Baaghi TV

Author: ممتاز حیدر

  • اسلام آباد دھماکہ،ذمہ داران کو کیفر کردار تک پہنچا کردم لیں گے۔وزیراعظم

    اسلام آباد دھماکہ،ذمہ داران کو کیفر کردار تک پہنچا کردم لیں گے۔وزیراعظم

    وزیر اعظم شہباز شریف نے اسلام آباد ضلع کچہری کے باہر ہونے والے خودکش دھماکے کی شدید الفاظ میں مذمت کرتے ہوئے واقعے کی تحقیقات کا حکم دیا ہے۔

    وزیراعظم شہباز شریف نے اپنے پیغام میں اسلام آباد ضلع کچہری میں بھارتی اسپانسرڈ فتنہ الخوارج کے دہشتگرد حملے کی شدید مذمت کرتے ہوئے شہید افراد کے درجات کی بلندی اور اہل خانہ کیلئے صبر کی دعا کی۔شہباز شریف کا کہنا تھا مجھ سمیت پوری قوم کی تمام تر ہمدردیاں شہداء کے اہلخانہ کے ساتھ ہیں، زخمیوں کی جلد صحتیابی کے لیے دعا گو ہوں اور حکام کو بہترین طبی سہولیات فراہم کرنے کی ہدایت کی ہے۔

    وزیراعظم نے کہا کہ بھارتی دہشتگرد پراکسیز کے پاکستان کے نہتے شہریوں پر دہشتگرد حملے قابل مذمت ہیں، واقعےکی تحقیقات کی ہدایت کی ہے اور ذمہ داران کو کیفر کردار تک پہنچا کردم لیں گے۔افغانستان سےکارروائی کرتے فتنہ الخوارج نے وانا میں معصوم بچوں پر بھی حملہ کیا، بھارتی پشت پناہی اور افغان سرزمین سے جاری حملوں کی جتنی مذمت کی جائے کم ہے، نہتے و معصوم پاکستانیوں کے خون کو رائیگاں نہیں جانے دیں گے۔

  • کیڈٹ کالج حملہ،115 افراد ریسکیو،535 اندر موجود،دو حملہ آورہلاک،تین گھیرے میں

    کیڈٹ کالج حملہ،115 افراد ریسکیو،535 اندر موجود،دو حملہ آورہلاک،تین گھیرے میں

    کیڈٹ کالج پر حملے کے وقت 525 کیڈٹس سمیت تقریباً 650 افراد موجود تھے۔ سیکیورٹی فورسز نے اب تک 115 افراد کو بحفاظت ریسکیو کر لیا ہے۔

    کیڈٹ کالج میں موجود 3 افغان خوارجین کو کالج کی ایک مخصوص عمارت تک محدود کر دیا گیا ہے، سیکیورٹی فورسز نے علاقے کو گھیرے میں لے رکھا ہے۔ سیکیورٹی ذرائع کے مطابق جس عمارت میں افغان خوارج موجود ہیں، وہ کیڈٹس کی رہائشی عمارتوں سے کافی فاصلے پر واقع ہے۔ ابھی تک تمام کیڈٹ محفوظ ہیں،افغان خوارجیوں کی کالج میں موجودگی کے باعث کیڈٹس کی جانوں کے تحفظ کو مدنظر رکھتے ہوئے آپریشن نہایت احتیاط سے جاری ہے۔ کالج کی حدود سے کیڈٹس کو نکالنے کا عمل بتدریج جاری ہے۔اس وقت بھی کالج کے اندر تقریباً 535 افراد موجود ہیں۔ وانا کیڈٹ کالج میں موجود 3 افغان خوارجیوں کے خلاف آپریشن پوری شدت سے جاری ہے۔

    واضح رہے کہ 10 نومبر کو افغان خوارجیوں نے کالج کے مرکزی گیٹ پر بارود سے بھری گاڑی ٹکرا دی تھی۔ دھماکے سے کالج کا مرکزی دروازہ مکمل طور پر منہدم ہو گیا، جبکہ قریبی عمارتوں کو بھی نقصان پہنچا۔پاک فوج کے جوانوں نے فوری اور بہادری سے کارروائی کرتے ہوئے دو خوارجیوں کو موقع پر ہی جہنم واصل کر دیا تھا۔معصوم قبائلی بچوں پر حملہ کرنے والے دہشتگردوں کا نہ اسلام سے کوئی تعلق ہے، نہ پاکستان کی خوشحالی سے۔ہشتگردوں کے مکمل خاتمے تک سیکیورٹی فورسز کا آپریشن جاری رہے گا

  • پہلی ترجیح میں خودکش حملہ آور کی شناخت کریں گے ،وزیرداخلہ

    پہلی ترجیح میں خودکش حملہ آور کی شناخت کریں گے ،وزیرداخلہ

    وفاقی وزیر داخلہ محسن نقوی نے کہا ہے کہ 12 بج کر 39 منٹ پر خودکش حملہ ہوا، 12افراد شہید اور 27زخمی ہوئے ،خود کش حملہ آور کچہری کے اندر جانا چاہ رہا تھا

    جائےوقوعہ کا دورہ کرنے کے بعد میڈیا سے گفتگو کرتے ہوئے وزیر داخلہ محسن نقوی کا کہنا تھا کہ ہمیں اندازہ ہے کہ افغانستان کیا کررہا ہے مگر سکیورٹی پر کوئی سمجھوتہ نہیں کیا جائے گا ،جس نے کچہری واقعہ کیا اسے بھگتنا پڑے گا،پہلی ترجیح میں خودکش حملہ آور کی شناخت کریں گے ،کل وانا میں بھی گاڑی سوار خود حملہ آور انٹری پوائنٹ پر پھٹا ،وہاں بھی علاقے کی کلیئرنس جاری ہے ،وانا اٹیک میں افغانستان ملوث ہے افغانستان میں۔ کمیونیکیشن ہوتی رہی ،کچہری حملہ میں ملوث کرداروں کو بھی سامنے لایا جائے گا، افغانستان گئے ہیں اور ان کو شواہد دیئے ہیں کہ کیسے لوگ وہاں ٹرینڈ ہو رہے ہیں اور اس کے بعد حملے ہوتے ہیں ،افغانستان کے شر پسند عناصر کو نہ روکنے پر کوئی چارہ نہیں کہ ان کا بندوبست کریں۔

  • بھارت کار دھماکہ،بارودی مواد ملا نہ دھواں،زمین پھٹی نہ دھماکا خیز مواد کے شواہد ملے

    بھارت کار دھماکہ،بارودی مواد ملا نہ دھواں،زمین پھٹی نہ دھماکا خیز مواد کے شواہد ملے

    بھارتی دارالحکومت نئی دہلی میں لال قلعہ کے قریب ہونے والے دھماکے نے تفتیشی اداروں کو سخت اُلجھن میں ڈال دیا ہے۔

    بھارتی جریدہ دی ٹریبیون انڈیا کے مطابق کسی دھماکا خیز مواد کے ٹکڑے، بارودی مواد اور بارودی دھوئیں کے کوئی آثار نہیں ملے۔ جائے وقوعہ پر نہ کوئی اسپلنٹر ملا، نہ زمین پھٹی اور نہ ہی کسی دھماکا خیز مواد کے شواہد ملے،دی ٹریبیون انڈیا کے مطابق بھارتی پولیس نے خودکش دھماکے کے امکانات کو مسترد کردیا ہے، بھارتی پولیس افسر کے مطابق ابتدائی شواہد خودکش حملے کی تردید کرتے ہیں۔ بھارتی جریدہ اس حوالے سے مزید کہتا ہے کہ دہلی پولیس نے واقعے کو مقبوضہ کشمیر اور فریدآباد میں برآمد اسلحہ سے جوڑنے سے گریز کیا ہے۔یاد ہے کہ 10 نومبر کو بھارتی دارالحکومت نئی دہلی میں لال قلعہ کے قریب ہونے والے دھماکے میں 12 افراد ہلاک ہوگئے تھے۔

  • چلاس،لینڈ سلائیڈنگ،6 گاڑیاں ملبے تلے دب گئیں

    چلاس،لینڈ سلائیڈنگ،6 گاڑیاں ملبے تلے دب گئیں

    چلاس میں ہولناک لینڈ سلائیڈنگ، 6 گاڑیاں ملبے تلے دب گئیں، 2 دریا میں جا گریں

    گلگت بلتستان کے علاقے چلاس میں شدید لینڈ سلائیڈنگ کے باعث چھ گاڑیاں ملبے تلے دب گئیں جبکہ دو گاڑیاں دریا میں جا گریں، جس کے نتیجے میں متعدد افراد کے زخمی اور لاپتہ ہونے کی اطلاعات موصول ہوئی ہیں۔

    یہ افسوسناک واقعہ چلاس کے علاقے گندلو میں پیش آیا، جہاں پہاڑی تودہ اچانک سڑک پر آ گرا۔ لینڈ سلائیڈنگ کے نتیجے میں شاہراہ مکمل طور پر بند ہوگئی، جس سے آمدورفت معطل ہو گئی اور علاقے میں شدید خوف و ہراس پھیل گیا۔ متاثرہ مقام پر کم از کم چھ گاڑیاں ملبے تلے دب گئیں، جب کہ دو گاڑیاں لینڈ سلائیڈنگ کے دھکے سے نیچے دریا میں جا گریں۔ عینی شاہدین کے مطابق حادثہ اتنا اچانک پیش آیا کہ ڈرائیور حضرات کو گاڑیاں پیچھے لینے کا موقع بھی نہ ملا۔میڈیکل سپرنٹنڈنٹ (ایم ایس) ریجنل ہیڈ کوارٹر اسپتال چلاس نے تصدیق کی ہے کہ اسپتال میں ایمرجنسی نافذ کر دی گئی ہے۔ اسپتال انتظامیہ کے مطابق زخمیوں کے علاج کے لیے اضافی عملہ طلب کر لیا گیا ہے، جب کہ خون کے عطیات کے لیے اپیل بھی کی گئی ہے۔ریسکیو ذرائع کے مطابق ریسکیو 1122 کی تین گاڑیاں اور سات اہلکار جائے حادثہ پر امدادی کارروائیوں میں مصروف ہیں۔ علاقے میں بھاری مشینری کی مدد سے ملبہ ہٹانے کا کام جاری ہے، تاہم دشوار گزار پہاڑی علاقہ اور مسلسل پتھروں کے گرنے سے آپریشن میں مشکلات درپیش ہیں۔

    انتظامیہ نے شہریوں سے اپیل کی ہے کہ وہ حادثے کی جگہ کے قریب نہ جائیں تاکہ ریسکیو عملے کو کارروائی میں رکاوٹ نہ ہو۔یاد رہے کہ حالیہ دنوں میں گلگت بلتستان کے مختلف علاقوں میں مسلسل بارشوں کے باعث لینڈ سلائیڈنگ کے واقعات میں اضافہ ہوا ہے، جس سے شاہراہ قراقرم کے کئی مقامات پر ٹریفک کی روانی متاثر ہوئی ہے۔ذرائع کے مطابق مقامی انتظامیہ نے علاقے میں ہائی الرٹ جاری کر دیا ہے اور مسافروں کو غیر ضروری سفر سے گریز کی ہدایت دی گئی ہے۔

  • اسلام آباد جی الیون سیکٹر ،گاڑی میں دھماکہ،12 افراد شہید،متعدد زخمی

    اسلام آباد جی الیون سیکٹر ،گاڑی میں دھماکہ،12 افراد شہید،متعدد زخمی

    اسلام آباد: جی الیون سیکٹر کی کچہری میں کھڑی گاڑی میں دھماکے سے 12 افراد شہید متعدد افراد زخمی ہوگئے۔

    ا سلام آباد میں منگل کی دوپہر تقریباً ساڑھے بارہ بجے جی الیون سیکٹر کی کچہری میں کھڑی گاڑی میں زور دار دھماکا ہوا جس کی آواز دور دور تک سنی گئی جب کہ دھماکے سے گاڑی میں آگ لگ گئی اور قریب کھڑی گاڑیاں بھی آگ کی لپیٹ میں آگئیں۔ابتدائی اطلاعات کے مطابق دھماکے کے نتیجے میں 12افراد شہید جبکہ 20 سے زائد زخمی ہوئے ہیں جن میں وکلا اور سائلین بھی شامل ہیں۔پولیس کا کہنا ہےکہ دھما کے کے وقت کچہری ایریا میں لوگوں کی آمدورفت زیادہ تھی جس سے سائلین بھی زخمی ہوئے، زخمیوں کو فوری طبی امداد کے لیے پمز اسپتال منتقل کردیا گیا ہے۔پولیس کے مطابق دھماکے کے بعد علاقے کو گھیرے میں لے لیا گیا ہے اور دھماکے کی نوعیت معلوم کی جارہی ہے۔

    پولیس کی ابتدائی رپورٹ کے مطابق دھماکہ پولیس کی گاڑی کے قریب ہوا، حملہ آور موٹر سائیکل سے پولیس وین کے قریب آیا، بیک وقت دو دھماکوں کی آواز سنائی دی،موٹر سائیکل اور کار میں بیک وقت دھماکے سے آگ بھڑکی، ڈی آئی جی اسلام آباد، ضلعی انتظامیہ اور فرانزک ٹیم موقع پر موجودہے

    اسلام آباد کاردھماکہ خود کش نکلا،حملہ آور کا سر مل گیا،5 افراد شہید
    اسلام آباد جی الیون کچہری کے باہر ہندوستانی سپانسرڈ اور افغان طالبان کی پراکسی فتنہ الخوارج کا خودکش دھماکہ
    ابتدائی رپورٹ کے مطابق دھماکہ کچہری کے باہر ہوا جس کی زد میں آس پاس کھڑے لوگ آئے۔ ابتک کی رپورٹ کے مطابق پانچ شہید اور تیرہ سے چودہ افراد کے زخمی ہونے کی اطلاع ہے،مبینہ خودکش بمبار کر سر سڑک پر پڑا ہوا مل گیا۔

  • پاک فوج نے انٹر سروسز مقابلے جیت کر کامبیٹ شوٹنگ چیمپئن شپ 2025 اپنے نام کرلی

    پاک فوج نے انٹر سروسز مقابلے جیت کر کامبیٹ شوٹنگ چیمپئن شپ 2025 اپنے نام کرلی

    45ویں پاکستان آرمی رائفل ایسوسی ایشن (PARA) سینٹرل میٹ کی اختتامی تقریب جہلم میں منعقد ہوئی۔آرمی مارکسمین شپ یونٹ میں ہونے والی تقریب کے فیلڈ مارشل سید عاصم منیر، نے بطورمہمان خصوصی شرکت کی۔شوٹنگ کے مقابلے یکم اکتوبر تا 10 نومبر 2025 تک جاری رہے جن میں پاکستان آرمی، فضائیہ، بحریہ، سول آرمڈ فورسز کے علاوہ پنجاب، سندھ، خیبرپختونخوا، بلوچستان اور وفاقی رائفل ایسوسی ایشنز سے تعلق رکھنے والے دو ہزار سے زائد نشانہ بازوں نے بھرپور جوش و خروش کے ساتھ حصہ لیا۔

    پاک فوج نے تمام چار انٹر سروسز مقابلے جیت کر تیسری انٹر سروسز کامبیٹ شوٹنگ چیمپئن شپ 2025 اپنے نام کی۔پنجاب رجمنٹ نے یونٹ فائرنگ پروفیشنسی میچ گروپ-I میں کامیابی حاصل کی۔سپاہی محمد عرفان (پنجاب رجمنٹ) نے ماسٹر ایٹ آرمز کا اعزاز جیتا۔نائب صوبیدار عمر فاروق (آرمی مارکسمین شپ یونٹ) نے آرمی ہنڈریڈ رائفل میچ ٹرافی حاصل کی۔

    تقریب کے دوران فیلڈ مارشل سید عاصم منیر نے شرکاء سے خطاب کرتے ہوئے ان کی شاندار نشانہ بازی کو سراہا اور اس بات پر زور دیا کہ’’نشانہ بازی میں مہارت حاصل کرنا فوجی تربیت کا بنیادی ہدف ہونا چاہیے۔‘‘بعد ازاں آرمی چیف نے ملٹری کالج جہلم کی سو سالہ تقریبات میں بطورِ مہمانِ خصوصی شرکت کی۔اس موقع پر فیلڈ مارشل نے صد سالہ یادگار اور کالج میوزیم کا افتتاح کیا، ادارے کی ایک صدی پر محیط شاندار خدمات کو خراجِ تحسین پیش کیا، اور یادگارِ شہداء پر پھولوں کی چادر چڑھائی

  • 27 ویں آئینی ترمیم قومی اسمبلی میں بھی پیش

    27 ویں آئینی ترمیم قومی اسمبلی میں بھی پیش

    قومی اسمبلی کے اجلاس میں وزیر قانون سینیٹر اعظم نذیرتارڑ نے 27 ویں آئینی ترمیم کا بل پیش کردیا۔

    اسپیکر سردار ایاز صادق کی زیر صدارت قومی اسمبلی کا اجلاس جاری ہے، وزیر قانون اعظم نذیر تارڑ نے قومی اسمبلی اجلاس میں 27ویں آئینی ترمیم کا بل منظوری کے لیے پیش کیا، اس کے موقع پر اپوزیشن کی جانب سے شدید احتجاج اور شور شرابہ کیا جا رہا ہے،وزیر قانون اعظم نذیر تارڑ کا کہنا تھا 27 ویں آئینی ترمیم کا بل سینیٹ سے 2 تہائی اکثریت سے منظور ہوا، مشترکہ پارلیمانی کمیٹی میں اپوزیشن کو بیٹھنا چاہیے تھا، دنیا بھر میں آئینی معاملات کے لیے آئینی عدالتیں ہوتی ہیں، دیگر ممالک میں ججز کی تقرری جوڈیشل کمیشن کے ذریعے کی جاتی ہے، میثاق جمہوریت میں بھی آئینی نظام کا بنیادی نکتہ شامل تھا۔

    آج کے اجلاس میں دو تعلیمی اداروں کے قیام کے حکومتی بل بھی منظوری کے لیے پیش کیے جائیں گے،
    خیال رہے کہ گزشتہ روز حکومت نے 27 ویں آئینی ترمیم کا بل سینیٹ سے دو تہائی اکثریت سے منظور کروایا تھا، بل کی حمایت میں 64 ووٹ پڑے تھے جبکہ مخالفت میں ایک بھی ووٹ نہیں پڑا تھا،دوسری جانب متحدہ اپوزیشن نے سینیٹ اور قومی اسمبلی کے اجلاس کے بائیکاٹ کا اعلان کر رکھا ہے۔

    حکمران اتحاد کو قوم می اسمبلی میں دو تہائی واضح اکثریت حاصل ہے،آئینی ترمیم کی منظوری کے لیے 224 ووٹ درکار ہیںَحکمران اتحاد کے پاس 237 کی اکثریت موجود ہے،مسلم لیگ ن کے 126، پیپلزپارٹی کے 74 ارکان کی ترمیم کو حمایت حاصل ہے،ایم کیو ایم کے 22، مسلم لیگ ق 5 ، اور استحکام پارٹی کے 4 اراکین بھی ترمیم کے حق میں ،مسلم لیگ ضیاء 1، باپ پارٹی 1 اور 4 آزاد اراکین بھی آئینی ترمیم کے حق میں ووٹ دیں گے،حکمران اتحاد میں شامل نیشنل پارٹی نے آئینی ترمیم کے حق میں ووٹ نہ دینے کا فیصلہ کیا ہے.

  • پاکستان میں دہشت گردی میں اضافہ ،افغان سرزمین سے دراندازی کے مستند اعداد و شمار

    پاکستان میں دہشت گردی میں اضافہ ،افغان سرزمین سے دراندازی کے مستند اعداد و شمار

    پاکستان نے طالبان کے اگست 2021 میں اقتدار سنبھالنے کے بعد دہشت گردی میں مسلسل اضافہ ریکارڈ کیا۔ 2021 میں 207 حملے، 2022 میں 262، 2023 میں 306 اور 2024 میں 1099 حملے ہوئے، جو بگڑتی صورتحال کی واضح نشاندہی کرتے ہیں۔

    پاکستان نے افغانستان کے اندر ٹی ٹی پی اور بی ایل اے کے 58 تربیتی مراکز، اسٹیجنگ پوائنٹس اور رہائشی ٹھکانے شناخت کیے ہیں، جن کے بارے میں کابل انتظامیہ کو مکمل علم ہے۔جون 2025 سے تقریباً 4,000 جنگجو (172 تشکیلیں) افغانستان سے خیبر پختونخوا میں داخل ہوئے، جو گروہوں میں 36 فیصد اور جنگجوؤں کی تعداد میں 48 فیصد اضافہ ظاہر کرتا ہے۔بلوچستان میں دراندازی کے لیے زابل، پکتیکا، قندھار، ہلمند اور نیمروز سے 83 تشکیلیں (تقریباً 1,200 جنگجو) استعمال ہوئیں۔اپریل سے ستمبر 2025 کے دوران پاکستانی فورسز نے خیبر پختونخوا اور بلوچستان میں 135 افغان شہریوں کو ہلاک کیا، جس کے بعد مجموعی طور پر 267 افغان باشندوں کی شناخت اور ہلاکت کی تصدیق ہوئی۔2022 سے 2025 کے دوران افغان شہریوں نے پشاور، بنوں، بشام، میر علی اور ڈیرہ اسماعیل خان میں خودکش حملے کیے، جن میں درجنوں پاکستانی شہری نشانہ بنے۔

  • سنگجانی جلسہ کیس،عمر ایوب اور زرتاج گل کا پاسپورٹ بلاک کرنے کا حکم

    سنگجانی جلسہ کیس،عمر ایوب اور زرتاج گل کا پاسپورٹ بلاک کرنے کا حکم

    انسداد دہشتگردی عدالت نے سنگجانی جلسہ کیس میں پی ٹی آئی رہنما عمر ایوب اور زرتاج گل کا پاسپورٹ بلاک کرنے کا حکم دے دیا۔

    اسلام آباد کی انسداد دہشتگردی عدالت کے جج طاہر عباس سپرا نے پی ٹی آئی رہنماؤں کے خلاف سنگجانی جلسہ کیس کی سماعت کی،عدالت نے مقدمے میں عمر ایوب اور زرتاج گل کا پاسپورٹ بلاک کرکے رپورٹ پیش کرنے کا حکم دیا،اس کے علاوہ انسداد دہشتگردی عدالت نے کیس میں شیخ وقاص اکرم کے وارنٹ گرفتاری بھی جاری کردیے اور مزید سماعت 3 دسمبر تک ملتوی کردی۔