Author: ممتاز حیدر

سوشل میڈیا پر لیفٹیننٹ جنرل نعمان ذکریا کی بطور وائس چیف آف آرمی اسٹاف (VCOAS) تقرری کے حوالے سے جھوٹی خبریں گردش کرنے لگیں، جس کے بعد سرکاری اور عسکری ذرائع نے ان خبروں کو مکمل طور پر بے بنیاد قرار دے دیا ہے۔

ذرائع کے مطابق یہ جھوٹی خبر سب سے پہلے سوشل میڈیا پر شائع کی گئی، جس کا اصل بانی سیاسی رہنما ،یوٹیوبر، پی ٹی آئی رہنما شہباز گِل ہے،شہباز گل کی جانب سے پھیلائی گئی یہ معلومات نہ صرف غلط ہے بلکہ اس کا مقصد عوام میں بے چینی اور افواہیں پھیلانا بتایا جا رہا ہے۔ لیفٹیننٹ جنرل نعمان ذکریا کی ترقی یا تقرری کے حوالے سے جاری کی گئی خبروں میں کوئی صداقت نہیں۔

سوشل میڈیا پلیٹ فارمز پر گمراہ کن معلومات کا پھیلاؤ ایک سنگین مسئلہ بنتا جا رہا ہے۔ ماہرین کے مطابق ’فیک نیوز‘ نہ صرف عوامی رائے کو متاثر کرتی ہے بلکہ ملکی اداروں کے بارے میں غلط تاثر بھی پیدا کرتی ہے۔عوام سے اپیل کی گئی ہے کہ وہ غیر مصدقہ اطلاعات پر کان نہ دھریں اور صرف مستند ذرائع سے جاری کردہ خبروں پر یقین کریں۔ جعلی خبریں پھیلانا قابلِ تعزیر جرم ہے، اور ذمہ دار افراد کے خلاف کارروائی عمل میں لائی جا سکتی ہے۔

پاکستان نے امریکی حکام کی جانب سے افغان شہری لقمان خان کی گرفتاری کے حوالے سے میڈیا پر پھیلائی جانے والی بے بنیاد خبروں کی سختی سے تردید کر دی ہے۔

ترجمان دفترخارجہ کے مطابق امریکی شہر ڈیلاویئر سے گرفتار لقمان خان کے پاس امریکہ اور افغانستان کی دہری شہریت موجود ہے۔ بتایا گیا کہ وہ زیادہ تر افغانستان میں مقیم رہا جبکہ کچھ عرصہ افغان پناہ گزین کیمپ میں بھی رہا۔ ترجمان نے کہا کہ 24 نومبر کو ڈیلاویئر سے گرفتار ہونے والے افغان نژاد لقمان خان پر امریکہ کے خلاف حملے کی منصوبہ بندی کا الزام ہے اور اس کے گھر اور گاڑی سے اسلحہ اور گولہ بارود بھی برآمد ہوا تھا،ترجمان دفترخارجہ کا کہنا ہے کہ کسی بھی خبر کو بغیر تصدیق کے نشر نہ کیا جائے، اس قسم کی خبریں غیر مصدقہ اور گمراہ کن ہیں۔

خیبر پختونخوا اوربلوچستان میں سیکورٹی فورسز کی ملک دشمن عناصر کے خلاف کاروائیاں جاری ہیں

شمالی وزیرستان،دته خیل تحصیل میں مقامی بریگیڈ کمانڈر اور کمانڈنگ آفیسر نے ممتاز قبائلی بزرگ ملک مشال کے گھر کا دورہ کیا، جہاں انہوں نے سیکیورٹی صورتحال کا جائزہ لیا اور علاقے کے معزز زمینداروں اور عمائدین سے ملاقات کی۔ دورے کے دوران عسکری حکام نے عوام سے دہشت گردوں کے خلاف تعاون کی اپیل کی اور رہائشیوں کو ہدایت کی کہ کسی بھی مشتبہ سرگرمی کی فوری اطلاع متعلقہ حکام کو دیں۔ کمانڈر نے امن کے قیام، بروقت ردعمل اور طے شدہ ایس او پیز پر سختی سے عملدرآمد کے عزم کا اعادہ کیا۔ فوجی حکام نے خطے میں گشت بڑھانے، سنیپ چیکنگ اور نگرانی کے اقدامات میں اضافہ کرنے کی ضرورت پر بھی زور دیا، جبکہ ٹیموں کو مقامی رہنماؤں اور متعلقہ اداروں کے ساتھ قریبی رابطہ برقرار رکھنے کی ہدایت کی۔ عمائدین نے سکیورٹی فورسز کی کوششوں کو سراہا اور علاقے سے دہشت گردی کے خاتمے کے لیے مکمل تعاون کی یقین دہانی کرائی۔

نوشہرہ کی ضلعی انتظامیہ نے چار سابقہ پناہ گزین کیمپوں میں رہائش پذیر افغان مہاجرین کو تین دن کے اندر کیمپ خالی کرنے کی ہدایت جاری کردی ہے۔ حکام کے مطابق غیر قانونی مقیم افغان باشندوں کے خلاف بڑے پیمانے پر آپریشن اتوار سے شروع ہوگا، اور مقررہ مہلت کے بعد نہ نکلنے والوں کے خلاف قانونی کارروائی کی جائے گی۔ ڈپٹی کمشنر نوشہرہ عرفان اللہ محسود کے مطابق اکوڑہ خٹک کے ختم شدہ کیمپوں میں رہنے والے خاندانوں کو اسسٹنٹ کمشنر جہانگیرا انیس الرحمٰن نے پولیس ٹیم کے ہمراہ نوٹس جاری کیے۔ مسجد ملا بادام میں بھی مہاجرین کو تین دن کے اندر کیمپ خالی کرکے افغانستان واپس جانے کی ہدایت کی گئی، اور نوٹسز کیمپ میں آویزاں بھی کیے گئے۔ حکام کے مطابق مہلت ختم ہوتے ہی قانون کے مطابق کارروائی کی جائے گی، اور آپریشن اس وقت تک جاری رہے گا جب تک تمام غیر قانونی افراد کو پراسیس نہیں کر لیا جاتا۔

بنوں کے علاقے ہویڈ اڈہ کے قریب منگل کے روز کالعدم تحریک طالبان پاکستان (ٹی ٹی پی) سے وابستہ دہشت گردوں نے سابق فوجی اہلکار کو فائرنگ کرکے قتل کر دیا۔ پولیس ذرائع کے مطابق مقتول، جو حافظِ قرآن تھا اور دو سال قبل فوج سے ریٹائر ہوا تھا، بازار سے چند قدم کے فاصلے پر نشانہ بنایا گیا۔ فائرنگ سے شدید زخمی ہونے پر اسے اسپتال منتقل کیا گیا، جہاں وہ زخموں کی تاب نہ لاتے ہوئے جاں بحق ہوگیا۔ یہ ٹارگٹ کلنگ اس وقت سامنے آئی ہے جب خطے میں عسکریت پسندوں کی سرگرمیوں میں اضافہ دیکھا جا رہا ہے، اور حکام کے مطابق افغان سرحد پار سے آنے والے عناصر کی مداخلت میں بھی اضافہ ہوا ہے۔ حالیہ کاؤنٹر ٹیرر آپریشنز میں کئی افغان شہری مارے گئے ہیں، جس سے اس خطرے کے خارجی پہلو مزید واضح ہو گئے ہیں۔

ڈیرہ پولیس نے بدھ کے روز ایک بڑے کاؤنٹر ٹیرر آپریشن کے دوران اس گروہ کا تعاقب کیا اور گھیراؤ کیا، جو اسی دن پنالہ میں پولیس وین پر مہلک آئی ای ڈی حملے میں ملوث تھا۔ پولیس حکام کے مطابق فوری ردعمل کے نتیجے میں دو دہشت گرد ہلاک جبکہ دو زخمی ہوئے۔ ضلع بھر میں پولیس یونٹس کو ہائی الرٹ کر دیا گیا۔ بروقت خفیہ اطلاعات پر ڈیرہ پولیس نے سرچ اینڈ اسٹرائیک آپریشن شروع کیا اور حملے میں ملوث افراد کا سراغ لگایا جب وہ دیہی علاقے کی طرف فرار ہونے کی کوشش کر رہے تھے۔ پولیس کے نزدیک پہنچنے پر مختصر مگر شدید فائرنگ کا تبادلہ ہوا۔ حکام کے مطابق مربوط فیلڈ موومنٹ کی بدولت دہشت گردوں کو قابو کر لیا گیا۔ پولیس ترجمان کے مطابق ہلاک و زخمی دہشت گرد فتنہ الخوارج گروہ سے تعلق رکھتے تھے اور آئی ای ڈی حملے کے بعد دوبارہ منظم ہونے کی کوشش کر رہے تھے۔ ترجمان نے کہا: "ڈیرہ پولیس ایک بھی دہشت گرد کو فرار نہیں ہونے دے گی۔ ہر حملے کا فیصلہ کن جواب دیا جائے گا۔” دو دہشت گرد موقع پر ہلاک ہوئے، جبکہ دو زخمی محدود حرکت کے ساتھ فرار ہونے میں کامیاب ہوئے۔ باقی مشتبہ افراد کی تلاش اور سہولت کاروں کا نیٹ ورک ختم کرنے کے لیے سرچ آپریشن جاری ہے۔ ڈیرہ اسماعیل خان میں سیکیورٹی مزید سخت کر دی گئی ہے، اور کسی ممکنہ جوابی کارروائی کو روکنے کے لیے اضافی چیک پوسٹس اور گشت تعینات کر دیے گئے ہیں۔ حکام نے یقین دلایا ہے کہ آپریشن اس وقت تک جاری رہے گا جب تک پورا نیٹ ورک مکمل طور پر ختم نہیں ہو جاتا۔

جنوبی وزیرستان، خیبر پختونخوا
تایارزہ تھانے کی حدود میں واقع توروام بازار میں مسلح افراد نے پولیس وین پر فائرنگ کر دی۔ پولیس ذرائع کے مطابق فائرنگ کے نتیجے میں پولیس اہلکار امام حسین زخمی ہوگیا۔ زخمی اہلکار کو فوری طور پر اسپتال منتقل کیا گیا، جہاں اس کی حالت خطرے سے باہر بتائی جاتی ہے۔ پولیس نے جوابی فائرنگ کی، تاہم حملہ آور موقع سے فرار ہونے میں کامیاب ہوگئے۔ واقعے کی تحقیقات شروع کر دی گئی ہیں اور ملزمان کی گرفتاری کے لیے سرچ آپریشن جاری ہے۔