Author: ممتاز حیدر

افغانستان کی جانب سے پاکستان کی سرحد پر اشتعال انگیزی کے بعد افغانستان کے لیے واضح ترین پیغام دیا گیا ہے

پاکستان کی مسلح افواج نے افغانستان کو منہ توڑجواب دیا جس کے بعد پیغام میں کہا گیا ہےکہ آپ چاہے بیرونی دنیا کو اپنی نام نہاد بہادریاں دکھا کر متاثر کر لیں، مگر ہم آپ کی حقیقت اندر سے باہر تک جانتے ہیں۔ اگر امریکہ کا ساتھ نہ ہوتا تو تم سوویت یونین کو ہرگز شکست نہ دے پاتے۔ کیا تم نے تورا بورا کو بھُلّا دیا جہاں سے تم دم دبا کر بھاگے تھے؟ہم تمام افغان مہاجرین کو نکال باہر کریں گے اور افغان حکومت انہیں بے شک اب بھارت بھیج سکتی ہے (جس کے ساتھ طالبان کے بظاہر شاندار تعلقات ہیں)خیبرپختونخوا اور بلوچستان میں طالبان کی طرف سے کسی بھی جگہ کسی بھی دہشت گردانہ حملے کی صورت میں، ہم افغانستان میں موجود ان طالبان پوسٹوں ، اڈوں کو مکمل طور پر تباہ کر دیں گے جو خوارج پراکسی کی مدد کرتی ہیں

پاکستان فوج کی طرف سے طالبان فورسز کے خلاف منہ توڑ جواب بھرپور طریقے سے جاری ہے
پاک فوج کی ایک اور بڑی اور اہم کامیابی،پاکستان فوج کی جوابی کاروائی میں سپین بولدک سیکٹر ، افغانستان میں واقع افغان طالبان کے عصمت اللہ کرار کیمپ کو دوسری اسٹرائیک میں مکمل طور پر تباہ کر دیا گیا، سیکورٹی ذرائع کے مطابق یہ کیمپ افغان طالبان کے سب سے بڑے کیمپس میں سے ایک تھا جہاں سے پاکستان مخالف کارروائیاں عمل میں لائی جاتی تھی،ویڈیو میں افغان طالبان کے عصمت اللہ کرار کیمپ کی دوسری انگیجمنٹ اور اسٹرائیک کے بعد مکمل تباہی دیکھی جا سکتی ہے، افغان طالبان کے عصمت اللہ کرار کیمپ میں تباہی سے افغان طالبان اور کیمپ میں چھپے خارجیوں کے بھاری نقصانات کی اطلاعات ہیں.

پاک افغان بارڈر پر طالبان کی جانب سے بِلا اشتعال جارحیت پر پاکستان نے منہ توڑ جواب دیا

افغان جارحیت کو ناکام بنانے کے بعد پاک فوج کے جوان کا لہو گرما دینے والا پیغام سامنے آ گیا، فوجی جوان کا کہناتھا کہ الحمد للہ ہم نے افغان فوجیوں اور بھارتی پالتو کتوں کا غرور خاک میں ملا دیا ہے، ہم نے قبضہ کی گئی چوکیوں پر پاکستانی پرچم لہرا دیئے ہیں،وطن کی مٹی کی حفاظت کیلئے پاک فوج کے جوان مستعد اور چوکس ہیں

پاک فوج کے جوانوں نے ثابت کیا ہے کہ ہم جاگ رہے ہیں اور ملک کی حفاظت کر رہے ہیں،پاک فوج کے جوانوں کو پاکستان کی غیور عوام کا سلام،

سکیورٹی ذرائع کے مطابق پاکستانی فورسز کی جانب سے افغانستان کی بلا اشتعال فائرنگ پر رات گئے سے بھرپور اور مؤثر جوابی حملہ جاری ہے۔سکیورٹی ذرائع کا کہنا ہے کہ پاکستان نے افغان بارڈر پر 19 پوسٹوں پر قبضہ کر لیا ہے ۔ ان پوسٹوں سے پاکستان پر حملے کیے جا رہے تھے۔سکیورٹی ذرائع کا کہنا ہے کہ قبضہ شدہ افغان پوسٹوں پر آگ اور تباہی کے مناظر دیکھے جا سکتے ہیں۔بیشترافغان طالبان پوسٹیں خالی چھوڑ کربھاگ چکےہیں۔سکیورٹی ذرائع کے مطابق افغان فورسز کے خلاف پاک فوج کی یہ بڑی اور اہم کامیابی ہے۔

افغانستان کی جانب سے جارحیت کے دوران پاک فوج کے جوانوں نےانتہائی بہادری کا مظاہرہ کیا،افغانستان کی جانب سے بلااشتعال فائرنگ کے بعد پاک فوج کے جوانوں نے منہ توڑ جواب دیاشدید فائرنگ کے بعد افغان طالبان اور فتنہ الخوارج کے دہشتگرد لاشیں چھوڑ کر فرار ہونے پر مجبورہو گئے،افغان جارحیت کی جوابی کارروائی کے دوران پاک فوج کے جوان اللہ اکبر کے نعرے بلند کرتے رہے،پاک فوج کے جوان ایک دوسرے کا حوصلہ بھی بڑھاتے ہوئے نظر آئے

گلگت بلتستان کے علاقے شٹیال میں نامعلوم مسلح افراد نے پولیس وین پر فائرنگ کی۔ خوش قسمتی سے گاڑی کو کوئی نقصان نہیں پہنچا اور تمام اہلکار محفوظ رہے۔ چند روز قبل اسی خطے میں دہشت گردوں نے گلگت اسکاؤٹس پر حملہ کیا تھا، جس کی ذمہ داری کالعدم تحریک طالبان پاکستان (ٹی ٹی پی) نے قبول کی تھی۔ سیکیورٹی فورسز نے دونوں واقعات کی تحقیقات شروع کر دی ہیں اور علاقے میں گشت بڑھا دیا گیا ہے۔

افغانستان کے صوبہ خوست میں فائرنگ کے ایک واقعے میں کالعدم تحریک طالبان پاکستان (ٹی ٹی پی) کا کمانڈر حسین اللہ عرف سیف اللہ مارا گیا۔ سیکیورٹی ذرائع کے مطابق ہلاک دہشت گرد تنظیم کے سوشل میڈیا پروپیگنڈا وِنگ کا سرگرم رکن تھا۔ یہ واقعہ افغانستان میں موجود شدت پسند گروپوں کے اندر بڑھتی ہوئی داخلی کشیدگی اور باہمی ٹارگٹ کلنگ کی عکاسی کرتا ہے۔

خیبر پختونخوا کے جنوبی اضلاع میں دہشت گردی کے واقعات میں اضافہ دیکھنے میں آیا ہے۔ پولیس ذرائع کے مطابق دہشت گردوں نے مختلف علاقوں سے پانچ افراد کو اغوا کر لیا جن میں تین ایف سی اہلکار بھی شامل ہیں۔ ٹانک کے علاقے کوٹ اعظم کے قریب تین ایف سی اہلکاروں کو اس وقت اغوا کیا گیا جب وہ چھٹی پر اپنے گھروں جا رہے تھے۔ بنوں کے کینٹ تھانے کی حدود میں دہشت گردوں نے ٹرکوں پر فائرنگ کی، جس کے نتیجے میں ایک ڈرائیور زخمی جبکہ دو دیگر افراد کو اغوا کر لیا گیا۔ مغویوں کی بازیابی کے لیے سرچ آپریشن جاری ہے۔ بنوں کے علاقے آزاد منڈی میں دہشت گردوں اور سیکیورٹی فورسز کے درمیان شدید فائرنگ کا تبادلہ جاری ہے۔ سیکیورٹی ذرائع کے مطابق علاقے کو گھیرے میں لے لیا گیا ہے اور مزید نفری کو طلب کر لیا گیا ہے۔ دونوں جانب سے فائرنگ کے باعث حالات کشیدہ ہیں۔

انڈس ہائی وے پر ٹول پلازہ کے قریب دہشت گردوں نے کسٹمز کی گاڑی پر اندھا دھند فائرنگ کر دی، جس کے نتیجے میں دو افسر موقع پر ہی شہید ہوگئے۔ پولیس کے مطابق شہداء میں محمد نظر اور مقدر علی شامل ہیں۔ بیلی ٹنگ تھانے کی پولیس نے موقع پر پہنچ کر علاقے کو گھیرے میں لے لیا اور شواہد اکٹھے کر لیے ہیں۔

سیکیورٹی فورسز نے کالعدم تحریک طالبان پاکستان کے کاظم گروپ کے خلاف انٹیلی جنس کی بنیاد پر کامیاب کارروائی کی۔ آپریشن کے دوران چار اہم دہشت گرد مارے گئے جن میں ابو دردہ، قاری صدیق اور عبیدہ عرف باز نظیر شامل ہیں۔ سیکیورٹی ذرائع کے مطابق یہ کارروائی علاقے میں موجود ٹی ٹی پی نیٹ ورک کے خاتمے کی سمت ایک اہم پیش رفت ہے۔

ڈیرہ اسماعیل خان کے علاقے رٹہ کلاچی میں پولیس ٹریننگ اسکول پر ہونے والے حملے کی ذمہ داری کے حوالے سے ابہام پایا جا رہا ہے۔ ابتدائی طور پر ٹی ٹی پی نے حملے کی ذمہ داری قبول کی تھی، تاہم بعد میں تنظیم نے تردید کر دی۔ اب ایک نیا نام، "تحریک اسلامی فورس ” سامنے آیا ہے، جس نے حملے کی ذمہ داری قبول کرتے ہوئے اسے "ریاستی اداروں کے خلاف بدلہ” قرار دیا۔ حملے میں تین پولیس اہلکار شہید ہوئے۔آئی جی خیبر پختونخوا ذوالفقار حمید کے مطابق بروقت پولیس کارروائی نے بڑے سانحے کو ٹال دیا۔ حکام نے جنوبی اضلاع میں سیکیورٹی سخت کر دی ہے اور حملے کے سہولت کاروں اور مالی معاونین کی تلاش جاری ہے۔

ٹانک کے علاقے بٹیاری کے قریب دہشت گردوں نے تین ایف سی اہلکاروں کو اغوا کر کے نامعلوم مقام پر منتقل کر دیا۔ ذرائع کے مطابق مغوی اہلکار چھٹی پر اپنے گھروں جا رہے تھے جب دہشت گردوں نے انہیں نشانہ بنایا۔ سیکیورٹی فورسز نے علاقے میں سرچ آپریشن شروع کر دیا ہے۔

گزشتہ چند دنوں کے دوران گلگت بلتستان، خیبر پختونخوا اور سرحدی علاقوں میں دہشت گردی اور مسلح حملوں میں نمایاں اضافہ دیکھنے میں آیا ہے۔ سیکیورٹی فورسز نے کارروائیاں تیز کر دی ہیں جبکہ حکومت نے متعلقہ اضلاع میں ہائی الرٹ نافذ کر رکھا ہے۔

وزیراعظم محمد شہباز شریف نےافغانستان کی جانب سے پاکستان کے سرحدی علاقوں میں اشتعال انگیزی کی شدید مذمت کی ہے

وزیراعظم نےافغانستان کی اشتعال انگیزی کے جواب میں پاکستان کی جانب سے بھرپور اور مؤثر کاروائی پر پاک فوج کو خراج تحسین پیش کیا ہے، وزیراعظم کا کہنا تھا کہ پاک افواج کی پیشہ ورانہ مہارت پر فخر ہے،فیلڈ مارشل سید عاصم منیر کی بے باک قیادت میں پاک فوج نے افغانستان کی اشتعال انگیزی کا نہ صرف بھرپور جواب دیا بلکہ ان کی متعدد پوسٹس کو تباہ کر کے، ان کو پسپائی پر مجبور کیا،پاکستان کے دفاع پر کوئی سمجھوتا نہیں ہو گا اور ہر اشتعال انگیزی کا بھرپور اور مؤثر جواب دیا جائے گا ،ہمارا دفاع مضبوط ہاتھوں میں ہے اور ہم ملک کے چپے چپے کا دفاع کرنا خوب جانتے ہیں،پاک فوج نے ہمیشہ ہر قسم کی بیرونی جارحیت کا منہ توڑ جواب دیا ہے ،پوری قوم پاکستان کی سیکیورٹی فورسز کے ساتھ کھڑی ہے ، پاکستان نے کئی دفعہ افغانستان کو وہاں موجود فتنۃ الخوارج اور فتنۃ الہندوستان جیسے دہشت گرد عناصر کے بارے میں معلومات دی ہیں، جو افغانستان کی سرزمین سے پاکستان کے خلاف کارروائیاں کر رہے ہیں ،دہشت گرد تنظیموں کو افغانستان میں موجود عناصر کی حمایت حاصل ہے ،پاکستان توقع رکھتا ہے کہ افغان نگران حکومت اس امر کو یقینی بنائے گی کہ اس کی سرزمین پاکستان کے خلاف دہشت گرد عناصر کے استعمال میں نہ آئے .