Author: ممتاز حیدر

بھارتی ریاست راجستھان کے ضلع سری گنگا نگر میں اندرا گاندھی کینال میں فوجی ٹینک ڈوبنے سے ایک سپاہی کی ہلاکت نے ایک بار پھر بھارتی فوج کی تربیتی صلاحیتوں، کمانڈ اینڈ کنٹرول، اور حفاظتی انتظامات کی سنگین کمزوریوں کو بے نقاب کر دیا ہے۔

منگل کی صبح ہونے والا یہ حادثہ بھارتی فوجی مشینری کی مجموعی بدانتظامی اور لاپرواہی کا نتیجہ ہے جسے خود بھارت خطے میں طاقتور فوج کے طور پر پیش کرنے کی کوشش کرتا ہے۔پولیس کے مطابق واقعہ اس وقت پیش آیا جب معمول کی مشق کے دوران ٹینک نہر کے درمیان پھنس کر ڈوب گیا۔ ٹینک میں دو اہلکار موجود تھے جن میں سے ایک تو کسی طرح جان بچانے میں کامیاب ہوگیا، مگر دوسرا سپاہی اندر ہی پھنس کر موت کے منہ میں چلا گیا۔ سوال یہ پیدا ہوتا ہے کہ بھارتی فوج اتنی بنیادی نوعیت کی مشقوں میں بھی اپنے اہلکاروں کی حفاظت یقینی کیوں نہیں بنا سکتی؟واقعے کے بعد ایس ڈی آر ایف، پولیس اور سول ڈیفنس کی ٹیموں کو کئی گھنٹے آپریشن کرنا پڑا، جس سے یہ بھی واضح ہوا کہ بھارتی فوج کے پاس ایسے حادثات سے نمٹنے کے لیے کوئی فوری ریسکیو پلان موجود نہیں تھا۔

ماہرین کے مطابق نہر عبور کرنے کی مشقیں انتہائی حساس اور تکنیکی نوعیت کی ہوتی ہیں جن کے لیے مکمل سیکیورٹی پروٹوکول، تجربہ کار کمانڈرز کی نگرانی، اور ہنگامی آلات کی موجودگی لازمی ہوتی ہے۔ مگر واقعے سے یہ صاف نظر آتا ہے کہ یا تو ایسے انتظامات تھے ہی نہیں، یا پھر بھارتی فوج کی روایتی غفلت اور غیر پیشہ ورانہ رویے نے ایک اور جان لے لی۔ دفاعی ماہرین کا کہنا ہے کہ بھارتی فوج اگر واقعی خود کو خطے کی بڑی طاقت سمجھتی ہے تو اسے سب سے پہلے اپنی تربیتی صلاحیت، حفاظتی معیار اور اہلکاروں کی جان کی اہمیت کو سمجھنا ہوگا۔ کیا بھارتی فوج اپنی اندرونی کمزوریوں کو دور کرنے میں سنجیدہ بھی ہے، یا صرف دکھاوے کی مشقوں اور بلند بانگ دعووں میں ہی مگن رہے گی

لندن، ایئر انڈیا کے طیارہ حادثے میں ہلاک ہونے والوں کی لاشوں کو جب برطانیہ منتقل کیا گیا تو لندن کے ویسٹ منسٹر پبلک مورچیوری میں کام کرنے والے عملے کو ’’انتہائی خطرناک‘‘ حد تک زہریلے کیمیکلز کا سامنا کرنا پڑا۔ یہ انکشاف ایک تفصیلی رپورٹ میں کیا گیا

جون میں احمد آباد سے لندن کے لیے روانہ ہونے والی ایئر انڈیا فلائٹ 171 ٹیک آف کے کچھ ہی لمحوں بعد ایک عمارت سے ٹکرا گئی تھی، جس میں طیارے میں سوار 241 افراد اور زمین پر 19 افراد ہلاک ہوگئے۔ ہلاک ہونے والوں میں 53 برطانوی شہری بھی شامل تھے جبکہ صرف ایک مسافر معجزانہ طور پر زندہ بچ سکا۔

فارملن میں بھگوئی گئی لاشیں، تابوت کھولتے ہی ’کیمیائی خطرہ‘ سامنے آگیا
کورونر کی رپورٹ کے مطابق برطانیہ لائی گئی لاشوں کو فارملن کے غیر معمولی حد تک زیادہ ارتکاز میں بھگو کر لپیٹا گیا تھا اور انہیں خاص طور پر لائننگ والے تابوتوں میں رکھا گیا تھا۔فارملن، جس میں فارملڈیہائیڈ شامل ہوتی ہے، لاشوں کو محفوظ رکھنے کے لیے استعمال کیا جاتا ہے، مگر رپورٹ کے مطابق زیادہ تر عملہ اس کی خطرناک نوعیت سے ناواقف تھا۔رپورٹ میں بتایا گیا کہ مردہ خانے میں کاربن مونو آکسائیڈ اور سائنائیڈ جیسے انتہائی زہریلے مادّے بھی خطرناک سطح پر پائے گئے۔کورونر کے مطابق فارملن کا ارتکاز تقریباً 40 فیصد ریکارڈ ہوا، جو ’’انتہائی خطرناک حد سے زیادہ‘‘ تھا۔انہوں نے لکھا کہ گرمی اور روشنی میں فارملن ٹوٹ کر کاربن مونو آکسائیڈ پیدا کرتا ہے، جو انتہائی زہریلا ہے، جبکہ اگر یہ امونیا سے مل جائے، جو گلنے سڑنے کے دوران پیدا ہوتا ہے، تو سائنائیڈ جیسا جان لیوا مادہ بن سکتا ہے۔

رپورٹ میں خبردار کیا گیا کہ مردہ خانے فارملن کے خطرات کو سنجیدگی سے نہیں لیتے۔ لاشوں میں فارملن کی مقدار کو ’’عام طور پر مانیٹر نہیں کیا جاتا‘‘، جس کے باعث حفاظتی آلات یا تو موجود نہیں ہوتے یا استعمال نہیں کیے جاتے۔رپورٹ میں کہا گیا کہ اس صورتِ حال سے عملے کی صحت کو شدید خطرات لاحق ہو سکتے ہیں، جن میں جان کا خطرہ بھی شامل ہے۔رپورٹ وزارتِ صحت، سماجی نگہداشت اور وزارتِ ہاؤسنگ، کمیونٹیز و مقامی حکومت کو بھجوائی گئی ہے، تاکہ مستقبل میں اسی نوعیت کے خطرات کو روکنے کے لیے مؤثر اقدامات کیے جائیں۔ متعلقہ محکموں کے پاس 56 دن میں جواب جمع کرانے کی مہلت ہے۔

ایک سرکاری ترجمان نے کہا ’’یہ واقعہ نہایت چونکا دینے والا ہے۔ ہم اس المناک حادثے کے متاثرین کے اہلِ خانہ سے دلی تعزیت کرتے ہیں۔ ہم اس رپورٹ کا تفصیلی جائزہ لیں گے اور اس پر باضابطہ جواب دیں گے۔‘‘سائنسی ماہرین کے مطابق بیرونِ ملک سے آنے والی لاشوں کو فارملن سے محفوظ کرنا عام بات ہے، مگر 40 فیصد کا ارتکاز ’’غیر معمولی طور پر بہت زیادہ‘‘ قرار دیا گیا ہے۔

ایئر انڈیا طیارہ حادثہ،پائلٹ کو قصور وار نہیں دیا جا سکتا،بھارتی عدالت

ایئر انڈیا حادثے میں بچ جانے والے واحد مسافر کی کئی ماہ بعد حادثے بارے بات چیت

ایئر انڈیا کا عملہ ہوٹل میں قیام کے دوران ڈکیتی کا شکار

ایئر انڈیا حادثے میں برطانیہ کو غلط میتیں بھیجنے کا معاملہ، بھارتی وضاحت

بھارت کی سب سے بڑی ایئرلائن انڈیگو کو حالیہ برسوں کے بدترین آپریشنل بحران کا سامنا ہے، جہاں ملک بھر میں پروازوں کی تاخیر اور منسوخیاں بڑھتی جا رہی ہیں۔

انڈیگو کی ویب سائٹ کے مطابق ایئرلائن روزانہ 2200 سے زائد پروازیں چلاتی ہے۔ تاہم سرکاری اعداد و شمار کے مطابق منگل کے روز ان کا آن ٹائم پرفارمنس صرف 35 فیصد رہ گیا، جو کہ ایک بڑے بحران کی علامت ہے۔ اس کا مطلب ہے کہ گزشتہ روز 1400 سے زائد پروازیں تاخیر کا شکار ہوئیں۔بدھ کے روز بھی یہ صورتحال برقرار رہی، جب دوپہر تک دہلی، ممبئی، بنگلورو اور حیدرآباد کے ایئرپورٹس سے 200 کے قریب پروازیں منسوخ ہوچکی تھیں، جس سے اندرونِ ملک سفر کرنے والے ہزاروں مسافروں کو سخت مشکلات کا سامنا کرنا پڑا۔ممبئی ایئرپورٹ کی جانب سے جاری بیان میں کہا گیا "انڈیگو کی کچھ پروازیں ایئرلائن کے اندرونی آپریشنل مسائل کی وجہ سے تاخیر یا منسوخی کا شکار ہوسکتی ہیں۔ مسافروں سے گزارش ہے کہ ایئرپورٹ روانگی سے قبل اپنی پرواز کا تازہ ترین اسٹیٹس ایئرلائن سے معلوم کرلیں۔”

بحران کی سب سے بڑی وجہ گزشتہ ماہ متعارف کرائے گئے نئے فلائٹ ڈیوٹی ٹائم لمیٹیشن (FDTL) قواعد کے تحت پائلٹس اور کیبن کریو کی شدید کمی بتائی جا رہی ہے۔ نئے قواعد کے مطابق عملے کو زیادہ آرام، انسانی بنیادوں پر تیار کردہ روسٹر اور محدود فلائٹ اوقات دینا لازمی ہے، جس کے باعث انڈیگو اپنے بڑے نیٹ ورک کو بروقت ترتیب دینے میں ناکام رہی۔ذرائع کے مطابق کئی پروازیں کیبن کریو دستیاب نہ ہونے کے سبب گراؤنڈ رہیں، جبکہ بعض میں تاخیر آٹھ گھنٹوں تک رہی۔ چونکہ انڈیگو کا بھارت کے اندرونِ ملک فضائی سفر میں 60 فیصد سے زائد مارکیٹ شیئر ہے، اس لیے ان کی بدانتظامی کا اثر پورے نظام پر پڑا۔

انڈیگو کے بیان کے مطابق "گزشتہ دو روز سے ہمارے پورے نیٹ ورک میں شدید بے ترتیبی رہی ہے، جس پر ہم اپنے مسافروں سے دل سے معذرت خواہ ہیں۔ غیر متوقع آپریشنل چیلنجز، جن میں ٹیکنالوجی کے معمولی مسائل، موسم سرما کے شیڈول میں تبدیلیاں، خراب موسم، فضائی نظام میں بڑھتی بھیڑ، اور نئے FDTL قواعد شامل ہیں، نے ہمارے آپریشنز پر منفی اثر ڈالا۔”

FDTL قوانین کے تحت،عملہ روزانہ 8 گھنٹے سے زیادہ نہیں اڑا سکتا،ہفتہ وار حد 35 گھنٹے ہے،ماہانہ حد 125 گھنٹے ہے،سالانہ حد 1000 گھنٹے ہے،مزید یہ کہ ہر فلائٹ ٹائم کے مقابلے میں عملے کو دگنا آرام دینا لازمی ہے، اور ہر 24 گھنٹے میں کم از کم 10 گھنٹے کا آرام ضروری ہے۔ یہ اصول پائلٹس اور کریو کی تھکاوٹ سے بچاؤ اور فضائی سفر کی حفاظت یقینی بنانے کے لیے ڈائریکٹوریٹ جنرل آف سول ایوی ایشن نے نافذ کیے ہیں۔

ایئرلائن کے مطابق اگلے 48 گھنٹوں میں شیڈول میں "محدود لیکن باقاعدہ تبدیلیاں” لائی جا رہی ہیں، تاکہ نظام کو دوبارہ مستحکم کیا جاسکے۔انڈیگو کا کہنا ہے کہ متاثرہ مسافروں کومتبادل پروازیں یا رقم کی واپسی جیسی سہولیات فراہم کی جا رہی ہیں۔مسافروں سے درخواست کی گئی ہے کہ وہ ایئرپورٹ جانے سے قبل اپنی پرواز کا اسٹیٹس چیک کرلیں۔

حیدرآباد کے راجیو گاندھی انٹرنیشنل ایئرپورٹ پر صبح کے وقت طویل قطاریں اور پریشان مسافر نظر آئے جہاں 33 انڈیگو پروازیں (آمد و روانگی دونوں) منسوخ کی گئیں۔روانہ ہونے والی پروازیں بھی بڑی تعداد میں منسوخ ہوئیں۔بنگلورو کے کیمپے گوڑا انٹرنیشنل ایئرپورٹ پر بھی 42 گھریلو پروازیں (22 آمد، 20 روانگی) منسوخ ہوئیں۔

پریشان مسافروں نے سوشل میڈیا پلیٹ فارم ایکس پر اپنی مشکلات بیان کیں،ایک مسافر نے لکھا "میں رات 3 بجے سے پھنس گیا ہوں، ایک اہم میٹنگ مس کر دی ہے۔”دوسرے نے بتایا "میری ادے پور جانے والی پرواز پہلے 1:55، پھر 2:55، اب 4:35 کر دی گئی ہے۔ یہ مذاق ہے؟ ایئرپورٹ میں داخل ہونے سے تین منٹ پہلے مجھے اطلاع دی گئی۔”