Author: ممتاز حیدر

امریکی سفارتخانے کا 4 رکنی وفد بدھ کے روز اڈیالہ جیل راولپنڈی پہنچا، جہاں اسے نور مقدم قتل کیس میں سزایافتہ مجرم ظاہر جعفر تک قونصل رسائی فراہم کی گئی۔

اڈیالہ جیل کے ذرائع کے مطابق امریکی وفد میں قونصل آفیسر ڈینس ہیر، قیصر اقبال، آمنہ بی بی اور اسامہ حنیف شامل تھے۔ یہ وفد باقاعدہ اجازت اور سیکیورٹی کلیرنس کے بعد جیل پہنچا جہاں انہوں نے قیدی ظاہر جعفر سے ملاقات کی۔ذرائع کا کہنا ہے کہ وفد کی یہ ملاقات قونصلر سہولت کے تحت کی گئی، جو بین الاقوامی سفارتی اصولوں کے مطابق کسی بھی ملک کے شہری کو اس کے ملک کے سفارتی نمائندوں سے رابطے کا حق فراہم کرتی ہے۔ذرائع کے مطابق ملاقات کچھ دیر جاری رہی، جس میں ظاہر جعفر کی قانونی، صحت اور دیگر قیدی سہولیات سے متعلق امور پر تبادلہ خیال کیا گیا۔ ملاقات کے بعد امریکی وفد واپس روانہ ہوگیا۔

واضح رہے کہ ظاہر جعفر کو عدالت نے نور مقدم کے اندوہناک قتل کیس میں سزائے موت سنائی تھی، اور وہ اس وقت اڈیالہ جیل میں سزا کاٹ رہا ہے۔

عالمی بینک نے پاکستان کی معیشت سے متعلق تازہ ترین رپورٹ جاری کرتے ہوئے خبردار کیا ہے کہ حالیہ سیلابی تباہ کاریوں کے باعث ملکی معیشت کو شدید منفی اثرات کا سامنا ہے، جس کے نتیجے میں مہنگائی کی شرح میں نمایاں اضافہ اور ترقی کی رفتار میں کمی کا خطرہ پیدا ہوگیا ہے۔

رپورٹ کے مطابق، ملک بھر میں حالیہ بارشوں اور سیلاب نے انفرااسٹرکچر، زرعی پیداوار، اور عوامی خدمات کے نظام کو بری طرح متاثر کیا ہے۔ عالمی بینک نے کہا کہ ان نقصانات کے باعث مہنگائی 7.2 فیصد تک پہنچنے کا امکان ہے، جبکہ مالی سال 2024-25 میں شرح نمو 2.6 فیصد رہنے کی توقع ظاہر کی گئی ہے۔عالمی بینک کی رپورٹ میں بتایا گیا ہے کہ پنجاب میں زرعی پیداوار میں کم از کم 10 فیصد کمی متوقع ہے۔ سیلاب سے چاول، گنا، کپاس، گندم اور مکئی جیسی اہم فصلیں بری طرح متاثر ہوئیں، جس کے نتیجے میں زرعی شعبہ مجموعی قومی پیداوار (جی ڈی پی) میں اپنا کردار پورا نہیں کر پائے گا۔مزید کہا گیا ہے کہ زرعی نقصانات سے غذائی اجناس کی قیمتوں میں اضافہ ہوگا، جس سے افراطِ زر پر مزید دباؤ بڑھے گا۔

عالمی بینک نے اپنی رپورٹ میں زور دیا کہ سیلاب سے تباہ شدہ انفرااسٹرکچر کی جلد بحالی معیشت کے استحکام کے لیے نہایت ضروری ہے۔ بارشوں اور طوفانی ریلوں نے سڑکوں، پلوں اور آبپاشی کے نظام کو شدید نقصان پہنچایا ہے، جس سے عوامی خدمات کی فراہمی متاثر ہوسکتی ہے۔رپورٹ میں خبردار کیا گیا ہے کہ اگر بحالی کے اقدامات میں تاخیر ہوئی تو بجٹ پر اضافی دباؤ پڑے گا اور مالی خسارہ مزید بڑھنے کا امکان ہے۔عالمی بینک نے امید ظاہر کی ہے کہ اگر زرعی پیداوار میں بہتری، افراطِ زر میں کمی اور شرح سود میں نرمی کے اقدامات کیے گئے تو اگلے مالی سال یعنی 2025-26 میں شرح نمو 3.4 فیصد تک بحال ہوسکتی ہے۔رپورٹ میں کہا گیا ہے کہ ٹیرف ریفارمز اور تجارتی پالیسیوں میں بہتری سے برآمدات میں اضافہ ممکن ہے، جس سے ترقی کی رفتار میں بہتری آ سکتی ہے۔

عالمی بینک نے خبردار کیا ہے کہ اگرچہ رواں مالی سال میں افراط زر سنگل ڈیجٹ یعنی ایک ہندسے میں رہنے کی توقع ہے، تاہم سیلاب سے پیدا ہونے والی معاشی غیر یقینی صورتحال کے سبب 2027 تک افراط زر میں اضافے کا خطرہ برقرار رہے گا۔عالمی بینک کی رپورٹ پاکستان کے لیے ایک واضح پیغام رکھتی ہے کہ اگر حکومت فوری طور پر سیلاب سے متاثرہ علاقوں کی بحالی، زرعی پیداوار میں استحکام، اور مالی نظم و ضبط کے اقدامات نہ کرے تو معیشت پر طویل مدتی منفی اثرات مرتب ہوسکتے ہیں۔

اسپیکر قومی اسمبلی سردار ایاز صادق نے ضلع اورکزئی میں 19 بھارتی حمایت یافتہ فتنہ الخوارج کے دہشت گردوں کو جہنم حاصل کرنے پر سیکیورٹی فورسز کو خراج تحسین پیش کیا ہے

ایاز صادق کا کہنا تھا کہ آپریشن میں لیفٹیننٹ کرنل جنید عارف اور میجر طیب راحت سمیت گیارہ شہید ہونے والے جوانوں کو بھی خراج عقیدت پیش کرتا ہوں،لیفٹیننٹ کرنل جنید عارف نے لیڈنگ فرام فرنٹ کی عظیم مثال قائم کی جو پاک فوج کی روایت ہے ۔پاک افواج اور سیکیورٹی فورسز فتنہ الخوارج کے مکمل خاتمے کے لیے پرعزم ہیں،دہشتگردی کے خلاف جنگ میں پاک فوج کی قربانیاں رائیگاں نہیں جائیں گی،دہشتگرد عناصر کبھی اپنے مذموم عزائم میں کامیاب نہیں ہوں گے،

اسپیکر سردار ایاز صادق نےشہداء کے اہلِ خانہ سے دلی تعزیت اور مکمل یکجہتی کا اظہارکیا اور کہا کہ اللہ شہداء کے درجات بلند فرمائے اور لواحقین کو صبرِ جمیل عطا کرے،سیکیورٹی فورسز نے دہشتگردی کے خلاف جنگ میں لازوال قربانیاں پیش کی ہیں، پوری قوم پاک افواج کی قربانیوں کو سلام پیش کرتی ہے،

چھبیسویں آئینی ترمیم کے خلاف درخواستوں پر سماعت کے دوران جسٹس امین امین الدین نے ریمارکس دیتے ہوئے کہا کہ جب تک آئین میں ترمیم نہیں ہوتی موجودہ آئین پر ہی انحصار کرنا ہو گا۔

سپریم کورٹ میں چھبیسویں آئینی ترمیم کے خلاف درخواستوں پر سماعت شروع ہوئی،جسٹس امین الدین کی سربراہی میں 8 رکنی آئینی بینچ کر رہا ہے، بینچ میں جسٹس جمال خان مندوخیل، جسٹس محمد علی مظہر، جسٹس عائشہ ملک، جسٹس حسن اظہر رضوی، جسٹس مسرت ہلالی، جسٹس نعیم افغان اور جسٹس شاہد بلال شامل ہیں۔دوران سماعت جسٹس امین الدین نے ریمارکس دیے کہ ہم آئین پر انحصار کرتے ہیں، وکلاء بھی آئین پر انحصار کرتے ہیں، جب تک آئین میں ترمیم نہیں ہوتی موجودہ آئین پر ہی انحصار کرنا ہو گا،جسٹس مسرت ہلالی نے کہا کہ چھبیسویں آئینی ترمیم ٹھیک ہے یاغلط فی الحال عدالت نے معطل نہیں کی، آپ چھبیسویں آئینی ترمیم کو آئین کا حصہ سمجھتے ہیں تب ہی چیلنج کیا ہے

لاہور ہائیکورٹ بار ایسوسی ایشن کے وکیل حامد خان نے کہا کہ سپریم کورٹ کا فل کورٹ دستیاب ہے، موجودہ آئینی بینچ کے 8 ججز بھی 26ویں آئینی ترمیم کے پاس ہونے کے وقت سپریم کورٹ میں موجود تھے، بقیہ 8 ججز کو بھی آئینی بینچ کا حصہ ہونا چاہیے جو 26 ویں آئینی ترمیم پاس ہونے کے وقت سپریم کورٹ کا حصہ تھے،چھبیسویں آئینی ترمیم سینیٹ میں غیر معمولی طریقے سے لائی گئی تھی، چھبیسویں آئینی ترمیم پارلیمنٹ میں رات کے وقت پاس کی گئی، سپریم کورٹ میں 21 اکتوبر کو 17 ججز موجود تھے، 25 اکتوبر کو چیف جسٹس ریٹائر ہو گئے، ججز کی تعداد 16 رہ گئی، چھبیسویں آئینی ترمیم کے خلاف درخواست کی سماعت فُل کورٹ کرنےکی استدعا ہے، چھبیسویں آئینی ترمیم سے قبل بھی جوڈیشل کمیشن موجود تھا، چھبیسویں آئینی ترمیم سے جوڈیشل کمیشن کی فارمیشن پر اثر پڑا، چھبیسویں آئینی ترمیم سے قبل جوڈیشل کمیشن میں ججز اکثریت میں تھے لیکن آئینی ترمیم میں جوڈیشل کمیشن میں ججز اقلیت میں آگئے،چھبیسویں آئینی ترمیم کے بعد جوڈیشل کمیشن میں اکثریت ایڈمنسٹریٹوسائیڈ پر چلی گئی جس سےآزاد عدلیہ پر اثر پڑا،جس پر جسٹس جمال مندوخیل نے کہا فی الحال میرٹ پر نہ بتائیں، آئینی بینچ کے اختیارات کے حوالے سے بتائیں،جسٹس محمدعلی مظہر نے ریمارکس دیے کہ جوڈیشل کمیشن میں پارلیمینٹری کمیٹی کو شامل کر دیا گیا ہے جبکہ جسٹس امین الدین نے استفسار کیا عدالت کو بتا دیں کیوں 16 رکنی بینچ بنا دیں ،ہم کس اختیار سے فل کورٹ تشکیل دیں؟ جسٹس عائشہ ملک نے کہا کہ جوڈیشل آرڈر سے فل کورٹ کی تشکیل پر کوئی قدغن نہیں، 26ویں ترمیم میں کہاں لکھا ہے جوڈیشل آرڈر نہیں ہوسکتا؟عام مقدمات میں ایسا کیا جا رہا ہے تو اس کیس میں کیوں نہیں؟ جسٹس مسرت ہلالی نے کہا کہ فل بنچ کے لیے آپ کو پارلیمنٹ سے رجوع کرنا پڑے گا ،