Author: ممتاز حیدر

برلن: جرمن ایئر لائن کے پائلٹس یونین نے ایک سنگین انکشاف کیا ہے کہ وہ پروازوں کی زیادتی اور آپریشنل دباؤ کی وجہ سے دورانِ پرواز نیند لینے پر مجبور ہوتے ہیں۔ یہ انکشاف ایک تازہ ترین سروے میں سامنے آیا ہے جس نے فضائی سفر کے محفوظ ہونے پر کئی سوالات کھڑے کر دیے ہیں۔

غیر ملکی میڈیا کے مطابق 900 جرمن پائلٹس پر مشتمل اس سروے میں یہ بات سامنے آئی کہ تقریباً 93 فیصد پائلٹس نے اعتراف کیا ہے کہ وہ پرواز کے دوران سوتے ہیں۔ یہ اعتراف ایوی ایشن انڈسٹری میں ایک خطرناک حقیقت کی نشاندہی کرتا ہے، جو براہِ راست مسافروں کی حفاظت سے جڑی ہوئی ہے۔سروے کے نتائج کے مطابق ہر چار میں سے تین پائلٹس (74 فیصد) نے کہا کہ پرواز کے دوران نیند لینا ایک "معمول” ہے۔ پائلٹس نے واضح کیا کہ وہ یہ وقفے کسی حادثاتی یا غیر ارادی صورت میں نہیں لیتے بلکہ یہ جان بوجھ کر اور منصوبہ بندی کے ساتھ کیے جاتے ہیں۔اہم بات یہ ہے کہ پائلٹس لینڈنگ اور ٹیک آف جیسے نازک مراحل پر سونے سے اجتناب کرتے ہیں، جبکہ یہ وقفے صرف پرواز کے "کروز فیز” یعنی درمیان کے حصے میں لیے جاتے ہیں جب طیارہ ہموار بلندی پر پرواز کر رہا ہوتا ہے۔

پائلٹس یونین نے اس تشویشناک رجحان کی بنیادی وجہ سٹاف کی شدید کمی اور فلائٹ آپریشنز میں بڑھتا ہوا دباؤ قرار دیا ہے۔ ماہرین کے مطابق جب ایک ہی پائلٹ کو کئی پروازوں کی ذمہ داری سنبھالنی پڑتی ہے تو تھکن ناگزیر ہوتی ہے اور یہی تھکن پرواز کے دوران نیند لینے پر مجبور کرتی ہے۔ایوی ایشن ماہرین نے خبردار کیا ہے کہ اگرچہ کروز کے دوران پائلٹس کی نیند کسی حد تک تکنیکی طور پر قابلِ انتظام ہو سکتی ہے، لیکن اس رجحان کا پھیلنا مسافروں کی حفاظت پر براہِ راست اثر ڈال سکتا ہے۔ ماہرین کا کہنا ہے کہ ایئر لائنز کو فوری طور پر اسٹاف کی کمی دور کرنے اور پائلٹس کے لیے بہتر شیڈول ترتیب دینے کی ضرورت ہے تاکہ فضائی سفر مزید خطرناک نہ بنے۔

مدینہ منورہ کے رہائشی اور زائرین اس وقت حیران رہ گئے جب مسجد نبویﷺ کے آسمان پر شعلہ دکھائی دیا، سوشل میڈیا پر ویڈیو وائرل ہوگئی۔

مسجد نبویﷺ کے قریب رہائشیوں اور زائرین نے آسمان پر ایک زوردار دھماکے کے بعد میزائل نما چیز کے دکھائی دینے کی اطلاع دی، جس کی مختلف ویڈیوز بھی سوشل میڈیا پر وائرل ہوئیں.سوشل میڈیا پر وائرل ویڈیو کے مطابق جمعرات کی صبح طلوع آفتاب سے کچھ دیر قبل ایک زور دار دھماکے کی آواز سنائی دی جس کے ساتھ ہی آسمان پر میزائل دکھائی دیے.سوشل میڈیا پر اس واقعے کی ویڈیوز وائرل ہوئی تو یہ دعوے سامنے آنے لگے کہ یہ واقعہ مقامی وقت کے مطابق تقریباً صبح کے 5 بجکر 43 منٹ پر پیش آیا۔ ویڈیو میں دکھائی دینے والا میزائل یمن کی جانب سے اسرائیل پر داغا گیا تھا تاہم اسے سعودی حدود میں آنے پر سعودی عرب نے ناکارہ بنا دیا۔

اس حوالے سے سعودی حکام کی جانب سے کوئی باضابطہ اعلان نہیں کیا گیا۔ تاہم حرمین الشریفین سے متعلق اپ ڈیٹس دینے والے آفیشل پیج کی جانب سے عوام سے درخواست کی گئی ہے کہ قیاس آرائیوں سے گریز کیا جائے،سماجی رابطے کی ویب سائٹ ایکس پر جاری پیغام میں کہا گیا کہ ہم جمعرات کی صبح تقریباً 5 بجکر 43 منٹ پر مسجد نبویﷺ کے قریب پیش آنے والے واقعے سے آگاہ ہیں، جس کے دوران ایک زوردار دھماکے کی آواز سنی گئی اور کچھ مناظر بھی دکھائی دیے،اس میں مزید کہا گیا کہ ہم سب سے گزارش کرتے ہیں کہ قیاس آرائیوں سے گریز کریں اور سرکاری ذرائع سے تصدیق شدہ معلومات جاری ہونے کا انتظار کریں۔

مودی سرکار کی ناقص پالیسیوں کے باعث بھارتی برآمدی صنعت کی تباہی جاری ہے

مودی حکومت کے غیر سنجیدہ اقدامات نے بھارت کو معاشی بحران کی طرف دھکیل دیا،مودی سرکار کی ہٹ دھرمی اور امریکی ٹیرف سے بھارتی اہم صنعتیں مفلوج ہو کر رہ گئیں،بین الاقوامی میڈیا الجزیرہ کے مطابق ؛
"امریکا کی جانب سے 50 فیصد ٹیرف نے بھارت کی قالین صنعت کو مفلوج کر دیا ہے "بھدوہی کے قالین برآمد کنندگان کا کاروبار رک گیا ہے اور ایک ماہ میں کوئی کارگوامریکا نہیں گیا، بھارت میں قالین کے کاروبار سے منسلک افراد بدترین حالات کی وجہ سے شدید پریشانی کا شکار ہیں،بھارت میں قالین کی صنعت سے منسلک افراد نے الجزیرہ کو بتایا کہ "یہ میرے 50 سالہ کیریئر کا سب سے مشکل وقت ہے”اگر صورتحال بہتر نہ ہوئی تو صنعت زوال پذیر ہو جائے گی، ہمارا کاروبار مکمل طور پر امریکہ پر منحصر ہے اور کوئی دوسرا بازار نہیں ہے، قالین صنعت مکمل طور پر برآمدات پر منحصر ہے، گھریلو مارکیٹ بالکل محدود ہے، مذاکرات سے حل کی امید تھی، لیکن کوئی نتیجہ نہیں نکلا ، سخت امریکی ٹیرف نے صنعت کو تقریباً بند ہونے پر مجبور کر دیا ہے، ملازمین کے کام کا دورانیہ محدود کر دیا ،اگر صورتحال ایسی رہی تو ان کو فارغ کرنا پڑ سکتا ہے ، ترکیہ اور پاکستان کم ٹیکس کی وجہ سے امریکی منڈی میں بھارتی قالین کی جگہ لے رہے ہیں ،

خود انحصاری کے دعوؤں کے برعکس زمینی حقائق نےمودی حکومت کی گرواٹ کی قلعی کھول دی ،بھارت کی عالمی مارکیٹ میں تنہائی مودی سرکار کی ناکام اقتصادی پالیسیوں کا نتیجہ ہے