Author: ممتاز حیدر

انڈونیشیا نے غزہ میں جاری قتل عام پر اسرائیلی جمناسٹس کو ویزہ دینے سے انکار کردیا۔

غیر ملکی میڈیا کے مطابق غزہ میں ہونے والے اسرائیلی حملوں پر بطور احتجاج انڈونیشیا نے اسرائیلی جمناسٹس (ایتھلیٹس) کو جمناسٹک چیمپئن شپ کے لیے ویزے دینے سے انکار کردیا،انڈونیشیا جمناسٹک فیڈریشن کی چیف ایٹا جولیاتی نے نامہ نگاروں کو بتایا کہ اسرائیلی جمناسٹس کی ایونٹ میں شرکت نہ کرنے کی تصدیق ہوگئی ہے،اس حوالے سے اسرائیل جمناسٹکس فیڈریشن کی جانب سے فوری طور پر کوئی ردعمل سامنے نہیں آیا۔

واضح رہے کہ اسرائیلی ٹیم نے 19 سے 25 اکتوبر تک انڈونیشیا میں ہونے والی ورلڈ آرٹسٹک جمناسٹک چیمپئن شپ میں شرکت کرنا تھی،

بھارت کے وزیرِ خارجہ ڈاکٹر ایس جے شنکر اور اسلامی امارتِ افغانستان کے وزیرِ خارجہ مولوی امیر خان متقی کے درمیان نئی دہلی میں ملاقات ہوئی۔
دونوں ممالک کے درمیان تعلقات کے ایک نئے دور کا آغاز اس وقت ہوا جب بھارت نے افغانستان میں اپنی سفارتی نمائندگی کو سفارت خانے کے درجے تک بڑھانے کا باضابطہ اعلان کیا۔مشترکہ پریس کانفرنس کے دوران بھارتی وزیرِ خارجہ ڈاکٹر ایس جے شنکر نے کہا کہ "بھارت، افغانستان کی خودمختاری، ارضی سالمیت اور آزادی کا مکمل احترام کرتا ہے بھارت، افغانستان کے عوام کے ساتھ دیرینہ تعلقات کو مضبوط بنانے کے لیے پرعزم ہے اور خصوصاً صحت کے شعبے میں تعاون کو اپنی ترجیحات میں شامل رکھے گا۔

مولوی امیر خان متقی نے اس موقع پر بھارت کے فیصلے کو خوش آئند قرار دیا اور کہا کہ کابل میں بھارتی سفارت خانے کی بحالی دونوں ممالک کے درمیان اعتماد اور تعاون کے ایک نئے دور کا آغاز کرے گی۔

ڈاکٹر جے شنکر نے پریس کانفرنس کے دوران افغانستان کی کرکٹ ٹیم کی کامیابیوں کو سراہتے ہوئے کہا کہ
افغانستان کی کرکٹ میں ابھرنے والے غیر معمولی ٹیلنٹ واقعی قابلِ تعریف ہیں، اور بھارت اس کھیل کی ترقی میں مزید تعاون بڑھانے پر مسرور ہے۔

ذرائع کے مطابق، ملاقات میں باہمی تجارت، علاقائی سلامتی، انسانی امداد اور تعلیمی تعاون پر بھی تفصیلی تبادلۂ خیال کیا گیا۔

شمال مشرقی بھارت کی ریاست میگھالیہ سے تعلق رکھنے والی 27 سالہ فضائی میزبان رِتو مارک کے لیے ایک عام سی شام زندگی کے سب سے تکلیف دہ تجربے میں بدل گئی۔ رِتو، جو گارو ہلز کی رہنے والی ہیں، نے دہلی کے کملانگر علاقے میں ایک ہی رات میں دو مرتبہ نسلی تعصب اور توہین آمیز رویے کا سامنا کیا۔

رِتو مارک نے این ڈی ٹی وی سے گفتگو میں بتایا کہ وہ شام تقریباً ساڑھے نو بجے کملانگر میں کچھ کام نمٹا کر واپس جا رہی تھیں جب اچانک ایک گروپ موٹر سائیکل پر گزرا۔میں بھوکی تھی اور کھانے کے لیے جگہ ڈھونڈ رہی تھی کہ ایک اسکوٹر پر بیٹھے چند مرد میرے قریب سے گزرے۔ ان میں سے ایک نے زور سے کہا، ‘چِنگ چانگ’ اور سب ہنسنے لگے۔ میں حیران رہ گئی۔ یہ سب پڑھے لکھے، بڑے لوگ تھے۔ ان کے منہ سے یہ الفاظ سن کر دل بہت دکھا، کیونکہ ایسے لوگوں سے اس رویے کی توقع نہیں تھی۔”

اس واقعے سے ہل کر رہ جانے والی رِتو نے فوراً ایک ٹیکسی بُک کی تاکہ گھر واپس جا سکیں، مگر اس رات ان کی آزمائش ختم نہ ہوئی۔میٹرو میں ایک اور شخص آیا اور بولا ‘چِنگ چانگ چائنا’۔ اس بار بھی لوگ ہنسنے لگے۔ میں رو پڑی، مگر کسی نے کچھ نہیں کہا۔ وہاں شمال مشرق سے تعلق رکھنے والا کوئی نہیں تھا جو میرا ساتھ دیتا۔

رِتو مارک دو ماہ قبل دہلی منتقل ہوئی تھیں۔ اس سے پہلے وہ تین سال تک بنگلورو میں مقیم رہیں، جہاں انہیں کبھی ایسے رویے کا سامنا نہیں کرنا پڑا۔بنگلورو ہمیشہ گھر جیسا محسوس ہوا۔ میں نے کبھی نہیں سوچا تھا کہ دارالحکومت دہلی میں مجھے اس طرح کی نفرت دیکھنے کو ملے گی۔رِتو نے اپنے اس تلخ تجربے کی ویڈیو سوشل میڈیا پر شیئر کی، جو وائرل ہوگئی۔ لوگوں کی ایک بڑی تعداد نے ان سے اظہارِ ہمدردی کیا، جب کہ مرکزی وزیر کیرن ریجیجو نے بھی اس واقعے کی مذمت کرتے ہوئے کہا کہ "ایسی امتیازی حرکتیں بند ہونی چاہئیں۔”

رِتو کا کہنا ہے کہ اب انہیں عوام کی جانب سے بہت زیادہ حمایت مل رہی ہے۔میں نے نہیں سوچا تھا کہ میری ویڈیو کو اتنی توجہ ملے گی۔ بہت سے لوگوں نے مجھ سے رابطہ کیا اور بتایا کہ انہوں نے بھی ایسی ہی تکلیف سہی ہے۔انہوں نے اس رویے کے پیچھے موجود بنیادی مسئلے کی نشاندہی بھی کی ،کہا یہ سب لاعلمی اور تعلیم کی کمی کا نتیجہ ہے۔ رِتو مارک نے دیگر متاثرہ افراد کے لیے پیغام دیتے ہوئے کہاسب سے پہلے اپنی حفاظت کو ترجیح دیں۔ اگر موقع مناسب نہیں تو بحث میں نہ پڑیں۔ پہلے محفوظ رہیں، پھر آواز اٹھائیں۔ خاموشی کو کبھی رضامندی نہ سمجھا جائے

اتر پردیش کی گورنر آنندی بین پٹیل نے وارانسی میں منعقدہ مہاتما گاندھی کاشی ودیاپیٹھ کی 47ویں کانووکیشن تقریب سے خطاب کرتے ہوئے طالبات کو "لائیو اِن ریلیشن شپ” (Live-in Relationship) سے دور رہنے کی نصیحت کرتے ہوئے اس طرزِ زندگی کو تشدد اور قتل جیسے سنگین جرائم سے جوڑ دیا۔

گورنر نے اپنی تقریر میں کہا میں لڑکیوں سے ایک ہی بات کہنا چاہتی ہوں، آج کل لائیو اِن ریلیشن شپ کا بڑا فیشن بن گیا ہے، لیکن اس سے دور رہیں۔ ورنہ آپ نے دیکھا ہی ہے کہ عورتوں کو پچاس پچاس ٹکڑوں میں کاٹ دیا جاتا ہے۔آنندی بین پٹیل، جو ریاستی جامعات کی چانسلر بھی ہیں، نے یہ بات یونیورسٹی کے طلبہ و طالبات کو مخاطب کرتے ہوئے کہی۔گورنر نے کہا کہ وہ حالیہ دنوں میں خواتین کے خلاف ہونے والے ہولناک واقعات سے بے حد افسردہ ہیں۔میں پچھلے کچھ دنوں سے ایسی خبریں سن رہی ہوں، دل دکھتا ہے۔ میں سوچتی ہوں کہ ہماری بیٹیاں ایسا کیوں کرتی ہیں؟ انہیں اپنی حفاظت کے بارے میں زیادہ باشعور ہونا چاہیے۔انہوں نے مزید بتایا کہ ایک جج سے ملاقات کے دوران بھی اس موضوع پر گفتگو ہوئی، جس نے مشورہ دیا کہ جامعات میں آگاہی مہمات چلائی جائیں تاکہ نوجوان خواتین اپنے آپ کو استحصال اور تشدد سے بچا سکیں۔

یہ پہلا موقع نہیں ہے کہ گورنر نے لائیو اِن ریلیشن شپ پر سخت موقف اختیار کیا ہو۔ دو دن قبل بھی بالیا میں جن نائک چندر شیکھر یونیورسٹی کی ساتویں کانووکیشن میں خطاب کے دوران انہوں نے ایسے ہی بیانات دیے تھے۔انہوں نے اس تقریب میں کہا تھا اگر آپ ان یتیم خانوں میں جائیں تو آپ کو لائیو اِن ریلیشن شپ کے نتائج نظر آئیں گے۔ وہاں 15 سے 20 سال کی لڑکیاں ایک ایک سال کے بچوں کے ساتھ قطار میں کھڑی نظر آئیں گی

اپنے خطاب کے دوران گورنر آنندی بین پٹیل نے نوجوانوں میں منشیات کے بڑھتے استعمال پر بھی گہری تشویش کا اظہار کیا۔انہوں نے کہا کہ انہیں اس دن خوشی ہوگی جب ریاست کا ہر نوجوان منشیات سے مکمل طور پر آزاد ہوگا۔