چیف سیکرٹری،آئی جی پنجاب کی وزیراعلیٰ سے ملاقات،عثمان بزدار نے کیا حکم دیا؟ اہم خبر

باغی ٹی وی کی رپورٹ کے مطابق وزیراعلیٰ پنجاب سے آئی جی پنجاب شعیب دستگیر کی ملاقات ہوئی ہے،ملاقات میں امن و امان کی صورتحال اوراقدامات پر تبادلہ خیال کیا گیا،

اس موقع پر وزیراعلیٰ پنجاب عثمان بزدار نے کہا کہ عوام کے جان و مال کا تحفظ پولیس کی بنیادی ذمہ داری اور اولین فرض ہے،پولیس کوامن عامہ کی فضابہتر بنانے کیلئے فرائض سرانجام دیناہوں گے،تھانوں میں عام عوام کی دادرسی کیلئے فعال انداز میں کام کرناہے،

قبل ازیں وزیراعلیٰ پنجاب سردار عثمان بزدار سے نئے تعینات ہونے والے چیف سیکرٹری میجر (ر) اعظم سلیمان خان نے ملاقات کی ، وزیراعلیٰ کی جانب سے میجر (ر) اعظم سلیمان کو پنجاب میں چیف سیکرٹری کے عہدے پر تعیناتی کی مبارکباد دی گئی اور نیک خواہشات کا اظہار کیا گیا۔

اس موقع پروزیراعلیٰ پنجاب عثمان بزدار کا کہنا تھا کہ پنجاب حکومت نے ہر سطح پر شفافیت، گڈگورننس اور کرپشن فری کلچر کو فروغ دینے کی پالیسی اپنائی ہے۔عوام کی فلاح و بہبود اور فلاح عامہ کے منصوبوں کی بروقت تکمیل پنجاب حکومت کی ترجیحات ہیں۔

واضح رہے کہ چیف سیکرٹری پنجاب اور آئی جی پنجاب کو دو روز قبل تعینات کیا گیا ہے، آج تعیناتی کے بعد انکی وزیراعلیٰ سے پہلی ملاقات تھی.

دنیا میں ہماری عزت نہیں، نواز شریف کا لندن کی فٹ پاتھ پر اعتراف

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر امیر عباس نے سابق وزیراعظم نواز شریف کی ویڈیو شیئر کی اور ساتھ کہا کہ میاں صاحب لندن کے ایک فٹ پاتھ پر عام آدمی کی طرح کھڑے سوال کر رہے ہیں کہ یہ کس طرح کا پاکستان بنا دیا گیا ہے۔ میاں صاحب یہ وہی پاکستان ہے جو آپ سب نے مل کر بنایا کہ آپ آج تک پاکستان کے کسی فٹ پاتھ پر عام آدمی کی طرح کھڑے نہیں ہو سکے بلکہ شہنشاہوں کی طرح تمکنت کی زندگی گزارتے رہے.

نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

العزیزیہ ریفرنس،نوازشریف کی سزا کے خلاف اپیل سماعت کے لئے مقرر

سابق وزیراعظم نواز شریف نجی ٹی وی سے گفتگو میں کہتے ہیں کہ افسوس کی بات ہے کہ ہمارے ملک میں روایت رہی ہے کہ وزیراعظم کو نکال دیا جاتا ہے برطرف کر دیا جاتا ہے، ہتھکڑیاں لگائی جاتی ہیں ہم اپنی نسلوں کو کس طرح پاکستان دینا چاہتے ہیں، اگر ایسا رہا تو انتشار رہے گا، اب دنیا مین ہماری وہ عزت نہیں جو ہونی چاہئے، ہم وہ مقام ہی حاصل نہیں کر سکے جب مقام حاصل کرنے کی طرف بڑھتے ہیں جب وقت آتا ہے تو رکاوٹیں ہوتی ہے، سپریم کورٹ کے فیصلے سے ملک میں انتشار پھیلا، آج روپے کی قدر کم ہو گئی ، اکانومی خراب ہو رہی ہے،

میاں صاحب لندن کے ایک فٹ پاتھ پر عام آدمی کی طرح کھڑے سوال کر رہے ہیں کہ یہ کس طرح کا پاکستان بنا دیا گیا ہے۔ میاں صاحب یہ وہی پاکستان ہے جو آپ سب نے مل کر بنایا کہ آپ آج تک پاکستان کے کسی فٹ پاتھ پر عام آدمی کی طرح کھڑے نہیں ہو سکے بلکہ شہنشاہوں کی طرح تمکنت کی زندگی گزارتے رہے pic.twitter.com/wrSFFaRTML

— Ameer Abbas (@ameerabbas84) November 29, 2019

سابق وزیراعظم نواز شریف بیماری کے باعث لندن منتقل ہو چکے ہیں جہان گزشتہ روز ان کے ٹیسٹ ہوئے ہیں ، نواز شریف چوھدری شوگر ملز کیس میں نیب کے پاس جسمانی ریمانڈ پر تھے جب ان کی طبیعت خراب ہوئی انہیں علاج کے لئے سروسز ہسپتال، پھر گھر اور پھرلندن منتقل کر دیا گیا، نواز شریف کی لاہور ہائیکورٹ نے طبی بنیادوں پر ضمانت منظور کی، اسلام آباد ہائیکورٹ نے بھی العزیزیہ ریفرنس کیس میں نواز شریف کی سزا آٹھ ہفتوں کے لئے معطل کر دی، نواز شریف کا نام ای سی ایل سے حکومت نے نہیں نکالا بلکہ ون ٹائم علاج کے لئے عدالتی حکم کے بعد اجازت دی.

نواز شریف کی حالت نازک مگر بیماری کی رپورٹ سامنے کیوں نہیں آئی؟ اہم خبر

نواز شریف کی صحت، ڈاکٹرز نے وارننگ دے دی، خطرے کی گھنٹی

نواز شریف کی ویڈیو پرانی ہے یا نئی یہ الگ بحث ہے تاہم نواز شریف جو سوالات ویڈیوز میں اٹھا رہے ہیں اس کے ذمہ دار وہ خود ہی نظر آتے ہیں اگر وہ عوام کا خیال کرتے اور ان کے مسائل حل کرتے تو یقینا ان کی حکومت ہوتی، اب پاکستان کی عوام باشعور ہو چکی ہے، ووٹ کو عزت دو اور مجھے کیوں نکالا کا نعرہ پٹ چکا ہے، پاکستانی عوام سمجھتی ہے کہ پاکستان کو نواز شریف نے کچھ نہیں دیا بلکہ ملک کو لوٹا اور ملک دشمنوں کے ساتھ رائیونڈ اور مری میں ملاقاتیں کیں، کرپشن کی وجہ سے ہی پانامہ لیکس میں انکا نام آیا اور عدالت نے انہیں سزا دی.

تیز گام حادثہ، عدالت وفاق پر برہم، ابھی تک یہ کام کیوں نہیں کیا؟ رپورٹ دیں

باغی ٹی وی کی رپورٹ کے مطابق اسلام آباد ہائی کورٹ نے تیزگام ریلوے حادثے کی آزادانہ انکوائری کے لیے دائر درخواست پر سماعت کے دوران متاثرین کو معاوضوں کی ادائیگی نہ ہونے پر برہمی کا اظہار کیا۔ عدالت نے کہا کہ وزیر ریلوے شیخ رشید نے متاثرین کو معاوضہ دینے کا اعلان کیا تھا تو ٹرین حادثے کے متاثرین کو معاوضہ ابھی تک کیوں ادا نہیں کیا گیا؟ وکیل ریلوے نے عدالت کو بتایا کہ وفاق نے ٹرین متاثرین کے معاوضے ادا کرنے ہیں۔

عدالت نے وفاق اور وزارت ریلوے سے ٹرین حادثات سے بچنے سے متعلق اقدامات پر اور تیز گام ٹرین حادثے کی انکوائری رپورٹ طلب کر لی۔ جسٹس محسن اختر کیانی نے حکم دیا کہ وزارت داخلہ ٹرین حادثے کی رپورٹ عدالت میں جمع کرائے، یہ رپورٹ دیکھنے کے بعد اس کیس کا فیصلہ دوں گا۔

گزشتہ سماعت پر عدالت نے وفاق کو نوٹس جاری کر کے جواب طلب کیا تھا، تاہم عدالتی حکم کے باوجود وفاقی حکومت اور وزارت داخلہ نے جواب داخل نہیں کرایا۔ عدالت نے کیس کی سماعت 13 جنوری تک ملتوی کر دی

ٹرین حادثہ، تین بوگیوں میں کتنے مسافر سوارتھے؟ بکنگ کس نے کروائی؟ اہم خبر

ٹرین حادثہ، شیخ رشید نے کیا امداد کا اعلان

واضح رہے کہ رحیم یار خان میں افسوسناک واقعہ پیش آیا ،ٹرین کی بوگیوں میں‌ آتشزدگی سے 73 مسافر جاں بحق ہو گئے ،تیزگام ایکسپریس میں آگ بہاولپوراور رحیم یا ر خان کےدرمیان چنی گوٹھ کےمقام پر لگی ،تیز گام کراچی سےبراستہ لاہور راولپنڈی جار ہی تھی ،

نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا

نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا

ریلوے حکام کے مطابق تین بوگیوں میں 209 مسافر سوار تھے،آگ 2 اکانومی اورایک بزنس کلاس کے ڈبے میں لگی ، اکانومی بوگیوں میں مجموعی طور پر 156مسافر سوار تھے،بزنس بوگی میں 50 سے زائدافراد سوار تھے، بوگیوں کی بکنگ امیر حسین کے نام سے ہوئی، امیرحسین نے حیدرآباد اسٹیشن سے بکنگ کرائی تھی