Author: ممتاز حیدر

پاکستان کے دفتر خارجہ نے بھارتی وزارت خارجہ کا بیان مسترد کردیا۔

پاکستان کے دفترخارجہ کے ترجمان نے کہا کہ بھارتی وزارت خارجہ کے غیر سنجیدہ اور حقائق مسخ کرنے والا بیان مسترد کرتا ہے، بھارتی وزارت خارجہ کا بیان حقائق کو توڑ مروڑ کر پیش کرنے کی عادت کا ایک اور ثبوت ہے، پاکستان طاقت کے استعمال یا اس کی دھمکی کے سخت خلاف ہے، بھارت ہر موقع پر جنگی جنون اور الزام تراشی کا سہارا لیتا ہے، پاکستان ذمہ دار ایٹمی ملک ہے، کمانڈ اینڈ کنٹرول کا مکمل سویلین نظام موجود ہے، پاکستان نے ہمیشہ تحمل اور نظم و ضبط کا مظاہرہ کیا ہے،پاکستان کی انسداد دہشت گردی کی کاوشیں دنیا بھر میں تسلیم شدہ ہیں، بھارتی وزارت خارجہ کے بے بنیاد الزامات غیر ذمہ دارانہ اور ثبوت سے عاری ہیں، بھارت کا تیسرے ممالک کو بلاوجہ شامل کرنے کا اقدام سفارتی کمزوری کی علامت ہے۔

ترجمان دفترخارجہ نے کہا کہ پاکستان ذمہ دار ملک کے طور پر اپنا کردار جاری رکھے گا، بھارت کی کسی بھی جارحیت کا فوری اور بھرپور جواب دیا جائے گا، کشیدگی کی ذمہ داری مکمل طور پر بھارتی قیادت پر عائد ہوگی۔

نئی دہلی: بھارت کی جانب سے نئی دہلی میں پاکستانی ہائی کمیشن کے سفارتکاروں کے خلاف ہراسانی کے واقعات میں اضافہ دیکھا جا رہا ہے۔ ذرائع کے مطابق بھارتی حکام نے چار پاکستانی سفارتکاروں کو اپنے کرایہ کی رہائش گاہیں خالی کرنے کے نوٹس جاری کر دیے ہیں، جو کہ نجی مکان مالکان کی جانب سے دئیے گئے ہیں۔

پاکستانی سفارتکار اپنی نجی رہائش گاہوں پر کرائے کے مکانوں میں مقیم ہیں اور ان کے مکان مالکان نے کانٹریکٹ کی مدت ختم ہونے سے قبل ہی انہیں نوٹس دے دیے ہیں۔ اس سے سفارتکاروں کی نقل و حرکت اور قیام پر براہ راست اثرات مرتب ہو رہے ہیں۔مزید اطلاعات کے مطابق، پاکستانی سفارتکاروں کی نگرانی سخت کر دی گئی ہے اور ان کے گھروں میں فراہم کی جانے والی بنیادی سہولیات جیسے گیس اور انٹرنیٹ سروسز بھی وقتاً فوقتاً معطل کی جا رہی ہیں۔ اس اقدام کو سفارتی امور میں رکاوٹ سمجھا جا رہا ہے۔

ذرائع نے بتایا ہے کہ نئی دہلی میں پاکستانی ہائی کمیشن کے کل 17 عملے کے ارکان کے بھارتی ویزوں کی توسیع بھی بھارتی وزارت خارجہ میں تاخیر کا شکار ہے۔ پاکستانی حکام نے تین سے پانچ ماہ قبل ویزوں کی تجدید کے لیے درخواستیں دی تھیں، لیکن بھارت کی طرف سے اس پر کوئی حتمی فیصلہ نہیں کیا گیا۔اس کے علاوہ، پاکستانی ہائی کمیشن کو پانی کی فراہمی بھی بند کر دی گئی ہے اور ڈیڑھ ماہ سے بھارتی اخبارات کی ترسیل بھی معطل ہے، جس سے ہائی کمیشن کی روزمرہ سرگرمیوں میں خلل پڑ رہا ہے۔ذرائع کا کہنا ہے کہ پاکستانی ہائی کمیشن نے ان تمام معاملات کی اطلاع اپنے وزارتِ خارجہ کو دے دی ہے تاکہ بھارت کی طرف سے بڑھتی ہوئی ہراسانی کے خلاف حکمت عملی تیار کی جا سکے۔

ممتاز بھارتی دفاعی تجزیہ کار پراوین ساہنی نے بھارتی ائیرچیف کے پاکستانی طیارے گرانے کا دعویٰ مشکوک قرار دیدیا۔

پراوین ساہنی نے کہا کہ بھارتی ائیرچیف نے اپنے دعوے کے حق میں کوئی ثبوت پیش نہیں کیا، جو دعویٰ بھارتی ائیرچیف نے تقریر میں کیا وہ ائیرفورس کی پریس ریلیز میں نہیں تھا۔پراوین ساہنی نے سوال اٹھایا کہ یہ کیسے ممکن ہے کہ بھارت ایف 16 طیارے کو فضا یا ہینگر میں نشانہ بنائے اور 3 ماہ تک دنیا کو پتا نہ چلے،بھارتی تجزیہ کار کا کہنا تھا کہ بھارتی ائیرچیف اب تک یہ نہیں بتاسکے کہ جو طیارے تباہ کیے وہ کون سے ہیں۔

خیال رہے کہ گزشتہ دنوں بھارتی ائیر چیف مارشل اے پی سنگھ نے بھارت کے لیے عالمی ہزیمت کا سبب بننے والی 4 روزہ جنگ میں پاکستان کے 5 لڑاکا طیاروں سمیت 6 طیارے تباہ کرنے کا دعویٰ کیا تھا۔بھارتی ائیرچیف نے دعویٰ کیا کہ بھارتی فضائیہ نے پاکستان کی ائیرفیلڈز کو نشانہ بنا کر وہاں کھڑے طیاروں کو تباہ کیا ہے
بھارتی ائیرچیف نے 3 ماہ بعد بھی بغیر کسی ثبوت کے یہ دعوے کر کے اپنی ائیرفورس کی پیشہ ورانہ اہلیت پر مزید سوالات کھڑے کردیے۔

دوسری جانب پاکستان نے 7 مئی کی فضائی جنگ کے فوراً بعد ہی رافیل سمیت بھارتی لڑاکا طیاروں کو مار گرانے کی تفصیلات تک سامنے رکھ دی تھیں جن کی تائید بھارتی میڈیا کی رپورٹس سے بھی ہوئی تھی۔اس کے علاوہ پاک فضائیہ نے بھارتی طیاروں کی کمیونیکیشن ہیک کرکے کاک پٹ میں ہوئی گفتگو تک سنا دی تھی۔

انسداد دہشت گردی عدالت نے سانحہ 9 مئی کے دو مقدمات کا فیصلہ سناتے ہوئے شاہ محمود قریشی کو بری کر دیا۔

لاہور کی دہشت گردی عدالت نے نو مئی کے دو مقدمات کا فیصلہ سنادیا گیا،شاہ محمود قریشی کو دونوں مقدمات میں بری کردیا،اے ٹی سی جج نے کوٹ لکھپت جیل میں فیصلہ سنایاہے۔ محمود الرشید، یاسمین راشد، اعجاز چوہدری اور سرفراز چیمہ کو 10، 10 سال قید کی سزا سنا دی.عدالت نے عالیہ حمزہ اور صنم جاوید کو بھی 5 سال قید کی سزا سنا دی، انسداد دہشت گردی عدالت لاہور نے 9 مئی کے 2 کیسز راحت بیکری اور تھانہ شادمان جلاؤ گھیراؤ کیس کا فیصلہ سنادیا.

عائشہ بھٹہ کو جناح ہاؤس کے قریب گاڑیاں جلانے کے مقدمہ میں 10 سال قید کی سزا سنائی گئی جبکہ تھانہ شادمان کو آگ لگانے کے کیس میں 12 ملزمان کو بری کر دیا گیا،عدالت نے سہیل خان، اویس، رفیع الدین، فرید خان، سلمان احمد، عبدالقادر، فیضان، طیب، سلطان، شاہد بیگ، ماجد علی، بخت روان کو بری کرنے کا فیصلہ سنایا.

یاد رہے کہ چند روز قبل انسداد دہشت گردی عدالت نے عمر ایوب، شبلی فراز سمیت دیگر افراد کو بھی 9 مئی جلاؤ گھیراؤ کے مقدمات میں سزائیں سنائی تھیں،

سابق وزیراعظم ،بانی تحریک انصاف عمران خان کی رہائشگاہ بنی گالہ کی نیلامی کا اشتہار جاری کر دیا گیا.

اسسٹنٹ کمشنر سیکریٹریٹ اسلام آباد کی جانب سے اشتہار جاری کیا گیا ہے، جس میں کہا گیا ہے کہ نیلامی اراضی نیب ریفرنس نمبر 19/2023 مقدمه عنوان سرکار بنام عمران احمد خان نیازی وغیرہ 3 کلب روڈ اسلام آباد 248 کنال 8 مرلے و رقبہ 405 کنال 03 مرلے واقع موضع موہڑہ نور تحصیل و ضلع اسلام آباد ۔

بمقام یونین کونسل بہارہ کہو سملی ڈیم روڈ اسلام آباد مورخہ 2025-08-11 کودن 11:00am کو ہوگی ۔ لہذا ہر خاص و عام کو بذریعہ اخبار اشتہار مطلع کیا جاتا ہے کہ Evaluation Committee کی طرف سے منظور شدہ شرائط و ضوابط کے مطابق نیلامی میں حصہ لینے والے ہر خاص عام کو ٹوکن کے اجراء کے لئے 50 لاکھ روپے کا پے آرڈر چیئر مین نیب کے نام بتایا جائے ۔ اتھارٹی پہلے ہی 2025-05-30 اور 2025-08-07 کو اخبار اشتہار ہو چکا ہے اگر کوئی بھی فرد جوند کورہ نیلامی میں دلچسپی رکھتا ہے وہ مذکو رہ جائیداد کی سائٹ کا دورہ کر سکتا ہے۔ وہ

پٹواری حلقہ کے ٹیلی فون نمبر 1144862-0323 اور آفس نمبر 9261069-051 سے رابطہ کر سکتا ہے۔ اسسٹنٹ کمشنر سیکریٹریٹ ICT (کنونیئر اسلام آباد