تحریک انصاف کے رہنما نعیم پنجوتھا کی عبوری ضمانت خارج کردی گئی
انسداد دہشتگردی عدالت (اے ٹی سی) راولپنڈی میں نعیم پنجوتھا کے خلاف 5 اکتوبر 2024ء کے احتجاج کے حوالے سے درج 2 مقدمات کی سماعت ہوئی،عدالت نے نعیم پنجوتھا کی ضمانت کیس کی عدم پیروی پر خارج کردی گئی، اُن پر 2 مقدمات تھانہ صدر حسن ابدال میں درج ہیں،مقدمات میں نعیم پنجوتھا پر جلاؤ گھیراؤ اور کار سرکار میں مداخلت کا الزام ہے، وہ مارچ 2025 سے عبوری ضمانت پر تھے
وزیر اعظم شہباز شریف نے جنیوا میں اپنے بھائی اور مسلم لیگ (ن) کے قائد و سابق وزیرِ اعظم نواز شریف سے ملاقات کی اور ان کی خیریت دریافت کی ہے
وزیراعظم دورہ امریکا مکمل کرکے جنیوا پہنچے تھے۔ انہوں نے جنیوا میں نواز شریف کی عیادت کی۔اس موقع پر شہباز شریف نے سابق وزیراعظم کو امریکا کے اہم دورے اور صدر ٹرمپ سے ہونے والی ملاقات کے بار ے میں بھی آگاہ کیا،وزیراعظم شہباز شریف جنیوا سے لندن کے لیے روانہ ہوگئے، جہاں وہ چند دن قیام کریں گے۔
واضح رہے کہ 7 روز سے جنیوا کے ایک اسپتال میں زیر علاج تھے، جہاں ان کا دل کے حوالے سے پروسیجر ہوا۔ سابق وزیراعظم کو گزشتہ روز اسپتال سے ڈسچارج کیا گیا،فیملی ذرائع کے مطابق نواز شریف جنیوا کے ہوٹل میں بیٹے حسن نواز اور ڈاکٹر عدنان کے ساتھ موجود ہیں،فیملی ذرائع کے مطابق نواز شریف ہر لحاظ سے تندرست ہیں، ان کا علاج اسی سرجن نے کیا جو کئی سال سے ان کا علاج کر رہا ہے۔
بلوچستان کے علاقے دریشک میں سیکیورٹی فورسز کے آپریشن کے دوران 17 خوارج ہلاک کردیے گئے۔
ذرائع کے مطابق انٹیلی جنس بیسڈ آپریشن ملا نذیر گروپ کی علاقے میں موجودگی کی اطلاعات پر کیا گیا جس میں پاک آرمی، اسپیشل سروسز گروپ اور سی ٹی ڈی نے حصہ لیا،کئی دنوں کی خفیہ اطلاعات کے بعد دریشک میں خوارج کے جمع ہونے کی اطلاعات ملی تھیں جس کے بعد انتہائی دشوار گزار علاقے میں قانون نافذ کرنیوالے اداروں نے خوارج کے ٹھکانے کو نشانہ بنایا، قانون نافذ کرنے والے ادارے کے اہلکاروں کا دریشک میں آپریشن پچھلے دو روز تک جاری رہا، جس میں اب تک 17 خوارجی ہلاک اور 10 سے زائد زخمی ہوئے ہیں۔
بعدازاں دہشتگردوں کے خلاف کامیاب آپریشن سے واپسی پر علاقہ مکینوں کی جانب سے سیکیورٹی اہلکاروں کا خیرمقدم کیا گیا، مقامی افراد نے آپریشن کے بعد واپس آنے والے اہلکاروں کے ساتھ جشن بھی منایا۔
ڈی جی آئی ایس پی آر کی جامعہ عروۃ الوثقیٰ لاہور کے علماء اور طلباء کے ساتھ خصوصی نشست ہوئی ہے
ڈی جی آئی ایس پی آر کی جامعہ عروۃ الوثقیٰ آمد پر مدیر اعلی اور طلباء نے بھرپور استقبال کیا ، مدیر اعلٰی جامعہ عروۃ الوثقیٰ سید جواد نقوی نے قومی شعور کی بیداری کو نسل نو کے لیے لازم قرار دیا ،طلباء و طالبات نے آپریشن بنیان مرصوص کی تاریخی فتح پر افواجِ پاکستان کو خراجِ تحسین پیش کیا،طلباء و طالبات نے اظہارِ خیال کرتے ہوئے کہا کہ سوشل میڈیا پر پھیلائے جانیوالے منفی پراپیگنڈہ کے حوالے سے تمام شکوک و شبہات دور ہوگئے،پاک فوج ہماری آن، فخر اور شان ہے، پوری قوم سمیت دینی مکاتبِ فکر بھی اپنی افواج کے شانہ بشانہ کھڑے ہیں،
انسداد دہشت گردی عدالت نے 9 مئی جی ایچ کیو حملہ کیس میں بانی پی ٹی آئی عمران خان کی ٹرائل روکنے سے متعلق دائر درخواست خارج کرتے ہوئے سماعت 30 ستمبر تک ملتوی کردی۔
راولپنڈی کی انسداد دہشت گردی عدالت نے 9 مئی جی ایچ کیو حملہ کیس میں عمران خان کی جانب سے ٹرائل روکنے سے متعلق دائر درخواست پر سماعت کی۔عمران خان کی لیگل ٹیم کیجانب سے درخواست دائر کرتے ہوئے 9 مئی جی ایچ کیو حملہ کیس کا ٹرائل روکنے کی استدعا کی گئی تھی ۔ائر درخواست میں مؤقف اپنایا گیا تھا کہ ویڈیو لنک ٹرائل پر لاہور ہائی کورٹ راولپنڈی بینچ کا فیصلہ آنے تک ٹرائل روکا جائے۔دوران سماعت عدالت نے 8 گواہوں کو دوبارہ طلب کرنے سے متعلق درخواست پر پراسیکیوشن کو نوٹس جاری کردیے۔عدالت کی جانب سے سماعت کے دوران استغاثہ کے 3 گواہان کے بیانات ریکارڈ کیے گئے، گواہوں میں ڈی ایس پی اکبر عباس،انسپکٹر عصمت کمال اور انسپکٹر تہذیب الحسن شامل ہیں۔انسداد دہشت گردی عدالت نے عمران خان کی لیگل ٹیم کی جانب سے 9 مئی جی ایچ کیو حملہ کیس کا ٹرائل روکنے کی استدعا مسترد کرتے ہوئے کیس کی سماعت 30 ستمبر تک ملتوی کردی۔
پنجگور: بلوچستان کے ضلع پنجگور میں افسوسناک حادثہ پیش آیا جہاں ایک بس اور گاڑی کے درمیان خوفناک تصادم کے نتیجے میں آٹھ قیمتی جانیں ضائع ہو گئیں جبکہ ایک شخص زخمی ہو گیا۔
تفصیلات کے مطابق حادثہ پنجگور کے علاقے گومازین میں پیش آیا جہاں بس اور گاڑی آمنے سامنے ٹکرا گئیں۔ تصادم اتنا شدید تھا کہ دونوں گاڑیوں میں اچانک آگ بھڑک اُٹھی جس نے دیکھتے ہی دیکھتے سب کچھ اپنی لپیٹ میں لے لیا،پولیس حکام کا کہنا ہے کہ حادثے کے بعد فوری طور پر ریسکیو ٹیمیں جائے وقوعہ پر پہنچیں اور لاشوں اور زخمی کو قریبی اسپتال منتقل کیا گیا۔ لیویز ذرائع کے مطابق زخمی شخص کو طبی امداد فراہم کی جا رہی ہے، تاہم اس کی حالت تشویشناک بتائی جا رہی ہے۔
ابتدائی اطلاعات کے مطابق حادثے میں جاں بحق ہونے والے افراد کی ابھی تک شناخت نہیں ہو سکی۔ اسپتال انتظامیہ نے ہنگامی صورتحال کے پیش نظر ڈسٹرکٹ ٹیچنگ اسپتال پنجگور میں ایمرجنسی نافذ کر دی ہے تاکہ زخمی کو فوری طبی سہولت فراہم کی جا سکے،
دبئی فیصل آباد کی پرواز میں ایک مسافر کے انتقال کرنے پر جہاز نے ایمرجنسی لینڈنگ کی۔
ائیرپورٹ حکام کے مطابق 2 مسافروں کی طبیعت خراب ہونے پر ایک پرواز کی ہنگامی لینڈنگ کرائی گئی اور دوسری کو روک لیا گیا،حکام نے بتایا کہ دبئی فیصل آباد کی پرواز نے مسافر کی طبیعت خرابی پر کراچی میں ایمرجنسی لینڈنگ کی، یہ پرواز لاڑکانہ کے قریب تھی، پائلٹ نے اے ٹی سی کراچی کو ہنگامی صورتحال سے آگاہ کیا، مسافر کے بے ہوش ہونے پر پائلٹ نے پرواز کا رخ کراچی کی طرف موڑ دیا،حکام کے مطابق میڈیکل ایمرجنسی ٹیم نے لینڈ کرتے ہی مسافر کو فوری طبی امداد فراہم کرنے کی کوشش کی تاہم مسافر ذوالفقار کا انتقال ہو چکا تھا۔
دوسری جانب کراچی سے دبئی کی پرواز میں سوار 3 سالہ بچی کی طبیعت انتہائی خراب ہوگئی اور شدید بخار میں مبتلا بچی بے ہوش ہوگئی جس پر عملے نے میڈیکل ایمرجنسی ٹیم کو آگاہ کیا،حکام نے بتایا کہ شدید بخار سے حالت انتہائی خراب ہونے پر بچی زہرا کو نجی سپتال منتقل کردیا گیا۔
اترپردیش کے ضلع سنبھل میں ایک 22 سالہ معلمہ پر تیزاب پھینکنے والے ملزم کو پولیس نے مقابلے کے بعد گرفتار کرلیا، جبکہ اس کی خاتون ساتھی کو بھی حراست میں لے لیا گیا ہے۔
پولیس کے مطابق گرفتار ملزم کی شناخت نشو تیواری (30) کے نام سے ہوئی ہے جو ضلع امروہہ کے گاؤں ٹگری کا رہائشی ہے۔ خاتون ملزمہ کی شناخت جہانوی عرف ارچنا کے طور پر کی گئی ہے۔سپرنٹنڈنٹ آف پولیس کرشن کمار کے مطابق یہ افسوسناک واقعہ 23 ستمبر کو تھانہ نکھاسہ کے علاقے دیہا گاؤں کے قریب پیش آیا، جب ایک اسکول ٹیچر گھر واپس جارہی تھی۔ اسی دوران نشو تیواری نے اس پر موٹر سائیکل سے جاتے ہوئے تیزاب پھینک دیا۔ اس حملے میں متاثرہ معلمہ کے چہرے اور جسم پر 20 سے 30 فیصد تک جھلسنے کے زخم آئے۔ فوری طور پر انہیں ضلع اسپتال منتقل کیا گیا جہاں وہ زیرِ علاج ہیں اور اب خطرے سے باہر بتائی جاتی ہیں۔
ایس پی کرشن کمار نے بتایا کہ جمعرات کی رات نکھاسہ پولیس نے کلیان پور گاؤں کے قریب ملزم کو روکنے کی کوشش کی تو اس نے پولیس پر فائرنگ کردی۔ پولیس نے جوابی کارروائی کی جس میں نشو تیواری کی دونوں ٹانگوں میں گولیاں لگیں۔ پولیس نے موقع سے ایک پستول، دو کارتوس اور استعمال شدہ اسکوٹر بھی برآمد کیا۔
تحقیقات کے دوران انکشاف ہوا کہ ملزم کو جہانوی عرف ارچنا نے اس جرم پر اکسانے میں اہم کردار ادا کیا۔ پولیس کے مطابق نشو نے بتایا کہ وہ سوشل میڈیا پر "ڈاکٹر ارچنا” کے نام سے ایک خاتون کے رابطے میں آیا، جس نے اسے جھوٹے رشتوں اور کہانیوں کے ذریعے متاثرہ کے خلاف بھڑکایا۔ ارچنا نے دعویٰ کیا کہ اس کی بہن جہانوی کی منگنی ایک فوجی سے ہوئی تھی مگر اس نے منگنی توڑ کر متاثرہ معلمہ سے شادی کرنے کا فیصلہ کیا۔ انتقام کے طور پر اس نے نشو کو تیزاب حملے پر آمادہ کیا۔پولیس نے بتایا کہ دونوں ملزمان کو گرفتار کر کے عدالتی تحویل میں بھیج دیا گیا ہے جبکہ معاملے کی مزید تفتیش جاری ہے۔
صدر آصف علی زرداری نےعالمی یومِ سیاحت 2025 کے موقع پر خصوصی پیغام میں کہا ہے کہ پاکستان میں سیاحت پائیدار ترقی کا ذریعہ بن سکتی ہے
صدرِ مملکت آصف علی زرداری کا کہنا تھا کہ "سیاحت اور پائیدار تبدیلی” عالمی یومِ سیاحت 2025 کا موضوع قرار دیا گیا ہے۔ ماحولیاتی تبدیلی پاکستان کی سیاحتی ترقی کے لیے بڑا چیلنج ہے،گلیشیئرز کا پگھلاؤ اور شدید موسمی حالات سیاحتی ورثے کے لیے خطرہ ہے۔انتہاپسندی اور عدم برداشت پاکستان کی سیاحت کے فروغ میں بڑی رکاوٹ ہیں،سیاحت سے مقامی معیشت کو فروغ، خواتین و نوجوانوں کو بااختیار بنایا جا سکتا ہے،حکومتِ پاکستان سیاحت کو اقوام متحدہ کے ترقیاتی اہداف سے ہم آہنگ کر رہی ہے،گرین سرٹیفیکیشن، کمیونٹی بیسڈ اور ماحولیاتی سیاحت پر توجہ دینے کی ضرورت ہے۔سیاحت، امن و ہم آہنگی کے فروغ اور ثقافتی ورثے کے تحفظ کا مؤثر ذریعہ ہے۔پاکستان قدرتی حسن، ورثے اور مہمان نوازی کا حامل ملک ہے،سیاحت کے فروغ میں نجی شعبہ، سول سوسائٹی اور نوجوانوں کا کلیدی کردار ادا کر سکتے ہیں۔ پاکستان کو عالمی سیاحتی مرکز بنانے کے لیے سب کو مل کر کام کرنا ہوگا
ایس ایچ او تھانہ صدر تلہ گنگ انسپکٹر راجہ محمد عماد نے ہمراہ ٹیم کاروائی کرتے ہوئے مدرسے کے معلم کو گرفتار کر لیا
12 سالہ بچے سے مدرسے میں بد فعلی کرنے والا معلم گرفتار مقدمہ درج کر لیا گیا وزیر اعلیٰ پنجاب کے ویژن، آئی جی پنجاب پولیس ڈاکٹر عثمان انور اور آر پی او راولپنڈی بابر سرفراز الپا کے احکامات پر ڈسٹرکٹ پولیس آفیسر تلہ گنگ،چکوال لیفٹیننٹ ریٹائرڈ احمد محی الدین کی زیر نگرانی ایس ڈی پی او تلہ گنگ سرکل یاسر مطلوب کیانی کی سربراہی میں، ایس ایچ او تھانہ صدر تلہ گنگ انسپکٹر راجہ محمد عماد نے ہمراہ ٹیم کاروائی کرتے ہوئے مدرسے کے معلم کو گرفتار کر لیا۔
ترجمان چکوال پولیس کے مطابق ملزم کو ٹھوس شواہد کے ساتھ چالان عدالت کیا جائے گا تاکہ ملزم کو قرار واقعی سزا دلوائی جا سکے۔ وزیر اعلیٰ پنجاب کے ویژن NEVER AGAIN مہم کے تحت عورتوں، بچوں پر تشدد،جنسی ہراسگی کے فوری مقدمات درج کیے جا رہے ہیں۔ تشدد،زیادتی اور ہراسمنٹ نا قابل برداشت ہیں۔