Author: ممتاز حیدر

گرپورب کے مقدس موقع پر خالصتان کی تنظیم سکھس فار جسٹس ے ایک بڑا اعلان کرتے ہوئے کہا ہے کہ اگر بھارت نے پاکستان کے خلاف جنگ یا جارحیت کی کوئی کارروائی کی، تو پرو خالصتان سکھ پاکستان کے عوام کے ساتھ شانہ بشانہ کھڑے ہوں گے اور ان کے دفاع میں حصہ لیں گے۔

ویڈیوبیان میں کہا گیا کہ گرو نانک دیو جی کی سالگرہ کے موقع پر، جو سچائی اور انصاف کی علامت ہیں، ہم اعلان کرتے ہیں کہ بھارت کی جانب سے اگر پاکستان پر کوئی حملہ ہوتا ہے تو پرو خالصتان سکھ پاکستان کی خودمختاری اور اس کے عوام کے تحفظ کے لیے میدان میں اتریں گے۔ آج جب بھارتی وزیراعظم نریندر مودی "سندور ابھی نہیں لگا” جیسے جنگی نعرے لگارہے ہیں اور بھارتی فوجی قیادت بھی اسی لہجے میں بات کر رہی ہے، تو ہم دنیا کو یاد دلاتے ہیں کہ گرو نانک دیو جی کا پیغام ظلم کے سامنے خاموشی نہیں بلکہ بہادری اور انسانی وقار کے دفاع کا ہے۔

سکھس فار جسٹس نے اپنے بیان میں کہا کہ گرو نانک کے اصولوں سچ، انصاف اور مساوات کی روشنی میں ہم جنگ کی مخالفت کرتے ہیں، مظلوموں کا دفاع کریں گے، اور انصاف کے ذریعے امن کے قیام کے لیے پرعزم ہیں۔

امریکا کی جانب سے سعودی عرب کو جدید ترین لڑاکا طیارے ایف-35 فروخت کرنے پر غور کیا جا رہا ہے، جس کے تحت 48 جدید اسٹیلتھ طیارے سعودی فضائیہ کے بیڑے میں شامل کیے جا سکتے ہیں۔ یہ پیش رفت مشرقِ وسطیٰ میں طاقت کے توازن پر نمایاں اثر ڈال سکتی ہے۔

بین الاقوامی خبر ایجنسی کے مطابق، ذرائع نے انکشاف کیا ہے کہ سعودی عرب نے باضابطہ طور پر ایف-35 طیارے خریدنے کی درخواست کی تھی، جس کے بعد ٹرمپ انتظامیہ نے اس درخواست پر تفصیلی جائزہ شروع کر دیا ہے۔ یہ معاہدہ اربوں ڈالر مالیت کا ہو گا اور اس کے لیے امریکی کابینہ اور کانگریس کی حتمی منظوری درکار ہوگی۔ذرائع کے مطابق، اب تک پینٹاگون، وائٹ ہاؤس اور محکمۂ خارجہ کی جانب سے اس معاملے پر کوئی باضابطہ بیان سامنے نہیں آیا۔ تاہم، امریکی دفاعی حکام کے مطابق، پینٹاگون ابھی اس ممکنہ دفاعی فروخت کے تمام پہلوؤں کا جائزہ لے رہا ہے تاکہ یہ یقینی بنایا جا سکے کہ معاہدہ امریکی مفادات اور علاقائی سلامتی کے تقاضوں کے مطابق ہو۔

واضح رہے کہ سعودی عرب نے سال کے آغاز میں امریکی صدر ڈونلڈ ٹرمپ سے براہِ راست درخواست کی تھی کہ مملکت کو ایف-35 طیارے فراہم کیے جائیں۔ یہ طیارے امریکی دفاعی کمپنی لاک ہیڈ مارٹن (Lockheed Martin) کی تیار کردہ جدید ترین جنگی مشینیں ہیں، جو اپنی ریڈار سے پوشیدہ رہنے کی صلاحیت (Stealth Technology) اور اعلیٰ جنگی نظام کی بدولت دنیا بھر میں منفرد مقام رکھتی ہیں۔

دفاعی تجزیہ کاروں کا کہنا ہے کہ اگر یہ معاہدہ طے پاتا ہے تو سعودی عرب، مشرقِ وسطیٰ میں ایف-35 طیاروں کا مالک بننے والا پہلا عرب ملک بن جائے گا، جو خطے میں طاقت کے توازن پر گہرے اثرات مرتب کر سکتا ہے۔امریکی حکام کے مطابق، ابھی تک اس معاہدے پر کوئی حتمی فیصلہ نہیں ہوا اور مستقبل میں اس کے ممکنہ اثرات، اسرائیل کے ساتھ امریکی دفاعی تعلقات سمیت کئی پہلوؤں سے مشاورت جاری ہے۔

امریکی ریاست کینٹکی کے شہر لوئس ول میں یو پی ایس کا ایک کارگو طیارہ اُڑان بھرنے کے کچھ ہی دیر بعد خوفناک حادثے کا شکار ہوگیا، جس کے نتیجے میں تین عملے کے ارکان ہلاک ہوگئے جبکہ 11 زخمی ہو گئے۔ یہ افسوسناک واقعہ 4 نومبر 2025 کو لوئی ول ائیرپورٹ کے قریب پیش آیا،

کارگو طیارہ لوئی ول ایئرپورٹ سے اڑان بھرنے کے بعد گر کر تباہ ہوا، حادثے کے بعد متعدد عمارتوں میں آگ بھڑک اٹھی۔ گرنے والا طیارہ امریکی شہر ‘ہونولولو’ کے ڈینیئل کےانوئے انٹرنیشنل ائیرپورٹ کی جانب جارہا تھا۔ لوئی ول کے میئر کے مطابق حادثے کے وقت کارگو طیارے میں 2 لاکھ 80 ہزار گیلن ایندھن موجود تھا۔ میکڈونل ڈگلس MD-11 ماڈل کا یہ کارگو جہاز ٹیک آف کے فوراً بعد فنی خرابی کے باعث گر کر تباہ ہوگیا، جس سے طیارے میں شدید دھماکہ ہوا اور دیکھتے ہی دیکھتے پورا جہاز شعلوں کی لپیٹ میں آ گیا۔ دھماکے کے بعد ایئرپورٹ کے گرد و نواح میں گھنے سیاہ دھوئیں کے بادل چھا گئے، جس کے باعث رن وے کو فوری طور پر بند کر دیا گیا۔ایئرپورٹ حکام کے مطابق، ریسکیو ٹیمیں چند منٹوں میں جائے حادثہ پر پہنچ گئیں اور آگ بجھانے کا عمل کئی گھنٹے جاری رہا۔ آگ پر قابو پانے کے باوجود، طیارے کے ملبے سے تینوں عملے کے ارکان کی لاشیں برآمد کی گئیں۔ حکام نے ہلاک شدگان کے نام ظاہر نہیں کیے ہیں، تاہم یو پی ایس نے ایک بیان میں عملے کے نقصان پر گہرے دکھ اور افسوس کا اظہار کیا ہے۔

فیڈرل ایوی ایشن ایڈمنسٹریشن (FAA) اور نیشنل ٹرانسپورٹیشن سیفٹی بورڈ (NTSB) نے حادثے کی تحقیقات شروع کر دی ہیں۔ ابتدائی اطلاعات کے مطابق طیارہ روانگی کے چند منٹ بعد ہی کنٹرول ٹاور سے رابطہ کھو بیٹھا تھا۔ عینی شاہدین نے بتایا کہ طیارے کے انجن سے دھواں نکلتا دیکھا گیا ،ایوی ایشن ماہرین کے مطابق، میکڈونل ڈگلس MD-11 ماڈل طیاروں کے ساتھ ماضی میں بھی پرواز کے دوران توازن کے مسائل رپورٹ ہوئے ہیں، تاہم اصل وجوہات کا تعین تحقیقاتی رپورٹ مکمل ہونے کے بعد ہی ممکن ہوگا۔

مسلم امیدوار ظہران ممدانی نیویارک سٹی کے میئر منتخب ہوگئے، ظہران ممدانی کا مقابلہ نیویارک کے سابق گورنر اور آزاد امیدوار ‘اینڈریو کومو’ اور ری پبلکن حریف ‘کرٹس سلوا’ سے تھا۔

نیویارک میئر کے الیکشن میں نئی تاریخ رقم ہوگئی جہاں 1969 کے بعد میئر کے انتخابات میں سب سے زیادہ ٹرن آؤٹ ریکارڈ کیا گیا،دن بھر پولنگ اسٹیشنز پر شہریوں کی بڑی تعداد موجود رہی، 20 لاکھ سے زائد ووٹرز نے حق رائے دہی استعمال کیا، صدر ٹرمپ اور ایلون مسک کی جانب سے مخالفت کے باوجود مسلم امیدوار ظہران ممدانی نیویارک شہر کے میئر منتخب ہوئے،ٹرمپ کی جانب سے آزاد امیدوار اور نیویارک کےسابق گورنر اینڈریو کومو کی حمایت کی گئی تاہم انہیں شکست کا منہ دیکھنا پڑا۔

ظہران ممدانی 1991 میں یوگنڈا میں پیدا ہوئے، زہران ممدانی کے والدین کا تعلق بھارت سے ہے۔ ممدانی کی فلم ساز والدہ میرا نائر آسکر کے لیے نامزد کی جاچکی ہیں اور والد محمود ممدانی کولمبیا یونیورسٹی کے پروفیسر ہیں۔ زہران کی اہلیہ رما دواجی شامی آرٹسٹ ہیں،ممدانی کا ورکنگ کلاس ایجنڈا جیت گیا ہے، ممدانی کے وعدے سستی رہائش، مفت پبلک ٹرانسپورٹ، یونیورسل چائلڈ کیئر اور مڈل کلاس کے دیگر مسائل کے حل سے متعلق ہیں،ظہران ممدانی واضح کرچکے ہیں کہ وہ کامیاب ہونے پر گھروں اور دفاتر کے کرائے منجمد کردیں گے، شہر میں مفت ٹرانسپورٹ ہوگی اور چائلڈ کیئر کا دائرہ بڑھایا جائے گا۔ ظہران ممدانی نے عوامی رابطہ مہم کے ذریعے شہریوں کا ٹوٹا اعتماد بحال کیا،ظہران ممدانی فلسطینیوں کی حمایت میں کھل کربولنے کےحوالےسےمشہور ہیں۔ ظہران نے کہا تھا کہ عالمی عدالت انصاف کو مطلوب اسرائیلی وزیراعظم نیتن یاہو نیویارک آئے تو وہ انہیں گرفتار کرادیں گے۔

میئر نیویارک کا الیکشن جیت کر تاریخ رقم بننے والے پہلے مسلم ظہران ممدانی نے اپنے پہلے خطاب میں کہا کہ نیویارک کے الیکشن نے ثابت کر دیا کہ امید ابھی زندہ ہے، نیو یارک میں اب اسلامو فوبیا کی کوئی گنجائش نہیں ہے،آج خوف کی شکست اور امید کی جیت ہوئی ہے، نیو یارک میں مورثی سیاست کا خاتمہ کر دیا ہے، یہ شہر آپ کا ہے، جمہوریت بھی آپ کی ہے اور مستقبل ہمارے ہاتھ میں ہے،ظہران ممدانی نے نیویارک کی عوام کا شکریہ ادا کرتے ہوئے کہا کہ نیو یارک کے عوام نے تبدیلی کو ووٹ دیا ہے، ٹیکسی ڈرائیورز، نرسنگ ورکنگ کلاس کا شکریہ، یہ شہر آپ کا ہے، جمہوریت بھی آپ کی ہے، ہم لیڈر شپ کے نئے دور میں داخل ہو گئے ہیں، ایک ہزار سے زائد رضاکاروں کے مہم میں حصہ لینے پر شکرگزار ہوا، یہ سب آپ لوگوں کی وجہ سے ممکن ہوا،مجھے اپنا آپ ثابت کرنے کا موقع دینے کے لیے شکریہ، ہم آپ کے لیے لڑیں گے کیوں کہ ہم آپ میں سے ہیں، سکیورٹی اور انصاف سب کو فراہم کیا جائے گا، آپ سب کی جدوجہد ہماری جدوجہد ہے۔

ظہران ممدانی کا کہنا تھا نیویارک میں اسلامو فوبیا کی کوئی گنجائش نہیں ہے، میں ایک مسلمان اور ڈیموکریٹک سوشلسٹ ہوں، یکم جنوری 2026 سے ہم ایک ایسی شہری حکومت بنائیں گے جو سب کیلئے فائدے مند ہوگی، ڈونلڈ ٹرمپ مجھے پتا ہے آپ دیکھ رہے ہیں، ڈونلڈ ٹرمپ میں آپ کو 4 جملے کہوں گا، “Turn The Volume Up”۔ہم مزدوروں کے حقوق کے لیے یونینز کے ساتھ کھڑیں ہوں گے، نیویارک سٹی کو تارکین وطن نے مضبوط کیا ہے، بدعنوانی کے اس کلچر کا خاتمہ کریں گے جس میں ٹرمپ جیسے ارب پتی ٹیکس سے بچتے ہیں۔

بھارت کی ریاست گجرات میں خواتین کے گائناکالوجیکل معائنے کی ویڈیوز پورن ویب سائٹس پر اپ لوڈ ہونے کا معاملہ سامنے آیا ہے۔ تحقیقات میں یہ انکشاف ہوا ہے کہ یہ واقعہ کسی منظم سائبر حملے سے زیادہ ڈیجیٹل لاپرواہی کا نتیجہ تھا۔

فروری میں راجکوٹ کے پایال میٹرنٹی ہوم کی ویڈیوز انٹرنیٹ پر لیک ہوئیں، جن میں خواتین کو مختلف مراحل میں معائنے کے دوران دکھایا گیا تھا۔ یہ ویڈیوز نہ صرف پورن ویب سائٹس پر اپ لوڈ کی گئیں بلکہ ٹیلیگرام گروپس پر فروخت کے لیے بھی دستیاب تھیں۔اسپتال کے ڈاکٹر امیت اکبری نے میڈیا کو بتایا،”ہمیں معلوم نہیں کہ اسپتال کی ویڈیوز کیسے وائرل ہوئیں۔ بظاہر ہمارے سی سی ٹی وی سرور کو ہیک کیا گیا ہے۔ تاہم ہمیں ابھی اس کے پیچھے کے عوامل کا علم نہیں، ہم پولیس کو اطلاع دے رہے ہیں۔”

فروری میں ہی پولیس نے کچھ مشتبہ افراد کو گرفتار کیا تھا، مگر ویڈیوز جون تک مختلف آن لائن پلیٹ فارمز پر فروخت کے لیے موجود رہیں۔تحقیقات سے معلوم ہوا کہ پایال میٹرنٹی ہوم کا سی سی ٹی وی ڈیش بورڈ ملک کے ان 80 اداروں میں شامل تھا جن کے کیمرے ہیک کیے گئے تھے۔ متاثرہ اداروں میں دہلی، پونے، ممبئی، ناسک، سورت اور احمد آباد کے اسپتال، اسکول، فیکٹریاں، کارپوریٹ دفاتر، سنیما ہالز اور حتیٰ کہ گھروں کے سسٹمز بھی شامل تھے۔ہیکرز کو 2024 کے تقریباً پورے سال کا ریکارڈ حاصل تھا، جسے وہ مختلف غیرقانونی آن لائن پلیٹ فارمز پر بیچتے اور شیئر کرتے رہے۔

تحقیقات کے دوران سائبر ماہرین نے انکشاف کیا کہ زیادہ تر اداروں نے اپنے سی سی ٹی وی سسٹمز کے لیے ڈیفالٹ پاس ورڈ "admin123” ہی استعمال کیا ہوا تھا۔ ہیکرز نے brute force attack کے ذریعے ان کمزور پاس ورڈز تک آسانی سے رسائی حاصل کر لی۔سائبر سیکیورٹی ماہرین نے اس واقعے کو ڈیجیٹل نظم و ضبط کی سنگین کمی قرار دیتے ہوئے کہا کہ "اس طرح کے واقعات اس بات کا ثبوت ہیں کہ مضبوط پاس ورڈز اور دو مرحلوں پر مبنی لاگ اِن (Two-Factor Authentication) لازمی ہونے چاہئیں۔ اداروں کو خاص طور پر اس کا خیال رکھنا چاہیے کیونکہ یہ صرف ان کا نہیں بلکہ دوسروں کا حساس ڈیٹا بھی خطرے میں ڈال دیتا ہے۔”