Author: ممتاز حیدر

ایف آئی اے فیصل آباد زون کا انسانی اسمگلنگ میں ملوث بین الاقوامی گروہ کے خلاف کریک ڈاؤن جاری ہے

عمرہ کے بہانے خواتین کو سعودی عرب میں جبری بھیک مانگنے پر مجبور کرنے والا نیٹ ورک بے نقاب ہو گیا،ایف آئی اے کمپوزٹ سرکل فیصل آباد نے اشتہاری ملزم محمد شریف کو گرفتار کر لیا،گرفتار ملزم محمد شریف بین الاقوامی انسانی اسمگلنگ گینگ کا سرغنہ ہے،ملزم محمد شریف کو سعودی عرب سے فیصل آباد آمد پر ائرپورٹ سے گرفتار کیا گیا،ملزم کے خلاف انٹرپول کے ذریعے بلیو نوٹس بھی جاری کیا گیا تھا،اس سے قبل بھی گینگ کے ملزمان ظہور احمد اور محمد غفور گرفتار ہو چکے ہیں

ملزمان معصوم شہریوں کو مفت عمرہ اور ملازمت کے جھانسہ دے کر سعودی عرب اسمگل کرتے تھے،ملزمان متاثرہ خواتین کو سعودی عرب میں منظم بھیک مانگنے پر مجبور کرتے تھے،ملزمان کو گرفتار کر کے تفتیش کا آغاز کر دیا گیا

وزیرخزانہ محمد اورنگزیب آئی ایم ایف اورورلڈ بینک کے سالانہ اجلاسوں میں شرکت کے لیے امریکا روانہ ہوگئے۔

وزیرخزانہ ورلڈ بینک اور آئی ایم ایف کے پلینری اجلاسوں میں پاکستان کی نمائندگی کریں گے، وہ اپنے دورہ امریکا کے دوران آئی ایم ایف اور ورلڈ بینک کے اعلیٰ حکام سے ملاقاتیں کریں گے،وزیرخزانہ انٹرنیشنل فنانس کارپوریشن اورملٹی لیٹرل انویسٹمنٹ گارنٹی ایجنسی کے اعلیٰ حکام سے ملاقاتیں کریں گے، وزیر خزانہ کی عالمی بینک کے صدر اجے بنگا سے ملاقات ہوگی،وزیرخزانہ، اجے بنگاکی خصوصی دعوت پر ان کی جانب سے منتخب ممالک کے وزرائے خزانہ کو دیے گیے عشائیے میں شریک ہوں گے، وزیرخزانہ کی آئی ایم ایف کی منیجنگ ڈائریکٹر کرسٹلینا جارجیوا سے بھی ملاقات ہوگی،وزیرخزانہ ایف بی آر کی ڈیجیٹل ٹرانسفارمیشن کےحوالے سے عالمی بینک کے زیر اہتمام علاقائی راؤنڈ ٹیبل میں شرکت کریں گے، راؤنڈ ٹیبل میں ایف بی آر حکام کے علاوہ دیگر ممالک کے ٹیکس حکام بھی اپنی ٹیکس اصلاحات کو اجاگر کریں گے۔

وزیر خزانہ ورلڈ اکنامک فورم کے زیر اہتمام 2 اہم ایونٹس میں شریک ہوں گے، دورے کے دوران وزیر خزانہ چین، برطانیہ، سعودی عرب، ترکیہ اور آذربائیجان کے ہم منصب سے ملاقاتیں کریں گے،وزیر خزانہ محمد اورنگزیب کی وائٹ ہاؤس کے اعلیٰ حکام سے ملاقاتیں بھی شیڈول کا حصہ ہیں، ان کی کانگریس کی فنانشل سروسز کمیٹی کے چیئرمین سے بھی ملاقات ہوگی،وزیر خزانہ منتخب بین الاقوامی اور امریکی ذرائع ابلاغ کے نمائندوں کو بھی انٹرویوز دیں گے، وہ اپنے 6 دن کے دورے کے دوران 65 سے زائد ایونٹس، فورمز، تقریبات، نشستوں اور ملاقاتوں میں شریک ہوں گے۔

پاکستان نے عالمی سطح پر افغان مہاجرین کی پروقار وطن واپسی کی مثال قائم کر دی

حکومتِ پاکستان کی جانب سے افغان مہاجرین کی باعزت وطن واپسی کے لیے عملی اقدامات جاری ہیں،وفاقی و صوبائی حکومتوں کی ہم آہنگی سے افغان مہاجرین کی وطن واپسی ممکن بنائی جا رہی ہے،ایف سی اور سول انتظامیہ کی کاوشوں سے عمل شفاف اور مؤثر بنایا جا رہا ہے،45 سال پاکستان میں گزارنے والے افغان مہاجرین نے وطن واپسی پر اپنے جذبات کا خوبصورتی سے اظہار کیا،افغان مہاجر کا کہنا تھا کہ باوقار وطن واپسی پر حکومتِ پاکستان اور ایف سی کے کردار پر انتہائی مشکور ہیں،ہم کسی دباؤ کے بغیر اپنی مرضی سے وطن واپس جا رہے ہیں، خوراک اور سرحد تک سامان کی ترسیل میں حکومت اور ایف سی اہلکاروں نے بھرپور تعاون فراہم کیا، ہمیں ہماری خواہش کے مطابق تمام سہولیات فراہم کی جا رہی ہیں،پاکستان میں بہت اپنائیت ملی، ہمیں کبھی مہاجر نہیں سمجھا گیا، پاکستان اور اداروں نے وطن واپسی کو عزت دار اور منظم انداز میں ممکن بنایا،بلوچستان میں 40 سال گزارنے کے بعد بہترین یادوں کے ساتھ وطن لوٹ رہے ہیں،

حکومت ہر حد تک افغان مہاجرین کی سرحد تک رہنمائی، خوراک، اور ضروری سامان کی فراہمی کو یقینی بنا رہی ہے

پاکستان میں پہلی مرتبہ مقامی خاتون کے عطیہ کردہ قارنیہ کی کامیاب پیوند کاری، بصارت کی بحالی کا تاریخی سنگِ میل،پاک فوج کے ماہر سرجنز نے پاکستان میں پہلی بار مقامی خاتون کے عطیہ کردہ قارنیہ کی کامیاب پیوند کاری کر کے تاریخ رقم کر دی

آرمڈ فورسز انسٹی ٹیوٹ آف اوفتھامولوجی (AFIO)نے فوجی آپریشن میں بینائی سے محروم ہونے والےدو سپاہیوں کی بصارت بحال کر کے ایک اور تاریخی سنگ میل طے کرلیا،میجر جنرل (ر) سید ظفر مہدی عسکری کی مرحوم اہلیہ کی وصیت پر قارنیہ اے ایف آئی او کو عطیہ کیا گیا،30 سالہ سپاہی علی اللہ اور 26 سالہ سپاہی فلک شیر کی آنکھوں میں قارنیہ کی کامیاب پیوند کاری کی گئی،دونوں سپاہی اپنے فرائض کی انجام دہی کے دوران دہشتگردوں کے خلاف آپریشن میں اپنی بصارت سے محروم ہوئے تھے، اے ایف آئی او کے ماہرسرجنز کا پیشہ ورانہ کردار قابل تحسین ہے،اس تاریخی موقع پر مرحومہ کی بیٹی زہر ا مہدی نے والدہ کی قربانی پر فخر کا اظہار کیا،زہرا مہدی کا کہنا تھا کہ سب سے بڑا اعزاز یہ ہے کہ والدہ کی آنکھیں دو بہادر فوجیوں کو عطیہ کی گئیں،والدہ کے عطیہ کردہ قارنیہ سے سپاہیوں کی زندگی میں روشنی لوٹ آئی جو کہ صدقۂ جاریہ ہے، اے ایف آئی او کی جدید سرجری سے بصارت کی بحالی کا تاریخی کارنامہ قابلِ تحسین ہے

تحریک لبیک کی جانب سے دی گئی احتجاجی کال کے باعث جڑواں شہروں اسلام آباد اور راولپنڈی میں زندگی دوسرے روز بھی بری طرح متاثر رہی۔ سڑکوں کی بندش، تجارتی مراکز کی بندش اور انٹرنیٹ سروس کی معطلی سے شہریوں کو شدید مشکلات کا سامنا ہے۔

لیاقت باغ . مری روڈ بند ہے، موٹروے کالا شاہ کاکو سے بندہے، جی ٹی روڈ (مریدکے کے قریب اسلام آباد کی سمت)بند ہے، موٹروے – فتح جنگ انٹرچینج سے اسلام آباد کی جانب بندہے، اڈیالہ روڈ فلائی اووربند ہے، پشاور روڈ، سرینا چوک، ساون پل ہے،اورنج لائن میٹرو ٹرین بند،لاہور سے اسلام آباد موٹر وے ہر قسم کی ٹریفک کے لیئے بندہے، بابو صابو اور ٹھوکر نیاز بیگ سے موٹر وے پر داخلہ بندہے، جی ٹی روڈ پر بھی جگہ جگہ رکاوٹیں ہیں، جڑواں شہروں کے بعض علاقوں میں موبائل ڈیٹا سروس تاحال معطل ہے۔ شہری غیر ضروری سفر سے گریز کریں اور صرف ضرورت کے تحت باہر نکلیں۔ شناختی دستاویزات اپنے ساتھ رکھیں۔ سیاسی، انتظامی یا حساس علاقوں سے فاصلہ رکھیں۔ ٹریفک پولیس اور ضلعی انتظامیہ کی ہدایات پر عمل کریں تاکہ کسی ناخوشگوار صورتحال سے بچا جا سکے۔غیر یقینی حالات میں پرسکون رہیں، افواہوں پر یقین نہ کریں، اور تازہ ترین اپ ڈیٹس کے لیے مستند ذرائع یا مقامی انتظامیہ کی معلومات پر انحصار کریں

راولپنڈی ایکسپریس وے، فیض آباد انٹرچینج، آئی جے پی روڈ، کھنہ پل، کری روڈ اور ڈھوک کالا خان کے راستے مکمل طور پر بند ہیں۔ اسی طرح وارث خان، کمیٹی چوک، سکستھ روڈ، شمس آباد، ایران روڈ، راول روڈ، شاہین چوک، صدر اور پرانے ایئرپورٹ سے آنے والے تمام راستے بھی سیل کر دیے گئے ہیں۔انتظامیہ نے شہر میں ہیوی ٹریفک کے داخلے پر مکمل پابندی عائد کر رکھی ہے جبکہ ایئرپورٹ جانے والے راستوں پر بھی کنٹینر لگا کر سیل کر دیا گیا ہے۔ اس اقدام کے باعث درجنوں پروازیں تاخیر کا شکار ہیں اور مسافروں کو ایئرپورٹ پہنچنے میں سخت دشواری پیش آ رہی ہے۔

دوسری جانب جڑواں شہروں میں انٹرنیٹ سروس دوسرے روز بھی معطل ہے جس سے آن لائن کاروبار، تعلیمی سرگرمیاں اور رابطے بری طرح متاثر ہو رہے ہیں۔ سڑکوں کی بندش کے باعث سرکاری و نجی تعلیمی ادارے بند کر دیے گئے ہیں جبکہ طلباء و طالبات گھروں میں محصور ہیں۔ممکنہ احتجاج کے پیش نظر میٹرو بس سروس بھی معطل ہے، جس سے عوامی نقل و حرکت مزید محدود ہو گئی ہے۔ فیض آباد کے مقام پر پولیس کی بھاری نفری تعینات ہے جبکہ تمام ہوٹلوں کو بھی حفاظتی اقدامات کے تحت سیل کر دیا گیا ہے۔پولیس اور ضلعی انتظامیہ کا کہنا ہے کہ عوام کے جان و مال کے تحفظ کے لیے یہ اقدامات کیے گئے ہیں اور شہریوں سے اپیل کی گئی ہے کہ وہ غیر ضروری سفر سے گریز کریں۔

شہری حلقوں نے احتجاج کے نام پر شہر کی مکمل بندش کو عوامی مشکلات میں اضافہ قرار دیتے ہوئے حکومت اور مظاہرین سے افہام و تفہیم کے ذریعے مسئلے کے حل کا مطالبہ کیا ہے۔