وزیراعظم نے کس کمپنی کو پاکستان میں کاروباری مواقع تلاش کرنے کی دعوت دی؟

باغی ٹی وی کی رپورٹ کے مطابق وزیراعظم عمران خان سے ہواوے سپروائزری بورڈ کے چیئرمین لی جی کی ملاقات ہوئی ہے،چیئرمین ہواوے سپروائزری بورڈ نے کمپنی کی کارکردگی سے متعلق بریفنگ دی،وزیراعظم عمران خان نے کمپنی کو پاکستان میں کاروباری مواقع تلاش کرنے کی دعوت دی.

وزیراعظم عمران خان نے پاکستان میں سستی لیبر اور نوجوانوں کی صلاحیتیوں سے آگاہ کیا،وزیراعظم عمران خان نے کہا کہ کمپنی تکنیکی شعبوں میں کام کرنےوالےپاکستانی نوجوانوں سےفائدہ اٹھائے.

آزادی مارچ کے ڈی چوک جانے پر اعتراض کیوں؟ مولانا فضل الرحمان رو پڑے

ہجوم آگے بڑھا توتمہارے کنٹینرزکوماچس کی ڈبیا کیطرح اٹھا کرپھینک دیگا،مولانا کی دھمکی

وزیراعظم عمران خان کی زیرصدارت اعلیٰ سطح کااجلاس ہوا،اجلاس میں پنجاب میں سرکاری اراضی کو فلاحی مقاصد کے لئے بروئے کار لانے سے متعلق بات چیت ہوئی،پنجاب کوآپریٹوبورڈ فارلیکوڈیشن کے زیر انتظام املاک کو عوامی مقاصد کے لیےاستعمال کرنے پرغورکیا گیا .وزیراعظم نے املاک سے متعلقہ مقدمات کے جلد فیصلوں کے لیے کوششیں تیز کرنے کی ہدایت کی،

اسحاق ڈار کو عدالت سے ملا اور ایک جھٹکا

باغی ٹی وی کی رپورٹ کے مطابق احتساب عدالت اسلام آباد میں اثاثہ جات کیس کی سماعت ہوئی،عدالت نے سابق وزیر خزانہ اسحاق ڈار کی جائیداد نیلامی روکنے کی درخواست مستردکردی،احتساب عدالت اسلام آباد کے جج محمد بشیر نے محفوظ فیصلہ سنا دیا،تبسم اسحاق ڈار نے جائیداد قرقی کو عدالت میں چیلنج کیا تھا.

اسحاق ڈار کے خلاف منی لانڈرنگ کی بھی تحقیقات کا آغاز

اسحاق ڈار کے خلاف ریفرنس، سماعت ملتوی

واضح رہے کہ پاکستان کی سب سے بڑی عدالت سپریم کورٹ کے 28 جولائی 2017 کے پاناما کیس کے فیصلے کی روشنی میں نیب نے اسحاق ڈار کے خلاف آمدن سے زائد اثاثے بنانے کا ریفرنس دائر کیا تھا۔ اسحاق ڈار اور ان کے اہل خانہ کے 831 ملین روپے کے اثاثے ہیں جن میں مختصر مدت کے دوران 91 گنا اضافہ ہوا۔ سابق وزیر خزانہ اسحاق ڈار کے خلاف اسلام آباد کی احتساب عدالت میں آمدن سے زیادہ اثاثوں کے ریفرنس میں مسلسل غیر حاضری کے سبب انھیں اشتہاری قراردے چکی ہے، عدالت نے اسحاق ڈار کی جائیدار قرق کرنے کے بھی احکامات جاری کئے ہوئے ہیں. سابق وزیر خزانہ علاج کی غرض سے لندن گئے لیکن تاحال پاکستان واپس نہ آئے.

وفاقی وزیر امور کشمیر و گلگت بلتستان علی امین خان گنڈاپور نے کہا ہے کہ حکومت نے مسئلہ کشمیر کو عالمی سطح پر بھرپور انداز میں اجاگر کیا ہے، وزیراعظم عمران خان نے پاکستان کو عالمی تنہائی سے نجات دلائی ہے

اسلام آباد ۔ 07 نومبر (اے پی پی) وفاقی وزیر امور کشمیر و گلگت بلتستان علی امین خان گنڈاپور نے کہا ہے کہ حکومت نے مسئلہ کشمیر کو عالمی سطح پر بھرپور انداز میں اجاگر کیا ہے، وزیراعظم عمران خان نے پاکستان کو عالمی تنہائی سے نجات دلائی ہے’ 5 اگست کے بھارتی اقدامات نے تمام کشمیریوں کو متحد کردیا ہے جو آر ایس ایس اور بی جے پی کے ہندو انتہا پسند فاشسٹ ایجنڈے کو پوری دنیا میں بے نقاب کر رہے ہیں۔

علی امین گنڈا پور نے ایسا کیا کہہ دیا کہ مولانا فضل الرحمان واپس جانے کے لئے سوچنے لگے

وفاقی وزیر سے کشمیر سٹیٹسٹک سنٹر اور ایسوسی ایشن آف ڈسپلیسڈ کشمیری جرنلسٹ کے وفد نے ملاقات کی۔

انہوں نے کہا کہ بھارت میں مسلمانوں سمیت تمام اقلیتوں کو نشانہ بنایا جا رہا ہے۔ انہوں نے کہا کہ مسئلہ کشمیر پر عالمی رائے عامہ تیزی سے پاکستان کے حق میں ہورہی ہے۔ انہوں نے دنیا پر واضح کیا کہ کشمیریوں کو حق خودارادیت دلوانے کے لیے آخری حد تک جائیں گے۔ علی امین گنڈا پور نے کہا کہ مسئلہ کشمیر کے حل کے لیے اقوام متحدہ کو متحرک کردار ادا کرنا ہوگا۔

قومی اسمبلی اجلاس، وزیراعظم کیا کرتے رہے؟ مولانا فضل الرحمان سن کر ہوں پریشان

مولانا کو اسمبلی سے دوری برداشت نہیں، صمصام بخاری

مولانا اقتدار سے باہر رہ کر مچھلی کی طرح تڑپ رہے ہیں، فردوس عاشق اعوان

انہوں نے کہا کہ مولانا فضل الرحمن کے دھرنے کا مقصد مسئلہ کشمیر سے عالمی برادری کی توجہ ہٹانا ہے۔ علی امین گنڈاپورنے کہا کہ بیرون ملک مقیم کشمیری مسئلہ کشمیر کو عالمی سطح پر اجاگر کرنے میں اہم کردار ادا کرسکتے ہیں۔

وفد کے شرکاء نے کہا کہ 5 اگست کے بھارتی اقدامات کے بعد سے ہمارا مقبوضہ کشمیر سے رابطہ منقطع ہے ، بھارت نے مقبوضہ کشمیر کو دنیا کی سب سے بڑی جیل بنا رکھا ہے۔ 5 اگست کے بعد سے اب تک تقریبا 30 ہزار افراد کو گرفتار کیا جاچکا ہے اور مقبوضہ کشمیر میں اظہار رائے کی آزادی مکمل طور پر ختم ہوچکی ہے۔

آرمی چیف جنرل قمر جاوید باجوہ سے نیٹو کے ڈائریکٹرجنرل انٹرنیشنل ملٹری اسٹاف کی ملاقات

باغی ٹی وی کی رپورٹ کے مطابق آرمی چیف جنرل قمر جاوید باجوہ سے نیٹو کے ڈائریکٹرجنرل انٹرنیشنل ملٹری اسٹاف کی ملاقات ہوئی ہے، ڈی جی آئی ایس پی آر کے مطابق ملاقات کے دوران باہمی دلچسپی کے امور اور خطے کی سیکیورٹی صورتحال پرتبادلہ خیال کیا گیا، ملاقات جی ایچ کیو راولپنڈی میں ہوئی،

کشمیریوں کے ساتھ کھڑے تھے ،ہیں اور رہیں گے، پاک فوج کا کشمیریوں‌ کو پیغام

‏اسرائیل کو تسلیم کرنے سے متعلق باتیں پروپیگنڈا ہے. ڈی جی آئی ایس پی آر

یہ سوچ بھی کیسے سکتے ہیں کہ کشمیر پر کسی قسم کی کوئی ڈیل ہوئی، ڈی جی آئی ایس پی آر

ڈی جی آئی ایس پی آر کے مطابق لیفٹیننٹ جنرل ہانس ورنر نے خطے میں امن واستحکام کےلیے پاک فوج کے کردار کو سراہا،

ن لیگی رہنما کتنی بے نامی جائیداد کے مالک نکلے؟ ایف بی آر متحرک

باغی ٹی وی کی رپورٹ کے مطابق رہنما مسلم لیگ ن چودھری تنویر بے نامی جائیداد کیس میں ملوث نکلے،ایف بی آر نے چودھری تنویر کے خلاف ایجوکیٹنگ اتھارٹی میں ریفرنس دائر کردیا ،

بے نامی جائیداد سے اکٹھی رقم احساس پروگرام میں شامل کریں گے، وزیراعظم

ایف بی آر کے مطابق سینیٹرچودھری تنویر7ہزار 125 کنال زمین کے اصل مالک ہیں،چودھری تنویرکی جائیداد کی مالیت 15ارب روپے سے زائد ہے،چودھری تنویرکی اراضی چوکیدار،سیکیورٹی گارڈ اورگن مین کے نام ہے، چودھری تنویر کی زمین اسلام آباد نیو ایئر پورٹ کے قریب ہے،

بچوں کا مستقبل سنوارنا چاہتے ہیں تو یہ کام لازمی کریں، وزیراعظم کا قوم کو پیغام

ایف بی آر کے مطابق چودھری تنویر کے 6بے نامی افراد نے کبھی انکم ٹیکس گوشوارے جمع نہیں کرائے،ایف بی آر نے چودھری تنویر کے خلاف ریفرنس دائر کردیا.

واضح رہے کہ بے نامی جائیدادوں کے خلاف کاروائی کا حکم وزیراعظم عمران خان نے دیا تھا، سابق صدر آصف زرداری کی بے نامی جائیداد ضبط ہو چکی ہے، حکومت نے ڈی سیز کو مراسلے میں کہا تھا کہ بے نامی جائیدادوں کی نشاندہی کریں اور کاروائی کریں