Author: ممتاز حیدر

توشہ خانہ ٹو کیس کی سماعت 8 ستمبر تک ملتوی کر دی گئی

کیس کی سماعت اسپیشل جج سینٹرل شاہ رخ ارجمند نے اڈیالہ جیل میں کی،سماعت کے دوران دوران استغاثہ کے دو گواہان کے بیانات قلمبند کرلئے گئے۔گواہان میں پرنسپل اپریزر کسٹمز ثناء سعید اور اے ڈی سی جی ہیڈ کوارٹر عبداللہ خان شامل ہیں،توشہ خانہ ٹو کیس میں مجموعی طور پر 13گواہان کی بیانات قلمبند11پر جرح مکمل کی جا چکی ہے۔

سماعت کے دوران بانی پی ٹی آئی،بشری بی بی کو جیل سے کمرہ عدالت پیش کیا گیا۔بانی پی ٹی آئی کے وکیل سلمان صفدر،ارشد تبریز،قوسین فیصل مفتی عدالت پیش ہوئے۔ایف آئی اے کی جانب سے اسپیشل پراسیکیوٹرز ذوالفقار نقوی،عمیر مجید ملک پیش ہوئے۔سماعت کے دوران بانی پی ٹی آئی کی دو بہنیں علیمہ خان،ڈاکٹر عظمی کمرہ عدالت میں موجود تھیں۔

وزیر مملکت برائے داخلہ طلال چوہدری نے کہا ہے کہ احتجاج کی آڑ میں سیاسی مقاصد حاصل کرنا اس پر حکومت کوئی نرمی اختیار نہیں کرے گی۔

قومی اسمبلی کے اجلاس میں اظہارِ خیال کرتے ہوئے طلال چوہدری نے کہا کہ بلوچستان سے تعلق رکھنے والے افراد پریس کلب کے باہر احتجاج کر رہے ہیں، اس وجہ سے پولی کلینک سے پریس کلب تک ایک سائیڈ پر سڑک کو بند کیا گیا ہے،احتجاج کرنے والوں کے ساتھ مذاکرات کرنا چاہتے ہیں لیکن وہ کسی سے بات کرنے کو تیار نہیں، مختلف طریقوں اور انسانی حقوق کے رہنماؤں کے ذریعے رابطہ کرنے کی کوشش کی ہے،معاملہ سیٹل نہ ہونے کی بڑی وجہ احتجاج کرنے والوں کے مطالبات ہیں، ان کے ایسے مطالبات ہیں جن کو حکومت پورا نہیں کرسکتی، کچھ معاملات عدالتوں میں بھی ہیں، لاپتہ افراد کمیشن اس پر کام کر رہا ہے، ہم بھی لاپتا افراد سے متعلق بات چیت کرنا چاہتے ہیں۔

سیالکوٹ: وفاقی تحقیقاتی ادارے (ایف آئی اے) نے غیرقانونی طریقے سے یورپ جانے کی کوشش کرنے والے 12 مسافروں کو گرفتار کرلیا۔

ڈائریکٹر ایف آئی اے کے مطابق ایف آئی اے امیگریشن سیل نے سیالکوٹ ایئرپورٹ پر کارروائی کرتے ہوئے ان افراد کو آف لوڈ کرکے حراست میں لیا۔ گرفتار مسافر یوگنڈا سے لیبیا اور پھر وہاں سے یورپ جانے کا منصوبہ بنا رہے تھے۔ابتدائی تفتیش میں انکشاف ہوا ہے کہ ملزمان کے پاسپورٹ پر یوگنڈا کے ویزے درج تھے اور وہ انسانی اسمگلنگ میں ملوث ایجنٹوں کے ساتھ رابطے میں تھے۔ گرفتار ہونے والے افراد کا تعلق گوجرانوالہ، حافظ آباد، سیالکوٹ اور شیخوپورہ سے ہے جبکہ اوکاڑہ اور پاکپتن کے رہائشی بھی شامل ہیں۔ایف آئی اے حکام کا کہنا ہے کہ ملزمان سے مزید تفتیش جاری ہے اور ان کے بیان کی روشنی میں ایجنٹوں کے خلاف بھی کارروائی عمل میں لائی جائے گی تاکہ غیرقانونی انسانی اسمگلنگ کے نیٹ ورک کو ختم کیا جا سکے۔

سپریم کورٹ نے خاتون ٹیچر کے تبادلے پر عدالتی فیصلے کیخلاف خیبرپختونخوا حکومت کی اپیل خارج کردی

سپریم کورٹ میں خاتون ٹیچر کے تبادلے پر عدالتی فیصلے کیخلاف صوبائی حکومت کی اپیل پر سماعت ہوئی، ایڈیشنل ایڈووکیٹ جنرل نے کہاکہ خاتون کا تبادلہ عوامی مفاد میں کیاگیا،جسٹس حسن اظہر رضوی نے استفسار کیا کہ خاتون ٹیچر کے تبادلے میں کیا عوامی مفاد تھا،خاتون ٹیچر کے تبادلے میں مفاد نظر آ رہا ہے،خاتون کا 50کلومیٹر دور تبادلہ کر دیا گیا، ایک سال تک خاتون 50کلومیٹر دور ڈیوٹی کیلئے جاتی رہی،ایک سال بعد خاتون کا قریبی سینٹر تبادلہ ہوا، خاتون کا قریبی سینٹر میں تبادلہ 15دن میں واپس لے لیاگیا،کیا یہ سب عوامی مفاد میں ہورہا ہے، جسٹس حسن اظہررضوی کی سربراہی میں 2رکنی بنچ نے اپیل مستردکرد ی