Author: ممتاز حیدر

وزیر مملکت طلال چوہدری نے کہا ہے کہ خیبر پختونخوا میں سہیل بزدار کو دانستہ لگایا گیا ہے، وزیراعلیٰ بدلنے سے یہ جنگ نہیں رکے گی۔

اسلام آباد میں نیوز کانفرنس کے دوران طلال چوہدری نے کہا کہ خیبر پختونخوا کو دی گئی 1 گاڑی کی قیمت 10 کروڑ روپے ہے، گاڑیاں واپس کرنے کی ایک وجہ یہ ہے کہ آپ دہشت گردی کے خلاف لڑنا ہی نہیں چاہتے، کے پی میں ’سہیل بزدار‘ کو دانستہ لگایا گیا ہے، اگر یہ گاڑیاں پسند نہیں تو وزیراعلیٰ اپنی بلٹ پروف گاڑی دے دیتے، دہشت گردی کے خلاف جنگ پورے پاکستان کی جنگ ہے،ہمارے جوان شہادتیں دے رہے ہیں اور آپ سیاست کےلیے آلات واپس کر رہے ہیں، وزیراعلیٰ بدلتے رہیں ایکشن نہیں رکے گا، ان کا ایجنڈا کچھ اور ہے، خیبر پختونخوا کے نئے وزیراعلیٰ نے اب تک کوئی عوامی منصوبہ پیش نہیں کیا، گاڑیاں واپس کرکے پولیس کا اب جو نقصان ہوگا، اس کی ذمے دار صوبائی حکومت ہوگی، پنجاب اور سندھ کی طرح اگر کے پی نے خود گاڑیاں خریدی ہوتیں تو وفاق کو دینے کی ضرورت ہی نہ پڑتی،خیبر پختونخوا پولیس کےلیے جدید گاڑیاں فراہم کی تھیں، صوبائی حکومت نے پولیس کےلیے گاڑیاں لینے سے انکار کیا، بلٹ پروف گاڑیاں پولیس کے اعلی افسران استعمال کرتے ہیں، خیبر پختونخوا میں پرانے ماڈل کی گاڑیاں امپورٹ کی جاتی ہیں، خیبر پختونخوا پولیس کےلیےجو گاڑیاں دی گئیں وہ عالمی معیار کے مطابق ہیں، وزیر اعظم شہباز شریف کی ہدایت پر خیبر پختونخوا پولیس کےلیے گاڑیاں دی گئیں ،وفاقی حکومت نے مالی مشکلات کے باوجود خیبر پختونخوا پولیس کےلیے گاڑیاں فراہم کیں، کہا گیا یہ تضحیک ہے، یہ گاڑیاں قابل استعمال نہیں، اس سے قبل یہی گاڑیاں وزیر داخلہ اور وزیر اعلیٰ کے پی بھی استعمال کر چکے ہیں۔

وزیر مملکت نے کہا کہ وفاقی وزراء اور اعلیٰ افسران بھی یہی گاڑیاں استعمال کرتے ہیں، ایک گاڑی کی قیمت 10 کروڑ روپے ہے، گاڑیوں میں بلٹ اور بم پروف کے تمام لوازمات پورے ہیں،ٹی ایل پی آج تک غائب ہے، نہ کفن مل رہا ہے اور نہ کفن باندھنے والا،فلسطین پر مارچ کرنے والوں کا ایک بھی مطالبہ فلسطین کےحوالے سے نہیں تھا،ٹی ایل پی کی تجوری سے69برانڈڈگھڑیاں نکلی ہیں،غیرملکی برانڈز کی گھڑیاں انکے گھر سے نکلی ہیں

دنیا بھر میں پاکستان کے معدنی ذخائر کی عالمی اہمیت کا اعتراف کیا جا رہا ہے

امریکی جریدہ فارن پالیسی کے مطابق پاکستان کے معدنی ذخائر 2 لاکھ 30 ہزار مربع میل پر محیط ہیں یہ معدنی ذخائر برطانیہ کے رقبے سے دوگنا ہیں جو عالمی اہمیت کےحامل ہیں، معدنی شعبے میں بین الاقوامی سرمایہ کاری، باہمی معاہدوں سے پاکستان اور سرمایہ کار ممالک دونوں کو معاشی، تکنیکی اور سماجی فوائد حاصل ہوں گے

پاکستان میں معدنی وسائل سے استفادہ حاصل کرنے کے لئیے قومی معدنی پالیسی 2025 مرتب کی گئی ہے،قومی معدنی پالیسی کے 2025ء کے ثمرات پاکستان بالخصوص بلوچستان کے عوام تک پہنچیں گے،صوبوں کے دیہی علاقوں میں انفراسٹرکچر، روزگار اور سماجی ترقی کو فروغ دینے پر خصوصی توجہ دی جائیگی،بلوچستان کے گریجویٹس ریکوڈک پروگرام کے تحت بیرونِ ملک تربیت کے لیے بھیجے گئے ہیں،معدنی ذخائر کے مؤثر استعمال سے پاکستان میں سماجی اور معاشی ترقی کے نئے مواقع پیدا ہوں گے

قومی معدنی پالیسی کے تحت پاکستان اپنے قدرتی وسائل کے پائیدار استعمال سے طویل المدتی ترقی اور قومی خودکفالت کی راہ پر گامزن ہے،بین الاقوامی تعاون اور ٹیکنالوجی شیئرنگ سے معدنیات کے شعبے میں مزید پیش رفت کی توقع ہے،اس تناظر میں پاکستان کے معدنی وسائل کی اہمیت عالمی سطح پر مسلم ہے

اسلام آباد ہائی کورٹ نے پی ٹی آئی رہنما زلفی بخاری کی جائیداد نیلامی کا عمل روکنے کا حکم دیدیا۔

اسلام آباد ہائی کورٹ میں جائیداد نیلامی کے نیب فیصلے کیخلاف زلفی بخاری کی ہمشیرہ کی درخواست پر سماعت جسٹس ارباب محمد طاہر اور جسٹس انعام امین منہاس پر مشتمل ڈویژن بینچ نے زلفی بخاری کی بہن سکینہ بخاری کی درخواست پر سماعت کی،درخواست گزار کے وکیل بابر اعوان نے عدالتی استفسار پر بتایا کہ نیلامی کا عمل جاری ہے لیکن ہمیں کوئی نوٹس جاری نہیں کیا گیا۔ اشتہار جاری ہوا تو اس سے ہمیں نیلامی کا علم ہوا،جائیداد کس نے خریدی ہے اس کے کوئی دستاویزات بھی سامنے نہیں آئے،تقریباً اکیس سو کنال مشترکہ اراضی ہے جس کی تقسیم ابھی نہیں ہوئی۔ بابر اعوان نے کہا کہ دیگر مالکان بھی ہیں لیکن میں صرف سکینہ بخاری کا وکیل ہوں۔

عدالت نے زلفی بخاری کی جائیداد نیلامی کا عمل روکنے کا حکم دیتے ہوئے نیب سے مکمل ریکارڈ طلب کر لیا۔ کیس کی مزید سماعت نومبر کے تیسرے ہفتے تک ملتوی کر دی گئی۔