثرات مرتب ہو رہے ہیں۔

مودی کی سفارتی ناکامی اور خاموشی، بھارت کی عالمی رسوائی کا سبب بننے لگی

مفاد پرست مودی ملکی خود مختاری کو داؤ پر لگا کر اپنے اقتدارکو طول دینے میں مصروف ہے، مودی کی ناکام سفارتی پالیسی نے بھارت کو امریکہ سمیت دیگر عالمی طاقتوں کے مفادات کی بھینٹ چڑھا دیا،مودی کا "وشو گرو” (دنیا کا استاد) کا دعویٰ عالمی سطح پر ٹرمپ کے سامنے جھک کر زمیں بوس ہو گیا،کانگریس نے مودی پرسفارتی ناکامیوں کو لیکر سخت تنقید کی ہے، کانگریس نے ٹرمپ کے ساتھ ٹیلی فونک بات چیت کی اہم تفصیلات چھپانے کا الزام بھی عائد کیا

اپوزیشن جماعت کانگریس کے رہنما جے رام رمیش نے کہا ہے کہ قومی فیصلے مقامی سطح پر اعلان ہونے سے پہلے ہی بیرون ملک میں منظر عام پر آ جاتے ہیں،ٹرمپ نے روسی تیل پر بات اور درآمد روٓکنے کی بھارتی یقین دہانی کا دعویٰ کیا ہے، مودی قومی پالیسی چھپاتے جبکہ ٹرمپ اس کا اعلان کرتے ہیں، ٹرمپ نے ہی حکومت کے سرکاری اعلان سے پہلے ہی آپریشن سندور روکنے کا اعلان بھی کیا تھا، کوالا لمپور سمٹ اور غزہ کانفرنس میں شرکت سے انکار ظاہر کرتا ہے کہ مودی ٹرمپ کا سامنا نہیں کرنا چاہتے،

خودداری کے دعوے کرنے والا مودی درحقیقت عالمی رہنماؤں کے آگے گھٹنے ٹیکنے پر مجبور ہو چکا،مودی سرکار کی ناکامی سفارتی پالیسیوں نے بھارت کی نام نہاد خودمختاری کا پول کھول دیا