Author: ممتاز حیدر

پشاور میں فیڈرل کانسٹیبلری ہیڈ کوارٹر پر ہونے والے خودکش حملے کی ابتدائی رپورٹ تیار کر لی گئی۔

پولیس رپورٹ کے مطابق ایک خودکش حملہ آور پیدل ایف سی ہیڈ کوارٹرزکے گیٹ تک پہنچا، خودکش حملہ آور نے چادر اوڑھ رکھی تھی، خودکش بمبار نے مرکزی گیٹ کے ناکے پر خود کو دھماکے سے اڑایا، مرکزی گیٹ پر خودکش دھماکے کے نتیجے میں 3 اہلکار موقع پر شہید ہو گئے، دھماکے کے فوری بعد دو حملہ آور سائیڈ گیٹ سے ایف سی ہیڈ کوارٹر میں داخل ہوئے، دونوں خودکش حملہ آوروں کے پاس رائفلز اور ہینڈ گرینیڈ بھی تھے، خودکش حملہ آور اندر داخل ہونے کے بعد دائیں جانب موٹر سائیکل اسٹینڈ پر پہنچے، خودکش حملہ آوروں نے فائرنگ کی اور جوابی فائرنگ میں مارے گئے، ایف سی ہیڈ کوارٹر کے اندر داخل ہونے والے دہشتگردوں کو مرکزی گیٹ کے 30 سے 40 میٹر کے اندر ہی مار دیا گیا۔

پولیس کی رپورٹ کے مطابق دہشتگردوں کا مقصد لوگوں کو یرغمال بنانا تھا، ایف سی ہیڈ کوارٹرز میں اعلیٰ افسران بیٹھتے ہیں اور نفری بھی زیادہ ہوتی ہے، ایف سی ہیڈ کوارٹرز میں پریڈ بھی ہو رہی تھی تاہم ایف سی ہیڈ کوارٹرز کو کلیئر کر دیا گیا ہے

دوسری جانب پشاور خود کش حملے میں شہید 3 اہلکاروں کی نماز جنازہ ایف سی ہیڈکوارٹرز میں ادا کردی گئی۔ایف سی اہلکاروں کی نماز جنازہ میں گورنر خیبرپختونخوا فیصل کریم کنڈی، وزیراعلیٰ سہیل آفریدی، کور کمانڈر پشاور، آئی جی ایف سی اور آئی جی پولیس سمیت اعلیٰ فوجی و سول حکام نے شرکت کی۔عسکری و سیکیورٹی حکام نے شہداء کے جسد خاکی پر پھول رکھے اور سلامی پیش کی۔

ایف سی ہیڈکوارٹرز پر حملہ کرنے والے دہشتگردوں کی شناخت،افغان شہری نکلے

پشاور ایف سی ہیڈ کوارٹر پر خودکش حملہ ناکام،3حملہ آور جہنم واصل، اہلکار شہید

وفاقی آئینی عدالت نے اسلام آباد ہائیکورٹ ججز کی انٹرا کورٹ اپیلیں خارج کر دیں۔

چیف جسٹس امین الدین خان کی سربراہی میں 6 رکنی بینچ نے انٹرا کورٹ اپیلوں پر سماعت کی، عدالت نے بانی پی ٹی آئی سے ملاقات کرانے کی استدعا بھی مسترد کردی۔وفاقی آئینی عدالت میں انٹرا کورٹ اپیلوں پر پیروی کیلئے اسلام آبادہائیکورٹ کے ججز کی جانب سے کیلئے کوئی پیش نہیں ہوا، عدالت نے عدم پیروی پر انٹراکورٹ اپیلیں خارج کیں، لاہور بار، لاہور ہائیکورٹ بار کی اپیلیں بھی عدم پیروی پر خارج کردی گئیں۔آئینی عدالت میں بانی پی ٹی آئی کے وکیل محمد ادریس پیش ہوئے۔ وکیل نے استدعا کی کہ بانی پی ٹی آئی سے ہدایات لینے کیلئے وقت دیا جائے۔آئینی عدالت نے بانی پی ٹی آئی سے ملاقات کرانے کی استدعا مسترد کر دی،چیف جسٹس امین الدین نے کہا کہ عدالت ایسا آرڈر جاری نہیں کر سکتی،وکیل نے کہا کہ آرٹیکل 187 کے تحت عدالت ملاقات کا حکم دے،چیف جسٹس امین الدین نے کہا کہ جس عدالت سے سزا ہوئی وہاں ملاقات کیلئے رجوع کریں،وفاقی آئینی عدالت نے اسلام آباد ہائیکورٹ ججزکی انٹراکورٹ اپیلیں عدم پیروی پر مسترد کرکے سپریم کا فیصلہ برقرار رکھا،سپریم کورٹ پانچ رکنی بنچ نے آرٹیکل 200 کے تحت ججز کا تبادلہ کثرت رائے درست قرار دیا تھا

پشاورایف سی ہیڈکوارٹرز پر حملہ کرنے والے دہشتگردوں کی شناخت ہو گئی ۔

سکیورٹی ذرائع کاکہنا ہے کہ ہلاک تینوں دہشتگردوں کا تعلق افغانستان سے تھا،دہشتگردوں سے ہتھیار اور گولہ بارودی برآمد ہوا،سیکیورٹی فورسز کی جانب سے ایک بار پھر جرات، ہوشیاری اور بہادری کا شاندار مظاہرہ کیا گیا،
پشاور ایف سی ہیڈکوارٹر پر فتنہ الخوارج کے خودکش حملہ آوروں نے بھرپور منصوبہ بندی کے ساتھ حملہ کر دیا، مگر ہمارے جوانوں نے فوری ایکشن لیا اور دہشتگردوں کو انتہائی دلیری سے مقابلہ کرتے ہوئے جہنم واصل کر دیا۔اس بہادرانہ کارروائی کے نتیجے میں دو خودکش جیکٹس، آٹھ ہینڈ گرینیڈ اور جدید اسلحہ قبضے میں لے لیے گئے جو اس بات کا ثبوت ہے کہ حملہ آور خوفناک منصوبے کے ساتھ آئے تھے، لیکن ہماری جانباز سیکیورٹی فورسز نے انہیں اپنے مقصد میں کامیاب نہیں ہونے دیا۔تین بہادر ایف سی کے جوانوں نے جام شہادت نوش کیا، انکی قربانی نے بڑے سانحے کو روکا۔سیکیورٹی حکام کے مطابق تینوں حملہ آوروں کا تعلق افغانستان سے ہے۔قوم اپنے شہداء کو سلام پیش کرتی ہے اور ان جوانوں کی ہمت، جذبے کو خراجِ تحسین پیش کرتی ہے۔

دوسری جانب وزیرِ اعلیٰ سہیل آفریدی اچانک لیڈی ریڈنگ اسپتال پہنچ گئے،جہاں انہوں نے ایف سی چوک دھماکے میں زخمی ہونے والوں کی عیادت کی