Author: ممتاز حیدر

ہوا زہر آلود، رپورٹ بالکل صاف، دہلی میں مودی حکومت کا نیا فراڈ بےنقاب ہو گیا

دہلی کی فضائی آلودگی پر قابو نہیں پایا جا سکا، مودی حکومت نے پانی کے چھڑکاؤ سے حقیقت چھپانے کی کوشش شروع کر دی،دی انڈین ایکسپریس کی رپورٹ کے مطابق "دہلی کے آنند وہار آلودگی مونیٹرنگ سٹیشن پر میونسپل کارپوریشن کے ٹینکرز دن رات پانی کا چھڑکاؤ کرنے میں مصروف ہے،30 میٹر رقبہ کے فضائی آلودگی مانیٹرنگ اسٹیشن میں درجنوں ٹرک پانی کا چھڑکاؤ کر رہے ہیں, سینسر کے اردگرد پانی چھڑک کر آلودگی کے اصل اعداد و شمار چھپانے کی کوشش کی جارہی ہے,عام آدمی پارٹی دہلی کے صدر سوربھ بھردواج نے ویڈیو جاری کر کے پانی چھڑکاؤ کے مناظر عوام کے سامنے رکھ دیے,

سماجی رابطے کی ویب سائٹ ایکس پر سوربھ بھردواج نے بیان دیا کہ؛”یہ مودی حکومت کا آلودگی کنٹرول نہیں بلکہ ڈیٹا مینجمنٹ کی مثال ہے” اعداد و شمار میں کمی دکھانے کے لئیے دہلی کے آلودگی مانیٹرنگ اسٹیشن پر پانی کا چھڑکاو جاری ہے , بی جے پی حکومت ہر معاملے میں بے ایمانی کرتی ہے، تو ان سے اور کیا توقع کی جا سکتی ہے؟, مودی حکومت آلودگی چھپانے کے لیے پانی اور پٹرول برباد کر رہی ہے!,

عام آدمی پارٹی کے سینیئر رہنما منیش سسوڈیا نے مودی حکومت کو اڑے ہاتھوں لیتے ہوئے کہا؛”ہوا کو آلودہ کریں، اعداد و شمار کو کم کریں، پانی سے سچائی چھپائیں یہی بی جے پی کا آلودگی کنٹرول ماڈل ہے”مرکزی آلودگی کنٹرول بورڈ کے ڈیٹا کے مطابق؛سہ پہر پانی چھڑکنے کی سرگرمی کم ہوتے ہی آلودگی کی شرح 54 فیصد سے بھی زیادہ بڑھ گئی،

دہلی کی آلودگی بڑھنے کے باوجود مودی حکومت کا جھوٹ اور فراڈ سے عوام کو بیوقوف بنانے کا سلسلہ جاری ہے

بھارت کے گودی میڈیا کا مکروہ چہرہ بے نقاب، خطہ میں عدم استحکام کی ایک اور سازش کا پردہ فاش ۔ وزارت اطلاعات ونشریات پاکستان نے بھارتی میڈیا کے ہتھکنڈوں کا پردہ چاک کر دیا۔

بھارت کے گودی میڈیا کا پاک سعودی دفاعی معاہدے سے متعلق من گھڑت بیانیہ کا پول کھل گیا ۔ بھارتی فرسٹ پوسٹ نے جھوٹا دعویٰ کیا کہ پاک سعودی فوجی معاہدہ کے تحت پاکستان 25 ہزار فوجی دستے سعودی عرب بھیجے گا۔ پاکستان سعودی عرب کو ایئر ڈیفنس اور راکٹ کمانڈ قائم کرنے میں تعاون بلکہ مختلف ہتھیاروں کے ساتھ شارٹ رینج میزائل سسٹم بھی فراہم کرے گا،فرسٹ پوسٹ میں یہ بھی جھوٹا دعویٰ کیا گیا کہ سعودی عرب چینی JF-17/J-10 خرید کر پاکستان میں 10 ارب ڈالر کی سرمایہ کاری اور افغان- بھارت امور میں سفارتی تعاون فراہم کرے گا،اس جھوٹے بیانیہ کے برعکس 17 ستمبر 2025 کو جاری کردہ پاک سعودی مشترکہ اعلامیہ کے مطابق کسی ایک ملک پر جارحیت کو دونوں ممالک پر جارحیت تصور کیا جائے گا۔ سعودی عرب یا پاکستان کی جانب سے دفاعی معاہدہ کی کوئی آپریشنل تفصیلات جاری نہیں کی گئیں۔ بین الاقوامی ذرائع ابلاغ نے بھی معاہدے سے متعلق فوجی تعیناتی یا اعداد و شمار کا کوئی ذکر نہیں کیا۔

پاکستان اور سعودی حکومتوں نے فوجی دستوں کی تعیناتی، تعداد، بریگیڈ یا کمانڈ اسٹرکچر کی کوئی تصدیق نہیں کی۔ 25 ہزار فوجیوں کا دعویٰ زیادہ تر بھارتی میڈیا اور غیر مصدقہ تبصروں سے پھیلایا گیا۔ بھارت کا گودی میڈیا مضحکہ خیز رپورٹنگ کی وجہ سے پہلے ہی اپنی ساکھ کھو چکا ہے۔ بھارتی میڈیا کا بے بنیاد پروپیگنڈا خطہ میں انتشار پھیلانے کی مذموم کوششوں میں سے ایک ہے۔

مودی حکومت بھارتی عوام کا پیسہ اپنے کرپٹ ساتھی اڈانی گروپ کو بانٹنے میں مصروف ، واشنگٹن پوسٹ نے مودی اور اڈانی گروپ کا گٹھ جوڑ بے نقاب کر دیا۔

مودی کا نام نہاد”شائننگ انڈیا” صرف اڈانی و امبانی کیلئے مختص ہے جبکہ عوام قرض، بیروزگاری اور مالی دباؤ کا شکار ہے۔ امریکی جریدے واشنگٹن پوسٹ کے مطابق بھارتی حکام نے مئی میں تقریباً 3.9 ارب ڈالر کی سرمایہ کاری اڈانی کمپنیوں کو منتقل کی۔ اڈانی گروپ کو 3.9 ارب ڈالر کی سرمایہ کاری لائف انشورنس کارپوریشن آف انڈیا سے منتقل کی گئی۔ وسیع کاروبار کے مالک گوتم اڈانی پر قرض تیزی سے بڑھ رہا تھا اور ادائیگیاں واجب الادا تھیں۔ اڈانی کی بندرگاہوں کی ذیلی کمپنی کو قرضوں کی تجدید کیلئے تقریباً585 ملین ڈالر کے بانڈ جاری کرنے کی ضرورت تھی۔ واشنگٹن پوسٹ کے مطابق مئی میں اڈانی گروپ نے اعلان کیا کہ پورا بانڈ صرف ایک سرمایہ کار (ایل آئی سی )نے خریدا ہے۔عوامی فنڈ کا غلط استعمال واضح مثال ہے کہ مودی کی حکومت میں اڈانی کا اثر و رسوخ کتنا گہرا ہے۔ اڈانی گروپ پر اعتماد کا اشارہ دے کر دیگر سرمایہ کاروں کی شرکت کی حوصلہ افزائی اصل مقصد تھا۔ کئی امریکی اور یورپی بینک جن سے اڈانی نے قرض لینے کی کوشش کی تھی وہ ہچکچا رہے تھے۔ واشنگٹن پوسٹ کے مطابق چند ماہ قبل امریکی محکمہ انصاف نے اڈانی پر اربوں ڈالر کےدھوکہ دہی کے منصوبے کا الزام لگایا تھا۔ استغاثہ کے مطابق اڈانی اور ساتھیوں نے ’’جھوٹے بیانات کی بنیاد پر‘‘ اربوں ڈالر اکٹھے کیے اور بھارتی حکام کو 250 ملین ڈالر سے زائد کی رشوتیں دیں۔ ہنڈن برگ ریسرچ فرم کی 2023 کی رپورٹ میں اڈانی گروپ پر شیئر مارکیٹ میں ہیرا پھیری اور مالی بے ضابطگیوں کا الزام لگا۔

مودی سرکار کا نام نہاد معاشی ماڈل صرف من پسند اشخاص تک محدود ہے جبکہ بھارتی عوام استحصال کا شکار ہیں۔ اڈانی گروپ کو عوامی وسائل لٹانا دراصل کرپشن کو سرکاری سطح پر جائز بنانا ہے۔