Author: ممتاز حیدر

پاکستان فوج کی طرف سے افغان فورسز کے خلاف منہ توڑ جواب بھرپور طریقے سے جاری ہے

پاک فوج نے افغانی دوران میلا اور ترکمانزئی کیمپس بھی تباہ کر دیے، سیکورٹی ذرائع کے مطابق پاکستان سیکیورٹی فورسز افغانی دراندازی کا منہ توڑ جواب دے رہی ہیں،ذرائع کے مطابق، پاکستانی جوابی حملے سے افغان فورسز میں بوکھلاہٹ پھیل گئی اور متعدد پوسٹیں خالی کردی گئیں۔ اطلاعات کے مطابق، کئی افغان اہلکار اپنی پوسٹوں پر لاشیں چھوڑ کر فرار ہوگئے۔

صحافی وقار ستی نے ایکس پر پوسٹ کرتے ہوئے کہا کہ بارود کی تیز بو ہر سانس میں گھل رہی ہے سرحد کا ہر کونہ گواہ ہے کہ یہاں فتح اور آزمائش کا حساب ہو رہا ہے۔ فضا میں نعرۂ تکبیر گونج رہا ہے، افواجِ وطن کا عزم فولادی ہے اور دلوں میں شجاعت کی آگ بھڑک رہی ہے۔ دوسری طرف افغانستان کی وہ چوکیاں اب ملبے میں بدل گئی ہیں زخمی اور لاشیں چھوڑ کر دشمن قطاریں منتشر، پسپائی کی راہ پکڑ چکی ہیں۔ یہ منظر صرف ایک محاذ کا عکس نہیں یہ عزتِ وطن کا امتحان ہےجہاں ہر حملہ اور ہر جواب تاریخ کے قلم میں ثبت ہو رہا ہے

پاک فوج کی طرف سے افغان فورسز کے خلاف منہ توڑ جواب بھرپور طریقے سے جاری ہے،

پاک فوج نے برامچا سیکٹر میں افغانی شہیدان پوسٹ تباہ کر دی۔پاکستانی سیکیورٹی فورسز نے حملہ آوروں کا حملہ پسپا کردیا، اطلاعات کے مطابق پاکستان سیکیورٹی فورسز افغانی دراندازی کا منہ توڑ جواب دے رہی ہیں۔پاکستان کی سیاسی، عسکری اور انٹیلی جنس قیادت اس وقت سر جوڑ کر بیٹھ کر فوری اور مؤثر حکمتِ عملی مرتب کر رہی ہے، تاکہ وطن کی عزت اور سلامتی کو یقینی بنایا جا سکے

ذرائع کے مطابق، پاکستانی جوابی حملے سے افغان فورسز میں بوکھلاہٹ پھیل گئی اور متعدد پوسٹیں خالی کردی گئیں۔ اطلاعات کے مطابق، کئی افغان اہلکار اپنی پوسٹوں پر لاشیں چھوڑ کر فرار ہوگئے۔

شدید جھڑپوں کے بعد افغان طالبان نے جنگ بندی کی درخواست کر دی۔ پاکستان کے بھرپور اور مؤثر جوابی وار نے افغان فورسز کا خمار اتار دیا۔یہ جنگی بندی کی درخواست ممکنہ مزید مار سے بچنے کی ایک کوشش ہے۔

افغانستان کی عبوری حکومت کے ترجمان ذبیح اللہ مجاہد نے اعلان کیا ہے کہ امارتِ اسلامیہ نے فی الوقت پاکستان پر حملوں کو روکنے کا فیصلہ کیا ہے اگر مستقبل میں افغان سرزمین سے پاکستان پر دوبارہ حملے کیے گئے تو امارت حقِ دفاع کے تحت جواب دے گی۔

یہ اعلان ایسے وقت آیا ہے جب کابل اور ملک کے مشرقی حصوں میں دھماکوں کے بعد تعلقات انتہائی کشیدہ ہو گئے تھے،افغان وزیر خارجہ بھارت کےدورے پر ہیں اور اسی دوران افغانستان نے ان واقعات کے لیے پاکستان کو ذمہ دار ٹھہرایا ، بعد ازاں افغانستان نے پاکستان کے بارڈر پر حملے کئے جس کا پاکستانی فوج نے بھر پور اور مؤثر جواب دیا، افغان حکومت صرف ایک گھنٹے میں زیر ہو گئی اور حملوں میں اپنے فوجیوں‌کی ہلاکتوں کے بعد خود ہی جنگ بندی کا اعلان کر دیا ،پاکستان کا مؤقف ہے کہ افغانستان کی سرزمین سے پاکستان پر حملے نہیں ہونے چاہیے

پاکستانی فورسز کی جانب سے مؤثر اور شدید جوابی کاروائی سے متعدد افغان فوجی ہلاک اور خارجی تشکیلیں تتر بتر ہو گئی ہیں
سیکورٹی ذرائع کے مطابق افغان پوسٹیں خارجیوں کو کور فائر دینے میں ناکام ہو گئی ہیں، متعدد افغان پوسٹوں اور خارجیوں کی تشکیلوں کو بھی بھاری نقصانات کی اطلاعات ہیں، انٹرم افغان حکومت کی سر پرستی میں چلنے والے افغانستان کے اندر خوارج اور داعش کے ٹھکانوں کو مؤثر طریقے سے نشانہ بنایا جا رہا ہے،پاکستان کی جانب سے آرٹلری، ٹینکوں، ہلکے اور بھاری ہتھیاروں کا استعمال کیا جا رہا ہے،اسکے علاوہ داعش اور خارجی ٹھکانوں کو نشانہ بنانے کے لئے فضائی وسائل اور ڈرونز کا بھی استعمال کیا جا رہا ہے، افغان فورسز کے اُن ہیڈ کوارٹر کو بھی نشانہ بنایا جا رہا ہے جو داعش اور فتنہ الخوارج کو پنا دیتے رہے ہیں ،

پاک فوج نے افغانستان کی سرحدی حدود میں واقع دران میلہ اور ترکمن زئی کیمپوں پر مؤثر اور بھرپور آرٹلری کارروائی کرتے ہوئے دہشت گردوں کے ٹھکانے تباہ کر دیے ہیں۔ یہ کارروائی ان حالیہ حملوں کے جواب میں کی گئی جن میں افغان جانب سے پاکستانی چیک پوسٹوں پر بلا اشتعال فائرنگ کی گئی تھی۔

https://x.com/zarrar_11PK/status/1977093506754867357

ان دونوں کیمپوں میں افغانستان کی سرزمین سے پاکستان کے خلاف کارروائیاں کرنے والے ٹی ٹی پی (تحریک طالبان پاکستان) کے دہشت گرد سرگرم تھے۔ ان کیمپوں سے نہ صرف پاکستانی سرحدی چوکیوں پر حملے کیے جا رہے تھے بلکہ قبائلی علاقوں میں تخریب کاری کی منصوبہ بندی بھی جاری تھی۔ذرائع کے مطابق، پاکستانی فوج کی درست نشانے پر کی گئی گولہ باری سے دہشت گردوں کے کئی ٹھکانے مکمل طور پر تباہ ہو گئے جبکہ متعدد شدت پسندوں کے مارے جانے یا زخمی ہونے کی اطلاعات ہیں۔ افغان حکام کی جانب سے اگرچہ تاحال کوئی سرکاری بیان جاری نہیں کیا گیا،

پاکستان اپنی سرحدوں کے دفاع کے لیے کسی بھی جارحیت کا منہ توڑ جواب دینے کی مکمل صلاحیت رکھتا ہے۔ افغانستان کی سرزمین کو پاکستان کے خلاف استعمال کرنے کی اجازت کسی صورت نہیں دی جا سکتی۔
اگر افغان حکام نے دہشت گرد عناصر کے خلاف مؤثر اقدامات نہ کیے تو مزید سخت جوابی کارروائی سے گریز نہیں کیا جائے گا۔

سرحدی علاقوں کے قبائلی رہنماؤں نے پاک فوج کی کارروائی کو قومی خودمختاری کے دفاع کا عملی مظاہرہ قرار دیتے ہوئے کہا ہے کہ پاکستانی عوام اور قبائل اپنے اداروں اور مسلح افواج کے شانہ بشانہ کھڑے ہیں۔