وزیراعظم عمران خان کی مشیر برائے اطلاعات ڈاکٹر فردوس عاشق اعوان نے کہا ہے کہ حضرت امام حسین کے نام لیواؤں پر بھارتی فوج کا حملہ آج معرکہ کربلا کا ایک تسلسل ہے۔ یہ حملہ بھارتی ریاستی دہشت گردی کی بدترین مثال ہے۔

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے کہا کہ یزید کے پیروکار فسطائی مودی نے مظلوم کشمیریوں کے بنیادی آئینی، جمہوری و انسانی حقوق غصب کرکے ان کی مذہبی آزادی بھی صلب کر لی۔ نہتے کشمیری عزاداروں پر مظالم اور گرفتاریوں کی شدید مذمت کرتے ہیں۔

ڈاکٹر فردوس عاشق اعوان کا مزید کہنا تھا کہ وہ دن دور نہیں جب یزید کی طرح بھارت اور ظالم مودی بھی عبرت کا نشان بنے گا اور کشمیر آزاد ہوگا۔

مقبوضہ کشمیر میں بھارتی فوج کا محرم جلوس پر دھاوا، عزاداروں پر وحشیانہ تشدد، سینکڑوں گرفتار

مشیر برائے اطلاعات کا مزید کہنا تھا کہ قاتل مودی کی غاصب فوج کے بدترین محاصرے اور کرفیو کے باوجود باہر نکل کر کشمیریوں نے حضرت امام حسین کی سنت کو زندہ کیا۔ حسینیت کے علمبرداروں نے بھارتی جبر کو للکارا ور حق و سچ پر ڈٹےرہنے کے غیر متزلزل عزم کا اظہار کیا۔

مقبوضہ کشمیر میں محرم الحرام کے حوالہ سے نکالے گئے جلوسوں کے دوران بھارتی فوج اور کشمیریوں کے مابین زبردست جھڑپیں‌ ہوئی ہیں، بھارتی فورسز نے عزاداروں کے جلوس نکالنے پر پابندی لگا رکھی ہے تاہم اس کے باوجود کشمیری سڑکوں پر نکلے اور بھارتی فوج کے انہیں‌ روکنے پر زبردست جھڑپیں‌ ہوئی ہیں،

باغی ٹی وی کی رپورٹ‌ کے مطابق بھارتی فوج نے کشمیریوں‌ پر لاٹھی چارج، آنسو گیس کی شیلنگ اور پیلٹ گن کے چھروں سے دھاوا بولا اور انہیں‌ وحشیانہ تشدد کا نشانہ بنایا گیا، بھارتی فورسز سے ہونی والی جھڑپوں‌ میں کشمیری بڑی تعداد میں زخمی ہوئے ہیں جبکہ سینکڑوں‌ کی تعداد میں‌ مزید کشمیریوں‌ کو گرفتار کر لیا گیا ہے، بھارتی فوج نے کشمیر میں‌ کرفیو اور زیادہ سخت کر دیا ہے، مقامی کشمیریوں‌ کا کہنا ہے کہ محرم کا روایتی جلوس پرامن طریقے سے گزر رہا تھا کہ بھارتی فوج نے اچانک ھلہ بول دیا اور عزاداروں‌ کو روکنے کی کوشش کی جس پر زبردست جھڑپیں‌ شروع ہو گئں اور اس دوران سینکڑوں‌ کشمیری زخمی ہو گئے اور بڑی تعداد میں کشمیریوں‌ کو گرفتار کر لیا گیا،

پاکستان اور ایف اے ٹی ایف حکام کے درمیان اہم مذاکرات بنکاک میں شروع ہو گئے ہیں۔

باغی ٹی وی کی رپورٹ کے مطابق پاکستان کا 15 رکنی وفد وفاقی وزیر حماد اظہر کی قیادت میں ایف اے ٹی ایف حکام سے مذاکرات کرے گا جس کے دو سیشنز ہوں گے۔ اجلاس13 ستمبر تک تھائی لینڈ کے شہر بنکاک میں جاری رہے گا۔ اجلاس کی صدارت چین کے فنانشل انٹیلیجنس یونٹ کے سربراہ کررہے ہیں جب کہ بھارت کے فنانشل انٹیلیجنس یونٹ کے سربراہ شریک چیئرمین ہیں۔

ایف اے ٹی ایف، گرے لسٹ سے نکلنے کے لئے پاکستان نے کیا بڑا فیصلہ

قبل ازیں یف اے ٹی ایف کی جانب سے پاکستان کو 125 سوالات بھجوائے گئے تھے ،ایف اے ٹی ایف نے یہ سوالات پاکستان کو چند دن پہلے بھیجے تھے ،پاکستان کو ان سوالات کے جوابات 6 ستمبر تک واپس بھجوانے تھے ،ایف اے ٹی ایف کی جانب سے بھیجے گئے سوالات کالعدم تنظیموں سے متعلق ہیں ،سوالات کالعدم تنظیموں اور ان سے وابستہ لوگوں کے خلاف درج ایف آئی آرز سے متعلق ہیں

کالعدم تنظیموں کے تحویل میں لیے گئے اثاثوں کے بارے میں بھی سوالات پوچھے گئے ہیں ،پاکستان نے ایف اے ٹی ایف کو کمپلائنس رپورٹ 12 اگست کو ای میل کی تھی

قبل ازیں ایف اے ٹی ایف نے پاکستان کی کوششوں کا اعتراف کر لیا تھا تا ہم دوسری جانب ایف اے ٹی ایف نے ڈومور کا بھی کہہ دیا۔

ایف اے ٹی ایف کا ایک بار پھر ڈومور، کالعدم تنظیموں کیخلاف کیا کیا؟ رپورٹ طلب

ایف اے ٹی ایف کے مطابق کہ پاکستان نے دہشت گردوں کی مالی معاونت کا نیٹ ورک توڑنے کےلیے کئی اقدامات کیے ،پاکستان نے خامیاں دور کرنے کی یقین دہانی کرائی ہے،پاکستان کو دہشت گردوں کی مالی معاونت توڑنے پر کڑی نظر رکھنا ہو گی، غیر قانونی ٹرانزیکشنزکے خلاف اداروں کو آپس میں تعاون کرنا ہوگا،غیرقانونی ترسیل روکنے کےلیے رقم کی لین دین کرنےو الے اداروں پر کنٹرول کرنا ہوگا،

ایف اے ٹی ایف کا مزید کہنا تھا کہ دہشت گردی میں نامزد افراد اور اداروں پر نظر رکھنا ہو گی،دہشت گردی میں نامزد افراد کے خلاف کارروائی کا نظام موثر بنانا ہو گا ،پاکستان اکتوبر 2019 تک اپنا ایکشن پلان مکمل کرے،ایکشن پلان پرمقررہ وقت میں عمل نہ ہونے پرایف اے ٹی ایف اگلے لائحہ عمل کا اعلان کرے گی،

ایف اے ٹی ایف کا پاکستان کی کوششوں کا اعتراف، ڈومور بھی کہہ دیا

9 محرم، امن و امان کے قیام کے لئے پاکستان کے کئی شہروں میں موبائل سروس بند جبکہ ڈبل سواری پر بھی پابندی ہے

باغی ٹی وی کی رپورٹ کے مطابق 9 محرم کی وجہ سے اسلام آباد کے بعض علاقوں میں موبائل سروس معطل رہے گی، خیبر پختونخواہ کے صوبائی دارالحکومت پشاورمیں موبائل فون سروس معطل ہے، بلوچستان کے صوبائی دارالحکومت کوئٹہ سمیت بولان اورمستونگ میں موبائل فون سروس ہے.، بلوچستان کے علاقوں میں موبائل فون سروس رات 9 بجےتک معطل رہےگی ،موبائل فون سروس یوم عاشورپربھی معطل رہے گی کوئٹہ میں موٹرسائیکل کی ڈبل سواری پربھی پابندی ہے .

لاہور اور کوئٹہ میں دو روز تک موٹر سائیکل کی ڈبل سواری بند رہے گی، سنائپرز بھی تعینات ہوں گے اور فضائی نگرانی بھی کی جائے گی۔ دیگر شہروں میں بھی سیکیورٹی کے فول پروف انتظامات کئے گئے ہیں۔ کراچی میں بھی موٹر سائیکل کی ڈبل سواری پر پابندی عائد کی گئی ہے

حیدرآباد، سکھر، میرپور خاص، لاڑکانہ، نوابشاہ میں بھی موبائل فون سروس جزوی معطل رہے گی، کچھ شہروں میں انٹرنیٹ سروس بھی جزوی طور پر بند کی جائے گی۔

پنجاب کے شہر گوجرانوالہ میں بھی موبائل فون سروس بند ہے جبکہ ڈبل سواری پر بھی پابندی ہے.

نو،دس محرم ،لاہور میں ڈبل سواری پر پابندی، متبادل ٹریفک کا روٹ جاری

چیف ٹریفک آفیسرلاہور کیپٹن(ر)لیاقت علی ملک نے کہا کہ نویں اور دسویں محرم الحرام کے موقع پر شہریوں کی سہولت کیلئے ٹریفک کے فول پروف انتظامات کئے گئے ہیں،دونوں ایام میں ڈبل سواری پر پابندی عائد ہوگی، خلاف ورزی پر کارروائی ہوگی،غیر قانونی طور پر کالے شیشوں اورنیلی بتی کا استعمال،جعلی سبز نمبر پلیٹ،بغیر نمبر پلیٹ والی گاڑیوں کیخلاف بھی کارروائی ہوگی، نویں اور دسویں محرم الحرام کو ایس پی ٹریفک سٹی حماد رضا قریشی اور ایس پی ٹریفک صدرڈویژن سردار محمد آصف خاں کی نگرانی میں 6ڈی ایس پیز،72انسپکٹرز،121پٹرولنگ آفیسرزاور1351وارڈنزڈیوٹی سرانجام دیں گے

وزیرخارجہ شاہ محمود قریشی3روزہ دورے پرجنیوا روانہ ہو گئے

باغی ٹی وی کی رپورٹ کے مطابق وزیرخارجہ شاہ محمود قریشی جنیوامیں42 ویں انسانی حقوق کونسل اجلاس میں شرکت کریں گے ،وزیرخارجہ اجلاس میں شریک مندوبین کےسامنے کشمیریوں کامقدمہ پیش کریں گے ،وہ انسانی حقوق کونسل اجلاس سےخطاب بھی کریں گے ،وزیرخارجہ جنیوامیں مقامی اوربین الاقوامی میڈیاکےنمایندوں سےگفتگوبھی کریں گے ، شاہ محمود قریشی جنیوامیں اوآئی سی اورڈبلیوایچ اوکےرہنماؤں سےملاقات بھی کریں گے

کشمیر سیل کا اجلاس، وزیراعظم آزاد کشمیر کی شرکت، وزیر خارجہ کا کشمیر کے حوالہ سے بڑا فیصلہ

سعودی،اماراتی وزراء خارجہ کی آرمی چیف سے ملاقات ،کشمیر پر پاکستان کی حمایت کی یقین دہانی

وزیر خارجہ شاہ محمود قریشی کی زیر صدارت کشمیر سیل کا اجلاس ہوا جس میں آزاد کشمیر کے صدر سردار مسعود خان، وفاقی وزیر قانون و دیگر نے شرکت کی، اجلاس میں فیصلہ کیا گیا کہ کشمیر کی صورتحال کو عالمی دنیا کے سامنے اٹھانے کے لئے روابط میں تیزی لائی جائے گی.

شاہ محمود قریشی نے اجلاس میں بتایا کہ کشمیر سیل کے قیام کا مقصد مقبوضہ کشمیر کی صورتحال کے حوالہ سے مشترکہ لائحہ عمل مرتب کرنا ہے. میں ہیومن رائٹس کونسل کے اجلاس میں شرکت کے لیے آج جینوا روانہ ہوں گا جہاں دنیا بھر سے آئے ہوئے مندوبین کے سامنے نہتے کشمیریوں کا مقدمہ پیش کروں گا۔

اگر مسئلہ کشمیر بھارت کا اندرونی معاملہ ہے تو کرفیو کیوں؟ وزیرخارجہ

کشمیریوں پر بھارتی مظالم کیخلاف پاکستانی قوم سڑکوں پر،باغی ٹی وی کی خصوصی کوریج

مودی نے آخری پتہ کھیل لیا، اب کشمیر آزاد ہو گا، پاک فوج تیار،وزیراعظم عمران خان

وزیراعظم عمران خان کا ایک اور بڑا فیصلہ، تمام وفاقی سیکرٹریز اسلام آباد چھوڑنے کے لئے وزیراعظم سے اجازت لیں گے

باغی ٹی وی کی رپورٹ کے مطابق کابینہ ڈویژن کی جانب سے آج ہفتہ کو ایک نوٹفکیشن جاری کیا ہے جس میں ہدایت دی گئی ہے کہ تمام وفاقی سیکرٹریز کواسلام آباد چھوڑنے سے پہلے وزیراعظم عمران خان سے اجازت لینا ہوگی۔ تمام ایڈیشنل سیکرٹریز متعلقہ وزارت کے ایڈیشنل سیکرٹریز انچارچ سے اجازت لیں گے۔ کابینہ ڈویژن کی جانب سے تمام افسران کو نوٹیفکیشن پر سختی سے عملدرآمد کی ہدایت کردی گئی ہے۔

وفاقی حکومت نے سرکاری افسران پر سرکاری خرچے پر ہفتہ وارچھٹیوں کے دوران اپنے آبائی علاقوں میں اجلاس طلب کرنے پر بھی پابندی عائد کردی ہے،نوٹفکیشن کے مطابق وفاقی سیکرٹریز اور ایڈیشنل سیکرٹریز انچارج سوموار اور جمعہ کو اپنے آبائی اضلاع میں میٹنگز کاانعقاد نہیں کرسکیں گے.

ذرائع کے مطابق وزیراعظم عمران خان کو اطلاعات ملیں تھیں کہ افسران دفاتر میں نہیں بیٹھتے، وزیراعظم ہاؤس کی جانب سے جاری ہونے والے لیٹرز کا جواب نہیں دیا جاتا، وفاقی سیکرٹریز جمعہ اور پیر کو اپنے علاقوں میں اجلاس طلب کر لیتے ہیں جس کی وجہ سے دفاتر میں دیگر افسران کی حاضری بھی کم رہتی ہے، وزیراعظم عمران خان نے اس بات کا نوٹس لیا اور آج نوٹفکیشن جاری کر دیا گیا جس کے مطابق آبائی علاقوں میں اجلاس کرنے اور بغیر اجازت اسلام آباد چھوڑنے پر بھی پابندی لگا دی گئی.

قبل ازیں چند روز قبل وزیراعظم آفس سےحالیہ تاریخ میں پہلی بارریڈ لیٹرجاری ہوا ،ریڈلیٹر 27 وزارتوں کے سیکریٹریز کوجاری کیا گیا ، ریڈلیٹر آخری وارننگ اورناپسندیدگی کی علامت ہے .وزیراعظم آفس نے خالی آسامیوں،بھرتیوں کی تفصیلات طلب کی تھیں ، وزیراعظم آفس نے تفصیلات کیلئے 9 ستمبرکی آخری ڈیڈلائن دے دی ، لیٹر میں تمام وزارتوں سے کہا گیا ہے کہ وزارتیں خالی آسامیوں سےمتعلق رپورٹ جمع کرائیں،

کمپنیوں‌ کو 208 ارب معاف کرنے سے متعلق حقائق قوم کے سامنے رکھے جائیں، عمران خان کی ہدایت

وزیراعظم آفس کے مطابق ریڈ لیٹر وزارتوں کی کارکردگی رپورٹ پر اثر ڈالے گا، پروموشن کے اہل ہونے کے باوجود پروموشن نہ ملنے والے افسران کی تفصیل فراہم کی جائے، جن سرکاری ملازمین کے خلاف انضباطی کارروائی تین ماہ سے زیر التوا ہے انکی تفصیلات بھی فراہم کی جائیں، وزارتوں کے پاس موجود متروکہ شدہ گاڑیوں، مشینری اور دیگر سازو سامان کی تفصیلات بھی دی جائیں۔

وزیراعظم کی ہدایت پر سماجی اور معاشی نظام کی بہتری کے لئے ٹاسک فورس قائم