وزیراعلیٰ خیبر پختونخوا سہیل آفریدی کو آج الیکشن کمیشن میں سماعت سے حاضری سے استثنیٰ مل گیا
وزیراعلیٰ خیبر پختونخواہ سہیل آفریدی الیکشن کمیشن میں پیش نہیں ہوئے۔ سہیل آفریدی کی طرف سے ایڈوکیٹ علی بخاری پیش ہوئے اور کہا کہ کمیشن کی طلبی پر کوئی بھی شخص بذریعہ وکیل بھی پیش ہو سکتا ہے،چیف الیکشن کمشنر کی سربراہی میں 4 رکنی بنچ نےسماعت کی،ایڈووکیٹ جنرل کے پی الیکشن کمیشن میں پیش ہوئے۔سہیل آفریدی اور شہرناز بانو الیکشن کمیشن پیش نہ ہوئے۔سہیل افریدی کے وکیل علی بخاری الیکشن کمیشن میں پیش ہوئے۔ وکیل علی بخاری نے الیکشن کمیشن میں کہا کہ کیا یہ نوٹس قابل سماعت بھی ہے یا نہیں،ہری پور کے ڈی آر او اور الیکشن کمیشن کا نوٹس ایک جیسا ہے،حویلیاں ضلع ہری پور میں شامل نہیں، ضابطہ اخلاق کی خلاف ورزی نہیں ہوئی،
چیف الیکشن کمشنر سکندر سلطان راجہ نے کہا کہ آج کی سماعت کا حکمنامہ جاری کرینگے،الیکشن کمیشن نے وزیر اعلی خیبرپختونخواہ سہیل آفریدی کو آج کی عدم حاضری پر استثنی دیدیا، الیکشن کمیشن نے سماعت غیرمعینہ مدت تک ملتوی کردی،دوران سماعت چیف الیکشن کمشنر نے کہا کہ الیکشن کمیشن نے آج کی سماعت سے وزیر اعلیٰ کے پی کے کو استثنیٰ دے دیا۔ ہم نے آج ضابطہ اخلاق کی خلاف ورزی پر وفاقی وزیر کو بھی نوٹس جاری کیا ہے۔وفاقی وزیر کو آپ سے زیادہ سخت زبان میں نوٹس جاری کیا ہے۔
